地產博客 > 文亮語 返回
瀏覽人次:22310    回應:10
文亮語

晨早夜話(45)不打算移民的人鼓勵別人移民

 

湯文亮博士

紀惠集團行政總裁
2019年12月2日

  昨晚在黃埔朋友家裡家晚飯,點知食完唔走得,大家唯有繼續吹水。不其然講起移民,原來他們與我不同,我經常撰文叫人唔好移民,而他們則叫人移民。老實說,他們啱我錯,因為我叫人唔好移民的時候,經常被他們噴到一面屁,藍色的會話香港政府止暴制亂不力,香港好快變成妖獸都市,移民愈快愈好,黃色的就有多少奇怪,除了區議會大勝之外,又得到特朗普拔刀相助,推出香港民主及人權法案,全面勝利已經在望。點解要移民?黃色的朋友並沒有一個答案,他們只會話對香港沒有信心,所以要移民,究竟他們是對香港沒有信心抑或對勝利沒有信心,他們自己才知道答案。

  我班朋友話現在生意難做,職場的競爭漸趨激烈。如果有人移民,代表少個香爐少隻鬼,少一些人做生意,仍然存在的就有機會生存,職場的人更加希望其他人移民,他們就不用被離職。至於那些經常叫別人移民的人,他們並沒有打算移民。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Fisherman 2019-12-02 11:33:22
口不對心。
少有湯先生,可以在這講心裡話。
2. 節省 2019-12-02 11:39:27
我依家每日三餐只用$30港幣,儘量慳錢。
3. 十一哥 2019-12-02 12:16:48
嚇到人地脚板底抹油、自己就易D食到滿咀油。


4. 他們啱我錯 2019-12-02 13:35:07
不其然想到博士班伙記堅守崗位返足工 vs 叫人唔好返工嘅人
5. 高樑酒 2019-12-02 14:24:14
今年年初我飲一瓶二千幾蚊嘅X.O.,今時今日我飲一瓶四十幾蚊嘅高樑酒。都係一樣,心態好重要。
6. 人生 2019-12-02 14:41:44

特朗譜 後邊嗰班金主要賺錢。如果佢連任唔到。肯定之前整一獲中國。會做一個大跌市賺錢。如果佢連選到。佢就會係連任之後即刻同你做一次大跌市。之後再抽上去賺兩次錢。競選唔使錢咩。做人要有世界觀 親身到當地感受


7. 自我陶醉 2019-12-03 08:22:49
其實香港咁好,我都唔明點解啲高官高幹咁鍾意將仔女同投資放喺美國,通過香港人權民主法慘過死老豆咁,到底係咩原因? 唔畀你去咪去囉 ! 留喺香港唔好咩? 博士見多識講,一定知道箇中原因 。哈哈哈!
8. 十郎 2019-12-03 09:30:38


      記唔記得修例時間表 ? 修例初時好順利 , 幾乎上立法會通過 , 就是出左消息 , 說美國可能制裁有關官員同人士 ,事情急轉直下 , 所有人都放軟手腳。(我認為係所有官員同建制派都有份 , 希望唔會來真燒埋自己)。對方見形勢比人強 , 攻擊立法會後愈演愈烈。我早意識到 , 現在實現了 , 危險已經在前面  , 還不找後路 ? 人不為己 , 天豬地滅。

9. 十郎 2019-12-03 09:41:35


      香港官員跟議員賴斯文 , 要學下台灣民進黨咁 , 三扒兩撥 , 打跤都要通過。民主派就學到野啦。

10. Small Potato 2019-12-03 10:03:17
原來博士朋友都係黃埔街坊,依家呢到成日被破壞真係好心痛,係到住左好多年,真係好懷念以前寧靜既日子😔