地產博客 > 敢說亮話 返回
瀏覽人次:18684    回應:21
敢說亮話
茶餐廳亂話(523)中原指數點解會破頂
 
湯文亮博士
紀惠集團行政總裁
2019年6月1日

  今早去到茶餐廳,有幾個物業代理見到我陰陰笑,話我昨日發文話中原指數不會破頂,誰不知又破,我又錯,原來老闆知道他們專程來攞景,已經替我準備好答案,他反問,中原指數四個分區,全部都未破頂,港島差0.27%,九龍差0.26%,新界東差4.72%,新界西差2.56%,四區未破,點解中原指數會破頂,幾位物業代理聽完之後話要了解一下,立刻埋單走人。

  昨日老C在中原指數公布之後,不待黃良昇發言,自己先講樓市會在下半年作出調整,費事黃良昇話樓市在高位徘徊,伺機反覆上升,但老C百密一疏,沒有睇清楚四區全未破頂,中原指數反而創新高,今次昇哥實俾老C照肺,其實,所有物業代理都話創新高沒有難度,四個分區做統計的人認為即使自己的未破,其他三個破頂亦可以令指數創新高,但是他們發夢都估唔到四個分區都未破頂,但指數公司的意識早要破頂,所以就出現四個分區未破,中原指數創新高。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真假假 2019-06-01 13:09:26
其實每天所寫的茶餐廳亂話是真人其事還是虛構?
2. 真真薯片 2019-06-01 15:59:21
哎。。。。大鑊
4. 筆色筆 2019-06-01 17:10:25
做假的要幾高有幾高,日日飛上太空也可以。點解香港的騙子,政府可以視而不見?
5. 引刀一快 2019-06-01 17:10:51
可以咁樣理解:
四個指數係地、水、火、風,合一成天地,破!

又可以咁理解:

東邪、西毒、南帝、北丐,叫出“中神通”。

或者咁理解:

CCL就係“第五元素”,有齊四樣元素,由女主角爆seed。
6. 十郎 2019-06-02 08:43:14


      魚腩何話魚蛋粉有望可以減番去25蚊 , 不如成立魚蛋粉指數。

7. 十郎 2019-06-02 09:09:01


      早前我出過一篇關於市道好靜的留言 , 不過出唔到街。現在報章報導零售冷清 , 跌三成。高樓價高租金影響了消費力初現。 2003年沙士 , 魚蛋粉減過價的。

8. 引刀一快 2019-06-03 13:02:59
十郎兄

2003年打後,旺角有幾檔賣咗幾年十蚊碗粉麵。

高樓價高租金,不論香港大陸,早就影響咗消費,建議兄台將“初現”,改為“出曬面”比較貼切。
9. 引刀一快 2019-06-03 13:05:54
BTW,依家灣仔街市有檔19蚊一碗,廣州都差不多要喇。
10. 十郎 2019-06-03 13:22:19


      發瘟豬仲慘 , 街舖烏率率 , 我以為戒嚴 , 大舊佬坐豬肉枱食煙 , 師奶賣底褲 , 有豬肉賣的檔口就拍烏蠅 , 一百蚊一斤 , 真係身份象征咩 ? 唔食住。



11. 十郎 2019-06-03 13:28:52


      拳記吖馬 , 你咁後生 , 有冇聽過 “ 肥雞餐 ” ? 

12. 向引刀‧土著‧自醉‧浪子說不 2019-06-03 17:56:14

條引刀大陸燦真係腦裝水壞腦架,灣仔邊間做19蚊一碗?有冇相?廣州邊間魚蛋河夠膽做19蚊,真係要見識下。

廣州12蚊一碟干炒牛河足一斤重就食過,條大陸傻嗨有嚴重自閉症,大家小心佢胡思亂想兼胡言亂語,有病去食屎啦

13. 引刀一快 2019-06-04 04:21:33
十郎兄

肥雞餐呢個名稱聽過,不過唔理解,願聞其詳。
14. 引刀一快 2019-06-04 04:33:09
說不女

係咪揾到你就表演食屎?

不過你呢種地踎,又點會願賭服輸吖,都唔要面嘅。

廣州12蚊碟牛河,係十年前山旮旯價,咁脫節,你係咪做咗逃犯唔敢返廣州呢?好快你就可以免費坐警車接你上去服刑喇,哈哈哈。

廣州19蚊碗魚蛋粉都話貴?如果我喺廣州揾一碗¥38嘅魚蛋粉,貼出嚟,你點?我幫你改名,敢唔敢?
15. 向引刀‧土著‧自醉‧浪子說不 2019-06-04 11:10:17

假如廣州今日搵到12元干炒牛河,引刀系唔係要去吃屎先?

16. 引刀一快 2019-06-04 12:29:34
說不女,駛乜同你賭,你已經食咗屎喇。


17. To 14 2019-06-04 14:58:40
快哥, 廣州太興貴唔貴呀? 內地朋友來到唔知同佢食咩, 佢居然提議太興, 有點二三十年前我地上去食老麥同 KFC 一樣, 兩個人兩個燒味飯加杯野成二百蚊佢好客俾, 我失笑同佢講我地唔係食哩啲架。如果招蠱書有詳細交代客源, 可能內地店帶旺香港店=內地樓帶旺香港樓, 因所見有唔少都係拖喼客。
18. 向引刀‧土著‧自醉‧浪子說不 2019-06-04 16:34:37

引刀大陸傻嗨邊會認識太興架,食屎就叻。

19. 引刀一快 2019-06-05 02:45:17
To 17樓

廣州太興菜牌梗係貴喇,不過美團可以買代金券,6.9折,咁就抵食呀。太興太興喺果邊宣傳係主打奶茶,呢樣大陸確係冇香港好,不過另一樣燒臘,尤其燒鵝,太興冇優勢可言,廣州要平有28蚊例牌,要靚都唔超過68,普遍係48-58,一開六嘅例牌,食過就知咩水平。香港品牌返大陸賣燒臘,弱勢。
20. 引刀一快 2019-06-05 02:53:16
大陸人嚟香港試太興,可能係想睇睇兩地出品同價格差異,睇睇香港品牌有冇水內地同胞,從好嘅角度睇,就係覺得大陸太興好食,期待香港本地太興有驚喜。

最近發現富臨都喺廣州開兩間分店,出品OK。
21. To 20 2019-06-05 03:46:09
所見拖喼客都唔食晒,有啲爬兩啖就走,又要搭枱一人一座位,似係離家「唔介意」咁嘅價位只為找個熟悉地方食啲野,所以有食老麥之慨。
22. 引刀一快 2019-06-05 19:09:48
明解,果邊嘅生活水準係提升咗唔少,早非吳下阿蒙。