地產博客 > 文亮言 返回
瀏覽人次:25776    回應:10
文亮言

不是特赦,是交換戰俘

 

湯文亮博士

紀惠集團行政總裁
2017年4月20日

  民主黨主席可能是因為新上任,太過亢奮,突然間拋出一套特赦論,難得公民黨楊狀及新民黨葉太支持,有口痕友話這是香港版的三民主義,不過三個人唔夠一日就轉軚,主席解釋話是個人意願,而且未深思熟慮,既然他自己知道未深思熟慮,就唔好咁快出聲,好彩支持特赦論的人不多,否則主席轉軚,那些人就跌落越位陷阱,其實,主席所說的並不是特赦論,而是交換戰俘,以7個人換955人,籌碼唔對稱,一定唔會成事,所以連民主各派都唔支持,主席食了一個閉門羹, 絕對不是味兒,由此可見,民主各派的人材凋落,否則,就沒有可能犯上了這些低級錯誤,林太推行政策就會較CY容易得多,或者林太有運,做一個醫病尾的行運醫生。

  主席今次犯了一個玩政治的大忌,就是認錯,他提出特赦,即是表示那955人全部都有罪,主席無端端替他們認罪,其實,警方未必有足夠證據證明那些人有罪,毋須主席替他們認罪,大家都相信主席是一片好心,既然如此,就要堅持到底,絕不認錯,認錯即是斷送了他個人的政治前途,其實,主席的構思是絕對正確,不過時間並不吻合,搞到要認錯收場。

  七位警察犯錯,政府其實處於下方,如果那位曾先生表示不追究,不但他不需要坐監五個星期,並且只會有極少數參與暴亂的人士被起訴,而他們所受的刑期亦不會太長,甚至只是被判罰社會服務令,我估計政府是樂於妥協,但曾先生貪勝不知輸,表示追究到底,既然如此,政府唯有犧牲七位警察,而參與暴亂的955人,相信很少數人能夠大步跨過,三年是最基本的刑期,現在大局已定,主席才提出特赦論,不但碰壁其實是預料之中,甚至有評論話主席目無法紀,對於犯罪的人可以用對冲式的方法了斷,如果香港政府表示歡迎,將會成為國際大笑話。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2017-04-20 09:31:45
其實係可以交換, 前提係7個換7個, 至於民主派揀邊7個就由佢自己揀, 睇佢點揀
2. Tony lam 2017-04-20 10:11:07
宗教人入會必殺技…信咗…就上得天堂…話之你係賊王、潜移默化下…唔記得…公平公正…借得就要還嘅原則。
3. 1234 2017-04-20 11:35:51
民主派竟然會出現這兩個想歪理的人。有一個竟然是讀歪理的大狀
5. 引刀一快 2017-04-20 15:50:57
向飯呢?點解唔見向飯嘅?起身喇,向飯!
6. 鳥5 2017-04-20 18:05:37
佢書既傳士知(,佢贏既係張來民主派轉太,佢就多張牌(民主派大和局),不境民意成日孌。。。什麼佔中呀!過多1兩年,5興架啦!香港人大家明!
7. 鳥5 2017-04-20 18:18:01
cY密密上大陸(攪大灣),同曾生5同,佢果樣橫睇直睇5係退下火線,應該大陸對港策,佢只會係幕前轉幕後,佢人和差D,D果剛位对香港可能係好D既
8. 浪子心聲 2017-04-21 02:13:17
香港有很多核心價值已退色,唯獨「法治」還算好,如果真係特赦就連法治都要大打折扣!

三國時蜀國的情況有句「蜀中無大將,廖化作先鋒」。
現時民主黨的情況應係「泛民無人才,志偉當主席」。

 
9. To 8樓 浪子兄 2017-04-21 07:34:21
睇你好多回應,你思想都好黃絲帶⋯⋯
10. 引刀一快 2017-04-21 10:17:25
唔係嘛?睇嚟向飯有隊友嘞。
11. 浪子心聲 2017-04-21 18:07:45
正如引刀兄所言「唔係嘛」,我啲言論都算黃絲,我諗這句「泛民無人才,志偉當主席」,我已入了民主黨黑名單!