最近香港好积极搞紧逃犯引渡条例,本来笔者只系比较著眼於香港资讯弱化呢一环,最近发现一个潜在隐患,不得不提醒一下大家,尤其是上年纪嘅长者。
香港有超过五十万人长居广东省,未计其他省份地区,若果加上福建、江浙、广西,数字应该远大於此数。长居大陆人士,部分为退休人士或长者,反正大部分都系唔使喺香港返工嘅人,里面会有一定比例名下拥有香港物业,作为出租或者自用,此类人士以后要多留意。
大陆骗徒越来越精细、专业,而且高科技,唔少骗徒系科班出身,心术不正精研旁门左道。过去大陆骗徒嘅手法主要系承袭香港骗术,依家已经完全自成体系,过去笔者听闻过骗徒只需打两三个电话,令受害者自己绑架自己,录音向家属报平安,骗徒轻取赎金。
由於引渡法通过在即,必然已经受大陆骗徒所关注,过去呢啲骗徒坏人所觊觎嘅香港人资产,将会受法例效力所延伸而成为触手可及,如何保护年迈港人资产安全,应该早日得到两地政府相关部门嘅关注。
觊觎港人在港物业者,绝非单单只有街外嘅骗徒,亲戚、朋友、邻居,尤其亲戚,只要氹你签份嘢,咁就有机会透过一系列手段令你触犯法例,进而冻结你香港嘅物业,唔知到时系拍卖,还是可以转埋俾佢?BSD都悭返?呵呵。
香港人一般比较单纯,一旦有人开发出符合引渡法嘅骗术,将会好似电话骗术咁,星火燎原。希望两地会有相关部门严格做好把关工作,密切留意社会诈骗行为动向,保护一国两制安全性,防范於未然,应对於今后。