地产博客 > 敢说亮话 返回
浏览人次:28759    回应:33
敢说亮话

茶餐厅乱话(519)点解美国不拘捕任正非

 

汤文亮博士

纪惠集团行政总裁
2019年5月24日

  今早去到茶餐厅,老板问点解我几日冇去,是否出了门。我话前日替UBS做了一个90分钟讲座,之前要做很多准备功夫,又要预备很多有机会被人问的答案。例如在中美贸易战之下,现在可不可以买楼,诸如此类。做完之后晚上还要赴太古的约会,与几位名KOL晚饭。个人好似虚脱一样,休息了两晚,今日精神状态回复八九成,食完个早餐就十足十,老板听完当然开心。

  水吧安哥话最近族群讲80年代美国为了压制日本东芝,竟然叫日本警方以莫须有罪名拘捕东芝CEO,点解今日唔拘捕华为任正非?我话其实可以直接由美军拘捕东芝CEO,叫日本警方做,已经是格外开恩。今日当然唔可以拘捕华为任正非,理由并不是日本是战败国,而是美国在日本,冲绳岛、横须贺等基地有驻军,在中国包括台湾在内都没有美国驻军。大家都知道,在自己国土有其他国家驻军,其实比名正言顺是殖民地好一点。再睇德国,慕尼黑根本是美国殖民地,其实,一个主权独立国家,一定不能够有其他国家驻军。在香港,业主都不能够随便进入已租出的物业,要得到租客同意,更何况是一个国家。所以,日本德国其实是很可怜。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 引刀一快 2019-05-24 16:04:57
日本同德国尊严上可怜,实质上得益,科研费用不减但军费开销减,造就今日世界最强技术储备前列,今日中国嘅尊严,净系有钱人尊享。
2. 十一哥 2019-05-24 16:41:50
刀刀 有着数就契弟唔怕做…一以贯之…值比钦敬。

3. Hongkong People 2019-05-24 16:46:54
刀只,你住大湾区无理由咁讲架?我D亲戚住内陆都唔觉得无尊严,不知几有底气,而家普遍全世界人,见倒祖国同胞爆买爆就真系有D泄气。而家都唔净系高官企业家先有钱,农民好多因为发展收地,好多都好有钱。
4. 引刀一快 2019-05-24 21:29:05
Hong Kong people女士

1,你觉得我喺大陆好穷?

2,我肯定你大陆啲亲戚唔系穷人。

3,你有冇喺大陆长驻过?有冇各个阶层嘅大陆朋友?

以你嘅逻辑能力,唔会睇唔明。
5. 引刀一快 2019-05-24 21:46:05
琳琳,做你契哥就够喇。
6. Hongkong People 2019-05-24 21:56:49
刀兄,

你误会啦!我意思系你住大湾区应该感受到你周围嘅人普遍都有自信有目标,穷人几时都差少少,但穷人嘅数目都快速减少中.但呢个世界唔净系中国穷人尊严低D,全世界都一样. 我系深圳住过半年,父母系深圳退休,乐不思蜀,唔肯返港住; 内陆有唔少亲戚,普通过普通人,系相对穷嘅省份,当然佢哋对香港嘅我哋都系有D景仰,但絶对感觉唔倒是佢哋冇尊严,佢哋只系自自在在过佢咃嘅生活.

咁我系大陆又真系唔多朋友,只系都不时去下旅行,会同当地人倾下偈,老实讲就算去到新强丝路D相对落后嘅地方嘅人同司机大哥,你都可以感受佢哋嘅自信,从来无系客户面前矫化自己.  所以我感受嘅内地情况同你有D唔同.

7. 十一哥 2019-05-25 11:45:16
心肝宝贝比人标参、佢老豆都冇口软、标埋佢老豆…阿爷就焗住苏轻、佬唔会蠢到逼人搏命嘅。
每次焗到对手还拖…矛侵就褪番一步、蓬拆拆・进・进・退、逢二进一核心精义。

8. 引刀一快 2019-05-26 17:08:24
Hong Kong people女士

本来我写咗几百字想同你讨论一下你提到嘅情况,后来猛然发现,问题其实系在於尊严嘅定义,所以冇post,如果你有兴趣,我可以贴返出嚟。

我谂咗一下,到底讲紧嘅系站於人前嘅尊严,还是系自我存在嘅尊严,问题一下子转向,要深思。
9. Hongkong People 2019-05-28 12:28:07
刀兄,

之前提过我系美国住咗半个月,除咗系游客身份外亦当时自己系本地人一样,坐地铁坐巴士,买餸煮饭,外出消费; 系当地坐地铁巴士,令我真系有D唔舒服,见到好多黑人,8成人古古怪怪半残半废,我睇嗰班人嘅尊严老早已掉出咗大西洋;不过见到咁状况都有少少担心人心安全,但又真系令自己有D优越感,亦都令自己对中国嘅未来更有信心.

尊严嘅嘢有时系一D主感观受,无知同认知都会左右一个人感觉上有冇尊严; 中国人系中国地方客观来看唔算无尊严,就算主观觉得无尊严,大部分都可化为努力动力;但系外国你可以见倒好多冇尊严得来完全放弃嘅生命体;所以比较之下,我觉得中国嘅情况真系好好.

美国三亿人口,废人嘅比例其高,佢哋唔只废,亦会造成好多社会问题,拖社会后腿,而家仲话限制新移民,只剩低少量精英,大堆dump人同废人,塘水滚塘鱼,真想God Bless America!
10. Hongkong People 2019-05-28 12:29:49
刀兄,

BTW,我有兴趣呀!请贴吧!
11. 引刀一快 2019-05-28 17:48:32
首先,贴返先:

Hong Kong people女士

太好喇,你肯陪我讨论呢个问题。

阁下喺深圳住半年,时间唔算短,不过深圳系一个比较特殊嘅地方,近年好繁荣,经济飞速提升,所以你睇到嘅部分,起码系中国最好嘅地方之一,而且外来人口比重极大,又系高度汰弱留强,弱势群体冇得留底,如果你假设其他地方起码有深圳一半的话,咁系会高估整体情况。
新疆丝路呢类已经系老牌旅游区,不单受游客因素影响,特别“懂得”文明,而且旅游经济令地方非常富庶。香港有团嘅所有大陆景点,厕所都好干净嘅。
阿爷过去对新疆西藏非常怀柔,新疆系产油地区,好多地方都有钱,一穷二白嘅地区唔多。
引刀喺大陆,可以讲系一个普通市民,点普通法呢?以前有过大陆本土嘅工作,老婆大陆娶嘅,好多大陆亲戚,来往嘅朋友,乜省都有,当别人开始绕过你香港人身份同你来往嘅时候,你就会发现以前睇到嘅,可能系观光层面、公干层面、探亲层面。你有冇试过喺朋友屋企食饭,枱面有隔夜餸?有,就系融入大陆社会嘅标准之一。
大陆的确系一直改进中,不单量,可喜亦有质,但系积重难返,好多问题根深蒂固,需要面对一个大痛而唔系阵痛。


12. 十郎 2019-05-28 18:07:30


      首先讲左 , 台湾有地沟油  , 什至偈油机器油出口来香港。

      有一次 , 我问一个大陆朋友 , 为什么内地人会做假野同地沟油呢 ?又为什么唔怕用呢 ?佢话因为生活的问题 , 买正货贵好多㗎。

      我们不需要去大惊小怪 , 香港从前都曾面对同样境况 , 现在身娇肉贵左姐。

13. 十郎 2019-05-28 18:14:56


      补充 : 内地人话 , 做假和用假 , 我地唔想㗎。少少钱养一窦人 , 冇办法。


14. 引刀一快 2019-05-28 19:24:50
Hong Kong people 女士

你喺美国半个月的确系以市民模式居住,不过未可以真系当市民,因为个人嘅感情同利害关系,并未与当地连线,亦未有足够回忆。当然,你睇到嘅好清楚,美国都好多问题。

世界依家唔单止系贫富悬殊,亦分成两个阵营,一个系人头多,消费大,另一个系附加值高,人头少,中国要转型,变成人头多又附加值高,先唔讲有冇可能,到底做咗几长嘅策划同几多努力?如果以我呢廿几年嘅所见所闻,唔系冇做嘢,不过无用功太多、浪费虚耗太多一直沉醉於利益,忘记咗未来,然而,自私系死穴。美国系靠精英撑住,中国嘅精英呢,就走嗮去美国撑住,当年,我有好多同学、师兄、师弟,搏咗命去考GRE同TOFEL,日日背字典、做past paper,我硕士时六个人一个大房,三个去咗美国,冇返嚟,剩低三个包括我都系学渣。去咗果三个,有两个娶嘅都系考GRE过去嘅学霸,咁样将精英输出去美国,美国精英又唔可以入籍中国,呢种不对等情况,有今日恶果系自然而然,近廿年多少中国人出书讲述自己如何在美国大公司奋斗,为自己任职微软苹果而俯视同胞,今日重锤打击中国嘅贸易战,不少份额就系来自呢啲宣誓效忠美国嘅“中国人”。你又睇睇,贸易战中美方有冇捉到几个为中国做事嘅中国移民,我指去美国留学果啲。
我未回归就已经返大陆读书,当然,主要原因我系学渣一名,香港考唔好,不过当年我见到学渣周街都系,我入学发现,同年全校就得我一个港澳生系真正香港人,所以系真真正正拥抱大陆嘅香港人。半生都生活喺大陆,想对大陆有偏见都好难,因为思念嘅嘢同厌恶嘅嘢,都有一半喺大陆,心里面,香港同广州,地理分隔精神相连,两地早已融合。可能就系咁嘅原因,成日推荐大湾区,因为生活中,食肆菜单多一倍,消费场所多一倍,各种娱乐多一倍,交友范围大N倍,居住面积大N倍,生活中嘅选择、想像,不能量以倍,生活质素大幅提升,而且驶费丰俭由人,何其美妙!喜闻阁下父母乐不思蜀,任何香港人只要摒除对大陆嘅偏见,都可以享受得到。
15. 引刀一快 2019-05-28 19:36:27
十郎兄

地沟油系俾人食,呢D系黑心嘢,同样卖假货同用假货亦系两回事,卖假货唔系因为穷,系想发达啫。
16. 十郎 2019-05-28 20:56:15


      刀兄------发达之前 , 都系要糊口的 , 当温饱之后还做假才称得上 “ 黑心” 。

      有25年移陆资历的人 , 会记得深圳的 “ 三无 ”人士。他们一辆手车 、 一锄 、 一铲 , 把一座一座土山移平 , 跟著来的是一条一条大道 , 一栋一栋的大楼出现。 住棚屋 , 食菜饭 , 著薄衣。现在陆人有冇尊严 ?

      讲富贵 , 讲享受 , 中国人不及美国的。讲捱得 , 讲食草 , 美国准备落旗啦。

17. 引刀一快 2019-05-29 01:05:35
十郎兄

将今日与过去相比,当然富贵得多,但系自尊与富贵无必然关系。

将今日穷人同今日富人比,两者差距又比过去大。

将中国穷人与美国穷人比,我唔多了解美国穷人日子点过,不过,美国穷人去到中国,得到几尊重,我有眼睇。

讲到斗食草,90年之前出生计,中国完胜,90后至2000出生计,中国亦轻胜。2000年后出生计,中国略胜。
胜机在於如何拉美国一齐食草,仲要食同一只草。
18. 如何拉美国一齐食草 2019-05-29 01:12:29
美帝中产生活越来越好还是越来越差?
19. 十郎 2019-05-29 08:47:35


      刀兄------糊口都不应作坏事。

      新一代有点令人担心 , 庆幸贸易战来得早 , 还有中生代顶住。遥看历史故事 , 与苏联珍宝岛一战 , 落后的士兵争夺沉在河中的坦克 , 当时不可思议 , 现在天方夜谭。 全世界都系一蟹不如蟹。

      有一次路经雪泥唐人街 , 居然有旧式佛像店 , 入夜后满街煲冬瓜。往购蛋糕 , 是一个香港移民的女店主 , 擧谈间说冬瓜同学好豪好浪费。 事缘有同学购三层高蛋糕 , 店主劝说你们吃不了。回应说真的吃不完的 , 不过因为它靓啊。

      外国d草都贵过人 , 澳洲西洋菜芋头通菜 , Aud9/kg , 红指天椒$25/kg。哈哈哈哈哈。

20. 引刀一快 2019-05-29 10:38:31
十郎兄

贪蛋糕靓买多咗,虽然嘥,起码动机美好,我喺广州见到一对夫妇,买大蛋糕,老婆好招积咁话横掂都唔系食嘅喇,买嚟掷之嘛,老公马上附和。十年前中国四万亿救世界,我见好多外省人食饭叫鸡,唔会叫半只,一定系一只,好睇嘛,不过碟鸡俾伙计倒嘅时候,系食咗几嚿咋,连髀都唔食,成碟就系放喺枱面衬,唔系一次,系日日见到,去边度食饭都见到。呢啲嘢,同风土人情亦有关,广东以外,好多地方完全冇食得唔好嘥呢种观念,是否惜食纯粹以财务状态为标准。北方有好多地方系以浪费作为招待好客人嘅标准,菜剩得多先至算到位,唯酒要饮尽。另一个原因,有好多外省人自细屋企养一两只猪,部分人有个好得意嘅表现,无论胃纳几大,总之见到碗里面剩返几啖饭,就食唔落,佢地话系自细就习惯剩多少饭菜俾父母捞嘢喂猪,可能系条件反射。

凡事因果相连,如果中国今日唔系仲有一大班中生代作为中流砥柱,美国俄罗斯又何须同你打贸易战,421家庭结构下成长嘅细路,大部分都系娇纵任性,人家睇唔上。
21. 路过的人 2019-05-29 13:22:03
20/F所说的现象,我在香港也见到呀,很多人爲了放照片在社交平台,只要是贵的,潮的,不管多少钱,都消费了拍个照,之后让下人处理。也有一大帮上了年纪有经济能力的香港人,不管对电子产品需求多少,他们都买顶尖的,最新的,最贵的,最后可能只用上产品功能的5%,又要换更新的。

我在中山买了度假屋已经有20年,爲了养生,有机会回去就肯定到足浴店光顾。最近这几年,同一位从外省到中山的技师告诉我公司生意不如以前,因爲公务员或一些单位都因爲风气改变,中午小休时也没有到店消费。我问她收入是否低了?会不开心吗?她说收入差了一些,但有实际需要(如我)的客人就因爲她认真工作,反而多了一些长期光顾的熟客,收入稳定多了。而且这帮客人也会提前预约,她自己的生活质素也提升了,闲是跑步锻炼,也到 香港来跑马拉松。她不会因爲收入少了不高兴,因爲她知道打贪的风气是有利於国家长远发展,对她的儿子张来有好处。

就因爲这一位不起眼的女士,我就明白爲什麽中国过去20年会进步的那麽快。

22. Hongkong People 2019-05-29 15:16:10
刀兄,

多谢分享!

我当然明白深圳系火车头,佢嘅繁荣并唔可以代表一般嘅中国地方;我当年未退休时曾经做大中华市场,去过唔少中国嘅城市,之后做银行界同住新加坡后有十年少回大陆;最近呢十年退休后有时间,中国大陆欧美日澳都去咗唔少次,留嘅时日亦唔短,多少都感受倒当地人生活.

我嘅祖家系开发大西北嘅省份,可想而知有几穷,我前两年回乡省亲,见倒当地消费,市容整洁,华润万象城落户,入到高级商场,精美装潢食店,老实我几乎唔记得自己系乡下定深圳;呢十年我走过嘅大陆大小城市,我相信唔会比你多少少,我同意从对一个城市认识嘅深度上当然同你无得比,但以一般对中国认识嘅广度嚟睇我亦唔太差,中国呢二三十年嘅进步系普遍性嘅; 当然,有问题系根深蹄固,唔容易解决,但我认为中国整体系朝住改进方向行紧.  老实讲美国嘅问题大过中国多多声,佢哋成日污病中国基建工程有好多贪污,呢样我唔敢否认,之但系,贪污完都做倒咁多新基建;睇返美国,高税率再加其他苛捐杂税,基建老旧,社会福利保障又无,你话无贪污,咁D钱去咗边??髙下立见,我选中国完胜!

至於你话大部分去留学嘅都系叻人,去咗亦选择唔返来,我又不完全同意;我当年读Band 1英文中学,平民中学,我读书都算叻个堆,我身边有一两个叻嘅去咗外国读书,其余大部分系系香港考唔倒大学或者专上学院先去外国读书,即先屋企有D经济条件嘅学渣先去外国读书;我嘅同学大部分读完都回港,有D无返港系因为适应唔倒香港竞争激烈,我同意同外国人竞争系容易好多,佢哋无咁勤力,个脑亦唔sharp,你只要大声,好自信就可以吓鬼; 所以我有个想法就系唔够醒嘅人留系外国适合D,返港或国内都冇机会跑出.
23. Hongkong People 2019-05-29 18:31:44
18 楼,

你少去美国?美国人不嬲都食紧草, 最近新闻先有报导,美国有四成家庭有买食物,住屋及医疗保险嘅问题,前排美国政府停摆,无工作返无粮出,好多政府工家庭即时陷入断粮危机;中国家庭普遍有储蓄,生活费比较低,上馆子吃饭都系比较普遍嘅事,生活品质比美国人髙出不知几多皮,美国人嘅日常就系面包烟肉肠蛋再加沙拉,一系屋企食,一系超市食,少有去餐厅,去餐厅食 10%GST+18-25% Tips,唔系日常可以多做嘅事,所以中国人要将生活品质降到好低先可以陪佢地食草.
24. Hongkong People 2019-05-29 18:38:13
刀兄,

而家几好呀,美国好快就将中国嘅精英送返去中国,对中国絶对系好事,美国排华,连贪官都可省气唔驶走资,中国少咗好多麻烦,所有嘢都向好嘅方向行.
25. Hongkong People 2019-05-29 18:47:04
刀兄,

同意,香港人如可拚除偏见,幸福随手可得.我去得外国多,越加觉得祖国可爱,我都积极考虑移居中山 (深圳太贵了),唯一阻力就系税务问题,住超过183日要全球通税,即时打疾咗我既计划,你知税费有几高啦!
26. 引刀一快 2019-05-29 22:01:16
首先,嗱嗱声回覆呢个问题先,其余所有夜啲打更慢慢写。

https://mp.weixin.qq.com/s/eyplOrGlu96NCGiBkJ22mw


睇睇呢度,其实有好多走盏位,阿爷呢招针对嘅,绝对唔系港人。
27. Hongkong People 2019-05-29 22:23:59
刀兄,

多谢分享!

有两点疑问,第一:公告适用於系中国境内无固定居所 (如果搬去大湾区长住,一定会有固定居所, either 买或租),第二:相关公告适用於境内工作人员,如果是於境内退休呢,又是否适用呢?


唔知刀兄有冇相关资讯可分享以释疑虑呢?
28. Hongkong People 2019-05-29 22:34:19
其实阿爷如果系税务上优惠港人大湾区退休,即时可帮港府解决部分住屋问题,一部份愿意回归嘅大湾区嘅中产搬上去,空出港楼放卖或放租,长远D中产退休金也襟驶D,少D机会再老D嘅时候依赖政府;咁样连飞地都唔需要,一举几得. 我系林郑就会同中央政府争取退休人士税务优惠.
29. 引刀一快 2019-05-31 06:34:53
Hong Kong people女士

首先回覆你呢条问题,你关心嘅两点,证明你睇条款好细致。

固定居所呢part唔方便公开讨论,总之无必要手续你唔好去办就OK。所谓境内工作人员,解释好模糊,但系退休人士就一定唔系工作人员。

连续居住“满六年”的年限从2019年1月1日起计算,2019年之前的年限不再纳入计算范围

只要你2019年起,首六年,最好系末年,居住大陆少於183日,或者有一次连续离开30日以上,咁样最起码11年内你根本无需理会呢个条例,12年后,变松变紧就未可知。

香港人走来走去咁方便,迟早有双层巴士返大陆,呢条例唔系针对香港人,所以,亦可以预计唔会有心捉香港人。我认为系用嚟驾驭长驻长三角嘅台湾人。




30. 引刀一快 2019-05-31 07:46:18
Hong Kong people女士

讲讲飞地,香港如果再唔搞搞新意思,睇怕会慢慢沉沦,飞地意义不限於解决香港楼价问题,更重要系俾香港过去沉淀嘅优势有发挥机会,而且香港独有嘅文化同广东环境交融可以迸发火花,只要搞得好,大湾区人口破亿不是梦,对国家对广东对香港都好到不得了,就怕长三角果班唔高兴啫。

唔讲其他市,就讲你有兴趣嘅中山,里面好多镇面积过百平方公里,人口得几万,喺中山划块地出嚟,几万人好易安置,100平方公里,除起屋之外,可以搞好多好多大型项目,医疗、学术、艺术、乜都可以有充分条件培育新一代。
大部分中国人都觉得外国嘢好,如果香港可以重拾昔日光辉,中国人整体自豪感一定可以提升。
31. 引刀一快 2019-05-31 08:36:25
Hong Kong people 女士

轮到讲讲学术人才呢瓣,阁下举嘅例子,系中学升大学,其实大陆嘅情况都好相似,又系读书叻嘅主要拣返本地嘅大学,考唔到就俾钱出去读。大陆考重点大学,难度极高,虽然大陆嘅重点大学世界排名低过香港好多好多,但系入学难度就可能高过香港嘅高等学府,因为千军万马过独木桥,而我讲考去美国留学嗰啲,系已经本科毕业嘅为主,因为同班嘅不少系苦学生,边有条件出国,因为读本科要俾钱,过去读研究生就有钱揾。而喺大陆读本科俾好少钱,所以好多都先读完本科再张罗出国。当年我宿舍去美国嗰三条友,一个系同班同学,来头最渣,其余两个一个北大本科,一个系中科院属下大学本科。呢啲人过去唔使驶咩钱,美国果边收中国学生嘅分数线好高,当年话要求TOFEL 550起,就我所见,其实收嘅冇一个低於600,GRE个个都两千几。好多过去美国嘅都曾经系一个地方里面嘅状元,亦有好多过唔到去嘅,其实都系尖子。

大陆近三十年输出咗几多精英,可见一斑。

32. Hongkong People 2019-05-31 18:43:02
多谢刀兄嘅分享!

会认真考虑。
33. 引刀一快 2019-06-03 04:52:49
https://mp.weixin.qq.com/s/MsSipZJgGUTmPeakYFDRtQ


广州招贤纳士,后生仔可以考虑考虑。