地產博客 > 敢說亮話 返回
瀏覽人次:23634    回應:6
敢說亮話

茶餐廳亂話(585)低溫症並不一定是毒癮起

 

湯文亮博士

紀惠集團行政總裁
2019年11月22日

  今早去到茶餐廳,叫水吧安哥給我一支可樂,並且立刻替我整個餐蛋公仔麵。安哥從未見過我食公仔麵,於是問點解。我話出現低溫症,要立刻食一些糖分高食物或者飲品,仲要食一些碳水化合物食物,可樂與公仔麵最啱。老闆問點解我會出現低溫症,是不是師傅到,即是毒癮起。我話可以咁講,今早跑完步去游水,水溫只得攝氏18度,游完水開始覺得凍,於是快快趣趣嚟茶餐廳食個公仔麵。這個情況運動員經常都會遇上,他們叫撞場。其實是劇烈運動令身體產生大麻精,運動員亦跟著亢奮,但隨時因為運動過劇或者停下來而覺得體力不支,週身標冷汗,這便是低溫症。這種低溫症是原出於大麻精但並非吸毒做成,所以不能夠說是師傅到

  這幾日,不少從理大出來的人出現低溫症,有不少人說他們吸毒。我認為不宜太早下判語,我認為他們大多數因為在理大的日子是非常亢奮,身體產生不少大麻精,當他們停止下來的時候便會出現低溫症,並不是師傅到。如果當時有人給予他們一支可樂,一碗餐蛋公仔麵,他們又會龍精虎猛。所以,一定要調查清楚才發表,就算不同政見都不應扣對方帽子

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 未見過我食公仔麵 2019-11-22 15:01:10
禾都未見過博士食公仔麵, 不過博士以前分享過, 感冒起的時候用兩包味精粉開水飲, 飲完飲更多的水然後大覺瞓便很快好。
2. 正氣 2019-11-22 16:18:40
大家都知,博士都知,不過傳媒係唔會報,因為對他們不利的信息
3. 向泛民说不 2019-11-22 16:23:19
今次运动最搞笑的,黑衣人输竟然输在卫生上。香港人,仲有咩面笑大陆人不文明,不卫生。
4. 不利的信息 2019-11-22 17:18:30
小賣部有可樂同公仔麵?
6. 秋水 2019-11-24 08:18:34
有無人記得喺港獨分子貨倉曾搜到大麻精?唔排除係俾人斷路所以斷供應,個個藥力過發作。成間大學又有食堂,食物同水唔短缺,撞牆只要食啲嘢落肚就解決到,點會去到低溫症?呢個只係一般正常人有嘅合理懷疑啫!
7. 樹楊 2019-11-24 12:19:21
佔中時期有一名現時係逃犯的人 , 家中搜出大量偉哥 , 原來食過偉哥會一味向前衝 , 藥力過左之後 , 縮頭縮尾打冷震 , 低溫我估就係咁得掛 .