地產博客 > 敢說亮話 返回
瀏覽人次:24075    回應:25
敢說亮話

茶餐廳亂話(489)勸人唔好買樓的人多數冇樓

 

湯文亮博士

紀惠集團行政總裁
2019年4月1日

  今早去到茶餐廳,老闆問茶餐廳專欄是否會由「湯文亮足球教室」代替,很多人會非常失望。我話不是,因為下一季要繼續替馬會寫足球評論,迫自己多寫一些足球文章,惡補一下而已。

  有年輕熟客話打算買樓,身邊的朋友十之八九都叫佢唔好買,又話會加息,多供應,中美貿易戰令經濟轉壞,所以問我是否應該買樓。其實,在樓價如此高企的情況下,用高成數按揭買樓就要三思。但如果可以正常上車則不妨,就算樓價唔升,最低限度可以享受低息貸款,供樓好過交租。至於點解那位年輕人身邊咁多朋友叫佢唔好買樓,理由很簡單,就是他們大多數都冇樓,當然唔想身邊有朋友買樓,不用理會他們。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 自我淘醉 2019-04-01 09:57:37
我的確係冇樓,所以也常常勸人唔好買樓。為了增強說服力,我會定期搵一些跑贏樓仔的資產來證明買樓者正傻仔。


哈哈哈
2. 十一哥 2019-04-01 10:45:32
三沙鶴…裝裝下…莊莊閒…錢袋趺…冇銀用…

3. 向引刀‧土著‧自醉‧浪子‧阿井 說不 2019-04-01 11:54:12
引刀‧土著‧自醉‧浪子‧阿井


哈哈哈,今日話題剛剛扑中以上代表人物,哈哈哈。




4. 引刀一快 2019-04-01 12:26:14
原來叫人唔好買樓就係因為自己冇樓,咁我叫人去大灣區兩年,應該幫咗唔少人喇,不過冇回鄉證果啲我就愛莫能助喇。
5. 引刀一快 2019-04-01 12:28:33
說不女,你係人中極品呀,又冇樓又叫人買樓,好“無私”喎。
6. 回一樓 2019-04-01 12:38:26
1樓兄,被你貼中。
哈哈哈
7. 湯瑪斯 2019-04-01 16:35:56

我有自住樓,但我都係叫人唔好買樓。我應該算係少數!

不過我都同意如果真係有需要,又俾得起首期同防守力夠,也可以買既。事關冇人知道樓價幾時真正回落!有真正需求又買很起,學博士話齋,起碼可享低息,買平過租!

8. 引刀一快 2019-04-01 18:41:16
港樓首期夠喺大灣區fullpay一間大一倍嘅,唔fullpay可以繼續儲錢,進可攻退可守。
9. onclerkclerk 2019-04-02 11:52:04
這十幾年都在羅湖按腳,我們香港人一坐就下講房地產,那按脚阿婶聽下聽下就十年來就陸續在深圳買下两間两房樓,不知是否full pay,我想她一天下來都有二佰多小費,但賺的都是辛苦錢。
10. onclerkclerk 2019-04-02 12:10:26
現在香港人移民英國也不興做厨房炒鑊了,改了買樓收租,二佰幾萬港纸買三房分租四租客,两三間屋十個租客,每月收三四萬租。有個朋友十年來陸續買了七八間屋,四十個租客,用wechat 收租,正職也不幹了。
11. 十一哥 2019-04-02 13:07:10
成L日叫人去大灣…陪佢灣水、呃公援霸公屋…得閑喺大灣養狗喂猫窮風流、人地唔返工冇得食㗎 !  


12. 引刀一快 2019-04-02 13:19:41
乜講到咁幸福嘅?又買大灣區又呃綜援又攞到公屋,發喇!哈哈哈哈
13. 引刀一快 2019-04-02 13:21:56
To 9樓 onclerkclerk兄

大陸都好興劏房㗎,不過政策一時一樣,經常俾人捉消防咋。
14. onclerkclerk 2019-04-02 17:53:43
英國官員比較懒散,希望你自律,如一屋開三四間劏房都隻眼開隻眼閉,不要太過份。有人有倫敦一劏八被判罰佰伍萬鎊,不是聽錯,是千伍萬港元,法官說不给款就把業主的樓充公。
15. 自我陶醉 2019-04-02 19:08:29
呢啲劏屋在英國很普遍,一般劏三間以下唔需要申請,超過三間要向當地council入圖則申請經營HMO,每個地區審批標準都有差異,一般有十厘以上回報。

16. 京士頓 2019-04-02 23:41:54
問15樓師兄……英國樓買時已有四間房,出租是否必要申請HMO?
17. 自我陶醉 2019-04-03 07:30:27
樓上,

HMO 規定主要係針對房屋是否安全,設施是否足夠,問題其實唔係屋裡有幾多間房,按HMO相關規定,一間屋有5個人或以上居住,組成兩個以上家庭,都要申請HMO牌照,換言之,4個單人應該可以。 聽聞上年10月還進一步加入每人每房的最低居住面積。HMO 一般近大學或醫院的最受歡迎,由於每個地區council在執行上都有差異,最好先向當地council問清楚。

還要留意的是英國稅項比較多,有空置稅、capital gain稅、遺產稅等,投資前最好先了解清楚。

18. 引刀一快 2019-04-03 08:25:26
自我陶醉兄

好嘢!淡友攻劏房!唔知會唔會又俾人話住劏房呢?哈哈哈哈
19. 自我陶醉 2019-04-03 08:58:00
引刀兄

我瞓天橋底㗎咋,邊有資格住劏房,住劏房咁高級留番俾班“有錢”米奇嘛!哈哈哈!

20. 自我陶醉 2019-04-03 14:49:09
“理由很簡單,就是他們大多數都冇樓,當然唔想身邊有朋友買樓,不用理會他們。” 博士呢句講得好,完全反映博士做人處事嘅心態,絕對肺腑之言。

唔知有啲有樓人仕,日日話有大量未來供應,有空置稅,樓價一定會跌,但自己就一路買樓,又有啲有樓之人,一日到黑話樓價會升,但又不斷出售手上物業,呢兩類人又係咩心態,又洗唔洗理呢? 哈哈哈!

講到尾,買樓係自己嘅事,洗咩問人意見,買得起,輸得起,幾時都可以買,呢個世界,除咗自己,咩人都信唔過。


21. 京士頓 2019-04-03 16:37:44
感謝17樓師兄詳細回覆.  本人正想申請HMO, 但看見申請文件, 想放棄申請, 但又怕有法律後果.
22. 自我陶醉 2019-04-03 18:13:40
京士頓兄,

我怕煩,只參與過HMO項目的集資活動,沒有直接參與項目管理,HMO要注意事項很多,由conversion至日後運作都要兼顧,從找builder、跟進度, 至日後租客vetting, 請part time 清潔都要做埋, 除非你有貼近市場嘅人幫你管理,否則遠程管理唔容易,加上近呢幾年,英國對租務稅法和住屋安全法例都有很多改動,前年改稅例之後,個人名義買樓收租,回報已經打折扣,home safety呢瓣更加可大可小,小心誤墮法網,得不償失。你有參與當地的landlord群組嗎? 建議你找些當地有經驗的人合作會比較簡單,而市場上亦有一些專門做HMO嘅consultant可以試試。

23. 自我陶醉 2019-04-03 19:17:24
京士頓兄,

我以前有個教我英國物業投資既coach,對HMO都很有經驗,也許可以幫到你,有需要的話,請找admin將你的電郵發給我。
24. 京士頓 2019-04-03 21:44:19

感謝陶醉兄的指点. Admin是否 Admin@property.com.hk ?

25. Admin 2019-04-03 22:10:26
回24樓,email 是 admin@property.hk