地產博客 > 敢說亮話 返回
瀏覽人次:23769    回應:20
敢說亮話

茶餐廳亂話(501)安哥偷食事件薄

 

湯文亮博士

紀惠集團行政總裁
2019年4月17日

  今早去到茶餐廳,老闆話遇到件麻煩事。有客人告發水吧安哥偷蛋撻。其實,老闆早已知道,每日水吧安哥見蛋摓新鮮出爐,一定會忍唔住偷食一兩個,老闆從來冇出聲。因為蛋撻永遠有貨尾,水吧偷食一兩個又唔會影響營業額及成本,所以,任由水吧安哥偷食,好過他開爐整一兩個蛋撻。

  我也認為那個客人冇事搵事做,試問有邊個廚師唔偷食,好似李后主老豆中主話,吹縐一池春水,關你鳥事。我同老闆講,現在最好辦法就是聽過就算,當冇事發生,過兩日大家都忘記了。千祈唔好叫水吧安哥認錯,我諗佢立即會辭職,偷食是小事一件而已,水吧唔食最後都是掉左去。

  我這篇文章可能出得太遲,樂壇安哥偷食之後竟然開記者招待會認錯,自己將事件搞大,都唔知道點樣收科。我諗安哥以後冇得安哥。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2019-04-17 10:41:40
沙發,500期搶唔到,501補返。
2. 引刀一快 2019-04-17 10:50:53
男人一定要尊重老婆,無論任何時候。安仔真係唔小心兼粗疏,現場有個司機,就算冇cam都唔應該有呢種親暱行為,請埋戰地記者嚟觀戰,出事又點可憐你呢?男人最好就乖乖地,否則最低限度要做到行事小心,咁都算係尊重老婆。
3. 水吧安哥認錯 2019-04-17 11:48:31
弊在而家個蛋撻已經人所共知有唔止一個客舔過,好難講返轉頭話個撻太好舔唔舔罪大惡極喎。
4. 識食之人 2019-04-17 11:51:27
佢老闆亞伯GO哥叫佢公開認錯既,大大條片響度點到佢唔認呀~個女既真係咩佬都嗒,依家王號信同你私志麵唔知笑得幾過癮,佢地食完條女先出事,尼D人先係食家
5. 真真薯片 2019-04-17 11:57:44
將心比己,比你係老鼠安,係果個情況下,你會點反應?

香港好多道德塔利班,指意男人係果種情況下要推開條女仲要即刻落車諗聖經,如果個男人真係咁做,只有一個可能性:個男人係gay

Sammy應該開心,因為依家可以肯定佢老公唔係gay,有d女人嫁著個基佬,又唔可以同人講,慘過佢100倍
6. 識食之人 2019-04-17 12:43:38
真真哥,有時真係唔知嫁左比基佬同狗公邊個慘d,或者自己做蕾絲邊好過
7. 十一哥 2019-04-17 13:14:06
扮卵哂嘢流馬尿對公衆道歉、白L痴當正自己係克林頓 ? 男歡女愛…佢老婆之外…要向邊位交代 ? 又係條片賣到錢之過、 試下刀刀、真真、十一哥、再激D都冇人穌啦…條的士佬分分鈡趕9埋落車有份。
可能冬眠咁耐…成香港都記番起佢、開心到唔敢震、留下伏筆…可以咬啖蘋果攞番多少着數…有機會財色兼收 。
8. 識食之人 2019-04-17 13:32:29
十一哥,老鼠安條契弟梗係唔唔係向老婆認錯,係向全港市民認錯,叫9月演唱會唔好唔賣飛睇呀,比次機會呀大佬咁。 佢成段野最後先提到對唔住老婆本人,狗公本性盎情演繹
9. 9月演唱會唔好唔賣飛睇 2019-04-17 14:32:14
嗌埋蛋撻黎上台, 九萬一張都會有人買。
10. 十一哥 2019-04-17 16:37:16
一向認為男歡女愛…衹要兩情相悅…那有罪惡感、批評者處身相同時空…問下會享受…定笨7到拒絕 ? 世俗規矩皆人定、一夫一妻衹係因應人性妒忌自私天性、定下規範以制約爭風呷醋…團結群體所需要、再以道德意識型態包裝而已。
11. 太上忘情 2019-04-17 17:01:25
正如胡應湘說,呢D係課外活動。香港人對有錢人、花花公子、公眾人物、普通人的標準好唔同,或者preception關係,做真小人冇君子咁大負擔。
12. 十一哥 2019-04-17 17:45:21
可以長相廝守、一定唔存在理性計較、緣並不玄…純憑直覺、仔女都有大細超、何況冇血緣嘅兩人結合、老公多桃花女人內心會抛抛地、老公冇人讚…出街都唔想拍住行。
受過高深教育離婚率高、就係懶有理性又扮哂原則去計較兩性關係。

13. 同情安哥 2019-04-17 18:12:39
安哥家中件葡撻太難吃,所以試過樓下街茶餐室的奶白蛋撻,才知原來人生咁美好。

安哥值得同情。
14. 同情安哥 2019-04-17 18:15:26
15. 引刀一快 2019-04-18 04:49:45
Sammi最好上網,揾揾林丹老婆謝杏芳嘅記者招待會視頻睇睇,學下嘢,雙方都有個好好睇睇嘅下台階。
都係周星馳叻仔,自己知自己事唔結婚,中意做乜就做乜。
16. 真真薯片 2019-04-18 09:51:47
Sammy精神係有少少問題,佢依家應該係度鑽緊牛角尖

諗諗下,呢單野實在太過完美,唔似係偶發性事件,似係比人裝,兩個主角應該唔係第一次,而係第N次,所以比有心人裝晒陷阱黎踩,Sammy就黎開個唱,而佢精神成日唔穩定,呢單野似係用黎打擊sammy多,因為佢最有被打擊既價值,反而兩個事主完全冇被打擊既價值

想當年689又係爆唐唐偷食,唐唐老婆大方回應原諒老公,Sammy如果精神冇問題應該向唐唐老婆學習
17. 向泛民说不 2019-04-18 10:09:21
人地夫妻,男欢女爱关引刀,真真鬼事咩。
18. 回 16 樓 2019-04-18 12:59:25
薯片兄所言甚是, 只怪安哥太鬆懈, 冇諗呢方面危機
19. 引刀一快 2019-04-18 19:06:09
睇嚟關向飯事喎。
20. 引刀一快 2019-04-18 20:28:41
嗱嗱嗱,Sammi果然仿效謝杏芳,連封公開信都係同一語調內容,果然識揀!Sammi,俾個like你。