地產博客 > 絲絲細語 返回
瀏覽人次:16049    回應:10
絲絲細語

1700公頃

 

左丁山

2018年10月18日

  房屋委員會推出4430個居屋單位出售(長沙灣凱樂苑、啟德啟明苑、東涌裕泰苑),實用面積介乎278至631平方呎,售價由原本的市價七折降為五二折,即係由159萬至630萬,下調至118萬至468萬元,遞表申請日期於10月16日已截止,十一月攪珠,申請超過25萬8千份,大約58人有一個中,機率很低,而住屋是一生必需,中獎的話,要稟告祖先還神。

  白表申請人(非公屋居民)的及格入息上限是一人戶月薪二萬八千五百元,兩人戶月入五萬七千元,資產上限方面,一人戶為98萬,二人戶擁有資產上限為196萬(二人及以上)。這次林鄭月娥推出五二折新猷,立即吸引前所未見的申請人群蜂擁入市,可見香港人對五百萬元以下單位需求之大。相對於25.8萬個申請人而言,4430個單位只是杯水車薪,假如要即時滿足二十多萬戶的「五二折居屋」需求,人人中獎的話,未來十多年房委會還要興建超過20萬個單位,這是一個甚麼概念?

  如果認為香港家庭的居住實用面積應限於300平方呎以下,未免苛刻一點,將來把房屋平均面積增加至四五百呎,才是最起碼的卑微要求。假設實用面積比率是85%,一間450平方呎房屋的建築面積便是530平方呎,乘以25.8萬戶,總面積是一億三千六百七十四萬平方呎,以五倍地積比計,需要地皮二千七百三十多萬平方呎。

  東大嶼填海又是一個甚麼概念?填海1700公頃即是1700萬平方公呎,約相等於一億八千三百萬平方呎,這個人工島還要騰出大量土地供公路、橋樑、工商用地、政府社會用地(包括政府辦公大樓、公園、運動場、球場、醫院、學校、健康院等等),供住宅用的面積或者是50%。這五成以七三分,即是可供公營房屋用的地皮面積是六千四百萬平方呎,五二折居屋用去47%,輪候公屋的人士及劏房人士可用去另外三分一,餘下的20%不是土地儲備便是用來應付未來二十年人口需要之用,粗略估計起來也是僅僅夠。當然,這只是左丁山的非科學性推測,詳情有待規劃專業人士計算,只想指出一點,反對填海的人士不見得能拿出甚麼立即可用的近水救近火的土地來解決香港目前的房屋問題,也不見得能拿出方法來解決棕地上的中小微企的搬遷問題。即使政府可以發起神威,漏夜清場,趕走棕地上的貨物、貨櫃、貨櫃車和存倉貨,這些東西於是漏夜放在新界北道路上,會產生怎麼樣的混亂場面?沒有足夠新土地做Plan B,清理棕地絕不容易。有了足夠的土地儲備,才可真正的大舉整理棕地。

 
 
我要回應
我的稱呼
回應 / 意見
驗証文字
 
會員登入
登入ID 或 網名
密碼
1. 引刀一快 2018-10-19 08:45:18
大灣區,17000公頃都攞到喇,開工廠都得呀。
2. 全是奶粉惹的祸 2018-10-19 11:03:11
引刀,面對現實吧!大灣咁文明開智發達,大灣人一早就可以隨便出入香港。依家大灣人來香港, 港府只俾佢地停留七天,佢地来香港的手續重麻煩過去星加坡。

大灣BB自細吃香港奶粉,打香港疫苗。香港人看在眼裡,唔驚就假。

香港樓價遠超大灣區,只不過反映了奶粉信心溢價。無計!
3. To2 2018-10-19 11:43:39
2樓,有人坐了艇要揾下家出貨,千方百計推銷大灣區,之前樓而家地,甩唔到身都希望有人陪葬啫。
4. 支持引刀 2018-10-19 12:17:38
香港人壽命太長,退休後居住及支出已經成為社會一大負擔。

如引刀的建議,將香港班老野搬到人均壽命短得多的大灣區,正所謂走得快,好世界。對香港社會解決居住問題絕對是一件好事。
5. 亮劍 2018-10-19 13:55:39
有好多人反對係東大嶼填海,因為新界仲有好多土地可供發展,呢家我就同佢哋擺事實講道理。
新界的土地分開幾種,有啲係祖堂地,係阿公剩落由一個宗族共同持有,想變賣就成個宗族開會,要絕大部分人甚至全體通過先好講嘢。
有啲土地係家族持有,阿爸由阿爺手上承襲翻來,想變賣就要揾那個七老八十的業主去簽名,佢可能瞓喺老人院甚至身在英國或荷蘭,要說服佢哋去賣地真係有難度。
其實最容易搞嘅反而係由發展商持有嘅農地及棕地,人哋打開門做生意只為逐利,但呢家一句「官商勾結」,試問有哪一個負責談判嘅官員膽敢「開平價」益發展商?
啲友仔叫林鄭月娥去搞棕地及農地,講句衰啲即係叫佢「與虎謀皮」,十年間可揾倒過千公顷地用來起屋的機會,等同白表抽倒啟朗苑三房!

有啲人就叫政府運用「土地收回條例」去收番啲棕地及農地,但香港實行私有產權,你政府唔出番咁上下價,那些地主肯唔肯咁順攤嘔塊地出來?
而且新界土地業權分散,地塊夾雜阿公地、私人地、發展商地,仲有啲地係唔知乜水霸返嚟嘅,又有D地個業主已經賣咗鹹鴨蛋,都唔知點挖返佢啲後人出嚟……
總之收新界地全部都係濕滯嘢,啲友仔講得咁輕鬆,不如佢去in地政總署,專門同鄉紳及發展商收地,睇下事情會唔會有突破性發展🤣
6. 腥港人 2018-10-19 15:05:21
1700公頃嘅遠水無啫,170公頃嘅高球場都可以頂下肚啩
7. 新界佬 2018-10-19 20:39:13
高球場有好多古墓,班新界佬不會咁順灘俾你話掘就掘。就少都要吵十年八載。
8. 引刀一快 2018-10-20 07:08:29
真係有心為市民,飛地係最快捷,最有益祖國嘅方法,填海等14年,有咩用?
9. 向泛民说不 2018-10-20 09:18:44
6楼,170公顷的高球场有古树,古坟,古井,最终可以用几多啊。
仲有可以肯定,如果政府决定发展高球场,泛民b队肯定弹出来日日出贴,各种见证反对。
10. 引刀一快 2018-10-20 15:38:25
14年後,駛鬼人工島?大灣區大把地,簡化通關係必然嘅,坐多30分鐘車就可以去好多地方,白填。