地產博客 > 絲絲細語 返回
瀏覽人次:9388    回應:84
絲絲細語
摧毀球場
 
左丁山
2019年1月8日 (蘋果)

  土地供應專責小組向特首再提交報告,之後召開記者招待會,甚麼時候都唔揀,偏偏揀咗在12月31日大除夕下午見記者,都唔知係甚麼樣的公關策略。每年元旦,有三張報紙放假休息(信報、經濟日報、南華早報),其中兩份係財經新聞報紙,大除夕下午開記招,令呢啲報紙啼笑皆非,況且好多公司機構在大除夕午飯過後已經放工,人人去參加不同歡樂活動,邊會有心情嚟消化土地報告呢類硬新聞!

  唯一可信解釋就係老經驗傳媒人大編輯所講:「就係唔想你地知咁多、討論咁多,人人放假之時先至爆大新聞,分明就係想大事化小。」只是土地供應乃香港頭等大事,想化小並不可能,放假回來,大家就立即爭辯不休。最多人同意嘅係發展棕地,至於收回部份粉嶺高爾夫球場(8個洞,32公頃),填海及發展新界農地等就意見紛紜。根據中文大學嘅隨機抽樣民意調查(並非極度不科學嘅填點心紙調查),年紀大市民贊成近岸填海,年輕人/壯年人(18至39歲)反對近岸填海,年長人士及私樓住戶最反對收回高球場,可見得發展土地選項方面有階級性及年齡分歧。普遍而言,香港財富多集中於50歲以上市民及多集中於私樓居民,左丁山在本欄講過,收回高球場之深層本質係階級鬥爭,「眼紅症鬥爭」,並非純粹理性爭辯,現在睇吓民調,此觀察初步成立,用英文講就係"Have-nots vs Haves",總之你有你講,我有我講,無妥協可能。民主黨尹志堅就係着眼選票(「沒有者」的選票)而大力要求收回球場,可能在民主黨選票計算之中,啲「擁有者」人數較少,可以不理。工聯會麥美娟顯然持同一觀點,驚死執輸,同樣大力要求收回球場。呢個選票算盤是否打得響?未必喎,2016年人口統計,香港人口歲數中位數係接近44歲,最大年齡組別在50至59歲,呢個組別人士多主張發展新界農地,反對收回球場。中產富裕人士相信多是這班人,民主黨與工聯會同聲同氣採取嘅政策就是令這批人不滿。填點心紙民意顯示,主張收回球場之比例高達96%,應該是有心人發動嘅,殊不科學化。收回部份球場,摧毀球場之完整性,令香港國際金融中心/世界城市失去一件寶貴文化遺產及一級國際高球場,只有文盲政府先至會做。香港自毀長城,新加坡一定最高興,新加坡有21個高球場,聲言收回3個還有18個,最靚球場故意設置於CBD中心Marina Bay,價值連城,又唔見新加坡收回?下次林鄭見到李顯龍,李總理會唔會講聲多謝呢?香港自動放棄一項競爭力,新加坡最歡喜。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 魚蛋論 2019-01-08 12:12:00
收回哥爾夫球場,重點係要有錢佬冇波打,好閉翳,等佢哋響冷氣房由朝坐到晚,啲富貴病出晒嚟咁囉。

以後傾生意去麥當勞傾,食下食下,等佢哋一個二個變成滑嘟嘟咁樣。

雖然我係環保分子,但係最好斬晒哥爾夫球場啲老松樹啦,一棵都唔好留低,咁就公平啦。

至於第時響嗰度起咗樓,送俾我都唔住,去哥爾夫球場嗰條粉錦公路落一場雨整左半年都未搞惦大家知唔知?
2. 十一哥 2019-01-08 13:44:06
今次貴族波地令到班貴族失哂方寸、老師傅都亂哂何尺、亂咁作…以下呢句有冇根據 ?……最大年齡組別在50至59歲,呢個組別人士多主張發展新界農地,反對收回球場。中產富裕人士相信多是這班人……~這班人~有幾多人 ? 高球會員又幾多人 ? 自己意願唔好強加比人 !  

重點在高球會員並非土地~擁有者~應該係~特權利益佔受者~

做生意唔一定要用高球場、幼稚電影睇得多…以為大deal係咁煉成嘅、亦有好多電影劇情…古惑團伙習慣喺高球場埋堆做deal嘅…夠空曠人又冇…偷聽難裝囉!

攞新加坡嚟比較 ?  點解唔先學習人地嘅公營房屋成就 ? 要比較D貴族玩兒多少 ? 黎民等房屋…喺要嚟住 ! 有人就做貴族辯護士…怕失咗笪殖民遺風地 !

棕土…唔代表係荒廢地、好多係民生硬需嘅運作地、搬空都要再揾代替用地、咁玩法衹係上屋搬下屋…冇實質增加土地供應…衹係虛耗社會時間同資源。

點解咬定要摧毀 ? 咁大笪地…最易規劃、因應原有樹木建築而設計保留…優化、絕對可以轉成為將來社區嘅特色。

人生到某階段…如果都冇法…以口説心…一生白活  ! ! !
3. 望東樓 2019-01-08 14:22:12
二樓,你咪搞錯,香樹輝冇乜料,料通常都係佢身邊嘅人比佢嘅。係星加坡打高球?閣下最好朝早五點起身,細佬有一次係滘西洲南場都幾乎中暑。

全港總共有一百八十個球洞,收返個塊邊角位都只係收返五個巴仙,濕濕碎。更有趣係深水灣、石澳呢啲真正權貴地方嘅場反而唔係點心表,反而係粉嶺呢啲次權貴場先比人郁。
4. 香港 2019-01-08 15:15:59
收回丁屋才能真正解決問題.  丁屋制度極不公平. 收半個哥爾夫球場冇乜用. 應該增加非常非常高的收費. 私人哥爾夫球場稅. 因為就算開放比公眾. 個個打工仔要返工點會去打?
5. 望東樓 2019-01-08 20:04:41
未必一定要收回丁屋,比方批准丁屋得三層變成三十層。不過咁就天下大亂囉。
6. 引刀一快 2019-01-08 21:58:11
飛地去大灣區係最好最快嘅造地方法,冇人支持,終歸咪郁呢D場囉,到時去大灣區打都一樣啫。
7. 3Cents 2019-01-09 07:06:47
星加坡政府早在2014年已決定不續租並收回3個高爾夫球場,給每個球場7年時間過渡期。


所以收回8個洞和一個停車場已經是非常合邏輯的建議,不會對高球發展有太大影響之餘(不要忘記香港還有一個54洞的公眾球場),球場附近的配套非常適合在短時間內興建公屋/居屋/私樓,成本效益理想。


8. 自我陶醉 2019-01-09 09:20:34
收8個洞都幫唔到幾多,仲要放棄每年舉辦嘅國際賽,不如唔好收。

石澳個球場短到離奇,18洞得64桿,而用嘅人又少,收番嚟起豪宅好過。
9. Koichi Fuyumi 2019-01-09 09:23:19
填點心紙民意顯示,主張收回球場之比例高達96%,應該是有心人發動嘅”

為什麽支持保留球場的有心人不發動另一個活動去推低數字?數字可以輸但做人唔可以輸器量
10. To 8 2019-01-09 10:42:26
醉哥, 填好個島, 南面用黎放貨櫃, 荔景葵涌, 收番黎起公屋好過。
11. 自我陶醉 2019-01-09 11:39:55
回8樓

非常同意,嗰邊啲地仲好用,又近市區。

我覺得香港人愈來愈短視,我唔明點解咁多年青人反對填海,就算唔為自己諗,都應該為下一代想,只靠收地永遠都滿足唔到未來需求。

12. 引刀一快 2019-01-09 12:37:59
自我陶醉兄

個海填得嚟,海關都撤得喇,同阿爺攞地,想幾多有幾多,仲可以有廉價大陸勞工、建築材料,平靚快,根本唔使郁D球場、公園,仲可以帶動經濟,再諗遠D,復興香港工業都得,填海嘅錢,用嚟做呢D好過喇。
13. To 12 2019-01-09 13:04:34
快哥, 而家時興唔駛做有錢收, 你唔搵啲野俾本土人做土人只會更飯來張口, 無厘頭丟四千落乞兒兜都話伸手攞煩, 切鋼筋深夜出新聞發佈明顯係最高層趕睇完才可以出, 已經係最快, 都俾人鬧, 腸粉出黎講唔好意思, 咁以後第二朝囉, 唔好又嫌慢又抽秤隔夜係咪要造假喎。
14. 自我陶醉 2019-01-09 13:05:50
引刀兄

每次你講飛地,我腦中都有好多問號。

點樣確保所有同區居民都願意賣出或租出土地? 唔肯賣又如何處理? 留下的原居民又算是香港人嗎? 以後交香港稅定大陸稅? 消息一出,幾百萬人湧去嗰邊你係咪收哂? 我將要走的資金埋在地下,等轉移後換成港幣,情況點樣控制?

飛地係跟香港法定大陸法? 跟大陸法的話,即係唔屬於香港管轄範圍,同移返大陸有咩分別? 如果跟香港法點解可以唔經立法會通過,任請廉價勞工? 

15. 腥港人 2019-01-09 13:41:22
回14樓,法制上跟深圳灣果套就得,反正個基礎係香港租界。

反而圍住香港嘅福田、羅湖、南山都係市區,飛得去邊?向南飛去萬山群島的話,同起東大嶼又有幾大分別?

最後,石澳球場好似係真正私人地,同粉嶺場個玩法唔同。
16. 法制上跟深圳灣果套就得 2019-01-09 15:05:59
將所飛之地轉晒做郊野公園, 准許土葬, 與老美簽訂飛地關係法而成新獨立關稅區, 等等, 唔知得唔得? 
17. 告密者 2019-01-09 17:24:23
這件事應該不間單, 請看陳淑莊和陳百祥的辯論https://youtu.be/SBBy1s5W3Qc , 如果如她所講, 香港有两個球塲就可以收回一個作為建房用, 而且要等到租約完才收回, 等球塲使用者交回土地, 等城規改變土地用途, 等生地變熟地, 等賣地建樓最少要十四, 五年. 不如要求拿啓德的體育城來建樓? 她說批地做成不公平商業競爭, 為何不要求取消所有這類的批地, 只要求收球塲? 因不需要等收地, 生地變熟地, 只要等域規, 應該7, 8年就可以. 有沒有人想過為何? 她根本不是為市民往屋急! 犯民只是想殺鷄儆猴, 以后向那些以同樣方式拿到平地的機構要求捐獻就容易很多, 而且它們很有錢. 不捐錢的話, 你都知會發生甚麼事? 
18. 告密者 2019-01-09 17:37:51
現在犯民的老是水果報的創辦人, 他現在都缺水, 所以犯民才用這個理由去掠水. 真的為了窮人? 左丁山的意見我完全同意, 沒有這個球塲, 很多公司會把總部設在新加坡, 會有很多香港人失業, 特別是高薪的職位. 我以前的老就每個月去两次球塲, 如果沒有球塲, 他可能把公司搬走.
19. 告密者 2019-01-09 18:06:12
大家有沒有想清楚棕地的問題?政府曾試過想收回棕地, 但地主反對. 原因是棕地產生的現金流比農地多很多, 不應以農地的價被收回, 即要求以比農地價高的價錢被收回. 如果政府真的以高價收回, 大家想下有何事會發生? 請記著這個要求收回棕地的人是環保份子!
1) 如果個農地價, 當然無法收回土地
2) 如果以高價收, 全港的農地就會幾天內變成棕地, 做成生態災難, 原因是做破壞會有錢賺, 你會不做嗎? 你看得清那些環保份子的嘴臉嗎?
3) 棕地上的產業要搬去其它地方繼續生意, 就有機會破壞其它土地, 如果關門大吉, 那些工人就會失業. 有些產業根本是這個社會必需的, 一定要收回這些地, 是對環景及社會的破壞.
4) 政府直接收農地的費用會平很多, 為何要花費更多去收棕地? 而且還會對環景及社會做成破壞. 
現在你能否看清犯民及環保份子的嘴臉嗎?
如果你想到其它觀點, 歡迎發表
20. 自我陶醉 2019-01-09 19:42:55
17樓

雖然我都覺得粉嶺個球場有保留價值,但睇咗段片,完全唔覺得阿叻有points, 收咗8個洞就影響17萬從業員,更加係強詞奪理,亂吹一通。

大家唔好以為香港打高爾夫嘅人好少,一到旺季,去滘西洲打波嘅人其實多到不得了,基本上係一組跟一組唔會停,而且個個都好似趕住輪公廁咁急,完全失去打高爾夫應有嘅休閒感覺。

純粹從打波角度,滘西洲環境同球場質素,其實絕對唔比粉嶺差,但若然要休閒一點傾生意或聯絡感情的話,就唔係嗰回事了,因此,個人認為這球場有一定的商業價值,如果粉嶺收咗8個洞,使用率便會上升,可能連非繁忙時段,都變得繁忙,對休閒度有一定影響。

利申: 本人並非該球會會員,亦不是他們常客。


19樓

香港嘅不公平實在太多,丁權政策是其一,直頭係對其他土生土長嘅香港人不公平,點解冇人敢做嘢?  點解囤積住屋,影響民生嘅人,年年賺大錢,都要年年免差餉? 呢啲又關唔關犯民同環保份子事?

講到尾都係唔想得罪選民,政客自己嘅米飯班主,政治本來就是醜陋的,不管是什麼黨派。

21. 告密者 2019-01-09 21:15:06
自我陶醉兄, 多謝你的回應. 如果只看現在, 丁權是很不公平, 首先中国政府為了穩定香港的管治, 才提出50年不變, 也因此把丁權都得護而寫入基本法, 要改2047年后可以. 第二點是他們的祖先因英國人租借新界地而和英國人打. 用血換來這個權利, 這樣看會不會改變你的睇法?

你有無想過電視台為何請陳生去辯論, 這才可影得陳老姑婆講得有理, 如果他們請我的話, 而我又把事實說出來, 那不是壞了好事, 到時全港的人都知犯民的陰謀, 它想叫傷港電台都不能, 可能要改叫愛港之音.
22. 向飯民說不 2019-01-09 21:26:37
自嘴,唔好咁仇富,你眼光好也可以囤樓。免差餉當然應該免交差餉者。唔通退稅要把首富排除在外?
23. 告密者 2019-01-09 22:07:34
自我陶醉兄, 多謝你的回應. 如果只看現在, 丁權是很不公平, 首先中国政府為了穩定香港的管治, 才提出50年不變, 也因此把丁權都護而寫入基本法, 要改2047年后可以. 第二點是他們的祖先因英國人租借新界地而和英國人打. 用血換來這個權利, 這樣看會不會改變你的睇法?

我不反對你其它觀點, 只是看一件事不能只單一角度去看, 用不同角度才能看清事實. 

社會是很難達到公平, 公平和自由永遠是對立, 社會越自由, 貧富差距就越大, 要公平就要政府把一些人的權利拿走, 一些利益拿走再分給窮, 當然自由會少D.
24. 告密者 2019-01-09 22:14:41
向飯民說不兄, 無須對自我陶醉兄這麼直接, 我除了對政棍不客氣外, 在這個論譠討論的人都是朋友. 要多一點Sense of humour.
25. 望東樓 2019-01-09 22:24:12
簡單咁講一句,佢哋嘅公關就係垃圾。一直到唔注重,直到燒到埋身先至搞番啲門面嘢。無波打會搬公司走?搵唔到錢就比人搬走。真係保你大,唔好用啲咁智障嘅理由吖(就算可能係真嘅)。
26. 自我陶醉 2019-01-09 23:58:48
向飯,

你冇嘢叻,最叻就係扣人帽子。 有薪病假可唔可以病幾耐放幾耐冇上限? 有上限又係咪殘疾歧視? 點解有薪病假可以有上限,免差餉唔可以有上限? 講到尾係睇咩人控制咗議會同班政棍。

賺到錢要交稅好正常,買嚟搵錢唔係自住點解要免稅? 買樓要交多啲差餉就係仇富? 咁交稅唔同稅階唔同稅率又係咪仇富?  政府收稅用唔同稅階就係要將資源再分配,用嚟支援社會上有需要嘅人,有能力嘅人要俾多啲稅就係現代稅制原意,一面話唔鼓勵炒賣囤積,一面又用稅制去鼓勵囤積,到底係虛偽? 定係思覺失調? 哈哈哈!


27. 自我陶醉 2019-01-10 08:22:14
告密兄

所以我話呢,天下烏鴉一樣黑,全世界咩政府,咩政黨都一樣,金主話哂事,有良心嘅就交足啲戲,有幾多真係真心為人民服務? 有嘅都未必贏到有金主支持嘅勢力。最終都係一樣,誰大誰惡誰正確,有財有勢就有公平。

你對丁權嘅解說正正係我要講嘅重點,唔好以為我針對回歸後嘅港府,當年港英政府,明知丁權係無底深潭,一樣係受制於當時嘅新界地霸同政棍,對丁權問題一樣係束手無策。當特首前嘅好打得,夠話要清拆所有村屋僭建喇! 結果咪又係登記了事,不了了之! 之後仲要搵個僭建“專家”做律政司司長㖭,真係諷刺到極! 呢啲同犯民、環保又有何關係? 所以我話現時政府執行力有問題,唔止係犯民同環保人士嘅錯。

就算自稱民主如美國,全國面對槍擊問題,一樣要屈服於幕後金主同政棍。 

28. 向飯民說不 2019-01-10 08:47:52
自醉,有病去睇醫生,唔好為咗幾日有薪病假而繼續病。都唔知你嗡乜。唔通病人地買樓只係為咗免二季差餉?沒有人買樓收租你真係要瞓天橋底啊!你成日話樓市要大跌,買樓要跳樓,人家揾到,你又喊殺喊打。你不只仇富,仲輸打贏要。

你同引刀係唔係同一人啊?咁無腦,交稅是有封頂,16%一視同仁,不會因為你是首富而變成26%。你炒股賺錢使唔使交咁多稅啊?
29. 腥港人 2019-01-10 09:47:00
如果一間公司䦒喺香港,只為打波傾生意,咁執左佢就罷就,當深圳同新加坡都收高球場嘅時候,有人狗嗡有十七萬人從事高球業係何其荒謬。

私人場唔係唔可以存在,亦無人反對搬球場去舊堆填區喎,但粉嶺咁大塊熟地,平日無俾錢兼就嚟到期,當然郁佢先啦
30. 自我陶醉 2019-01-10 09:56:24
向飯,

你唔知我噏乜只係你嘅智力有問題, 交稅劃一上限16%又如何?咁搵1000萬交嘅稅,同搵500萬交稅金額係咪一樣先? 

有你啲咁不知所謂嘅人,先有咁不知所謂嘅政棍,有冇睇最近有公立醫院醫生發出嚟嘅信息? 佢叫香港人唔好老唔好病,如果政府將減免差餉嘅錢用去改善醫療,可以幫到幾多有需要嘅人? 

仲有,話你知,我投資嘅公司都係年年賺錢,年年交稅,交稅嘅錢,,都係在股東應得嘅盈利取出來,亦為社會製造大量就業。

31. 向飯民說不 2019-01-10 11:04:12
炒股所得無須交稅係因為公司已經交咗。打工仔用已經交過個人所得稅的薪水去買樓, 或者公司用已經交過公司稅的收入去買樓仲要交印花,各種乜七D, 地租差餉,租金稅,現在免二季差餉還被你鬧。有病嗎?
32. 告密者 2019-01-10 11:13:32
腥港人兄,公司是人去管,如果一個地方只有工作,另一個地方除了工作還有其它娛樂,你會去那裡工作。而且我只說把總部設在其它更好的地方,總部是有最多高薪職位,還有很多利益。是每個政府最想爭取的。
33. 告密者 2019-01-10 11:22:56
但粉嶺咁大塊熟地⋯⋯首先它不是熟地,它有支持幾萬人生活的來去水,電,道路等基建?這些要幾多年才建成?請多幾歩,不要用感性去想,請多用理性。


34. 告密者 2019-01-10 11:29:10
有人狗嗡有十七萬人從事高球業係何其荒謬⋯⋯你說他荒謬,請拿出證據,連陳老姑婆都只是有疑問而不敢直接否定。其實不要理陳生的話,他可能是支持收球場地,記住他只是戲子。
35. 自我陶醉 2019-01-10 12:35:08
向飯,

所以話你智力有問題呢!唔通打工仔交完稅,攞啲錢去買股票,間公司賺咗錢佢賺嗰份唔洗交利得稅?

36. 望東樓 2019-01-10 14:01:38
34樓,閣下收人錢入嚟做關公冇問題,但係都應該做返少少功課吖?質疑八個半(走石澳)哥爾夫球場竟然可以養十幾萬人係理所當然喎?點解要提出證據呢?
香港哥爾夫球會去年有116744人次使用。用佢哋三個半場推算全港八個半場係全年283521人次;HKGC果嶺費平均千五,滘西洲連船飛平均一千,我就用較平均千五咁計(當部分用埋球僮或球車):283521×1500=四億二千五百萬。用呢個全年總支出除十七萬係二千五百零一蚊。即係話理十幾萬人每人全年相關收入係2501。咁當然需要再加球桿、球衣、教練、會費(HKGC三千一個月)。就當你多一倍都係五千蚊一年。
當然其中十六萬九千係義工就啱數。十七萬人用一入一萬蚊最低工資全年要二百零四億。2017年12月全港公務員人數係170300。
37. 向泛民说不 2019-01-10 14:45:26
自醉,楼上的向饭不是本人,不过本人大体上认同他的看法。

阁下的确非常的仇富,和香港饭民一样,嘴里最反共,但是身体最亲共。

首先,利申,本人不打golf。但是对于饭民那种斗地主的方式打golf 球场主意,非常反感。饭民已经将不发展golf球场是一种罪的概念钉在政府身上,其实同十字邪教洗脑方式一样,不信神就是戴罪之身。不过本人也同样相信,如果政府话要收回golf 球场,饭民肯定会马上搬龙门反对。

其实发展golf只是其中一种方案,使唔使好像不做就是有罪啊。而且golf最多都系150几公顷可以用。但是政府填海工程可以提供2000公顷。边个先可以真正解决问题啊?

饭民用golf 球场和棕地问题不断的带政府游花园。根本就是不想政府解决土地问题。

其实自醉都话天下乌鸦一片黑,难道你相信继续强逼政府去打golf球场或者棕地可以解决问题吗?

填海才是可惜方案。当然一样会面对问题。但是一解决就可以提供2000公顷。其他政府要解决棕地,golf球场,解决一个最多释放几+公顷,10年,可以释放200公顷,已经非常不错。要做到2000公顷,可能要超过50年。
38. 向泛民说不 2019-01-10 14:59:48
高密者,当年英国人来的时候,港岛的原居民应该都是渔民。其实港岛是一个火山岩岛,所以根本就不适合居住,所以主要都是以捕鱼为主的渔民。所以渔民基本上没有和殖民者发生抢土地问题。但是一去到新界,当时马上和很多务农的农民冲突。当时英国鬼为了抢新界,也杀了几百个原居民。后来为了安抚原居民,就有丁屋政策。

可以说,以当时英国人的强势,都没有办法搞定丁屋,相信就是49年之后,政府也是会继续沿用。饭民现在当然大大声叫改革丁屋问题,但是当冲突发生的时候,饭民一定站在原居民那边插政府。饭民目的就是搞乱香港。他们只有American first。

39. 告密者 2019-01-10 15:47:34
望東樓兄,
閣下收人錢入嚟做關公冇問題⋯⋯
你有何証據話我收了錢?如果我的意見與你不同就是收錢,怎證明你無?我都說不要太理陳生的話,因他是戲子,你自己有獨立思想能力,其它人都有,他們可自行想清楚。
我只是發現很多人的思想都幾簡單,所以才發表自己的見解,希望理性討論可幫我們看清現實。
40. 告密者 2019-01-10 15:56:58
To:38/F,
飯兄,你的想法近平和我一致。我只發現傳媒肋眼反填海對香港長遠發展不利,當然對我這個有樓的業主可能有利。但我已不需要這些利益,也不想要。
利申:本人有幾個算位收租,無須收錢辦事。
41. 告密者 2019-01-10 15:58:15
飯兄,你的想法近平和我一致。我只發現傳媒和犯民反
42. 自我陶醉 2019-01-10 16:13:26
可見呢度有啲人幾無恥,怪唔得講嘢咁無sense。 向飯,勸你都係注册自己個名,唔洗被人盜用。
43. 告密者 2019-01-10 16:23:54
飯兄,多謝你在此發出理智的聲音,我都同意填海,雖然對我的樓價有影響,但只要到解決香港社會的問題,我晨願意的。
1)很多人講遠水不能救火,但如果政府填海,即那些新界的大地主可能預期未來20年政府都不向他們收地,當政府向他們牧地,還敢請演員哭着被滅村嗎?可能還會請美女在村外跳舞歡迎政府滅村,不是滅村,是發展。馬上就能收到地,也少了很多阻力。費用也可省下不少。窮人,特別是住在湯房就可以盡快上樓。
2) 會做成巨額債務,一部份填出來的地可以賣,應該能收回大部份成本。現在政府每年都有幾佰億元的營餘。我真的想不到怎會出現巨債。
3) 收棕地和golf球塲已夠用⋯這個說法非常可笑,首先她們的數據比政府多嗎?怎能下這個決定?
44. 向泛民说不 2019-01-10 16:25:26
自醉,网上就是这样啦,真真假假。不过他说的话,大体上我也同意。

只是本人强调,高球场本人最反感的饭民玩的斗地主,很有79年前大陆改革开放前的斗地主手法。

讲真棕地问题也只有用老毛的斗地主,才有可能解决,但是有谁有老毛那样的魄力。仲有这样极端的方式,很难得到支持。所以还是支持以前港英的大白像工程,一方面填海可以提供更多土地,另一方面提高经济效益。

要知道香港岛原本只是一个火山岛,根本不适合耕种和居住。但是在港英的大白像工程下,土地变成了黄金。
45. 告密者 2019-01-10 16:26:09
連上文
其次不是每一片棕地都適合發展。整體數字看似多,也不一定夠
46. 告密者 2019-01-10 16:35:05
如果有人反對填海,支持收棕地和收高爾夫球埸,我歡迎你向我挑戰,把你的觀點講給我知,我會盡力回應。
47. 腥港人 2019-01-10 16:58:39
回32-34樓

土供組建議即時收果幾十公頃係痴住祥龍圍邨(公屋),我想知點解你話無路可到,無水電可用咁神奇?

另外果一百幾公頃夠起個新市鎮,同荃灣一定咁大,講緊可以拉鐵路同公路入去,當然唔係一朝一夕搞掂。

但相對前期研究 、設計乜都未有嘅東大嶼,高球場剩餘部分可以節省填海同等沉降嘅時間,慳番買沙買泥頭嘅錢(粉嶺高球場唔係私人地,唔駛賠錢;反而石澳就係私人地)。即使唔可以即時起樓,中間時間亦可以放貨櫃屋俾人住住先
48. 望東樓 2019-01-10 17:29:31
39樓,如果十七萬你都自稱信到十足?只有兩個可能,一就係智障,但見你都寫到幾隻字。咁最有可能咪所水囉。喂你收水無問題,但你唔交功課喎?迷當呢度班友係朱至得架。
49. 告密者 2019-01-10 18:18:45
to 腥港人
多謝你理智的回應
現在的水電路只夠現在用, 將來多幾萬人, 不只水電, 排污, 還有道路, 那一個你夠膽現在話夠! 不要說現在的路不夠用, 就算要擴建, 如果在通往市區的任可一段路不能擴建而出現瓶頸你有能力解決嗎?不夠花時间去研究?況且收回土地也不是立刻, 還要過城規, 一定不是一收回就可建樓, 马上可住人. 建鐵路, 更是想得有点天真, 港鐵不会因一個站而拉鐵路過去, 就算做, 都是等往滿人才做. 至於幾十公傾土地, 不是全部可建房, 還要建公園, 醫院, 警局, 學校, 道路, 电站等, 不是可以給很多人往. 而且會損害香港競爭力, 給犯民掠水, 污染香港的政治環景, 最重要是你觀点無法反對填海.

50. 告密者 2019-01-10 18:30:11
望兄,
我從來無話我信17萬, 只要求說話要理性有理據. 我反對陳姑婆的意見不代表我同意陳生所講的一切, 至於你用非黑即白做邏輯去想我, 只因我的觀点不合你意, 就抹黑我收錢, 做法十足做水果日報, 我更有理由相信你才是收錢, 足證你才是智障或腦殘, 得罪哂.
51. 告密者 2019-01-10 18:36:21
多謝腥港人的回應, 你的見解非常有水準,  至於望東樓, 如果你的回應是以抹黑, 扣帽子的話, 我不會再回應你, 得罪哂.
52. 引刀一快 2019-01-10 18:57:40
哇哇哇,瞓咗一日,原來大龍鳳,稍等,加入先😜
53. 告密者 2019-01-10 19:32:13
腥港人, 望東樓,我的回應被消失了,我不會再發表一次,希望原諒。也不會在此發表任何意見。第一我沒有不禮貌。第二是全部是理性回應。如果我的見解不合本網站的立場,對不起!
54. 自我陶醉 2019-01-11 08:14:27
向飯,

我只係建議你註冊,做唔做都唔關我事,我只係廢事嘥氣同啲疑似影子人對話。 不過又奇怪,佢同你嘅用詞、想法、扣帽子作風都完全一樣,到底係你孖生兄弟,定係你自己精神分裂,定兩個都係分身,我一時都搞唔清,為免嘥我氣,你未註冊前,我都廢事嘥氣再同影子人對話。 

呢個網站嘅忠實讀者,都知我非常欣賞,非常尊敬 十X哥,更加佩服佢嘅投資智慧,請問你有錢得過佢冇? 冇的話就唔該慳啲,唔好再話我仇富,你呢啲成日以為自己好醒好有錢,其實只係馬雲口中嘅飛天豬,唔該搵個鏡照下先喇! 買嗰幾層樓收租,仲要係大部分靠借番嚟,隨時一半都未供到,就成日話自己富,你哋醜唔醜呀?  亞洲百大富豪,世界百大首富中,有冇一個係靠做收租佬發達㗎? 介紹一下俾大家識啊!仇富?有幾富呀? 哈哈哈!

55. 向泛民说不 2019-01-11 11:50:43
自醉,十X哥那些绝对不是什么眼光问题啦,最近估大陆,买英国,吾见得系好投资咯。香港人因为最近贸易战问题,就以为他撤资英明,但是其实如果英国的资产以汇率计算,已经亏了一大笔,还有他买的水单,也是中看不中用,在民主打过天地英国,投资utilities真系风险非常高。加上他是黄种人,要加水费,电费,随时比人闹黄祸。

他的发达,基本上就是官商勾结的结果。全香港的地产补地价发展项目,只有他有本事可以发展那么多。他不需要去投地,用较低成本就可以发展房屋。如果是发展到今天,补地价肯定高很多。他也不可能赚那么多。所以他才会撤资,因为已经没有特权。

讲到不地价,其实棕地也是补地价问题,以前政府愿意官商勾结,低价补地价,所以可以很快发展。今日单单补地价,就可以拖10年8载,跟住仲有不同的环保钉,古墓钉,发展几十公顷的土地,可以肯定以目前的效率,要发展1000公顷棕地,估计无100年都做唔到。

所以真正解决问题还是填海,其他的只是短暂的舒缓问题的方案。
56. 告密者 2019-01-11 14:44:24
改正41樓
向泛民说不兄,你的想法近平和我一致。我只發現傳媒和犯民反對的都是應該做他們支持的都是錯的
57. 自我陶醉 2019-01-11 15:15:14
現時嘅風真大,連豬都識評論雀仔嘅飛行姿態,真係有趣。 呢幾年唔投資英國,係咪等英鎊升穿2算先入市? 到時係咪有錢就買,唔理咩價都可以買? 明哂! 哈哈哈!

58. 向饭民说不 2019-01-12 09:03:57
自醉,唔好成日搬龙门,你搬出+x并不能说明你不仇富。你唔钟意特郎普,不过你非常爱你美爹,係唔係精神分裂啊?你的留言大都仇富而不自知。知不知道香港持货最多的大业主就是收租佬,所以你连免二季差饷都反对。不如你问下你偶像支不支持DSD, 支不支持免差饷?

你真係引刀的好兄弟,政府研究开发郊野公园时引刀话支持填海,现在政府要填海引刀又反对,支持什么飞地,估计政府有一天真的飞地,引刀同样的反对,你地有沒有病啊?
59. 自我陶醉 2019-01-12 10:30:19
果然係隻無恥嘅豬。下次唔該報數,你係一號豬定二號豬!  我呢世人從冇諗過要移民美國,你呢? 你話邊個愛你美爹多啲?

同一句廢話,講一百次都依然係廢話,唔會變真㗎,傻豬! 就算我仇富,都有排未輪到你喇! 其實我愁你啲風停多啲啊! 我驚一時間太多豬從天而降,我食唔切咋! 上星期都話股市會升喇,你就偏要買樓,人升千幾點佢仲要跌,真係唔爭氣。祝你飛行愉快,一路平安啊! 哈哈哈!

60. 向饭民说不 2019-01-12 10:44:05
自嘴,你生活在香港,却成日黒香港,同引刀生活在大陆而成日黑大陆一样,真是一对精神分裂好兄弟。
61. 向泛民说不 2019-01-12 14:28:27
58和60不是本人。不过本人认同他的看法。
讲开+×哥,他的崛起其实就是汇丰将和记卖比长实,记住当年汇丰是行政会的当然议员。他可以知道第一手政府发展资料。在官商勾结下。养肥了和记,同时可以低价补地价发展黄埔等。最终变成首富。
某种意义,他根本就是汇丰的白手套。还有汇丰投资全世界,但是主要盈利还是来自香港。他返祖家发展之后,祖家的盈利还是很差。所以啊,+×估香港买欧洲,不见得是好投资。
自醉崇拜+×,不如说崇拜官商勾结罢了。
62. 自我陶醉 2019-01-12 16:39:21
一睇就知31樓同58樓係同一個白痴喇! Sort到問我知不知道香港持货最多的大业主就是收租佬

唔係收租佬,唔通買幾千間屋自住咩?  哈哈哈!

63. 引刀一快 2019-01-13 15:31:36
向飯係有嚴重心理病嘅,我地幾時黑過大陸,成日以為重複又重複屈人就可以達到目的。
64. morgan 2019-01-13 15:54:14
粉嶺高爾夫球場必須收回建屋
來源:香港網
粉嶺高爾夫球場佔地170公頃,面積相當於居住了約 50萬人的荃灣。政府只象徵式的收1,000元地價,只有2,660個會員,二百萬香港人居於劏房,此乃官商勾結的最好例子,要知道粉嶺高爾夫球場的土地是香港的土地,是香港人的土地,不是權貴的私產。百分之九十的香港市名認為粉嶺高爾夫球場應收回建屋,此乃一顆巨型炸彈,是為2千權貴娛樂,還是為2百萬香港市名解決居住問題? 香港是香港人香港,不是權貴的香港。
2018年7月19日一對新婚夫婦租住深水埗唐3樓一個劏房單位,因住屋問題鬧不和,丈夫在劏房內以床單上吊自殺亡。

2018年9月7日90後情侶元朗崇山新村鐵皮屋內用繩索自縊亡,女死者為大學生。

2018年9月8日 25歲男仔在油麻地佐敦道19至21號一劏房單位內燒炭亡。

2018年10月8日深水埗大南街216號劏房男殺人燒屋跳樓亡。


2018年12月17日中年保安大埔劏房烧炭寻死, 妻子揭发救一命。

2018年11月14日以網吧為家的打兩份工的好爸爸在元州街152號網吧桌上死亡。該好爸爸無家可歸,為省下租劏房的錢,四年以網吧為家,每月1400元夜晚在網吧度宿。

一個人咁樣生活,是香港低下階層悲慘生活的寫照,香港還有很多劏房租不起,網吧度宿也租不起,睡在快餐連鎖店。連動物都不如。
公屋申請30萬,居屋申請27.2萬,4人家庭計共有200萬港人等上樓,200萬基層市民正租住劏房!

對比富豪1千元租荃灣面積的地方,玩高爾夫球,二百萬香港人住在劏房裡。與情與理,港府不要再官商勾結,順應潮流收回高爾夫球場,解決香港人燃眉之急!
65. 引刀一快 2019-01-13 15:55:32
唔想因為劏房造成憂鬱,最好去大灣區買間平屋。
66. 向泛民说不 2019-01-13 18:48:57
引刀有病就快看医生。你是高级黑连我巴打“向饭”都觉得系。快去看医生。
67. 向泛民说不 2019-01-13 20:30:10
引刀,唔知你师傅会否认同你去大灣區買間平屋呢?
68. Peter Peter 2019-01-13 22:57:54
香先生所言極是,由始至終,徹頭徹尾根本就是「服務員眼紅症鬥爭」
69. Peter Peter 2019-01-13 23:00:07
更正:刪除「服務員」三字,一時手快,見諒
70. 飛地 2019-01-14 11:44:29
想起我老友每一次去深圳Mission Hill 打波都好緊張,幾乎要安排後事。原來沿途多刼匪。佢話羅家英去觀瀾打波都差點被刧車冇命。刺激。

去打灣區打波的好處是可以練好心臓。
71. 向泛民说不 2019-01-14 11:57:32
本人对饭民搞高球场非常反感。
第一,这就是典型的红卫兵斗地主手法,
第二,不能解决土地问题,
第三,在现有的青绿的土地上建屋,也不环保。
第四,当年饭民狗话反对发展新界东,为什么又撑高球场。其实互相打脸。
第五,这是饭民狗转移视线的方法,和某君叫的飞地是一样的。

饭民狗有不同的关注组,有d反对填海,有d支持环保,反对拆古墓,古树,有d不迁不拆,有d帮蜻蜓,野猪,白海豚。将所有的关注组加在一起,就可以看到饭民根本想阻止香港解决房屋问题。

真正能彻底解决的方案就是填海。其他的都是有拉布,有拖无欠的方案。 
72. 自我陶醉 2019-01-14 14:16:05
70樓

乜Mission Hills 治安真係有咁差咩? 你去過未? 啲場比粉嶺正得多。

Mission Hills , 每日都有shuttle bus往返中環、九龍塘,要開車的話,在錦田停車場半個鐘一班車,未聽過出事。

73. 向泛民说不 2019-01-14 14:31:50
自醉,今次撑你啦,大陆这几年因为好多闭路电视,所以罪犯少很多,以前深圳跟的扒手。现在在闭路电视下,无所遁形,所以也小很多。以前深圳很多乞丐帮,最近反而没有香港多。

本身都不反对飞地,但是觉得不可行,因为太多法律,仲有民生问题。

飞地最可行的就是像澳门的横琴方案,但是横琴就在澳门隔壁。还容易出关入关容易搞。但是香港隔壁的深圳现在开始比香港发达,地也不够地,点解要比香港。像引刀说的那些,飞到无雷公甘远的地,点操作。点管理。根本不可行。香港话搞河套开发,类似飞地的概念,这块地真的香港隔壁了,但是也搞了10几年,还是烂地一块。
74. 自我陶醉 2019-01-14 15:08:36
向飯,

咪係囉!所有公路都有高清攝錄,用車打劫根本好難走,仲要長期打躉冇人理,根本冇可能。

同意你橫琴嘅觀點,早兩個月,國務院已經通過將澳門蓮花口岸搬到橫琴,到時一地兩檢,30秒內過關,而且成個島都係填出嚟,唔會有收地問題,香港飛得去邊。

75. 向泛民说不 2019-01-14 17:27:25
羅家英果单野都好耐之前的事啦,当时边有甘多CCTV。现在大陆到处都有CCTV,犯罪率真系低很多。当然饭民又闹侵犯人权。突然间想起,最近去深圳,真系少见了乞丐,反而香港仲经常见到。

讲开双重标准,西方国家真系非常无耻。近代史上伊斯兰教徒在印尼和马来西亚曾经做了对华人的种族灭绝行为,但是西方国家有出声吗?如果说60年代是因为西方国家反共产党,所以默认伊斯兰教徒种族灭绝华人,那么2000年那次,为什么又吾出声呢?

好多香港人都不知道,新加波的独立根本就是伊斯兰教的种族灭绝,当年如果因为新加波太多华人,赶走这些华人,或者屠杀都不可行,所以新加波才会被踢出马拉联邦。马来西亚和印尼后来的法律都非常歧视华人。但是西方国家有出声吗?

所以本人越来越讨厌恋殖奴。大陆可能目前政治上不开明,但是随着经济的改善,人民对人权的要求提高,政治上只会越来越开放。其实就是习总终身制,他最多也是做到10几20年。德国总理都做了10几20年啦,有咩问题。
76. 港人 2019-01-15 10:34:22

75/F 向泛,

同意你说, 大陆治安有所改善, 抢劫少了。  当然啦, 大陆罪犯难道不用搵食? 自从港珠澳大桥和高铁开通, 就涌落来香港犯案, 香港治安最近差好多。

77. 向泛民说不 2019-01-15 11:01:24
76楼,不要造谣,警方报道的统计,并没有提高。

你会唔会系比南亚人误导啊,反而饭民引入的南亚人,犯罪率就非常高啦。南亚人胆正命平。做野更加凶狠。
78. 引刀一快 2019-01-15 14:48:14
自我陶醉兄

飛地就係要飛遠D,如果飛地純粹照顧香港利益,阿爺絕對唔睬你,就算俾塊地你都大極有限。
飛地最大嘅意義,係改變香港社會生態,唔再係一個純依附性社會,到時就有機會同韓國一拼,而且帶動整個珠三角加速發展。
如果澳門要再飛地,真正可以為國家貢獻就係飛去海南島,而唔係珠海,咁就真係開發海南,名正言順開賭,保住D樓價又唔使破壞固有意識形態。
如果飛地去大灣區,飛去廣州珠海佛山中山,都好過去深圳,因為呢D係傳統粵語地區,而且風土人情同香港接軌,又富庶,更重要嘅係因為遠交近攻,從戰略角度深圳係香港嘅競爭者,咁香港應該聯結深圳其他競爭者,一定會受到非一般嘅歡迎同超良好待遇,尤其去佛山,因為佛山遲早併入廣州,廣州近年俾深圳過頭,當然會積極考慮加入香港飛地呢個咁勁嘅元素。
79. 引刀一快 2019-01-15 14:57:31
向飯,你要食定藥喇,一時要攻擊自醉同引刀,一時又要講阿爺好,一時又要鬧人誣蔑大灣區嘅人,咁你好容易精神錯亂,我都係為你好咋,呢個論壇,冇引刀冇自我陶醉冇真真薯片冇邊個都得,冇咗向飯就會失色喇。
80. 向泛民说不 2019-01-15 15:19:02
引刀真系越来越傻,飞地飞去边啊,快D食药啦。飞去月亮好吾好啊。


81. 引刀一快 2019-01-15 15:37:03
To 70樓

你老友次次上大陸打波都要安排後事?佢係打波定包二奶呀?哈哈哈,死都要去?

好心喇,2019年仲用1995年嘅社會問題嚟誣蔑大陸,危言聳聽都要與時並進呀,教精你,你依家用政治嚟嚇人就對路嘞。
82. 港人 2019-01-15 15:40:17
算了吧, 从来只有向饭/泛 一个自己说的歪理是道理, 其他人的都是造谣抹黑。其实什么都牵扯到政治,不能以事论事, 这种言论不理也罢。
83. 向泛民说不 2019-01-15 17:02:28
82楼,今次连引刀都闹你啦,本人就撑他81楼的回应。不过他的飞地概念真系搞野,最好就是飞到他广州屋企,他屋企行香港基本法。
84. 向泛民说不 2019-01-15 17:38:32
港人,你的手法,在本人看了台湾人的选举抹黑手法之后,应该就是传说中的“带方向”。讲一些似是而非的事情,然后最终抹黑对方。比如放大大陆游客的不文明的事情,或者用一些没有证据的指控,最终令人相信。

大陆游客是多了,但是有什么证据说明犯罪率高了?问题是政府统计,并没有提升,好像还是降了一点,难道香港人被打劫或者被扒都吾报警?

中国人其实比外国人更加文明。只是香港人包容了外国人的不文明的作风。

当然我们见到南亚人犯罪越来越高,而且越来越凶狠,几年前,边有这些新闻啊。