繁 / 简 / ENG
App下載
代理登入
主頁

搵樓/成交
搵樓
綠表居屋
一手新盤
買賣成交
租賃成交
臨時買賣合約
一手消耗表

業主放盤
放盤主頁
搵地產代理
刪除樓盤

宅谷按揭
博客
博客主頁
所有回應
地產論壇
註冊成為會員
新聞

數據公佈

置業手冊
置業流程
租樓 vs 買樓
一手 vs 二手
睇樓書
居屋百科
村屋
物業起底
化妝樓
凶宅
驗樓 DIY
即時估價
按揭計算機
英中詞彙
英文縮寫
置業避雷針
租屋指南針
相關網站
VR睇樓

關於我們
地產博客 > 敢說亮話 返回
瀏覽人次：23018    回應：29
敢說亮話

茶餐廳亂話（431）既然杯葛就唔應該鬧

 

湯文亮博士

紀惠集團行政總裁
2018年11月24日

　　今日去到茶餐廳，見到一位客人與水吧傾計傾得非常開心。想起大約在一個星期前，那位客人投訴咖啡淡而無味，向老闆投訴。水吧當然唔開心，最後同那位人客嘈交。當那位客人離開之後，水吧發覺那杯咖啡的確淡而無味，擔心失了一位客人。我話不用擔心，如果那位客人永遠再不幫襯，他就不會投訴。果然以後連續幾日，那位客人都有幫襯。水吧話我料事如神，絕對不是，家教而已。

　　在我小時候，有一次去食飯，家母投訴條魚未熟。上雜走出嚟話，條魚擺擺下就會熟，有乜嘢好投訴。家母話，如果我們打算以後不再幫襯，就一定不會投訴，投訴表示以後繼續幫襯。酒樓老闆聽到之後，立刻吩附上雜蒸過另外一條魚。

　　今次D&G事件，國人非常憤怒，除了大鬧當事人之外，並表示不會再幫襯，就算D&G創辦人道歉都沒有用。我認為有部分國人過激，如果打算杯葛，就根本不用責備D&G，以後不再幫襯就可以，鬧完之後又不幫襯，似乎很小家。其實類似事件大家都會經常遇過，就是去食飯，發覺用料不新鮮，絕大部分人都不會投訴，寧願以後不再幫襯。

更多...
 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論；
  2. 禁止以名稱/暱稱/綽號/同音字等批評或映射任何人士、機構、公司；
  3. 禁止發佈有關招聘、推銷、廣告等內容；
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。
會員登入
登入ID 或 網名
密碼
註冊成為會員
忘記密碼
1. 鬧完都可以杯葛 2018-11-24 10:44:33
我就認為今次D&G事件，中國人最好鬧完之後又杯葛，宜家中國要做進口大國，顧客永遠是對的，邊個品牌不尊重中國人就不買，從此以後中國人的地位就不同。

所以D&G事件要鬧完又杯葛，讓全世界啲品牌知道，如果不想失去中國這個大龐的市場，就要尊重中國人，中國才能真真正正崛起。

3. 向泛民说不 2018-11-24 11:56:58
中国强大了，不是白鬼想歧视就歧视。
4. 十一哥 2018-11-24 12:49:32
歧視發自內心、全因冇你唔得、焗住肉麻扣首、句句扮哂同你有親、衹係怕失咗個老襯、揾落咁多使乜原諒 ?  原諒太濫衹會比人覺軟弱 !   由佢摺啦！

猶太佬呢點中國人要學 !  !   !  !  !

5. 向泛民说不 2018-11-24 12:54:03
在外国，看你敢不敢歧视犹太人。你就知道犹太人的玻璃心，他告到你破产。永不超生。
不过香港很多西奴，被强奸还要感恩，享受。得到主子宠幸真是三生有幸。
6. 香港土著 2018-11-24 14:04:40
好想了解一下，短片內容如何歧視中國人。
7. 十一哥 2018-11-24 14:19:09
陀地   唔係小學鷄啄米、睇文章唔係逐粒字解嘅。


8. 向泛民说不 2018-11-24 14:29:55
土著，黄狗比任何人更歧视中国人，当然不明白。不过这次连日本和韩国人也丑化了，所以日本和韩国人也反弹了。
9. 香港土著 2018-11-24 14:57:05
咪就係等你哩d高人教我囉。
10. 十一哥 2018-11-24 15:03:04
自修啦！平時又要扮哂嘢 !

11. 十一哥 2018-11-24 15:04:54
有交學費咩？懶9謙虛 !


12. 自我陶醉 2018-11-24 15:19:04
土著兄，

你可看看這裡：

https://hk.thenewslens.com/amparticle/108819
13. 短片內容如何歧視中國人 2018-11-24 15:34:05
在下比較抽離，對哩啲產品不感冒，我理解的 D&G 只是存在於女人街的，大概十幾年前，一個車厘子袋或者唔知乜野袋，只要賣三千至五千，就會有一大 ja 儍人搶住要，繼之而大媽嚟搶，可憐的是中國人的品牌做唔起，或者太過短視，做唔起就做唔起，冇得賴。

老意同中國文化有很多類似的地方，佢玩吓歧視中國，可能是繼瑞典拍完片描述中國人踎響度開飯一路食一路痾之後又一力作，果段片係中國人去到人地家門前大吵大鬧惹出嚟的，自己唔好攞嚟衰咪好囉，博士話齋，一係唔好去買，又要鬧又要買。老西椰寓人，係會揾返中國人嚟做主角，好似揾㗎仔嚟拍抗日，阿 Q 啲諗中國人唔鍾意食 pizza 意粉。
14. 香港土著 2018-11-24 16:15:41
衰11，見你平時下下教訓人XYZ，一心等你露兩手教育下各位，話比大家知人地點樣唔專重中國人，應該點對付哩種不識時務鬼佬嘛。何解今次唔好意思發表偉論？
15. 香港土著 2018-11-24 16:23:19
條氣唔順以後唔好幫襯，直情國務院下令全國大小企業，嚴禁提供D&G任何形式服務或貨品，取締D&G內地所有業務，全面封殺。
16. 引刀一快 2018-11-24 16:38:30
香港土著兄

有D人係要鬧吓人，咁先至有存在感，呢D貴夾唔飽嘅品牌，買佢嚟炫耀要俾錢，鄙視佢就唔使俾錢。

D&G果條設計師Stefano Gabbana話中國係屎國，呢樣真係斷正冇彎轉喇，抵制佢佢都無話可說喇。
其實個廣告係咪辱華真係見仁見智，我地拍D鬼唔識用筷子都好平常，未睇之前以為會把幾火，睇完發現，完全可以納入文化分歧。春麗長期高叉露底俾麻甩佬揼心口，又唔見D靚仔杯葛街霸？
國人如果真係咁有骨氣，美國就唔會開打貿易戰喇。
17. 香港土著 2018-11-24 16:44:55
自醉兄，

其實我睇片後，有醜惡感，女角面目扭曲動態弱智。任何人對自己有歧視行為或態度，應該火，更應該行動抗議。最廢就係只打嘴砲，五秒後又去排隊買新款。自己cheap，人地自然步步進逼。
18. 香港土著 2018-11-24 16:57:02
刀兄，

見解雷同。自己有骨氣係最緊要。唔中意比人話廢柴，咪練返一門絕技，打到對家認契弟囉。大呼小叫潑屎淋尿，結果咪比人踩多兩腳囉。
19. 十一哥 2018-11-24 17:16:00
刀刀   攬到件同志哩！

20. 真真薯片 2018-11-24 17:23:15
香港都有好多品牌財團大家一路鬧一路繼續幫襯，不過香港多數係壟斷，冇得揀

有得揀既野，唔幫襯就係最強既鬧，日本人就係咁，唔鐘意麥記，唔出聲但係一齊唔幫襯，結果冇人鬧過佢，日本麥記自動跪低，果下跪係真心跪

鬧完繼續幫襯，冇錯你係鬧到佢跪底，但係佢心入面仍然睇你唔起
21. 引刀一快 2018-11-24 17:31:55
香港土著兄

正解，生意額大跌，效果勝過潑婦罵街萬萬倍，千千萬萬品牌，駛乜買佢？如果自己睇得起自己嘢，又點會嘥氣去嬲。

可能琳琳冇能力分析條片到底有咩辱華意識，你問得兩問佢自然老羞成怒，唔好怪佢。
22. 十一哥 2018-11-24 18:20:29
係囉！都話由L得佢摺埋啦！咁簡單…仲問乜很啫 ! 底tell !

23. 自我陶醉 2018-11-24 18:44:23
土著兄

老實說，我唔覺得段片有好大問題，這段片只是特顯兩地文化差異，但亦的確有意指我哋唔夠國際化。比起早前瑞典傳媒嘲笑中國人那段片，簡直濕濕碎，那裡後來亦傳出有遊客遭瑞典警方粗暴對待。 

中國人被歧視，唔係一朝一日嘅事，小弟對此有兩個睇法，其一，作為中國人，如果真的對我哋有歧視成份，不管日後會唔會幫襯，都應該要表態，但同時亦應有一定程度的幽默感，以免反應過敏，令人反感。 其二，我們也應同時提升國民素質，在國外多留意一些小節，如說話聲線(尤其是在餐廳)、隨街解決、飲紅酒當水飲等習慣，要盡量避免，要知道有錢埋單唔係大哂，在別人的古蹟文物上塗鴉，更是不可原諒。畢竟，respect 是要賺回來的。

24. 向泛民说不 2018-11-24 19:37:15
自醉，今次我就撐你。不過今次除了中國人覺得被侮辱之外，連韓國人和日本也覺得。

白人在過去100年，其實有意無意的歧視亞洲人。包括中國，日本，韓國。這是因為白人主導了世界政治和經濟。
25. 望東樓 2018-11-25 11:43:12
自醉兄，好多時同一個行為，由唔同既人做出嚟可以得出完全不同嘅反應，比方星期五係尖沙嘴彌敦道地鐵口有人扮日本婆阻街用揚聲器高聲賣唱，細佬經過除咗有大媽影相之外，未見任何人喝打。但如果個個唔係扮日本婆而係兩個大媽係度跳大媽舞你估會有乜後果呢？

你睇嗰條友唔順眼，佢就做乜你都可以話佢唔啱。比方政府做乜反對黨都只會話錯、錯、錯、錯！
26. 真真薯片 2018-11-25 12:02:35
其實人類基因入面就係將人分等級，白人歧視亞洲人，亞洲人又歧視非洲人，亞洲人之間又會互相歧視，幾年前大陸拍左套《泰囧》就比泰國官方指責係侮辱泰國人，侮辱人地，自己唔覺嫁，好易唔記得，但係比人侮辱就一定生蝦咁跳，不過泰國人同大陸人一樣，一邊鬧，一邊要做人生意，所以大陸人睇唔起泰國人，都好合理
27. 自我陶醉 2018-11-25 12:32:53
東流兄所言甚是，正如土著兄形容，個演員表情浮誇，有啲弱智，換冰冰做女主角效果可能好好多。哈哈哈！

28. Hongkong People 2018-11-25 16:28:38
話時話，歧視有時都好難完全避免，我都好歧視D白鬼，都窮成咁都仲要扮勁扮有型🙄🙄
29. 路过的人 2018-11-26 09:55:21

认同博士观点。

中国人有种就罢买D&G。 又要骂但又要买, 如此无骨气，就抵被人瞧不起! 

30. 史路比 2018-11-26 15:20:27
身為已婚男人，發夢都想所有賣超過2萬港幣價格品牌商品的都歧視中國人啦（當然包括港澳台）。