地產博客 > 敢說亮話 返回
瀏覽人次:25447    回應:13
敢說亮話

茶餐廳亂話(470)唔識樓市唔好亂咁講

 

湯文亮博士

紀惠集團行政總裁
2019年2月12日

  今早去到茶餐廳,有熟客話有一個名字叫冠軍的朋友,批評星期日我在「城市論壇」所說的完全是廢話。因為買樓是香港人的剛性需求。而且,倘若樓價下跌,地產商會團結一起,減慢建樓的速度,甚至不賣樓。香港樓市不只長遠必升,而是今年升,明年升,長遠也升。我話好彩條友的名字叫冠軍,如果真的是冠軍分析師就大鑊了,政府是會關注他們的評論。如果認為有理據,是會出招打壓,要地產商賣樓很簡單,就是加重新樓空置稅,不准招標,要樓價下跌亦很簡單,就是不准地產商提供8成半按揭,買樓人士當然可以去財務公司借錢買樓,但利息就高很多很多。在星期日的城市論壇,無論黃良升以不同理由唱好樓。例如美國國不會加息,停止縮表,再次量寛來托起樓市,中美貿易戰亦不會影響樓市,但始終唔敢講地產商會團結一起唔起樓樓價飆升。如果地產商要這樣做,堅叔一定會出聲。所以,千祈唔好老屈地產商。不過,香港是言論自由,連我都容得下,有什麼人不能容?

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 濛濛紅鼠 2019-02-12 09:49:29
不至>>不只
3. Admin 2019-02-12 10:52:48
謝謝1樓, 文章已修改。
4. 十一哥 2019-02-12 11:03:19
大錢袋點會玩對抗…對抗要團結…團結要雷氣…雷氣正係發達大忌、似水咁順住勢流…水性楊花正係大錢袋本性。

實體裝唔哂咁多QE低息水、衹有流去整水泥、唔會蒸發始終係整咗硬嘢最實質、都係果句…正苦專注公營房屋供應…滿足平民剛需、私樓當係賭枱籌碼…由得我地飛沙走石…為正苦庫房灌水啦!

5. 狼 2019-02-12 11:27:33
在一片小心負資產重來的勸喻聲音連升15年,令港人又重拾對樓市的激情。

今年最好真系跌,如果年尾又調轉頭升,千方百計阻止人入市的政府不知如何交代。 辣招出得太多了,已經成為樓市強心針。
6. 李澤西 2019-02-12 11:31:06
有一種冠軍叫做亂吹冠軍或吹水冠軍。哈哈
8. 我又哈 2019-02-12 13:10:06
重有一種冠軍叫乾笑冠軍。

哈哈哈哈
9. 濛濛紅鼠 2019-02-12 13:14:07
要地產商買樓很簡單,就是加重新樓空置稅,不准招標,要樓價下跌亦很簡單,就是不准地產商提供8成半按揭

地產商為乜要買樓?
10. Admin 2019-02-12 14:08:35
謝謝9樓指正, 文章已修改。
12. 地產商會團結一起唔起樓樓價飆升 2019-02-12 16:53:31
地霸只會避年唔賣一陣, 等二手追返上少少托住, 然後一次掟一籃出黎, 二手趺得太殘, 地霸日子也不好過。
13. 鳥5 2019-02-12 19:56:27
長實今年大型樓盤 派貨 平均 價格.. 如果又係平開 ,大手訂出 ,咁根據 旗手 一般現貨收樓二手價格20%溢價 用咁嘅方法去計 旗手 即係睇淡 收樓之日 樓價跌20或以上 先叫做 冇開錯價..... 在下覺得 有待觀察 今年會見真章
14. 鳥5 2019-02-12 19:58:06
時間 已經轉向 政府一方, 等 大嶼山撥款 空置稅立法一批。。。 五年至十年 結局寄定。。 咁樣今年年尾 代形戰術 可以收網 到時再打 中短期 呢個我就睇到係政府利益最大化玩法, 價高 時間 派地收錢 ,價低時間 收地 填海。。。。
15. 真真薯片 2019-02-12 22:41:12
有d野只可以做唔可以講,有d野只可以講唔可以做
16. 引刀一快 2019-02-14 00:38:30
冠軍哥呢個唔係預測,係揭竿起義想鼓動D發展商做嘢啫。