地产博客 > 资深会员专栏 返回
浏览人次:85617    回应:69
资深会员专栏

 

珍惜香港

法团专业投资者
SMIEEE.MSc(ICDE)
http://facebook.com/hongkongtruevalue/
2015年6月20日
政改,响一场闹剧之下,终於被否决咗啦!

仲达兄话,香港市民嘅选择权被剥夺咗,要票债票偿;汤博士就话,政治呢味嘢,你估佢唔到喎!其实,背后嘅真相喺点,只有当事人至知;但我想问,个事实喺点,真喺咁重要咩?件事,总叫告一段落啦!

如果俾我拣,政改当然喺通过好啲,但依家否决咗,我又冇乜所谓噃!记得大联盟搞反占中签名运动果阵,我响呢度极力呼吁各位参与;而最近嘅支持政改签名运动,虽然我唔觉意都签咗,但响呢度就只字不题,点解?因为有啲嘢,绝对唔可以接受;但有啲嘢呢,就只喺见仁见智。

各种民调都指出,支持同反对政改嘅民意好接近。有人慨叹,撑黄者嘅比例竟然咁高,但细心分析之下,其实反黄同撑黄者,两边民意里面都有。支持政改嘅撑黄者,既然唔喺执著嘅一群,咁严格嚟讲,唔算撑黄;至於反对政改嘅民意里面,原来有唔少人,根本就唔赞成一人一票选特首,尤其喺响黄虫之患后,更加确定香港唔应该有民主,呢啲评论,响地产网留言箱度都见唔少。咁即喺话,真正嘅撑黄者,只属少数。

其实,政改通唔通过,点解冇通过,唔喺最重要。关键喺,响政制发展嘅历程之中,我地体会到啲乜嘢,心态有冇进步,还是仲喺执迷不悟。香港喺一个自由城市,香港人,从来都有得拣,问题喺,我地识唔识得拣,同愿唔愿意去拣。仲记唔记得理大全民投票嘅故事?就算喺用番 2012 年嘅选举方案,要改变命运,亦唔喺冇可能嘅!

所以,点解我成日话,一定要积极正面。睇政治睇做人睇营商睇投资睇人生,都喺果句,一定要积极正面。心,可以死,但喺,千祈唔好成魔

到咗呢度,可能大家已经睇到一头雾水,点解呢篇个题目,会叫做「序」嘅?

话说前几日,汤博士同一个网站开战,搞到几乎要出动紧急披露令。其实,芳间亦有唔少评论博士言论嘅文章同留言,有啲都好激,唔单止喺边个网站嘅,可能真喺只有当事人至知点解。不过,都喺果句,背后个事实喺点,唔重要嘅,最紧要,喺件事已经告一段落啦!

今日,我睇番 PP 嘅专栏,发觉原来第一篇文章,喺包括三傻在内,一众网友嘅共同作品。唔知点解,我内心突然闪过一丝感慨;所谓,缘来缘去,里面每一个作者,今日睇番呢篇作品嘅话,唔知会有乜嘢感受?但之后呢个专栏,就只有 PP 出文。点解冇咗法子、冇咗亮剑?点解,只喺留番 PP 响度?

讲到三傻,我响呢个网站留言,都差唔多有两年,同佢地亦有过一段经历。今日,各位网友不时争论关於冇注册留言嘅问题,但原来响年几之前,呢度全部留言都喺冇得注册。后嚟法子兄提出双轨制,而我就提议用另一种颜色或字体识别注册者,结果网主采纳,就变成依家咁。跟住冇几耐,就出现咗地产论坛,目的喺俾资深网友,随时出文,方便大家讨论。当时,可以出文嘅,即喺高级会员,应该只有三傻。

不过,几篇文章,包括两个 CCL 竞猜之后,个论坛就再冇新文。其实,地产论坛,喺有啲设计缺陷嘅;例如,只有响网站首页,列出最新三篇文章嘅标题,而地产博客里面就冇论坛嘅显示,回应列表又冇包括论坛嘅回应,对读者唔太方便。坦白讲,我呢篇「序」,都唔知会有几多人睇到。大家又不妨试下,揾一揾论坛嘅第一篇文章响边?我都揾咗好耐:响呢度

前几日,我向网主提议,将地产论坛嘅发文,提升成地产博客专栏显示模式。即喺话,地产博客里面,会显示地产论坛最新嘅发文简述,回应列表亦包括埋论坛嘅回应。而文章及留言箱格式,会同专栏一样,包括作者可上载嘅简介、照片,同论坛旧文嘅 PULL-DOWN LIST。当其中一位作者,响论坛度出文之后,二十四小时内,所有作者都唔可以出新文,令每一篇文章有最少一日嘅浏览时间。其实,我呢个提议,即喺将高级会员升格,同专栏作者睇齐,只喺呢班作者,分享紧同一个专栏啫。网主考虑将一位网友,提升为高级会员之前,就必须先对呢位会员有足够信心,并确认佢有资格成为专栏作者至得。

结果,网主并冇回覆,但转头就升咗我做高级会员。坦白讲,我自问冇资格,成为地产网嘅专栏作者,而我亦冇咁嘅意思。所以,我决定以呢篇「序」,回敬网主。

我认为,会员之中,三傻,喺最有资格。而我亦明白,三傻出文分享,只为兴趣,但公开发文,难免会招来粉丝、招来敌人。呢啲敌友,因兴趣而生,一日唔封笔,就算走到天涯海角,都会缠住你。所以,响其他平台出文,一样会有人踩场,你可以响其他地方,当佢地透明,咁点解响地产网度,又唔可以当佢地透明?响呢度怕得罪人,难道响另一个场就唔怕咩?大家都喺成年人,亦唔喺撑黄者,点都唔会为咗兴趣,或者乜嘢理想,就连基本嘅自我审查都唔做,随便损害其他人嘅利益嘛?

睇过三傻响其他网站嘅分享文章,呢啲文章,放响地产网度,我唔见得有乜问题噃!好多嘢,睇穿咗,其实只不过喺一个心魔啫。正如,我唔移民,因为香港,就喺我嘅根,经历过回归、经历过沙士、经历过黄虫之患,都喺咁话。又正如,有人问我,点解用死一间银行?点解投资得咁集中?点解唔分散风险、分散投资?我真喺唔知点样解释,只能够话,如果唔喺咁,今日,我就去唔到呢个 SCALE。

其实,到呢一刻,边个啱,边个错,根本就好难定。总之,行直线,讲真话,从来都唔会有问题;输赢,根本就唔重要。关键喺,大家响呢一段互动嘅历程之中,体会到啲乜嘢,心态有冇进步,还是仲喺执迷不悟。心,可以死,但喺,千祈唔好成魔。憎恨一个人、讨厌一件事物,喺好辛苦;放开执著嘅话,就会发现,自己从来都喺有得拣,问题喺,你愿唔愿意去拣。你要走,我冇权阻你,但千祈唔好话我知,你唔走唔得。

茫茫人海中,关系嘅建立,真喺好难;但关系嘅中断,只喺瞬间

今日,我以最大嘅诚意,通过昵一篇「序」,邀请三傻回归地产网,以地产论坛为出文嘅主要平台。而我亦希望网主,释出诚意,将地产论坛既发文,提升至地产博客专栏显示模式,为三傻,以及将来提升成为高级会员嘅网友,提供一个与其他专栏作者,对等嘅平台发文。他日,若成功令三傻回归嘅话,咁我今日嘅文章,就喺呢个新专栏嘅「序」。

我要申明,三傻、网主、各位网友及专栏作者,同我冇任何利益关系或冲突,甚至连私人关系都冇,极其量,只能算喺泛泛之交。呢篇「序」,喺我自发写,唔喺基於任何人嘅要求,亦冇其他目的,纯粹喺尽一个朋友嘅责任,希望大家,开开心心。

不过,如果三傻,最终都喺拒绝回归地产网嘅话,咁我呢篇「序」,就会成为我响地产论坛度,发表嘅最后一篇文章。

法子、亮剑、PP,虽然机会渺茫,但我会等嘅!

 
 
我要回应
我的称呼
回应 / 意见
验证文字
 
会员登入
登入ID 或 网名
密码
1. 引刀一快 2015-06-20 04:29:43
珍港

知唔知点解我钟意驳你?因爲你讲嘢几时都系好技巧咁侧埋一边。
2. 引刀一快 2015-06-20 04:33:43
不过,我依家冇兴趣再穿插回应lu,因爲我觉得你自己都未必有心机睇回应咗乜。
3. 八十后 2015-06-20 08:46:32
珍港兄,谢谢,其实我上黎都好大原因是想学习您和三傻好既人生和分析,希望三傻能因您而出现啦
4. 小小业主 2015-06-20 11:18:55
珍港兄,
有幸看到您这篇序。其实兄台也是小弟学习对像之一,您的言论启发了小弟不少思维,每篇回应也很花心思,小弟拜服。万一三傻师兄不回归,希望您也会继续出文,绝对是网友之福,敬请三思!
5. Ronald 2015-06-20 20:15:21
这编文章,是我们一班网友有缘相聚两年的一份小总结,重启我许多记忆,要详细回应,看来我要分几次以至几天,单看文章附上的超连结,相信珍兄花了不少精神时间,先在此衷心致谢!

首先回应论坛的优化及显眼位置的展示,我会全部接纳,只可惜刚巧遇上两天假期,除值勤的,其他同事都在放假,否则24小时完成及於雅虎等网站有大量Banner指过来,现唯有等下星期一了。

待续...


6. 引刀一快 2015-06-20 23:43:45
唔好谂歪咗,我等紧佢地架,佢地唔喺度真系少咗讨论题材。
7. 历史长河 2015-06-21 00:13:50
有幸看到珍惜兄这篇文章,一如既往的精彩。珍惜兄对人生睇法好深刻,也好正面。多谢分享!
8. 肥婆四 2015-06-21 20:32:12
珍兄是有心人,值得尊敬,值得学习。
9. CH 2015-06-21 22:32:30
珍兄好有心,希望好事成真。
10. Ronald 2015-06-22 12:24:50
呢篇「序」,严格来说的确算是第一编,我们以前也搞过论坛/讨论区之类,发觉网友不热衷建立题目,除一些地产版记者为了收料,所以当年我们也曾聘用全职雇员帮手一年前建立此坛,也是我主动要求亮剑及法子兄帮手建立了三个题目,可惜未能延续,今次得珍兄拔刀相助,写下周详建议为「序」,感激万分。

至於珍兄提到「都唔知会有几多人睇到。」,请放心,要几多,有几多,我们的设计师正在设计Banner放在Yahoo!及各大网站我们的程式员也正在多个网站加入Entry Point。

待续...
11. 蜕变中嘅懒人 2015-06-22 13:57:03
珍惜香港兄处世之道、永远恰到好处,令懒人心悦诚服。

感於兄台有心人也,料想各方将会释出善意诚意,愿有缘人风雨飘摇后再聚首一堂,幸甚。
12. 惜缘 2015-06-22 14:00:34
[ 此内容只供会员阅读 ]
13. 小师妹 2015-06-22 14:49:38
此地产网喜有珍兄的重情义有心而又心胸广阔的网友, 实属可幸!虽是君子虽是小人,一目了然!
14. 大宝二宝 2015-06-22 14:56:55
多谢珍港兄。期盼亮剑,法子,PP兄继续出文,好让地产论坛继续发光,发亮。

共盼之,哈哈!
15. 亮剑 2015-06-22 15:02:20
珍惜香港兄……
你如果间唔中有睇小弟的留言,都知我虽然长气,但绝对系有嗰句讲嗰句的人。
我知自己级数去到边,因此小弟发表文章,只是谈谈己见,与大家分享下,无想过有无钱可帮补呢回事。
咁不涉及钱银,我用笔名即又不涉及名声,如此一来小弟写唔写、几时写同写D乜,我就揸晒主动权。
今后两叁年,小弟绝对睇好香港楼市,但如果我呢家高调走出来有碗话碗、有碟话碟,咁我呢镬就真系横又死、掂又死!
如果真的是升市,我无钱收又得罪人。
如果个市不幸福佳,我肯定被人追杀九条街,寸到我反唇啦。
咁畀着你会否无事忙?
16. 小师妹 2015-06-22 15:04:26
诚心希望很快可以再见到三剑侠无私的分享,期待著风雨过后的彩虹出现!

希望集合众人之念力促成此好事以不负珍兄之苦心及好意!
17. 小师妹 2015-06-22 15:11:28
等待法子和PP的回应....

剑兄,请问你还是认为2017年是楼市转向之时吗?多谢赐教!
18. 鱼蛋仔 2015-06-22 18:31:07

谢谢珍惜香港师兄真诚的分享,我们期待三傻的回归!珍港兄这份以小我成大我的勇气,无私的精神,令人敬佩!

19. Joe 2015-06-22 20:57:56

珍港兄有心有力,何止属高级会员,老早应成为地产网专栏作者,没有你支持简直系地产网及网友之大损失。




20. 元朗人 2015-06-22 21:23:36
珍惜香港兄

非常期待你的文章。支持支持!
21. 打工仔 Andy 2015-06-22 22:19:50
珍惜兄

多谢你的分享, 我们知道的! 
22. 打工仔 Andy 2015-06-22 22:21:35
Ronald,

多谢你的安排! 
23. 物业初哥 2015-06-22 23:56:22
珍兄,缘起缘灭既有定数,比时间三傻整理自己思绪吧

你经常提醒我们要态度、思想正面,我有时对某些事情心的确死了,也很懊恼自己以前没有好好把握机会和时间,如何保持正面心态?唯有不断提醒自己,机会只留给有准备的人,谢谢谢你的分享!
24. 灰夹克 2015-06-23 11:33:51
珍惜香港兄好有心去维系多年的感情,缘份,以文会友,网友都非常认同。
但(引)出了训导主任式的回应逢事过问,样样插手,唯独天下第一。期望三子等网友继续踊跃发言,看来荆棘满途。
25. 活在当下 2015-06-23 15:51:13
睇了无数次,仍然好感动!多谢珍惜兄!
三剑侠,网迷一路都会等紧你们的出现,好难得此网站的缘份,希望大家好好珍惜!再次多谢珍惜兄!
26. CD ROM 2015-06-23 16:39:00
寻日睇完珍兄既出文, 反覆思量, 我这等没甚份量的后辈, 应该回覆甚么呢??? 最后一句话都没回...

到左呢一刻, 我其实都没甚头绪, 但没内容都好, 珍兄呢个靓set, 我地当然要接落去啦~~~
27. CD ROM 2015-06-23 16:51:22
亮剑兄, 你既然都话你无乜负担, 你写既野同主流唔同, 只要你有你自己既理据, 又可妨同大家分享一下呢???

毕竟你既回应, 由"王先生" 到 "亮剑"时代, 小弟都亲历其中. 特别系你之前回应我有关中西区小女准备要返学既一d逸事, 也被你言中一一兑现中~~~

期待你, 同PP法子既出现~~~
28. Jerry 2015-06-24 10:02:35
谢谢珍港兄的用心分享!

希望法子、PP及亮剑能回归地产网
29. Admin 2015-06-24 10:13:20

Banner 已上Yahoo! 财经・地产  多个不同版面



30. 占士 2015-06-24 11:51:43


珍惜香港兄,您是真是用心良苦 亮剑兄已经回归。希望法子兄和PP兄放下疑虑,回归地产网和大家分享您们的真真知灼见!



31. 亮剑 2015-06-24 11:57:31
CD ROM ……是否呢篇?

唔知阿嫂会否好似小弟老婆咁玩嘢:

1 明明中西区及湾仔D楼贵夹细,但系要搬过来,佢会同你讲贪呢度校网好。

2 明明 11及12 校网你去考又好,你大抽奖又好,好多间免费名津校畀街坊子女任入,但唔知点解D女人,系要同你个细路报那些:「要畀钱又劲多人争住入嘅学校」。

3 到你小朋友真的入咗呢D学校,你两公婆亦发觉其他小朋友,唔少人的情况与你们相若,即系街坊但要跌钱读书;而其余的小朋友,就长途跋涉坐褓姆车 过江上学,学费连车费随时够供楼。


香港咁多怪兽家长,年轻人首置的首期点来还有悬念吗?


Or 呢篇?
喺拾几年前我见到有个朋友,送阿仔去读国际学校,我觉得好奇怪,点解有D人有免费教育唔享用,而要送钱俾人洗?


直到七年前我阿女19个月大,老婆就送囡囡去某间国际幼儿班,每月使几仟银俾佢去玩游戏,我问太太点解?她说第二时你就知!


到阿女两岁几,她去投考幼稚园,申请六间中五间,但我太太拣选了那间小学要俾钱嘅。


现在阿女要每年俾几万返学,而我睇倒有样几奇怪既嘢。如果要俾钱嘅学校系指国际、直资及私立,咁我身边接触得到嘅人的选择系:

隣居街坊……因为我住在11校网,所以要俾钱返学的小朋友大约占6成。

阿女的同学仔……老婆同阿女拣果间要俾钱嘅同学仔唔计,但她们的兄弟姊妹几乎都读紧要俾钱嘅学校,就唔提唔得,而且那两叁个读紧津校的小朋友并唔系唔想读,只不过佢哋考唔倒要俾钱果D咋。

兴趣班……小女亦有去跳芭蕾舞、弹竖琴、学游泳,非常奇怪,她8成以上同班,读书要俾钱。

补习……囡囡中英数要找人私补,而果几个补习老师的客仔,亦几乎全部读紧要俾钱的学校!


如果要读国际、直资及私校,每年拾多万「消费」只是最低要求,那么培养一个小朋友的成本,咪几百万起码?

几百个都舍得跌, 咁当呢班小朋友第二时大个咗,他们的父母包括我,会否唔理佢哋死活,拒绝帮手为他们的下一代去置产?

我点解强烈睇好港楼,呢个系重要原因!

如果兄台你连同太太都喺港岛北工作,第二时又希望D小朋友在11或12校网升学,那么俾贵5成搬去中西区是合理的安排。

我有朋友的细路要乘校车及褓母车返学,呢几年车费加幅拍得住楼价,如果加埋大人舟车费同通勤时间,每月几仟起码。

上述舟车费用,系支出。消耗喺旅程上的时间,系无价之宝。

就算你小朋友之后走去读直资或私小,咁中西区亦有好多俾你拣。


32. Ronald 2015-06-24 15:21:59

还有,地产论坛的出现,除让资深会员可新增题目/选写文章之外,也让所有会员可修改/删除 当日自已的回应 


至於作者可上载简介、照片,上载简介容易,上载照片?因要迁就不同平台的显示方式不同,我们的programmer仍在设计中...

 

33. 引刀一快 2015-06-24 15:26:50
Ronald兄

如果所有资深级嘅回应可以不限时修改,作者变相可以对自己言论不负责不承认,似乎其他对参与讨论人士不公平。
34. Ronald 2015-06-24 16:22:41
引刀
果然反应快,的确有不公平,暂只有3名资深级,也未见他们修改,我们马上修定为可 修改/删除 当日自已的回应 

35. 占士 2015-06-24 16:27:26

Ronald兄,请问如何才能由初级升到资深级,是通过什么的标准评价,及会员自己如何知道现在离升级有多远?

36. Ronald 2015-06-24 17:21:41
占士兄,
暂时没有甚么机制 资深的分别只是可自行开新标题去写文章,若你或有其他网友想开新标题去写文章 第一次可电邮文章到 admin@property.hk 给我们看看先。

37. 引刀一快 2015-06-24 18:19:04
To 34楼 Ronald兄

多谢回应,引刀呢种反对派出身嘅网友的确会对呢类问题敏感D,希望大家只用呢个功能修改错字同埋删除重复发文,出文之前大家都谂清谂楚,对言论负责,维持论坛质素,引刀辣过唔少火头,亦引以为戒。
38. 占士 2015-06-24 19:51:08

Ronald兄,好的,明白了,谢谢您的回复!

39. 珍惜香港 2015-06-24 22:38:28
珍惜香港TO:32/F、34/F Ronald

关於作者简述同照片,可以跟专栏嘅做法,归纳於 "article-header" 入面显示,同内容分开。至於照片上载嘅兼容性问题,亦可以通过规定作者上载图片嘅格式解决。

我「序」里面建议,响地产博客度,显示地产论坛最新嘅发文简述,而文章及留言箱嘅格式同专栏一样,包括作者可上载嘅简介、照片,同论坛旧文嘅 PULL-DOWN LIST。响技术上,可以保留 "forum_content.php" 作为会员出文或修改嘅平台,但就开一个新嘅专栏,例如 "article_content.php?author=FORUM",将地产论坛嘅发文放入去,咁就可以兼容现有嘅专栏。

其实,网站会员分三级制,应该喺基於对会员留言嘅种类及操守而定。高级会员可以出文,喺因为网主确认呢个会员嘅资格同操守,等同一个专栏作者。一个专栏作者,必须对自己嘅言论负责,网主对佢呢方面要信任,先至会将佢提升为高级会员,所以对修改及删除文章同留言方面,应该给予最大弹性。

一个中立嘅网站,喺唔应该为咗作者「有机会」讲过唔算数,就限制佢地处理自己文章嘅权利,毕竟果啲都喺佢地自己嘅知识产权。正如汤博士,若要求网主,将佢任何一篇旧文修改,甚至删除,网主都唔会有异议,因为呢个喺博士嘅专栏,佢有权对自己嘅出文,依佢自己嘅意愿处理。讲过算唔算数,喺专栏作者自己负责,而唔喺网站强行要佢地负责。

我响「序」里面提出,将高级会员升格,同专栏作者睇齐,除咗为三傻回归释出最大嘅诚意之外,亦为网主开辟另一条物色专栏作者嘅渠道。各位网友,只要响留言质素,同操守各方面,得到网主嘅认同,就可以提升为中级会员,享有同专栏作者一样,随时修改及删除留言嘅权利。呢个权利,鼓励中级会员响留言区内,作高质素嘅分享,甚至以文章形式留言,同时试炼出佢地嘅操守。到网主认为,一个中级会员,响留言区嘅发挥,已经达到地产网专栏作者嘅水平,而留言操守又合乎资格嘅话,就可以将佢提升为高级会员。高级会员,除咗随时修改及删除留言之外,更可以同专栏作者一样,发表真正属於自己嘅文章,同接受读者留言。

所以,我赞成保留依家中高级会员,可以冇限制修改及删除留言嘅做法。如果认为唔公平嘅,就倒不如所有注册会员都冇限制,反正芳间嘅讨论区都喺咁。其实,网主将会员升级、降级,已经喺最大嘅把关。不过,初级会员只能修改及删除当日留言,就应该改为出言一段时间内,例如十二或廿四小时,咁就可以避免晚上十一时五十几分出言就改唔到嘅问题。

当然,呢啲只喺我个人意见,最终都要网主衡量过嘅。

网站喺中立平台,得以成功,喺基於互信同尊重,唔喺基於规限。

(呢句喺后加:多谢网主响「序」度加嘅照片)
40. 引刀一快 2015-06-24 22:47:14
珍港兄

你又主动符合咗我喺一楼对你嘅评语喇,thx
41. 引刀一快 2015-06-24 22:48:26
如果一个人咁守规矩,咁驶咩咁怕D规矩?系咪?
42. 肥婆四 2015-06-24 23:05:14
珍兄果是自由开放人,既公平,又公开。唔认数?唔使惊,大家都睇到,唔认即是认错咁解罗。
43. 安全驾驶 2015-06-24 23:14:06
to 41/F,

The issue in discussion here is what sort of environment the forum shall provide to authors. An author not bothered by rules set does not mean the forum has an environment that respect authors' right.
44. 引刀一快 2015-06-24 23:58:58
肥婆四兄

咁就冇必要搞呢种特权,如果一个人讲嘢要留后路删除,即系对自己言辞有保留。
一言既出,驷马难追,如果一个可以追,一个唔可以追,呢种不对等讨论已经称唔上讨论。
45. 引刀一快 2015-06-25 05:21:30
To 43楼

唔好意思,兄台你介唔介意按原文打个中文版?当系教引刀英文喇,多谢。
46. 引刀一快 2015-06-25 07:46:18
珍惜香港兄

我就兄台此文深感诧异,甚至质疑自己世界观,点解有人讲好话庇护嘅文章,我会无法认同嘅?

我试试抽几点岀嚟讨论下,若珍兄希望引刀逐点反驳的话,请直接告知引刀。

其实,网站会员分三级制,应该喺基於对会员留言嘅种类及操守而定。高级会员可以出文,喺因为网主确认呢个会员嘅资格同操守,等同一个专栏作者。一个专栏作者,必须对自己嘅言论负责,网主对佢呢方面要信任,先至会将佢提升为高级会员,所以对修改及删除文章同留言方面,应该给予最大弹性。”

给予高级会员出文自由度,当然可以理解,但系要求随便删改言论嘅特权,到底用意何在?
你所讲嘅“信任”,若果系等同于爲所欲爲的话,咁就即系建基于对其它网友嘅“不信任”,希望呢句话嘅意思你能充份理解。

一个中立嘅网站,喺唔应该为咗作者「有机会」讲过唔算数,就限制佢地处理自己文章嘅权利,毕竟果啲都喺佢地自己嘅知识产权。正如汤博士,若要求网主,将佢任何一篇旧文修改,甚至删除,网主都唔会有异议,因为呢个喺博士嘅专栏,佢有权对自己嘅出文,依佢自己嘅意愿处理。讲过算唔算数,喺专栏作者自己负责,而唔喺网站强行要佢地负责。”

请问有边间学术机构边间高校出咗正式文章会改?发现问题之后加补充文件就会有!唔通人地嘅文章就唔系知识産权?每个人都要为自己言论负责,要么不发表,发表咗就要承担。
汤生连书都出埋,当然对出文负责喇,请唔好乱拉人做挡箭牌。奇就奇在点解你文都未写,就要先为删文搵后路?

讲过算唔算数,喺专栏作者自己负责,而唔喺网站强行要佢地负责。”
呢两句可谓经典。
请问如何负责?随意删文嘅特权本意就系避责。
不单写嘢嘅人要对言论负责,就算系刊登嘅网站亦可能会负上相关责任,对自己言行负责系本份,系爲人处世最起码要求,何谓“强行”?








47. 亮剑 2015-06-25 09:27:19
珍惜香港兄……
点解呢个网加咗修改及删除选项,可能与小弟有关。
你都知我是一个不学无术的半文盲,不时贴文之后,经朋友发现文句不通、逻辑混乱、数据有错,咁之前我就打电话或电邮畀L小姐,同我更正删减。
可能网主见咁搅法,佢真系请多个人招呼我呢D半文盲都似,因此他增加咗呢个修改及删除功能,等我自行增减改错修饰。
引刀兄,你不要大敏感啦,我同珍港兄呢D都系顶天立地嘅男子汉,一系唔写、写咗唔会唔找数或改到呀妈都唔认得咁衰仔!
48. 珍惜香港 2015-06-25 10:23:34
珍惜香港TO:47/F 亮剑、46/F 引刀一快

关於修改或删除留言呢个 TOPIC,喺见仁见智,亦唔喺我嘅著眼点,但既然引发讨论,就作最后补充。

我每次出文,尤其喺长嘢,都会作多次修改,主要喺用词、错字、文句组织、及加减蓝色连结之类,但通常唔会玩超过一日。只喺有时睇番一堆旧留言,发现有啲 YOUTUBE 影片同连结唔再 WORK,就 UPDATE 番哂佢地啫,边有闲情关心讲过算唔算数呢味嘢。如果真喺要为修改及删除设限,就请改为出言一段时间内,例如十二或廿四小时,以避免晚上十一时五十几分出言就改唔到嘅问题啦。

其实无须诧异,亦唔关个别留言者事嘅。睇番外面各大讨论区,FACEBOOK 也好,其他公开网站也好,都喺俾注册者修改或删除自己嘅留言,最多只喺响留言度标示曾经改过、最后几时改过。坦白讲,我睇唔出点解地产网嘅讨论区,有必要响呢方面,同其他讨论区唔一样,要另设限制。

我响 39/F 度以汤博士为例,应该已经一目了然吧。专栏作家,对自己嘅作品,无可否认,的确有自主权,呢样嘢唔可以抹煞。莫讲话汤博士有权修改或者删除自己任何一篇旧文,甚至有权将成个专栏关闭添。不过,佢对自己嘅言论,当然亦必须认真同负责,但唔喺要网站帮佢负责,就喺咁简单。

所以,会员三级制,作为提升成专栏作家嘅标准,以修改或删除留言嘅弹性分级,自然就顺理成章。39/F 对会员分级标准嘅建议,亦喺嚟自呢个概念。不过,如果认为呢种做法唔公平,或有乜特权之类,咁都喺果句,倒不如所有注册者都冇限制,跟外面各大讨论区一样,响改动过嘅留言度,标示曾经改过,同最后几时改过就算。

BY THE WAY,今朝发现地产论坛文章,提升成地产博客专栏嘅显示模式,原来已经初步完成。

大家可以 CLICK 呢度,就睇到提升后嘅效果啦!真喺要再三多谢网主!
49. 引刀一快 2015-06-25 10:27:46
亮剑兄

我对你几时都祗系讨论问题,咁耐都未对你投诉过咩,因爲就算唔同意你讲法,都认同你爲人同处世态度。亦因爲亮剑兄你说话实在,从未需要过同你翻旧账,讨论过了就过了。
删改功能呢様嘢,本来作用就只系作爲勘误之用,因爲网文写作冇必要同论文一般严谨,各网友间应该系平等并且有时限性。
既然你话“一系唔写、写咗唔会唔找数或改到呀妈都唔认得”,咁点解要咁强调保有不限时删文特权?
若果要大部份人以实牙实齿嘅态度,同有权随时反口嘅特权阶层进行讨论,即使实际出文之后大家都唔改,其实喺意义上已经大打折扣,呢点我相信亮剑兄必然心领神会。
50. 肥婆四 2015-06-25 10:29:48
回44引刀兄,
咁执著做乜,呢啲系规矩者,网站自有法律考虑,大家守同一个规矩咪叫公平罗。有时删改未必系作者本意,不时之须人皆有之。况且,要删改即是之前有缺陷。
51. 引刀一快 2015-06-25 10:39:27
如果讨论内容关乎预测、或者有较强正反两方嘅特性,单方讲完可以随时改嘅话,可以讲讨论都冇乜意思。
至于全部人都可以随时改文的话,系相对地合理,不过有损出文严谨性,要考虑所作牺牲。
其实呢个问题有D似购物嘅无条件退货期,表面文明,实则损害消费市场。
52. 引刀一快 2015-06-25 10:50:31
肥婆四兄

我自己都成日用删改功能,我只系反对不限时删改同特权制啫,作爲勘误,冇必要无限时,少量字误,亦唔会有人翻岀嚟讲,举个贴身嘅例,如果我删除咗我上年买CCL唔过118嘅所有帖话自己冇估错过,或者运输工人删完帖之后话自己冇言语抵触过其他人,论坛就变得好儿嬉。
53. 肥婆四 2015-06-25 11:13:36
回引刀兄,
你唔会咁做,相信大多数网友也不齿去做。网上交流学习,目的增加知识,唔系自己有几啱,对方有几错。
54. 引刀一快 2015-06-25 11:24:58
肥婆四兄

简而言之,如果论坛冇好友淡友间嘅针锋相对,一切都变得简单。
55. 肥婆四 2015-06-25 12:00:11
引刀兄,
有好淡才有睇头 ,自己睇唔到的,对方睇到,咁就相得益彰啦 。就算唔认同对方,最少都有谂一下道理,对自己大有好处,发挥到风度就更显高尚了。
56. Ronald 2015-06-25 12:35:14

各位:

我们不分初/中/高先,只分「初级会员」和「资深会员」 两级,因为我们未有提供甚么福利, 仅仅让所有会员可修改/删除当日自已的回应,资深会员虽可新增题目/选写文章,也不值一提。

资深会员专栏
http://www.property.hk/article_content.php?author=PHK_FORUM&type=&com=&id=38466

让我们先评估下可否拨更多资源,搞个会员俱乐部,提供更多资讯,如:我们提供数据给学者选写的报告、过滤出业主的免佣放盘、法定实用面积、凶宅准确楼层,甚至是网民搜寻楼盘指数走势及分享我们部份的收费项目...

到时再分多级。

57. 珍惜香港 2015-06-25 13:06:03
珍惜香港TO:56/F Ronald

其实,关於留言删改方面,我仲有另一个方案,不过这两日都用唔到电脑,且呢个议题又唔喺咁重要,我到明晚至提出啦。
58. 路人甲 2015-06-25 16:42:30

E?
呢度系做乜架?
59. 小小业主 2015-06-26 18:58:21
有会员俱乐部,举脚赞成!
珍港兄,期待您的发文!
60. 珍惜香港 2015-06-26 23:04:43
[ 此文於 2015-06-27 23:06:03 删除,按此显示出文后 24 小时之原稿 ]
61. 引刀一快 2015-06-27 00:30:46
珍惜香港续 57/F

坦白讲,我真喺好讨厌只能当日修改呢个做法。我写嘢嘅时空好有限,通常都喺响黄昏打后至写,如果写长嘢,午夜前 POST 个稿,就修改到超过午夜后至完成。依家即喺迫我一定要响午夜之后至 POST,再改埋真喺想我死咩!

如果唔喺有个别人仕,对其他留言者有 N 咁多个 CONCERN,就唔使咁麻烦啦!

回正题,我呢段留言,喺要展示一个超过廿四小时之后至删除嘅例子。

一个留言者,於出言后廿四小时之内,删除自己嘅留言,整个留言就会被删除,不再显示。

但如果出言超过廿四小时之后至删除,咁就会留低一段空白嘅留言,但里面会显示删除嘅时间,及一个连结俾大家睇番呢段留言初出廿四小时后嘅版本。

我会响下一段留言详细解释整个方案。
================================================

平心而论,兄台所罗列嘅两个理由,都好个人化。
其实冇必要将规矩高度复杂化,搞到新人老手大家都唔识得用,咁又点会有亲和力呢?

62. 珍惜香港 2015-06-28 16:31:06
珍惜香港

呢篇,出咗成个礼拜,喺时候打完场啦!

首先要同引刀兄讲声道歉,60/F 个 DEMO,背后隐藏嘅删除内容,诱使咗引刀回应,仲将成篇隐藏内容抄番哂出嚟添。我先道歉,喺因为将会就呢件事做例,借题发挥。

留言或发文者,删改文章,可能嘅原因,真喺数不完。或者,讲咗唔适宜讲嘅嘢、爆咗唔应该爆嘅料,挑起咗太多矛盾,想收番文章,想平息纷争,想停止有人再被伤害;难道连咁基本嘅权利,都唔可以有咩?

正如 60/F,删除咗自己嘅留言,结果俾 61/F 成个挖番哂出嚟,何必呢?

我呢篇打完场,亦同时喺关於修改留言嘅另一个 DEMO,背后隐藏嘅编辑前内容,唔知又会唔会被挖番出嚟?唔好以为,我花咁多心思搞两个 DEMO,真喺为咗要推销呢个令网站程式员,增添咁多麻烦嘅「完美方案」。坦白讲,我根本唔认为网站须要为删改文章设限,极其量好似香讨咁,加番啲删改标示,就已经仁至义尽。

咦?点解编辑前编辑后,语气同立场,好似有啲唔同嘅?究竟边句真架?

我想反问一句,重要咩

所谓,虚则实之,实则虚之。呢个世界,好多嘢,背后真正嘅原因,你喺永远都唔会知。单凭一片画面,就以为自己洞悉一切,咄咄逼人,先至喺最无知。正如法子兄描述嘅个案,由怀疑,变成相信,再变成肯定,以致万劫不复;又有如最近有网友悬崖勒马,大彻大悟,我再赠惜缘

或者呢度有人,仲未谂得明,点解我篇,会由政改写起?关政改乜事?其实,重点所在,我已经写咗两次:背后真相喺点,根本唔重要,是非对错,亦好难定;关键喺,大家响整个历程之中,体会到啲乜嘢,心态有冇进步,还是仲喺执迷不悟。心,可以死,但喺,千祈唔好成魔

记得双轨制实施之前,所有留言都喺冇注册。回想当日,你,都唔知喺唔喺你;我,亦唔知喺唔喺我。反正都喺唔知,倒不如将重点放响议题度,那管你你我我,讨论气氛反而仲好过依家。双轨制赋予网站最大嘅进步,喺一个可持续发展嘅会员制度,而唔喺要解决乜嘢是是非非。有人话,不如只有注册者可以留言,我认为喺多余。若人心不变,是非,喺永远得唔到解决,疑虑,亦永远得唔到满足。唯一嘅方法,就喺大家将焦点,集中番响个议题度,唔好再执著是非,唔好再执著你我。

今次,网主已经释出咗最大嘅诚意,我万分感激,亦多谢 Admin 同网站程式员嘅配合。会员制度得以优化、得以发展,将会喺网友之福、网站之福。

呢篇打完场,喺嘅总结,亦喺我响嘅回应箱里面,最后嘅回应,希望大家真喺明白,嘅真正意思。今日见到汤博士嘅文章,话网友离去,小事一件,不值介怀,随遇而安。所谓,缘来缘去,适当嘅讨论环境同气氛之下,相信佢地会随时回归嘅。

我会遵守承诺,之后,三傻未肯响呢个专栏出文之前,我亦唔再出文。不过,请 4/F 小小业主唔好误会,只喺唔响呢个专栏度出文啫,有 MOOD 嘅话,我仍然会好似以前咁,响各回应箱度写下长嘢嘅。

法子、亮剑、PP,我仲等紧架!

[ 此文最后於 2015-06-29 16:33:03 编辑,按此显示出文后 24 小时之原稿 ]
63. 引刀一快 2015-06-29 05:21:19
珍港兄

你上面篇嘢我睇咗第一段,唔明你道歉D乜,不过点都好,我谂唔驶道歉,该道歉嘅你又唔道歉。
后面嘅我得闲会睇埋佢,唔好意思。
64. 永远是朋友 2015-06-30 22:11:10
65. Ronald 2015-07-11 15:13:37

於这编文章,我的最后回应是,「序」在地产论坛度,一定不会是最后一篇发表嘅文章,稍后后陆续有来。

在此再次向珍兄致以最衷心的感谢!

66. 新淡友 2015-07-24 12:46:44
问珍港兄
http://hk80captain.blogspot.hk/2015/07/blog-post_22.html#comment-form
starman所说的系唔系你既做法?
如果只得3百万港纸, 有冇得玩?
67. 珍惜香港 2015-07-25 04:00:09
珍惜香港TO:66/F 新淡友

留鱼再取熊掌嘅操作,其实即喺押砖融资,再买杠杆债套息差。呢盘嘢,我经营多年,可以算喺先锋。之前写得比较间接,喺因为涉及颇复杂嘅技术细节,同埋要抵抗当中一系列嘅投机诱惑。如果有人睇唔明,或者一知半解,又或者投资风格唔同,就贸然根据我提供嘅资讯作出投资决定,咁就真喺分分钟会累死人。

我嘅做法,喺有规有矩,借受严格监管之下嘅优质平钱,以一盘生意嘅模式去做。至於回报率有几高,我后来亦响数字上举过例。可惜,,始终喺人嘅天性;之后基於呢个操作,就衍生咗一系列抄袭同变种个案,结果触动金管局嘅神经,就喺我早前提过嘅金融扭曲第三波

阁下问到,Starman 留言嘅内容,喺唔喺我嘅做法。我可以答你,数字上嘅操作,喺,但响具体运作方面,佢果种手段,就不敢恭维啦!我都话,要有规有矩嘛!纸喺包唔住火,挂羊头卖狗肉,后果可以好严重。

至於你话,三百万港元,既然喺 CASH,唔喺借贷,咁就好简单。美元债嘅单位,一般喺十万或廿万美元,而关於杠杆债,可以参考呢篇旧文,当中亦有提及拣债嘅标准,唔重复啦。
68. 濑西一块 2015-07-25 12:03:47
有濑西一块喺度永远有是非,晒气啦,去第度玩算吧!
69. 引刀--快 2015-07-25 12:37:26

68

今次我又捉到你,你又系捞波弟。