地產論壇
登入名稱
密碼
頁數:
何需贏在起跑線
瀏覽人次:69722    回應:51
何需贏在起跑線
 
湯文亮博士
紀惠集團行政總裁
2014年5月27日

  過往,有很多人有大好機會買樓,而且有足夠準備,但遲遲不肯出手,他們所持的理由就是要等到樓價跌至最低點才會出手,美其名是贏在起跑線,亦有很多人接受這個理論,但如何設定這條根本不存在的起跑線,而每一個人的起跑線都各有不同,就算真的是贏在起跑線又如何,半途而廢,或者不支退出,始終是輸了賽事,結果都是輸。

  置業人士的起跑線應該是根據那人的準備與及能力而進行,如果某人打算置業,而且已經訂下了要買物業的要求,如果他心目中的物業出現,他便應該進行,這已經是贏在起跑線,若果他有足夠準備,而他心儀的單位亦出現,但他認為樓價有下調空間,故此遲遲不肯置業,他這樣做其實是移動起跑線,我不敢說那人的決定是錯誤,但是他若果可以移動起跑線,難保樓價到達他要求的時候,再一次移動起跑線,結果是很難起步,沒有起步,又如何能夠說贏在起跑線。

  我相信不會有很多人在樓市最低位的時候置業,因為當時市場上充斥負面消息,莫講話置業,唔將自己的物業賣走已屬難得,即是很少人會贏在起跑線,就算當時置業的人,在形勢上的確是贏在起跑線,但是那些人是否能夠堅持,直至現在仍然持有那些物業,我剛才說有人會半途而廢,就是那些贏在起跑線的人,眼見一些比他遲起步,即是比他稍遲才置業的人,都已經將所買入物業轉售,而且個個賺大錢,經常眉飛色舞地說樓市在他們出售物業之後會大跌,有不少人雖然贏在起跑線,但沒有信心繼續堅持,亦會將低價買入的物業高價出售,雖然是賺了大站 ,結果始終沒有到達終點。

  對於重新起步的人,起跑線更加是一個心理關卡,試問有幾多人在賣走他們的自住物業之後,以高於出售價回購,那些人的起跑線通常是低於以往售出他們物業的價錢,所以,很多人在出售他們自住的物業之後,再也不會置業,因為,他們已經失去了起跑線,唯有繼續租樓住,唯一解決辦法就是忘記過去,重新起步,因為,只有重新起步,才會有起跑線。

何需贏在起跑線
1. 亮劍
2014-05-27 08:51
我要再次重申,本人就各式持份者的建議如下:

得一間自住楼……打死都唔好走。
有兩叁間楼者……盡量唔好買賣。
多过三間楼者……如全部物業夾埋有正現金流者,可繼續持有,否則賣出最渣嗰件等執鸡。
一間屋都無者……如果家庭收入每月4万楼下,請等一等然後在年底抽居屋;如果你做緊租客而月入有4万以上的話,唔該想辦法上架平車。
想買多間投資……你係政府重點打擊對象,如睇好後市,請暫時買领匯頂档。
境外小业主……政府打横泥狂撳住个價,你呢一刻放貨咪俾人狂屈机?請唸3次:「香港呢度有3D,我現在沽貨,除非以後唔再來港入市,否則除精有笨!」
境外想置业人士……CY做咁多嘢,唯一真正受惠群體,起碼發展商新盤再冇溢價,如楼盤有提供税務優惠,請把握千載難逢的机会入市!
2. 亮劍
2014-05-27 09:05
以後發展商推那些3或4房单位,定必參考鲩鱼換楼方案,大家抽唔倒/唔喜歡  鲩鱼,唔該留意打後新盤換楼客付款安排!
3. 蜕變中嘅懒人
2014-05-27 09:31

亮劍兄,早晨

懒人報到,我係第三類接触嗰類人,接触到你提出嘅忠告,並且依照亮兄第二個指引,做住三等人先。

4. 睇得通
2014-05-27 09:43

不買樓的人經常都會有很多理由!!!

他們經常會說: 我們在等待良好的購買時機???

其實香港有二次大跌市: 1968年,2003年,能把握在大跌市中: 1968年,2003年,購置樓房的人都是幸運兒/成功者!!!

假如你能在2003年購置房產,而又能有眼光持有等待,你可以說是一位完美的理念者!!!

其實2004年至2009年間,你有五年的時間給你置業安居的???如果你現在還在說: 等待良機???那麼你就是一位自私和貪婪的小人物了,不知道你是否沽後等待良機回購了???

目前香港難以出現: 第三次大跌市: 1968年,2003年,……20??年……起跑線如何找???

買樓成功線: 當機立斷!!!
5. 70後
2014-05-27 09:58
亮劍兄,

想請教通常怎樣厘定"最渣嗰件"? 租金回報,租客質素,該區發展潛力最低,樓齡,維修支出最高 …那樣比較重要?
6. 珍惜香港
2014-05-27 10:51
珍惜香港

平日黃昏打後至有多啲時間寫嘢,所以留言都喺跑尾場。諗過先寫好,到第日博士出新文至 POST,但又唔鍾意咁唔貼題喎,所以就隨緣囉!不過今次都幾貼題嘅,咁就將尋日個尾場直抄過嚟啦:

53. 珍惜香港 2014-05-27 00:33:20
珍惜香港TO:6/F 亮劍

搵唔番邊個曾經話我大細超,成日話主宰命運喺人唔喺數字,但對於閣下同 PP法子嘅數字分析又冇乜點批評喎。諗落,又好似喺嘅!

其實我都唔想咁,只不過對於好多宏觀因果嘅體會,例如空置率需求泡沫、以及樓市長遠供不應求等等,都喺同你地嘅數字分析結果好吻合。所以,真喺冇嘢好批評。

所謂主宰命運嘅,喺人,唔喺數字,絕非否定數字嘅重要性。反之,數字嘅分析,喺好重要,準確嘅數字分析,對於一個人作出正確嘅選擇同決定,好關鍵。但喺人始終喺人,往往會因為一啲個人嘅立場同期望,對相同嘅數字結果亦會有唔同嘅演譯,呢啲可能就喺法子兄所指嘅哺乳腦。所以我地睇嘢,一定要好客觀;不過,原來客觀,都喺相對嘅!睇升嘅人,會認為睇跌嘅人唔客觀,喺哺乳腦;睇跌嘅人,又會認為睇升嘅人唔客觀,喺哺乳腦。咁邊個啱,邊個錯?呢啲嘢,真喺會拗唔完,除非等到個市場揭盅;但喺如果要拗到話幾十年後會點,咁豈不是等到頸都長?

依家嘅樓價,有人話太貴,有人話合理,亦有人話好抵。我嘅睇法,樓價,依家正喺處於合理水平;至於睇升定喺睇跌,我就好少評論。其實睇得多我寫嘢嘅人,都會感覺到我喺屬於樓市好友呢一類,只不過我唔想用樓價升呢個理由,去鼓勵人地買樓。我認為,如果真喺有需要同能力買樓或者換樓嘅話,就應該要衡量一下,自己仲可以等幾耐,而唔喺去斷估,個市究竟會升定喺會跌。今日,你仲有得揀,就好似隻鴕鳥咁等跌;他日,到你等無可等果陣,就真喺唔到你揀啦!

但喺,如果有預計唔到嘅災難降臨嘅話,咁點算呀?呢個時候,就真喺要好似小陽話齌,執生囉!到果陣,主宰命運嘅,喺人呢一句嘢,就喺時候發揮佢最大嘅作用啦!

呢度 HK 兄講咗好多未來嘅憂慮;其實,既然已經將自己人生最大嘅投資,放咗响呢個地方度,就要對呢個地方有信心。就睇香港呢粒土地供應有限嘅彈丸之地,既喺全中國最自由,又喺全球數一數二最安全嘅城市;冇錯,未來嘅條件,可能會變,但時代巨輪,喺只會向前,大勢,只能順,不能逆。細至個人,大至國家,最終都喺要面對現實嘅。

中國,喺唔可能走回頭路;香港,更加冇可能走回頭路!
7. 睇得通
2014-05-27 11:01

想請教通常怎樣厘定"最渣嗰件"?

就是自己最不喜歡的東西............

8. 亮劍
2014-05-27 11:20
想請教通常怎樣厘定"最渣嗰件"? 租金回報,租客質素,該區發展潛力最低,樓齡,維修支出最高 …那樣比較重要……
兄台所述已完滿解答你自己的問題啦,但我就同女友講過,我們一齐供呢間,会留下作纪念……哈哈!
9. 大寶二寶
2014-05-27 11:25
博士呢個題目令我諗起置业等於跑馬拉松:
- 有人中途退出(止賺止蝕), 有人休息一會再跑(上番車), 只有堅持到最後才會勝利。
- 頭果半粒鐘係最辛苦, 捱過左就愈跑愈順(供楼最初係辛苦D, 之後愈供愈輕鬆)。
- 揀啱天氣開步, 吾可以太熱太凍,濕度70% 左右(計啱數先上車)
- 初初跑10公里, 半碼再全碼(上車時細價樓再換大单位)
- 跑完一個馬拉松再準備下一個賽事(買完一間再儲錢買下一間)。
- 跑完香港賽事再跑其他國家賽事(去外國置业)。

共勉之, 哈哈!
10. Peter Paker
2014-05-27 11:26
依幾年,樓市升,但銀行投放在個人按揭借貸及物業投資建造業的借款卻下跌,這個趨勢一來反映買樓的個人買家實力厚左,唔須增加借貸都可以支持樓市上升。有實力,即代表有強大的抗逆力

此外,連建造業及發展商都減少借貸,當年要減債才會劈價賣樓。今天,冇借大兼有$,咪可以再坐一會,反正正苦冇地

從上述圖表看,樓市升,需求者及供應者都借少左,代表个市好健康

如一拼睇埋存款與貸款的數據,今天樓市比過去任何時候都更健康

11. Peter Paker
2014-05-27 11:28
存款 vs 貸款

12. 花生友
2014-05-27 11:36

坐定定睇下呢度好友三寶睇樓市準, 定係長實高層,誠哥同球哥準.

陸振球

筆者有朋友近日與長實高層飯局,閒聊之間,有關高層坦言,他們評估今年行家買入的地皮,有很大機會以蝕錢收場,相信這亦解釋了為何李嘉誠已長時間沒有在內地及香港買地,卻往往率先以低價開盤,甚至減價促銷貨尾。

李嘉誠在眾多發展商中,除香港地產外,參與內地及海外的行業和地域多元化程度,遠遠拋離同行,其擁有的全球信息和目光,更非常人能及。筆者相信其所作的任何部署,包括早人一步的只賣樓,不買地,必有其深意所在。

其實,作為香港人,也應盡量吸收資訊,將視野擴闊,不要以為買「磚頭」只要簡單的看本地情況便可。《明報》下周四(5月29日)的財經沙龍,便請來大型機構投資者景順投資管理首席投資總監陳柏鉅,與大家近距離分析「環球經濟與投資攻略」,不容錯過。

13. 珍惜香港
2014-05-27 11:36
珍惜香港續 6/F

起跑線唔喺決定一切,起跑之後,你走嘅每一步,都可以改變你將來嘅命運。

所以點解我唔想用樓價升呢個理由,去鼓勵人地買樓。我會話,你今日買得樓嘅,就預咗將來會跌,如果你唔喺咁諗,我就勸你千祈唔好買樓,索性做個長期租客算吧啦!

一個咁執著於起跑線嘅人,為咗一個 GOOD 嘅起跑線,會好似隻鴕鳥咁等;就算俾你起到跑,他日,好似博士咁話,為咗一啲輸贏嘅投機心態,就隨時會半途而廢。重訂一個起跑線,又再等過,輸咗時間,輸咗機會,到頭來,就只會好似項羽咁,嘆一句,時不與我矣
14. HK
2014-05-27 11:40

李嘉誠的司機給李嘉誠開車開了30多年,准備離職離去,李嘉誠看他兢兢業業干了這麼多年,為了能讓他安度晚年,拿了200萬支票給他,司機說不用了,一兩千萬還是拿的出來的。

李嘉誠很詫異,問:你每個月只有兩萬收入,怎麼能存下這麼多?...

司機回答說:我在開車時候,您在後面打電話的時候說買哪個地方的地皮,我也會去買一點,您說要買哪支股票的時候,我也會去買買一點股票,到現在有一兩千萬的資產!

這說明你是誰不重要,你和什麼樣的人在一起才是最重要的

跟著百萬賺十萬,跟著千萬賺百萬,跟著億萬賺千萬。一根稻草不值錢,綁在白菜上,就是白菜的價錢,綁在大閘蟹上就是大閘蟹的價格。 

That 's why i love reading this website and comments
 

15. Sure win
2014-05-27 11:52
I am sure shing gor will win the game. It is now waiting the stok market to rocket up then everything game over
16. 亮劍
2014-05-27 11:56

TO 花生友

 

亮劍 2014-05-02舊文章重貼

 

現在各地產商點喺香港玩地產:-

長和系-----拒哋應該估計於 2017 - 2019 年應爆煲,但在此之前應有井噴出現,咁他們的做法,應該係唔好入嗰啲要攪幾年才賣得嘅地皮;扣實快將落成嘅樓盤睇位賣;將其他到價嘅資產陸續沽出或分拆。如果我估計冇錯的話,小超會於臨爆前嗰段井噴期,就大手出售下樓宇,然後順手來个世紀大供股籌,補充彈藥以便在災後執平貨。

新地系-----拒哋應該估計後市應該反覆喺呢啲位上落,所以他們會扙著其名牌效應可賣高啲關係,將手上有嘅存貨順勢攞出來賣,然後再襯政府賤賣土地期,來個低吸平倉。

信和系------拒哋應該估計後市不能大升,所以再無勇往直前呢支歌仔唱。

九倉系-----拒哋應該估計後市應該會跌少少,因此拒哋在攞倒預售樓花同意書之後,就快速推售單位,玩火中取栗。

四叔、彤叔-----拒哋盡量唔得失你政府,所以邊個做特首都唔驚,照行照做、照辦煮碗。

太古系------有大把優質收租物业打底,專攪奢侈樓,每月一兩間咁出,唔嗲唔吊都得。

其他中小型發展商-----每間最多都係幾百個單位,輸唔死人!

 

5 27日後記:

那些以 4,XXX AV樓上入新界地嘅發展商,例如鯇魚側嗰幅,好可能虧本收場!

大陸發展商呢次就當交學費啦!

17. 70後小弟
2014-05-27 12:17
仲有差不多一個月便佔中,反對派傳媒已宣傳多年,最近更加大力度推廣,特別是年輕人最常用的媒體更是貼滿革命廣告

小弟的facebook已被大量軟硬佔中廣告佔領,7,80後同輩朋友多年來一日一蘋果,浸泡在反社會洗腦訊息,很多已經變成不事生產的小紅衛兵,三十幾歳人,一事無成,終日怨天怨地怨社會,其破壞力不容忽視

如果香港比佔中搞到一鑊泡,好似泰國咁,中央為維穩被迫落防火牆,經濟受影響,股樓大瀉也不是不可能的事,一旦發生,那是入貨時候嗎?


18. 小陽
2014-05-27 13:01
張建宗:香港青年失業率8.9%,創6年來新低
  • 2014-05-26 14:37
  • 時報資訊
  • 【時報-外電報導】
香港勞工及福利局局長張建宗今日上午表示,受惠於內需消費及旅遊業暢旺,香港勞動市場整體氣氛不錯,最新調查的失業率維持在3.1%,為16年來的低水準,而15~19歲青年人的失業率,則創下6年新低的8.9%。

張建宗表示,今年整體待遇狀況較往年高,青少年入息有所改善,將多開設職位給副學位畢業生,並加強青少年就業。

 
twitter
19. 打蛇先打頭
2014-05-27 13:09
如果香港比佔中搞到一鑊泡,好似泰國咁,中央為維穩被迫落防火牆,經濟受影響,股樓大瀉也不是不可能的事,一旦發生,那是入貨時候嗎?........
打蛇先打頭/或欄腰一棍..........
香港警察有可以學習美國警察的清理金融區行動,快速處理好合佔領中環行動,原因香港有201萬位聯名業主大多數不會支持參與倒香港米活動...........
 
20. 當機立斷
2014-05-27 13:18

如果香港比佔中搞到一鑊泡,好似泰國咁,中央為維穩被迫落防火牆,經濟受影響,股樓大瀉也不是不可能的事,一旦發生,那是入貨時候嗎?........

打蛇先打頭/或欄腰一棍..........

香港警察有可能學習美國警察的清理金融區行動,快速處理好佔領中環行動,原因香港有201萬位聯名業主大多數不會支持參與倒香港米活動.......社會震盪經常給有準備的人帶來希望和入市良機,問題是你是否能當機立斷作出決勝的決定!!!

頁數:
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

聲 明

所有議題/文章由其作者提供,大部份回應/留言是即時上載,少部份未註冊為會員的回應/留言會經我們的系統過濾,所有議題/文章/回應/ 留言/資訊及評論並不代表地產資訊網(Property.hk)立場和觀點。由於本【地產論壇】受到「即時上載留言」運作方式所規限,故不能完全監察 所有留言,若讀者及用戶發現有留言出現問題,歡迎以留言或電郵方式與我們聯絡(admin@property.hk),我們有權刪除/堵截任何留言 (刪除/堵截留言前不會作事先警告及通知), 如有任何爭議,本網站管理員擁有最終的詮釋權 。