地產博客 > 敢說亮話 返回
瀏覽人次:19747    回應:13
敢說亮話

茶餐廳亂話(496)何熊輝最有吉士

 

湯文亮博士

紀惠集團行政總裁
2019年4月11日

  昨晚與譚新強以及一班年青才俊晚飯,飲到不亦樂乎。茶餐廳老闆話煮了韓式解酒湯給我,原來是豬紅豬什辣湯,紅色的,辣到飛起,飲完之後真的是酒意全消。老闆話,陳帆發火,不但要求地產商在招標時自律,而且會作出檢控,仲讚陳帆有吉士。我認為陳帆只不過是代言人,談不上有吉士。

  地產商在招標賣樓時上下其手,高樓價就大聲疾呼,回贈連講都唔講。市場上除了我之外,只有何熊輝夠膽講。所以我認為最有吉士的應該是何熊輝,因為佢講實話可能斷了自己米路。其實,大多數地產評論員都與地產公司職員很老友,可以唔講大家都唔講。我亦和地產公司職員很老友,我對他們說市場上一定要有些少反對聲音。否則,當樓市下跌,又會俾人話地產界全部都是老千,夾埋一齊搵食。他們明白,所以我可以暢所欲言,談不上有吉士。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 又快又有吉士 2019-04-11 14:10:21
男人有句金句:「綠帽唔怕帶,最緊要隨得快。」
樓評人金句是:「轉軚唔怕認,最緊要轉得快。」

輝哥轉得最快,快過汪生,都係博士講得岩,佢最有吉士,轉軚快得嚟夠明顯夠吉士。


2. 京士頓 2019-04-11 14:13:01
應該把地產商给地代的佣金放在陽光下, 不單是投標, 是所有一手樓. 買樓的小市民是有權知道的. 政府應該立即立法還市民知情權. 不要讓黑箱作業繼續下去.
3. 香港人 2019-04-11 14:56:58
地產商一直是香港最大的老千,以前是發水樓,現在是假售價,但政府好看不見?是怕了地產商?或是那些高官。。。。。?
4. 都是老千 2019-04-11 15:21:15
香港地 有幾多專制禁忌
比心機 要搵錢應記有限期
香港地 要表態直言要上街
招標派 推高晒香港新姿態

香港新卓頭唏 搵錢搵自由
個個拼命捱數 認真唔認真
香港新卓頭唏 搵錢搵自由
真的心好似太落後
5. 真真薯片 2019-04-11 15:35:57
大家估下帆哥會唔會真係檢控?
6. 真真薯片 2019-04-11 15:42:52
堅叔有吉士

梁志堅:應公開發展商違規個案

梁志堅表示,商會現時未能掌握當局所指可能違反一手銷售條例的是哪個發展商、哪個新樓盤、哪個單位,以及哪一方面涉嫌違反一手銷售新例,故當局應公布涉嫌違例的新樓盤或發展商,以及在哪一方面違例的詳情。梁又強調,地建會逾20個會員,均相當重視和支持售樓透明度,據地建會上周特別會議後達成的共識,招標售出的單位,均會於成交紀錄冊內列明各項購買條款和所享優惠,並指「商會可以做嘅野都已經做了、會員亦會遵守」

7. 張先生 2019-04-11 16:23:24
強烈要求政府落實以下政策保障市民大衆利益:
1. 要明碼實價,杜絕以任何形式的回贈如現金利是、折扣、房車、超市或家具禮券等、企圖將真實樓價墊高,嚴重誤導消費者;

2.進一步定義豪宅為樓價如三千萬以上,面積二千尺以上等真豪宅才能招標賣、否則重罰發展商;

3. 要求發展商公開給地代的commission rate以免發展商透過地代高佣金回贈給買家並對地代佣金設上限如4巴仙
8. 堅叔有吉士 2019-04-11 16:31:51
片哥,咁樣叫做有吉士? 咁同人犯話你有證據就嚟拉我一樣,如果冇記錯,博士以前教過我地咁講野自己已經輸左一條街。
9. 應公開發展商違規個案 2019-04-11 17:03:16
緊縮咁樣問, 源於未有例, 但正是因為未有例, 便可以立例和修例。講後半段以和為貴的就是了, 前半段無異於幾廿年前電視劇「有證據拉我吖笨」, 是奸角才講的嘛, 不是在聊事鬥非嗎?
10. 真真薯片 2019-04-11 22:15:16
堅叔講野成班大媽沙磅住,句句鏗鏘有力,帆哥自己一條油講成個病君咁有氣冇力,講氣勢堅叔贏晒
11. 堅叔贏晒 2019-04-11 22:47:53
政府如果回應, 便是將事情交給公審, 智者不為也, 搵個病夫回應佢都多餘。
12. 湯瑪斯 2019-04-12 10:36:56
何熊輝做左樓市好友好耐,而家都係好友,唔覺佢轉軚。佢早兩日既文章大罵發展商招標賣樓,話佢夠吉士都係對既,不過佢並唔係轉軚做淡友。只不過因為佢罵發展商唔守規則,而唔守規則咁會托高樓價,先致有人以為佢轉軚做淡友啫。
14. 京士頓 2019-04-12 10:44:46
我絕對認為, 市民買一手新樓, 不须要經過地產代理.