地产博客 > 敢说亮话 返回
浏览人次:19979    回应:11
敢说亮话

茶餐厅乱话(468)结业是因为请不到人

 

汤文亮博士

纪惠集团行政总裁
2019年2月9日

  傍晚跑完步去到茶餐厅,见到太子在水吧工作。我觉得很奇怪,因为太子去年初在另一个社区开了一间茶餐厅。由於驾轻就熟的缘故,生意据说是不俗。点解今日又会在水吧工作?唔通业主狂加租,照理饮食业第一张租约,最少都有5年,业主都唔可以加租。水吧见到我一面怀疑,知道我的问题。自己话由於请唔到人,但并不是请唔到厨房水吧,而是请唔到清洁洗碗,搞到佢自己经常要落手落脚去做。做了大半年,成个人散晒,刚好有朋友想顶了来做,又唔介意做清洁洗碗工作,於是一拍即合,做了年多,算是打过和,不过就无端端做了大半年洗碗工人,其实长此下去。香港政府若果不放宽外劳,冇人会愿意做生意,但政府受到政治压力,连提出来讨论也不敢。

  太子讲的是事实,有时候我的租客被迫结业。我问他们是否生意唔好,佢哋话唔系。有些租客甚至话生意太好,但请唔到人,做到自己死下死下,最后结业收场,连累到在职人士失业。虽然那些人很快就会搵到工作,薪水可能比以前还要多。所以,在职人士很少支持输入劳工,不过终有一日,他们就会尝到恶果。输入外劳,对香港人不利;不输入外劳,对香港不利。大家想一想。

 
 
我要回应
我的称呼
回应 / 意见
验证文字
 
回应 / 留言规则
  1. 禁止撰写粗言秽语、诽谤、渲染色情暴力或人身攻击的言论;
  2. 禁止以名称/昵称/绰号/同音字等批评或映射任何人士、机构、公司;
  3. 禁止发布有关招聘、推销、广告等内容;
  4. 禁止公开任何个人资料(如电话号码、电邮地址、即时通讯帐号等)。

敬请留言者自律。本网站保留删除/堵截任何留言的权利。

会员登入
登入ID 或 网名
密码
1. 真真薯片 2019-02-09 19:13:26
成日话高人工都请唔到人洗碗,真系去茶餐厅洗下就知,无错系万五蚊,但系要返足7日,一日十几个钟,最大镬系香港茶记生意超火爆,一日闲闲地洗几千只“人次”杯碗碟,一个钟就有6,7盘碗碟队入黎,我相信其他地区绝对冇呢个量,就算有,都有成队兵系度洗,唔系香港呢种一夫当关模式,请外劳洗碗,除非加人工,我系外劳阿姐我宁愿返地盘抹野都唔去洗碗

我真系做过洗碗工
2. 铺灾 2019-02-09 19:26:16
冇生意要结业收场,请唔到人要结业收场,其实最大原因就是铺租太贵,建议商铺业主大减铺租便可。
3. 邓学士 2019-02-09 19:45:22
真兄,一字记之曰:赞
4. 邓学士 2019-02-09 19:49:10
另外,银仔系有两面既
5. 香港人 2019-02-09 20:44:02
应以香港人利优先
6. Koichi Fuyumi 2019-02-09 23:02:25
2楼师兄

其实做餐厅,除非你一定要放间餐厅系铜锣湾/尖沙咀/旺角,如果唔系其实租真系唔系最贵成本。人工先系最大支出。另一旧大成本系装修,其实都系人工为主
7. 引刀一快 2019-02-10 00:00:46
外劳一放宽入香港,首先出事嘅,可能系香港女人。

本来香港男女比例已经失衡,除非斋输入男工,否则一定进一步影响香港男士选择取向。

其实,过往广州最排外嘅,系广州本地女人,因为太多北地胭脂产生竞争,后来发现北方的“狼”亦甚有瞄头,多多少少拉平了。

香港女士睇唔睇得起大陆男外劳?唔知呢。
8. 真真薯片 2019-02-10 13:41:15
刀兄有料到,在下加多句,话明系输入外劳,即系输入既都系低技术劳工,就以洗碗工为例,就出现以下问题:

1/ 港男接唔接受年轻洗碗女工?
2/ 港女接唔接受年轻洗碗男工?

根据以上两个问题既答案,就知港男大镬定港女大镬

不过,我认为娶左年轻洗碗女工既港男,将会比单身港女更加大镬
9. 引刀一快 2019-02-10 14:07:45
真真薯片兄,恭喜发财,财源广进!

会接受男洗碗才俊嘅,唔系港女,系港媛。至於娶年轻女洗碗员嘅,层面会广得多。

很明显,一种系长期合约,另一种就系“短约”👫

薯片兄,今时今日,愿意脚踏实地赚劳力钱嘅大陆年轻女士,本质可能唔错,你知大陆女人几多容易钱揾嘅喇,不过港男能否协调或驾驭两地文化差异,会系婚姻幸福关键。

我识得一个,大陆老婆好勤力,一个顶两个宾妹,性格又开朗,冇乜三姑六婆嘢,但系两个人都唔多夹,主因系文化差异。
10. 真真薯片 2019-02-10 15:53:40
刀兄,我都祝你身壮力健,万事如意!

港男对大陆女,都系短约稳阵,长揸好少有好下场,唔系冇,而系非常少,或者咁讲,当第一刻个女肯受你既原因系因为你既钱或身份证,呢个关系已经99%冇好下场

另外,今时今日仲有港缓吗?好似有,不过贵到离奇,洗碗应该食唔起


11. 引刀一快 2019-02-10 16:37:25
真真薯片兄

系港媛食洗碗男咋,依家逐渐男女平等,已经好普遍。
大陆女人拣港佬,都不一定系钱同身份证嘅,两者之中,为钱又好过为身份证,为身份证嘅就真系骑牛揾马。有唔少大陆女人,系俾香港人嘅斯文、礼貌、风度、素质(质素)所吸引嘅,暂时香港男人都仲系有多少优势,不过一定要识得拣,而且要充分了解自己,到底想要乜。