地產博客 > 敢說亮話 返回
瀏覽人次:16539    回應:33
敢說亮話
茶餐廳亂話(581)今天的我打倒昨天的我
 
湯文亮博士
紀惠集團行政總裁
2019年10月22日

  今早去到茶餐廳,感覺很奇怪,因為有一位一向非常支持警察的熟客,今日突然一反常態,不再撐警,反而對警察的執法手段有所保留,其他熟客未摸清來龍去脈,大家都唔敢搭口,因為現在講政治,如果啱channel 大家仍然可以做朋友,如果唔啱,隨時被人unfriend,那位熟客講完一輪之後,唔見到有人搭咀,覺得冇㽼,埋單走了。
     

  那位熟客走了之後,其他人立刻問老闆點解那位熟客突然掉轉槍頭,以今天的我打倒昨天的我,老闆苦笑話,因為那位熟客兒子在示威區被拘捕,兒子向他投訴受到不公平對待,在愛子心切的情況下,他對警察的態度作出180度轉變,因為他相信他的兒子並沒有參加示威,只是路經示威區,不過,現在講什麼也沒有用,最緊要證明到是警暴,令到所有參與示威的人得到特赦,他的兒子便可以甩身,這亦是五大訴求之一,老實說,天下父母都是愛護自己兒女,不能說那熟客以今天的我打倒昨天的我。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Vendetta 2019-10-22 10:09:11
簡單D講 人就係自私 事不關己 己不勞心
今日未影響到你 你就對警暴沈默
2. 華哈哈 2019-10-22 10:20:37
段校長 😂
3. 路經 2019-10-22 10:22:27
蒙面法禁制令唔批果時個官咪講左囉, 當警察舉旗嘅時候應該要速離吖嘛, 仲企響度, 咪係非法集結囉, 有咩咁難明?
4. 多事的路人 2019-10-22 10:28:33
一場政治鬥爭要找目標,除了最高級外,前線的警察最容易成為鬥爭對象。

根本就是一場政治鬥爭,什麼公義,什麼訴求,什麼警暴,什麼手無寸鐵,全是廢話。
5. 段校長 2019-10-22 10:43:46
仍然在世的中大前校長見到斷送智可以講乜呢?
6. WWSG 2019-10-22 11:46:15
差佬大聲公警告幾粒鐘都唔離開示威現場,又唔係住果度,
戴埋口罩着黑衫串串貢,拉你有乜好駁嘴.

7. Hongkonger 2019-10-22 12:06:09
4. 一針見血!!
8. Stephen Wong 2019-10-22 12:09:13
To 1F
街上捉到個雄性強姦色魔,唔通要將所有男人去勢.
唔通因為有少部分勇務大學生,就否定大部分同學仔勤奮好學咩!
其實係好簡單嘅道理.
9. 全港講大話 2019-10-22 12:09:17
為了所謂民主,全港可以埋没良心,倒黑為白,指鹿為馬,屈執法的警察。

怕了美國没收財産,收回緑卡。
10. To:5/F 2019-10-22 12:14:04
我相信他們會要求段校長立即辭職。這是因為他沒有資格作為校長.
11. 否定大部分同學仔勤奮好學咩 2019-10-22 12:19:36
回復舊底精英制, 佢地有九成入唔到大學, 剩下一成中有九成係內地優材生, 這些勤奮好學同學仔, 未有毅進時, 都係去職業先修度繼續勤奮好學。
12. MT 2019-10-22 13:41:31
嚟緊區議會同埋明年立法會選舉好大可能泛民大勝,好想睇吓泛民控制兩個議會的後果,如果從此天下太平社會繁榮,我都打倒昨日的我支持泛民。
13. 暴長 2019-10-22 14:14:35
根本明知是暴徒犯法,大學培育暴徒,為非作歹,自命道德高地地,實縮骨,包庇惡勢力,可恥,偽良知!
14. 泛民大勝天下太平社會繁榮 2019-10-22 14:58:42
自由行會正式被封, 如何有後八字盛況?
15. 向泛民说不 2019-10-22 15:27:15
楼上,饭民不可能大胜啦,根本香港人好多人讨厌饭民。零售业和建造业差唔多100万从业员,这次影响最大,估计8成支持建制。黑衣人看下去很多人,但是现在很多搞破坏的根本还不足18岁。饭民贼最近也没有什么话了。
16. To: 向泛民说不 2019-10-22 17:08:14
我真的希望你說的能成真。不過,我很擔心12樓的預期會實現。香港有太多愚蠢的人支持饭民。
17. 小小蟻民 2019-10-22 17:58:47
面對暴力,丟磚石、氣油彈、鏹水彈,唔用武力,警察可以用點? 企定定做箭靶? 將心比已喇!
19. 地產佬(收成期) 2019-10-22 21:33:28
對自己有利益就好 ,正如你咁,撐警對你有著數!
20. Hongkonger 2019-10-22 21:37:10
香港人識得將心比己,就不會集體被迷惑喇!!
21. 真真薯片 2019-10-22 21:45:21
犯民控制議會會點冇人知,因為未試過

但係林鄭DQ犯民議員再贏補選然後再改埋議事規則,建制同正苦開香檳興祝全面執政既場面我仲歷歷在目,果段時間維持左兩年左右,之後既結果,今日大家有目共睹

如果唔係建制全面執政,送中條例根本冇得硬推,好似佔中咁由犯民否決和平完場,洗搞成依家咁?
22. 因為未試過 2019-10-22 22:34:04
犯民可能都冇諗過以烏合之軀可以執政,不過本土既然偽三權分立,大不了無事退朝,癱瘓幾年,惡唔出啲乜嘢。
23. 引刀一快 2019-10-23 01:16:24
真真薯片兄


依家已經唔係中港同質化,而係香港極權化,所謂識時務者為俊傑,總有唔少俊傑早著先機。

唔好惹呢啲人。


24. 選擇性失明失聰 2019-10-23 10:08:44
一切都係比例問題。警察有權拉人,示威者有冇權拉人? 示威者有汽油彈、磚頭、木棍就好暴力,咁警察有各類致命武器就唔暴力? 警察拉咗超過2600人,警察濫暴濫權有幾多人拉咗?(提埋你啦,咪只係得北區醫院CCTV斷正個3個)警察開完槍,唔使停職見心理醫生,裸體浮屍就斷定自殺無可疑,最好下次濫權濫暴個對住唔係你,唔係下個毛漢就係你。黃藍是政見,黑白是良知,唔好因為政見而埋沒良知。
25. 經濟繁榮 2019-10-23 10:42:58

睇樓上各位嘅回應,絕大部分都係支持香港警察的。三權分立中,司法明顯偏黃,立法半藍半黃,行政軟弱;好在有敢於擔當、嚴正執法嘅警隊在前線守護香港,否則香港嘅經濟和民主自由就會被摧毀,市民就會被無恥之徒革了命!

26. 行政軟弱 2019-10-23 10:53:37
因此, 尋日有傳會換特首, 有冇人信唔通換個再林善啲嘅? 
27. 十郎 2019-10-23 11:03:26


      其實阿爺係贏家


28. 引刀一快 2019-10-23 14:57:33
依家唔知邊個係老竇嘅親生老竇就真。
29. 向泛民说不 2019-10-23 15:34:09
24楼,全世界警察都系有致命武器啦,警察要执法吾用暴力点执法啊,示威者拿汽油彈、磚頭、木棍就是黑社会啦,英国暴乱几日就抓了4000几件,香港4个月只系的2000几件。你英爹系吾系暴力很多啊。用下脑先up啦。

几单警察开枪,从你地黄c镜头下见到警察都系安全受到威胁先开枪啦。大佬,现在你地暴徒要私了,要拿人命啊。警察吾系人啊,等黑衣暴徒打。

裸體浮屍就斷定自殺無可疑,原来假设谋杀,后来法医官解剖无可疑,加上家长话个女仔思觉失调证。仲有肯定之前看过心理医生,断证为思觉失调。吾L好以讹传讹,吾L好消费死者啦。黄c真系无耻。
46. To admin 2019-10-23 20:32:38
Please delete 31 to 45 duplicates messages 
47. LaLa 2019-10-24 08:12:22
竟然有人認為暴徒與警察是對等的,得人驚!
48. 引刀一快 2019-10-24 10:11:29
To 24樓

“黑白是良知”

你知唔知,良知原來各有定義。
有啲人心目中嘅良知,其實係口技。
不過,上帝對良知嘅定義,係不變嘅,直至最後審判都唔會變。
49. 引刀一快 2019-10-24 10:48:10
向飯

你係咪客席驗尸官?
50. 引刀一快 2019-10-24 10:48:52
向飯

你係咪客席驗尸官?