地產博客 > 敢說亮話 返回
瀏覽人次:15977    回應:27
敢說亮話
茶餐廳亂話(386)移民前先要了解移民去的地方有沒有人移民離開
 
湯文亮博士
紀惠集團行政總裁
2018年9月11日

  今早去到茶餐廳,有熟客大發嚕囌,認為香港的房屋政策混亂,根本不適合人類居住,所以他決定移民,而且地方亦已選定,如果不是有組屋政策星架坡,就會選生活水準低的台灣,有其他客人不忿氣,與他拗到面紅耳熱,其實移民與否,人各有志,我見過不少人以非常高姿態移民離開香港,但回港長住甚至工作就非常低調,亦見怪不怪,不過,咁高姿態講移民去星架坡或者台灣就真的未見到。

  我認為移民離開香港前,首先要了解移民去的地方有沒有人移民離開,大家講到星架坡的組屋政策那麼好,應該沒有人離開,而事實上不少星架坡人移居澳洲或者紐西蘭,人數比移民到星架坡多很多,至於點解星架坡人要移民離開,大家花少少時間去發掘真相。台灣又如何,如果有選擇,台灣年輕人當然希望移民去美國,退而求其次加拿大也行,唔通真的是打一份25k台幣的工,住細到無倫的劏房,不過,如果問那些由香港去的移民,無論是星架坡或者台灣他們都會話生活得非常好,又有言論自由,老實說,他們死頂也要這樣說,問題是大家是否相信。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十郎 2018-09-11 09:48:59


      我一生冇諗過移民 , 生於香港 , 香港從前有活力 , 有機會 , 自從樓價升得瘋狂 , 又有黃屍當道 , 唉 !
      
       現在我都未曾移民 , 我9月9日才從珀斯回港 , 住左三個月。

2. 真真薯片 2018-09-11 10:33:49
新加玻組屋係只比本地人,除非你同當地人結婚,否則移民過去係冇用,只會住組屋既分租房

移民台灣當然唔係去打工搵食,而係賣左層港樓,揸住800萬港紙過去,生活基本上無憂,開間咖啡室或者打風流工,享受人生

世界上最多人移民走既國家係邊個唔洗多講,在下認為評論一個國家好唔好移民過去,應該睇移民淨數量,即係移民入去既人減移民走既人,去既人多,走既人少,代表果度好,如果淨係睇果度有冇人移民走就代表唔好,個個國家都有人移民走嫁啦,咁咪度度都唔好?
3. 現實 2018-09-11 10:53:57
想清楚才好移民,全球都排華,包括香港。
4. 香港土著 2018-09-11 11:54:06
兩個地方朋友都多,依我所見所聞,博士所講情況相當中肯...... 所以,一講到移民話題,好快就知變個係傻仔。哈哈~~~
5. 十一哥 2018-09-11 13:09:09
今時今日移民唔一定要連根拔、亦冇西出陽關…一去難回…嘅悲情。
有水嘅、所謂移民…衹因鐘意…洗乜理由、呢度住下果度Hea下享受唔同嘅文化。
隔離飯香情結玩移民、呢類好多真係要連根拔先夠水異地落腳、住落有對比…都係香港home sweet home、最痛苦係呢幾年香港升到佢地番唔到轉頭、果種失落走鷄感受…情何以堪 !

6. j 2018-09-11 13:09:52
睇翻香港好似移入多過移出.
7. 望東樓 2018-09-11 13:17:24
世上冇嘢係完美嘅,有得必有失。永遠係取捨。不過千祈小心咪係旅行期間作出評價同決定,否則祝你好運。
8. 雙重才是標準 2018-09-11 13:25:22
博士所講的方法很好。之前我還想移民大灣,用呢招計一計,即刻唔想走。
9. 舍神 2018-09-11 15:12:13
生在福中不知福的,大有人在!
除了冇一人票選舉,實質上香港比起好多所謂民主國家都自由!
也是異數!
10. 寶寶 2018-09-11 15:30:49
剛去了泰國旅行,泰國也是不少香港人選擇退休移民的地方。他們的生活指數較低和樓價不貴。不過,政治就不穩定,幾年就一次政治危機或政變。
11. likameng 2018-09-11 17:30:30
祝賀湯博士,

買了中環中心十九樓
12. CD ROM 2018-09-11 17:35:54
好多大大聲話要移民既人, 對自己地方諸多嫌棄, 對人地地方就百般包容..............

根來就唔係同一把尺
13. 十郎 2018-09-11 17:59:48


      3樓--------排華已經係N年前既事 , 最慘烈流血的要算印尼排華 , 那時我還是兩行鼻涕。現在散居世界各地的有5千萬華人 , 是兩個台灣的人口。隨著中國國力的強大 , 經濟的蠶食 , 民智的開啟 , 外國就算再不願 , 亦無可奈何 , 驕傲如日本仔 , 都有72萬中國居民。

14. HKF 2018-09-11 18:06:58
「不過,如果問那些由香港去的移民,無論是星架坡或者台灣他們都會話生活得非常好,又有言論自由,老實說,他們死頂也要這樣說,問題是大家是否相信。」

博士一定係講緊風中老叔,一中肯定係!
15. 向泛民说不 2018-09-11 19:43:39
新加波組屋是沒有業權的99年租約,到期要交比政府,仲有有了組屋,就不能有其他房產。所以打工仔基本上不能靠房屋累積財富。每一代都要勤勞打工,做小蜜蜂為李氏家族服務。
16. gtm 2018-09-11 21:27:37
印尼排華有一必有二, 移民去是害後代. 所謂英雄行險道,富貴似花枝, 分分鍾半生積累一夢消.
17. 窮千萬 2018-09-11 22:32:57
台灣人移民難,因為英文不夠好;
香港人回流,因為老了,不喜歡開車,看專科醫生不是用中文,所以要返香港,鬼叫自己不能融合社會;
星加坡人英文好,喜歡自由民主地方,有何不妥?
自己有本事,有能力,當然嚮往自由民主的地方。
18. 十郎 2018-09-11 23:38:09


      16樓---------絕對贊成高見。移民的原因 , 除了追隨另一半之外 , 多少都有避風的企圖 , 如果去d不安全地方 , 就如 " 避風避著雪 " 。所以選地方好重要 , 印尼恐怕是走頭無路的選擇。

19. 自我陶醉 2018-09-12 07:50:47
根據一些移民調查,移民主要原因離不開五個:
1. 人身安全
2. 子女前途
3. 對原居地的未來缺乏信心
4. 社會服務質素下降
5. 個人生活質素下降

其實移民同搵工跳槽冇咩分別,新公司總係有吸引之處,否則都唔會跳槽,或者高薪厚職,或者名牌大公司,或者上班方便。

未去新公司前,總係有一定希冀,去到之後,先會發覺自己的盲點,所以就算唔做,都要有交帶,同舊同事打好關係。至於移民梗係唔好即時連根拔起喇! 點都要為自己留後路,唔啱住咪再㨂過囉!有錢有能力嘅人,去邊都係天堂,去邊都有選擇,世界就係咁現實的,兩樣都冇的話,跳槽同移民前就真係要三思。

20. 無奈 2018-09-12 08:25:28
每個地方都有其優缺點,全視乎個人喜好。可以的話,不換個地方體驗生活也無妨,最緊要留條後路。個人體驗,香港最好,全因習慣了。
21. 十一哥 2018-09-12 08:57:06
人就係好易被感動、眼見未必有聽咁觸動、眼見冇乜加料、聽就經過他人加鹽加醋有味精、有人講到一人一票就係自由指標、體驗過業主大會就知真定假、香港安全感就係核心價值、同差佬之之咗…都冇洗怕比佢揼一身。

22. 十郎 2018-09-12 09:36:52


      醉翁 : 我中左三樣 , 2 ; 3 ; 4。

23. 自我陶醉 2018-09-12 18:44:07
十郎兄,

人身安全從來唔係我哋擔心的事,唔中先正常。香港最大優勢係低稅率,最大缺點係人多擠迫,生活空間細少,若然可以在香港搵錢,交香港稅,享受外地生活質素就無敵了,若果已經退休,住邊都冇所謂,否則點都要在港留條後路。

24. 向泛民说不 2018-09-14 13:47:12
自醉:解决方案就是大幅填海啦。提升生活水准啦。新加波现在就是这样。97年之前,政府也是这样啦。

至于吾好又叫什么150. 如果香港拿反审批权,中港婚姻和外国婚姻的待遇,将会是一样,结婚马上就可以来香港。如果有限制,你好朋友饭民和外国人权组织肯定会闹香港无人权。记住150的配额是不符合饭民和国际人权组织的标准。
25. 自我陶醉 2018-09-14 15:03:19
向飯,

你好朋友工聯會日日都同政府講唔可以輸入外勞,俾你填到海有冇人手起樓? 哈哈哈!
26. 向泛民说不 2018-09-14 19:00:43
自醉,工联会嘴上一定是反对的,毕竟是工会,很正常,不过最终会妥协。
反而是你好朋友泛民和职工盟肯定反对。还要作古仔抹黑。绝不妥协。
27. 引刀一快 2018-09-15 19:30:19
所以飛地先係香港揾土地嘅最佳選擇,先畫好邊線,逐忽起好樓交付,或者一炮起三十萬個單位,再交付使用,咁就冇輸入勞工問題,香港輪候公屋果三十萬戶,兩年搞掂嗮。