地产博客 > 资深会员专栏 返回
浏览人次:50985    回应:44
资深会员专栏

港灿式茶餐厅 又系大湾区消息

 

引刀一快

2018年12月12日
今个月广州地铁有好多条线同路段会开通,到时几乎每区都有地铁站,出行本来已经非常方便嘅广州,将会逐渐变得非常非常方便。

以下系剪贴部分,所以简体字。

《广州地铁开通时间表》
        一、 广佛线燕岗至沥滘段:燕岗、石溪、南洲、沥滘,2018年12月28日开通。
        二、 14号线1期:嘉禾望岗、东平、石湖、太和、竹料、钟落潭、黎家塘、新和、太平、神岗、邓村、江埔、街口,2018年12月28日开通。
        三、 21号线:员村、天河公园、棠东、黄村、大观路、神舟路、科学城、苏元、水西、长平、金坑、镇龙西、镇龙、中新、坑贝、凤岗、朱村、山田、钟岗、增城广场,2018年12月28日开通。
        四、8号线北延段:凤凰新村、同福西、文化公园、华林寺、陈家祠、仓边路彩虹桥、西村、鹅掌坦、同德、上步、聚龙、石潭、小坪、石井、亭岗、滘心(白云湖车辆段),2018年12月28日开通。
        五、7号线西延段:广州南站、韦涌、陈村北、陈村、陈村新城、南涌、林头、北滘新城、仓边路,美的大道,2018年12月31日开通。
        六、 11号线环线:芳村、石围塘、如意坊、中山八、彩虹桥、流花路、广州火车站、梓元岗、广园新村、仓边路,大金钟、云台花园、田心村、沙河、广州东站、天河东、华师、华景路、天河公园、员村、琶洲、赤沙滘、石榴岗、大塘、上涌公园、逸景路、五凤、江泰路、燕岗、南石路、鹤洞东、沙涌、芳村大道东、芳村,2018年12月28日开通。
        七、 18号线:广州东站、冼村、琶洲西、石榴岗、沙溪、南村万博站、番禺广场、横沥、万倾沙,2018年12月28日开通。
        八、  22号线:番禺广场、祈福、广州南站、陈头岗、西三、东沙工业园、西朗、白鹅潭,2018年12月28日开通。

请留意以上各个站点,有新开通区域,亦有将旧有路线贯通,覆盖非常广。
虽然依家局势不明朗,而且大陆楼价严重偏高,但系睇得出大湾区发展步伐冇停滞,而且对比港楼依然在使用性上有相当优越性价比,建议对大湾区有兴趣嘅人士,处於观望时期亦可以多去睇楼,当旅游,又大把嘢食。比较值得留意嘅系地铁规划中而尚未开通区域,位置唔好离老城区太远,现时价格在1500-2500蚊尺(英尺)区间嘅比较值博。依家广州亦开始有明显跌幅,一路睇一路等,港楼下跌嘅部分,可能已经够买一间。
 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. 引刀一快 2018-12-12 02:48:00
自己沙发一下

留意!

七、 18号线:广州东站、冼村、琶洲西、石榴岗、沙溪、南村万博站、番禺广场、横沥、万倾沙,2018年12月28日开通。

沙溪同南村,好鬼多嘢食架!
不过南村唔太值博,因为当地人好有钱,楼价早就高嗮,但系路段就山旮旯,当然几年之后,果度可能会系番禺区新星,因为近南站、长隆动物园,非常可能有戏。


2. 向泛民说不 2018-12-12 08:16:10
引刀,广州好多大白象工程。
3. 自我陶醉 2018-12-12 09:08:28
引刀兄

20年冇去过广州,有时间介绍多啲吃喝玩乐地方啊。
4. CD ROM 2018-12-12 10:46:57
刀兄, 高铁通车之后, 我自己都尽量用高铁往来内地了~~~

如果用广州南站为起点, 广州新既地铁会带来d乜野大impact呢???
5. 引刀一快 2018-12-12 13:47:45
向饭

乜你咁黄丝架,广州都叫大白象?搞笑,你睇睇使用率喇。
6. 引刀一快 2018-12-12 13:49:40
自我陶醉兄

依家讲饮食兴做YouTuber,不如我真系带你去食嘢好过喇。
7. 引刀一快 2018-12-12 14:03:22
CD-ROM兄

南站通车以来,头几年一路都系好隔涉,我一直认为系政府行为,特意揿住果一带房地产防止过热,当时坐公交车去几公里外,要兜个几钟,系咪难以置信?果然不出所料,依家走向系逐条路线搭建直路去南站,就算唔直线,都系转一两次车而无需迂回,而且广州同佛山越来越多接点,我睇重嘅,唔系香港去南站,而系南站辐射全国,迟D有埋南站至汕头线,食嘢一流。
9. 自我陶醉 2018-12-12 18:08:10
引刀兄,

我去广州成村人一齐去,你点招呼得咁多呀! 重点讲几个值得去嘅地方大家都可以分享嘛!早几年去过佛山,啲嘢食都非常有水准。
10. 引刀一快 2018-12-13 02:11:09
自我陶醉兄

广州同佛山,食嘢重点有区别,佛山囊括咗南番顺嘅南海同顺德,一个大厨一个为食鬼,剩番个番禺俾广州,番禺食嘢都几好,不过比起南海顺德相对中庸咗。
广州特点系开放得早,包容度高,所以D外地菜馆水准相当唔错,食本地嘢可以去陶陶居、炳胜呢类大牌子,外地嘢呢,湖南菜就去同湘会,小北路果间,一系就去五羊新城美豪丽致酒店楼下,有间湘菜小馆,系最近发现嘅新大陆,用料靓,分量足,出品好,风味非常地道,而且价公道,唔记得个名。
川菜呢,如果唔系为咗睇靓女,就无需去禄鼎记,东华南路小洞天比较有四川风味,川国演义就走咗高档路线,喺珠城嘅国金大厦。
如果想食新疆嘢感受一下大漠风情,稳阵嘅系佳兆业广场嘅新粤,同埋新疆大厦嘅二楼,我最近都试紧新店,有好嘢到时话你知。
11. 引刀一快 2018-12-13 02:11:10
自我陶醉兄

广州同佛山,食嘢重点有区别,佛山囊括咗南番顺嘅南海同顺德,一个大厨一个为食鬼,剩番个番禺俾广州,番禺食嘢都几好,不过比起南海顺德相对中庸咗。
广州特点系开放得早,包容度高,所以D外地菜馆水准相当唔错,食本地嘢可以去陶陶居、炳胜呢类大牌子,外地嘢呢,湖南菜就去同湘会,小北路果间,一系就去五羊新城美豪丽致酒店楼下,有间湘菜小馆,系最近发现嘅新大陆,用料靓,分量足,出品好,风味非常地道,而且价公道,唔记得个名。
川菜呢,如果唔系为咗睇靓女,就无需去禄鼎记,东华南路小洞天比较有四川风味,川国演义就走咗高档路线,喺珠城嘅国金大厦。
如果想食新疆嘢感受一下大漠风情,稳阵嘅系佳兆业广场嘅新粤,同埋新疆大厦嘅二楼,我最近都试紧新店,有好嘢到时话你知。
12. 引刀一快 2018-12-13 03:21:51
自我陶醉兄

广州同佛山,食嘢重点有区别,佛山囊括咗南番顺嘅顺德同南海,一个大厨一个为食鬼,剩番个番禺俾广州,番禺食嘢都几好,不过比起南海顺德相对中庸咗。
广州特点系开放得早,包容度高,所以D外地菜馆水准相当唔错,食本地嘢可以去陶陶居、炳胜呢类大牌子,外地嘢呢,湖南菜就去同湘会,小北路果间,一系就去五羊新城美豪丽致酒店楼下,有间湘菜小馆,系最近发现嘅新大陆,用料靓,分量足,出品好,风味非常地道,而且价公道,唔记得个名。
川菜呢,如果唔系为咗睇靓女,就无需去禄鼎记,东华南路小洞天比较有四川风味,川国演义就走咗高档路线,喺珠城嘅国金大厦。
如果想食新疆嘢感受一下大漠风情,稳阵嘅系佳兆业广场嘅新粤,同埋新疆大厦嘅二楼,我最近都试紧新店,有好嘢到时话你知。
13. 自我陶醉 2018-12-13 08:01:34
多谢引刀兄详尽分享!
14. 香港土著 2018-12-13 08:35:42
照目前沟淡速度,我怀疑香港楼价同其它大湾区城市距离,未到2030就已经拉近到平衡水平。
15. 引刀一快 2018-12-14 03:15:27
香港土著兄

其实沟淡只系因素之一,八年前大陆已经有经济学家,预言大陆一线楼价会同港楼持平,当时当然冇几多人认同,但系今日大湾区已经有庞大嘅实质规划,又囊括两个特区,物业价值同北京上海建基於完全唔同嘅因素,而且地域文化亦非常接近香港,亲切感认同感唔会有其他地方可以取代。
依家好多好多千几蚊一尺,又唔偏嘅楼盘,等佢跌下就1000蚊尺、如果系攞嚟用,尤其系用嚟放家当,一流。唔系大湾升,就系香港跌。

16. 自我陶醉 2018-12-14 09:49:10
引刀兄

像领展那样沽港资产,买内地资产将会是未来大方向,配合他们相对快速的经济增长,湾楼升,港楼跌必然是长线大方向。
17. 向泛民说不 2018-12-14 10:49:32
自醉,今次我就撑你啦,不过领展返大陆发展是很无奈,因为已经被黄狗污黑化。被政治打压,在香港很难发展。同样资产在领展手中,加市值租金,就比泛民打压。如果在其他发展商上,压力就细很多。所以估计领展还是会低小小市价卖香港资产。转移到其他地方投资。

本人一直都支持领展上市。因为政府工作就是最没有效率,最近寄快递回大陆,和加拿大的。知道加拿大已经受到了,但是10天左右已经收到,大陆的等了一个月没有收到,发email去香港邮政局问,邮政局收要等68天才可以问。等到68天,现在又话因为收货人电话打不通。天啊,如果是私人快递,一早就通知送货人啦,要唔要等68天甘官僚啊。
18. 无奈 2018-12-14 10:59:03
去南站买票、入闸、检查好似去左机场,所以我一直都选用东站、红磡直通车,所需时间一样。
19. 向泛民说不 2018-12-14 11:41:26
楼上,如果不堵车,丁丁都可能快过地铁啦,点解要起大白象地铁。

大陆高铁不断evolve,迟d加条深汕高铁,香港去汕头一个小时可到。唔好只是看到广州啦。
20. 自我陶醉 2018-12-14 13:20:14
17楼 向饭

我一直都话香港人同大陆人的财富差,只会一直处於相对贫穷状态,未来几十年都唔会有根本性改变,视乎你喜欢做鱼缸里的所谓大鱼,还是大海里的相对小鱼。
21. 引刀一快 2018-12-14 14:27:46
To 16楼 自我陶醉兄

领展系有前瞻性嘅,大陆好多消费都追上香港,唯独楼就普遍五分之一价钱,就算点泡沫都好,水位都好过港楼。
22. 引刀一快 2018-12-14 14:44:34
To 18楼 无奈兄

广州落香港,又岂此一条路线呢?九广直通车未必系最快,因为班次比和谐号疏,亦冇弹性班次乘车,所以往往喺罗湖转车反而仲快。
我至今都冇坐过高铁返大陆,香港段暂时系冇实质意义嘅,不过喺南站去其他地方就真系一流,成个广东省都系个零两个钟,去顺德大良系十分钟,武汉都系三粒钟,暂时冇必要聚焦喺九广一段。
再者,高铁九龙西最赶客就系行李限制,好似慌死太多客咁,我喺南站上车都完全唔会咁严,几个月前,我喺乐昌,见到有只羊跌咗落泥氹,俾泥食住惨叫,我去救佢搞到全身泥,之后咪一样俾我上车,上车我都唔敢坐,怕整污糟D座位,全程冇人干涉多事,感觉几好呀。
23. 引刀一快 2018-12-14 14:56:29
向饭

你寄嘢返大陆有咩重大启示,唔该讲清楚D。你系咪寄违禁品?还是寄充气娃娃去西藏?成个月?

你量一下汕头同香港直线距离,计计再讲,一小时?将来南站去汕头就有可能。
24. 向泛民说不 2018-12-14 15:33:42
引刀,违禁品就唔系甘讲。原来引刀甘中意充气娃娃,系唔系同老婆一齐玩。

现在香港去汕头慢有两个原因。第一,在深圳北拖20分钟。然后深圳去汕头方向最快200km速度。加上坪山到深圳北龟速,所以特别慢。如果深圳去汕头是高铁标准,香港去汕头1个小时差不多。
25. 向泛民说不 2018-12-14 15:37:15
引刀,观察高铁运行,现在查行李已经没有原来那么严格。
26. 引刀一快 2018-12-15 03:16:22
向饭

充气娃娃我唔啱,依家大陆D人玩都玩实体硅胶货喇,你D  CEPA泵气娃娃冇人要喇,你可以同你老婆比赛斗快吹喎,赢咗奖粒瑞士糖,哈哈哈

几个月前公报过,南站将来会有条直线去汕头嘅路线,时速350公里,唔系深圳呀。如果香港直线过去,每日班次有限,边有南站好。
27. 无奈 2018-12-15 18:53:52
刀兄,
高铁延伸到西门口就理想得多,不过就是唔知几时通。
28. 引刀一快 2018-12-16 07:01:11
无奈兄

高铁点延伸法?地底还是高架?系咁点解唔直连广州站?直连广州站就劲喇。
29. 向泛民说不 2018-12-16 11:40:36
引刀,广州南站有去汕头和深圳去汕头没有冲突。当然作为广东省的省会,资源一定是倾斜广州。大陆的所有省都是这样。不过就是这样,广州今天发展也没有深圳快。

深圳厦门的铁路当初因为温州动车问题,变成了慢铁,导致今日出现很大的瓶颈。长远要发展沿海城市,一条新的深夏高铁是应该建立。香港到汕头和厦门,是有需要的。
30. 向引刀・土著・自醉・浪子说不 2018-12-16 14:06:27
31. 引刀一快 2018-12-17 04:08:58
向饭

依家资源系倾斜深圳,广州一向底子厚、作风稳健,比其他地方更能抵御风浪啫。

将来广州南同深圳北一样有汕头线,南站始终系枢纽,几何位置亦系中心。
32. 引刀一快 2018-12-17 04:25:01
33. 无奈 2018-12-17 18:28:48
34. 引刀一快 2018-12-17 20:07:43
无奈兄

佢讲法似系两站联通喎,有戏呀。
35. 引刀一快 2018-12-18 18:59:07
无奈兄

摩连奴真系俾人炒。
36. 无奈 2018-12-18 19:51:59
该炒啦,三年宿命难违
37. 儒来 2018-12-22 12:21:31
谨祝大家:

冬至福康
圣诞快乐
新年进步
全年旺景
画龙点睛
38. 引刀一快 2018-12-23 04:36:30
多谢儒来兄,祝儒来兄来年三羊启泰,五谷丰登。
39. 儒来 2019-02-04 22:36:04
各位亲友,新年大家好🙏🏼

猪年巳到,猪到家成。
小弟祝大家:
未婚的您,成家立室;
有家的您,金银满屋;
持家的您,家肥屋润;
当家的您,上和下睦。
恭喜大家发财🙏🏼🙏🏼🙏🏼

儒来敬上
2019年立春日
40. 儒来 2019-02-04 22:37:43
祝引刀兄身体健康,龙马精神!!
41. 引刀一快 2019-02-07 20:05:35
祝儒来兄阖家安康,财源广进,腹智心灵,诸事顺遂。
42. 儒来 2019-02-07 20:59:18
引刀兄,

飞地与填海毫不抵触,没有一千万人口,不能説得上大湾区,前朝Donald 曾巳说不下数次,港人口要达一千万,没有充足土地,如何处置后来之250万人口?明日大屿只是规划之一部分,若不加上飞地,何来土储?所以兄之早著先鞭游走大湾区,真的令人羡慕。
43. 引刀一快 2019-02-08 07:05:06
儒来兄

不敢当,引刀早早返大陆,系因为读书太学渣,权衡之后,以大陆作为“性价比”高之选而已,正系机缘游走祸福之间。

最近睇到一篇大陆嘅分析,珠三角人口流入速度高於长三角,香港最好尽早与中央协商选址飞地,提前重整上路姿态,由於飞地可以用作工业、医疗、学术发展,对国家会有重大意义。

过去几年,由於好多人建议开辟郊野公园,所以我一直建议填海,因为相比於开垦郊野公园,填海造成嘅生态损失要相对小得多,而且只要规划得宜,亦可以以生态技术设计令其海岸线提升生态价值,弥补部分填海之破坏。

填海作远水,飞地救近火,儒来兄,接受吗?
44. 儒来 2019-02-08 08:58:21
引刀兄,

极之难得兄对香港之未来发展搜索枯肠,香港好多像兄这样出谋献策之士,所以先贤说得冇错:
无论香港经历多少风风雨雨,水巷仍然是乐乡。
小弟难得在网上认识到兄,希望有一天能与兄正面吹吹水。
愿兄年年友儒^^
45. 引刀一快 2019-02-14 16:23:51
儒来兄

我外出走咗几转,论坛一下俾新文章刷咗,冇及时睇到兄台回覆,失觉嗮。

香港论坛之中,大家都可以自由发表观点意见,认为对大家好嘅睇法,同样对自己或下一代会好,作为一个以大陆为家,香港为园的人,睇法往往未必为大众所接受,长年两地游走,中港在心中早已融通,所以观点亦循两地利益平衡方向走,不时受到抨击亦习以为常。