地产博客 > 楼市散打王 返回
浏览人次:13596    回应:1
楼市散打王

压了价都仲系更癫价

 

方卓如

2018年2月15日 (信报)

  恒地(00012)用接近160亿元从海航系买入两幅启德地皮,一年多嘅时间两幅地升值一成多。海航而家水深火热,借得就借,借唔到就卖,任何人走去海航问价,都唔会开个高价同佢买,只系睇压佢多少而已。用一个唔算高嘅压价,都已经比年几前嘅投地价高出超过一成。唔好忘记,当年海航投到启德地皮,已经被市场形容为癫价,系新地(00016)口中,是「等啲癫价抢晒先」嘅表表者。年几前嘅癫价,今日港资用压了价嘅更癫价接手,咁究竟当时中资抢地是否癫价?还是逢系中资出手就系癫价,港资出手就系市价?证明任何人都可以说话别有用心,可真可假,但市场永远最诚实,唔会呃人。

  海航同万达都要相继出售海外资产,几乎全部过往高调走出去用杠杆收购嘅企业都要打回原形。连同安邦,不同程度嘅政治原因和经济原因,都要那些调动资金出外换取资产嘅动作收手。中国企业是可以走出去,但前提是赚钱,唔系抬钱走出去买资产。所以支付宝、微讯支付出外拓展生意冇问题;国企帮外国兴建高铁冇问题,但系资产泡沫嘅环境下,用借贷购入海外资产,就算系私人企业,如果动用国有银行资金,咁就系转嫁风险给国企。就算你海外资产是经海外银行融资,但当你资不抵债,都会影响你国内还款能力,solvency系无分国界。经济原因可以如此,政治原因就等大家猜度。

  海航买港地严格嚟讲已经唔算海外资产,无法融资只能归咎於政治原因。未来相信有更多出售资产嘅新闻,地皮之后相信就系上市公司,因为而家唔止地皮无法融资,连按壳都有难度,证明中国境内做生意,几时都系富不与官斗,小官不与大官斗,最紧要识企位。

  过年前所有炒股票活动暂停,要等开年后才继续活动。初一至初四美股如何,决定你手上嘅股票是否可以继续开车,还是要摆低一阵,等你可以储钱入货。

 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. 笋价 2018-02-17 06:28:14
四叔好野,淘大花园都已经接近二万一尺, 启德卖4万一尺是必须的。