地產博客 > 文亮語 返回
瀏覽人次:25750    回應:24
文亮語

生意人支持逃犯條例亦是為勢所迫

 

湯文亮博士

紀惠集團行政總裁
2019年6月16日

  上星期三我在AM730發表了一篇文章,全文如下:

  上星期日有唔知幾多人去遊行,他們的主題是反送中,其實真正的主題是反逃犯引渡條例。人數其實唔重要,100萬又好,20萬又好,大家無謂在數字上爭拗。有一點大家要值得留意,就是去參加的大多數是20多歲年輕人,較為年長的人很少,更加唔見到做生意的人。我相信到了今日,即使我贊成通過逃犯引渡條例,但亦希
望政府考慮年輕人的意見,暫緩將條例呈上立法會二讀三讀。因為條例通過與否,對年輕人的影響不大,們的意見反而更加值得關注。至於做生意的人,他們冇辦法唔支持逃犯條例,否則就會被人話是否身有屎。所以,生意人的意見反而未必中肯,他們支持逃犯條例有可能是為勢所迫而已。

  林鄭提出逃犯條例可能是一片苦心,為了還那個在台灣被殺香港女孩一個判決。但她可能不知道,逃犯條例可能會引起無數寃案,甚至這是不能避免。在這情況下,提出逃犯條例要三思而行,否則就無端端做了兇手。而事實上逃犯條例亦不需要急於通過,在國內犯案的人,除非他們不回國內,若果他們回國內,一定會被繩之於法。如果他們不敢回內地,又不敢去那些與中國有互引逃犯的國家或者地區,匿藏在香港與坐監沒有分別。現在香港各界都要求政府放緩審視逃犯條例,何不來一招順水推舟,再經廣泛咨詢才決定是否將逃犯條例呈上立法會,我相信中央政府亦會接受。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 真真薯片 2019-06-16 11:53:59
博士意見中肯,但林鄭既角度肯定係保佢自己既管治威信同立功連任,佢錯判形勢兼自把自為變成自己點火燒阿爺後欄,最終被阿爺叫停

林鄭開局本來一手好牌贏到開巷,一地兩檢,DQ犯民,手握立會絕對通過權,連續既小勝沖昏佢頭腦,佢以為一切勝利都係因為佢叻,忽略左大氣候,佢之前既小勝其實係上手689幫佢鋪路鋪出黎,689做晒所有衰野後離場,再加埋犯民宣誓玩野自爆,先有林鄭自豪既兩年盛世,但係林鄭唔記得左依家正值中美貿易戰,台灣大選,64 30周年,阿爺生日(2015年就係生日爆股災),此極敏感時刻林鄭叫港警係中環開槍,我相信如果大陸任何城市係同一時間發生類似示威,佢都百份百唔會開槍處理,因為大陸官員有政治常識,知道咩時候咩係唔可以做,但係林鄭唔識之餘仲自把自為,走去上電視上鋼上線,好啦,一講完立即失蹤,再返黎就係撤退

今次林鄭特首做豬隊友,火燒阿爺後欄,如無意外,阿爺會大力矮化同削減香港特首權力,香港人,信唔過
3. 睇唔過眼的人 2019-06-16 12:29:53
香港被削權咪好囉,有政治智慧既人都知道香港再冇好日子過。香港遲早冇優勢。可憐台灣單案既死者家屬!

4. 削減香港特首權力 2019-06-16 13:11:08
片哥,你咁講,同嗌阿爺派人嚟接管冇分別㗎。
5. 真真薯片 2019-06-16 13:35:40
台灣單野其實有好多其他方法可以解決,係林鄭堅持只可以用佢個方法者,依家咪學佢講,撼頭埋牆囉
7. 撼頭埋牆囉 2019-06-16 14:43:59
其實幾十年前,睇 double o 7,英國正苦都唔會承認有你哩個人,觀眾咪睇到高潮迭起信以為真,之後嘅湯告老師 mission 唔知 pos 唔 possible 系列,都係唔會理叫你自己執生的,所以嘛,對表面嘅嘢唔好信以為真,因為老共同外國政黨不同,是非常念舊情的。怒透社話據近北京核心人士乜乜乜,其實佢都可以講據近皇父人士(幫佢倒痰盂果個)講女皇響夜闌人靜之時發開口夢 d7 大老襯。
8. Hongkong People 2019-06-16 15:16:36
D 逃犯係香港坐監真係坐得好風流,日日都可以大魚大肉,嘗盡珍饈百味.what a life!
9. 70 2019-06-16 16:40:14
聽闻好似由於商人中晒内地地雷,專登40几条減到30几条。
只要肯中地雷一定中。
徐非不回内地做生意。
工廠走私原料/出口,滙账,工人社保,环保,消防,高官飯聚送礼红包,數之不盡。。
10. 70 2019-06-16 16:48:41
曾經有一个个案,有个内地人B君専做反版货,做了几年赚了一大筆,跟住回乡休息一年,一年后再去銀行提款時,即埸公安人莊並穫。。B君一鋪清袋。。

中央不是不知道香港商人系内地做个咩犯法罪,只不过差在几時/或者養到你最肥清你袋。







11. 70 2019-06-16 17:18:40
40几条减到30几条,林太只顧住一小撮人利益,圍内自己人倾,又冇做宣傳解釋条例内容好處,
完全忘记/忽略將來主人翁就系年青一代。
找屎。。
12. 睇唔過眼的人 2019-06-16 17:26:59
其實講得賤d,唔通過逃犯條例,反正講到大陸咁黑暗,咪黑箱作業囉。有人又話通過後會冇宗教自由,冇得信教。我心諗,使乜做得咁低手呀?通過條例都反而仲有保障。仲有,今日遊行人士有人攞台灣旗出黎,大家都明白乜意思。都係一句,唔鍾意香港,就諗下計點樣移民仲好。
13. 70 2019-06-16 17:45:42
正確地講,林太只同1小撮商家收例,完全忽略所有大衆。
14. 路過 2019-06-16 19:41:18
其實如果今日係反利益傾斜,我一定出去,根本就錯焦點
15. 路過 2019-06-16 20:00:40
To 12 啲人已經唔會講道理,其實講到大陸咩都可以拉的話,咁駛咩引導,直接要你蒸發得啦,最仆街就係放大恐懼個班人,尤記得當年沙士既板藍根熱潮,可見一斑
16. ! 2019-06-16 21:38:59
睇嚟未來施政,要先面見各式大小民間特首o
17. 睇唔過眼的人 2019-06-16 21:46:47
To 15 完全同意你既講法,d人只係識得挑機,揾人祭𣄃,但從未指出真正成因。不過,佢地知道又如何?有人可以提出解決方法嗎?對香港人失望。
19. Yau 2019-06-16 23:02:34
剛看完沈旭輝的兩篇分析,雖然我支持修訂。但林鄭的低能表現,絕對是掃把星的能力,大家不妨一同討論一下

https://simonshen.blog/2019/06/11/%e5%be%9e%e5%9c%8b%e9%9a%9b%e9%97%9c%e4%bf%82%e9%96%b1%e8%ae%80%e4%bf%ae%e8%a8%82%e3%80%8a%e9%80%83%e7%8a%af%e6%a2%9d%e4%be%8b%e3%80%8b%ef%bc%9a%e7%94%b1%e6%ad%a3%e5%92%8c%e9%81%8a%e6%88%b2%e8%ae%8a/

https://simonshen.blog/2019/06/16/%e5%be%9e%e5%9c%8b%e9%9a%9b%e9%97%9c%e4%bf%82%e9%96%b1%e8%ae%80%e4%bf%ae%e8%a8%82%e3%80%8a%e9%80%83%e7%8a%af%e6%a2%9d%e4%be%8b%e3%80%8b%ef%bc%88%e4%b8%ad%ef%bc%89%ef%bc%9a%e9%a6%99%e6%b8%af%e9%80%b2/
20. 香港人自己迫自己上街 2019-06-17 00:49:48
慿反展必反,反8萬5,反填海,反開發郊野公園,反輸了外勞起樓,結果搞到樓價比天高,就怨天怨地怨大陸。

自作自受,個個星期游行也於事無補。

21. Mkwan 2019-06-17 01:35:16

天下圍攻,林鄭下台, 各方勢力重新大洗牌分析 



泛民主派:> WIN 從過去幾年低潮期成功反彈 ,今次事件利用媒體 利用民怨和社會矛盾大穫全勝, 以後會掌握更多社會權力,進一步威脅香港政治體制 ,林鄭下台之後預計會發起一人一票補選特首 ,今後所有政府政策, 尤其係土地政策, 都會一致反對 ,進一步利用民怨增加自己嘅籌碼 ,今後中央政府確實難以安枕。

香港政府:> LOSE 今次事件之後必然會成為跛腳鴨政權 ,今後無論是好的政策差的政策,都會做到無限量嘅人上街示威反對 。無論任何人做特首也是改變得不到的事實。 中央也不會接受一個親近民主派的人成為特首, 所以未來香港整個政制發展都會完全癱瘓下來。

中央政府 > LOSE 他們對今次事件嘅影響力始料不及 ,今次事件令到香港市民 對中央的信心進一步下降, 令到中央對香港嘅控制力急劇下降, 外國勢力泛民主派地產霸權亦會在這個時候乘虛而入,爭奪香港控制權 。香港已成為中國在國際間權力磨心 ,中央不能不理 但又沒有空間能力去理 ,現在正正和美國打貿易戰,美國亦會借香港呢個課題去威脅中央,現在中央只能眼白白看著香港任人魚肉 ,成為泛民主派外國勢力跟地產霸權的點心。

外國勢力:> WIN 透過今次事件進一步鞏固香港作為外國勢力嘅重要基地, 和民主派一樣佢哋會不斷支持煽動民眾示威遊行,阻礙政府執政 ,從而嘗試動搖中共威信, 今次嘅成功會令佢哋在香港部署 更加多資源 ,跟泛民和香港某些商家裏應外合。

地產霸權:> WIN 由於未來香港政府所有政策都會受到劇烈反對 ,尤其是土地供應嘅政策, 因為樓價高企泛民和外國勢力才可以製做社會矛盾, 指責政府辦事不力, 無法滿足市民居住需要 ,所以今次地產商應該係其中一個最大嘅得益者。 利用撻定走資事件去向政府施壓非常成功, 居住問題的社會矛盾又可以推諉政府,乘政府之危賺大錢一舉兩得, 可以說是今次事件最大贏家 ,亦都象徵他們才是香港背後真正的主人 真正的當權者。

今次事件泛民主派外國勢力地產霸權, 聯手天下圍攻做得非常成功 ,三方都獲得非常理想嘅效果
,各取所需。

相信佢哋下一步除咗會要求補選之外, 還會進一步破壞土地供應, 製造超高樓價 ,進一步推高社會矛盾和民怨, 再度天下圍攻 不斷製造惡性循環 ,目的就是要破壞香港政府和中央政府的管治威信 ,地產商又可以大賺特賺,所以居住問題和樓價高企非常之符合他們的共同利益和目的,政府根本無力應付, 未來特區政府和中央管治汲汲可危。
22. 李彧 2019-06-17 10:21:05
我認為湯家驊今次害死林鄭!大律師公會絕大部份律師都認為逃犯條例有問題,他卻說逃犯條例沒有問題,是人們誤解。林鄭信錯他,以為自己是對的,其他人都錯,其他人都誤解。還有,湯家驊昨日在商台說台灣前幾天才說不接收疑犯。我上網查過,其實在五月中台灣當局已說明不接受香港逃犯條例將台灣視為中國的一部份,認為這損害了台灣的獨立地位。我們毋須爭論台灣獨立地位的問題。客觀事實是台灣不會在香港逃犯條例下接收逃犯。所以逃犯條例沒有迫切性。湯家驊轉軑做建制派,思想就自行封閉了!這種人通常比傳統的建制派更左、更可怕!
23. 路過 2019-06-17 15:22:43
To 20 香港人永遠睇野都係鐘意睇面個浸,人地塞啲咩俾佢照單全收,焦點永遠都係對錯,21樓已經講得好清楚背後勢力係香港既目的,咩人先係自私既人其實一目了然
24. 真真薯片 2019-06-17 17:32:53
21樓,你既分析唔錯,咁你認為林鄭作為搞出成件事既始作俑者同最大力既推手,佢到底居心何在?
25. 居心何在? 2019-06-17 22:39:20
哩度係要派人嚟管先掂㗎啦,揾李小家做特首好唔好?
26. abc12345 2019-06-18 13:20:45
博士請救香港 , 林鄭絕不能下台, 否則以後香港無一日安寧. 可否搵人舉行正義市民遊行撐林鄭和警察, 人數肯定多過二百萬, 證明天祐香港  
27. abc12345 2019-06-18 15:16:36
湯博士澤心仁厚 , 天主保祐.