今早天氣時晴時雨，但氣溫就很適合跑步。之後去到茶餐廳，見到水哥一面病容，問點解老闆咁刻薄，唔俾佢請病假。安哥話不是老闆刻薄，而是昨日有幾個戴了口罩的人到茶餐廳，在老闆面前叫各位同事今日罷工，最低限度都要搞不合作運動，冲咖啡都要一杯一杯冲，客人落單時要問多兩次，仲話服務以客為尊。老闆當然不敢得罪那些年輕人，於是話如果各位同事要罷工，公司是不會阻止，但千祈唔好搞不合作運動，會得失客人。現在生意難做，伙計唔返工，佢兩公婆加埋個仔勉強可以頂住，但得罪了客人就冇回頭客。
水哥話今日有病，本來應該唔返工，但恐怕老闆話佢罷工，亦擔心有其他伙計罷工，人手唔夠，所以就算帶病都返工。水哥細細聲同我講，所有老闆都很小氣，表面上話冇問題，有乜依郁，首先就會炒今日唔返工的同事。而且，嚟叫人罷工的人戴了口罩，都唔知道是乜水，可能是同區茶餐廳的伙計。所以，唔敢唔返工，同區其他的茶餐廳也是一樣，叫人罷工即是毀人生計，如同殺人兇手。那些人叫人罷工，反而迫人返工。
上一則：
下一則：
Javascript must be enabled to use this form.
敬請留言者自律。本網站保留刪除/堵截任何留言的權利。
App下載
