地產博客 > 敢說亮話 返回
瀏覽人次:24222    回應:25
敢說亮話

茶餐廳日誌(343)徒手潛水專家說樓市

 

湯文亮博士

紀惠集團行政總裁
2018年5月21日

  今早去到茶餐廳,見到一位外國徒手潛水專家。大家閒談的時候,我發覺他的專業知識竟然可以解決我在樓市不解之處。現在有很多業主對於樓市的前景認為是非常美好,樓價會長升不跌。因為樓價上升,代表業主的物業升值,他們會有更多資金投放在樓市。久而久之,進入了一個自我陶醉境界,不會接受任何人提出樓市會下跌警告。當他們發現真相,已經力有不逮,變成樓市下跌的一個犧牲者。

  原來徒手潛水也有這個情況,當潛水員每次潛水超過一分半鐘。在次數增加之後,他們的血液積聚的二氧化碳亦逐漸增加,令到他們有錯覺以為不需要氧氣,最後會有一次出現昏迷狀況以至窒息而死,而現在樓市情況也差不多。不少人見到樓價指數每一個星期都創新高,認為樓市不會下跌,盡量將資金投放在樓市,樓市的確繼續上升,令到他們更加認定樓市不會下跌。其實,情況同徒手潛水一樣,他們的血液已經充滿二氧化碳,接近昏迷的情況不遠。不過,在潛水時是沒有人提出警告,潛水員要自我提高警覺。但在樓市,那些對樓市瘋狂的人是不會接受別人提出警告,他們反而會指責甚至恥笑向他們提出警告的人,潛水專家後來見到我埋了他的單而千多萬謝。其實,講千多萬謝的人是我,他解決我近年不解的難題。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2018-05-21 09:29:51
樓市日日升,本來買左新樓既人,入伙後半年內賣舊樓可以退稅,但係業主見兩層樓都日日升,升幅轉眼超過退稅金額,日日升既資產點會有人放?就算供唔悟,加問財仔借+放租都死頂,結果博士之前講新樓入伙後會出現因為退稅既供應量,就不了了之
2. 湯瑪斯 2018-05-21 10:59:33

「在樓市,那些對樓市瘋狂的人是不會接受別人提出警告,他們反而會指責甚至恥笑向他們提出警告的人」。因此,近幾年樓市淡友俾人笑到面都黃。上星期有人話「五年後東九龍新盤平均尺價四萬是必須的」。說這話的人即使預測正確,也只是叫更多的香港人做樓奴。香港將會在五年後成為世界首屈一指的奴隸社會(我有朋友話而家已經係,唔使等五年)。

3. 真真薯片 2018-05-21 11:41:36
我覺得新地啟德起好賣四萬,真係太低估新地……我估起碼五萬

不過我估終有一日會到左個臨界點,然後正苦終於會填海,但係搞得黎可能係十幾廿年後既事,講豬澳,西九,甚至啟德現成地都拖廿年,廿年填到海已經算快,所以就算真係填海,其間廿年需求不斷累積,到填完海賣地時,已經有足夠購買力掃清光,正如上海深圳成日有新區,咋一聲就賣晒一樣
4. Carson 2018-05-21 11:54:17
董曾二人真係為害香港
先推八萬五喺金融風暴背景下大起屏風樓,造成供應過剩,到樓市死直時就停晒賣地、造地,造成樓市十幾年斷層,而梁振英,雖然房策係重中之重,但仍然唔開始填海,又浪費五年,搞插針公屋有鬼用咩,又無配套又破壞環境!
林鄭仲勁,玩大便論揭底牌,廿年都唔填海!
5. 真真薯片 2018-05-21 11:55:35
特首做唔到野,但係香港人仲有一個救星,佢就係侵侵,侵侵玩美元升,加息,抽脂,應該可以將港樓短期推冧一浸,到時就係最後上車機會,呢隻方舟坐位有限,埋岸時間短,船飛貴,而且夾板勁chok,要好大膽而且有充足準備既人先跳到上黎,所以大家要做好準備,上唔到船既人,之後就會比長升不跌既樓價同租金慢慢折磨死
6. 真真薯片 2018-05-21 11:59:38
4樓,據聞林鄭唔動議填海係因為犯民拉布,但係一地兩檢犯民一樣拉布,林鄭就派出愛將葉劉照衝立會,而且成功在望
7. 睇錯市 2018-05-21 12:58:46
2樓4樓,自己睇錯市請反省,唔好成日尼度哭樓喪。
8. 向泛民说不 2018-05-21 13:12:28
真真,一地两检已经拉了5,6年啦,填海估计在啦多5年十年,估计供应最小等多10年先有。不过到时特首肯定不是林郑。
9. 向泛民说不 2018-05-21 13:57:18
4楼,你要记住03年23条之后,好快泛民有条英国籍出来反对维港填海,当时也有数十万人参加,虽然维港填海后来也是上马,但是同时也停了持续填海。到了曾特首,楼价仍然低。系度后期先开始发现土地不足。到689,他的解决方向是发展郊野公园。他不知道泛民阻力。现在填海,最少等10年。
10. 十郎 2018-05-21 15:13:27


      9樓 , 等多十年 ? 起好樓要廿年 ? 呢度有1/3人去左見上帝。哈哈哈哈。

11. 向泛民说不 2018-05-21 15:51:31
十郎,多谢饭民咯,以政府的效率,加上饭民拉布,10年已经算快了。
12. Carson 2018-05-21 16:16:22
7樓真係回都嘥手力,有樓喺手與否同董曾二人樓市政策失敗無關。小學雞咩。
13. Carson 2018-05-21 16:20:43
屯門、大嶼山、將軍澳、沙田、大埔、東涌,無一個位於維港之內,賴保護海港條例冇意思。

有樓喺手,都只會想個市慢升,升到今年咁急,點買多間,差餉又貴啲。
14. 睇錯市 2018-05-21 16:52:34
原來得一間自住、已經力有不逮。努力喇,唔好辣董生曾生乜生。
15. 十一哥 2018-05-21 17:32:23
呢頭妖人地囤貨、果頭又扎哂炮火要囤貨、真真咁出力幫莊、點可能跌啫、真真想跌就由自己做起…平市價一半走埋件獨頭貨、再斬雞頭以後唔買磚頭、唔好睇少自己呀!蝴蝶效應會打大風㗎。

16. 真真薯片 2018-05-21 17:36:07
冇建設性既言論,莫講話分析,直頭連意見都唔算,對探討樓市走向完全冇幫助
17. 引刀一快 2018-05-21 18:06:37
admin兄

一半分鐘,是一分半鐘嗎?
18. 引刀一快 2018-05-21 18:19:34
依家只要簡化出入境程序,推出24小時大灣區連接交通,駛乜去填海?我以前都支持填海,但係當我知道香港水域淺海比例唔大之後,填海都係可免則免。
不過,都好過鏟郊野公園。
19. 引刀一快 2018-05-21 18:31:24
當上車盤定價為六百萬嘅時候,大部分人都已經麻木,又唔諗下自己收入係咪有相應增長,本來四百萬已經吔吔聲,升到六球反而急急腳撲埋去,何解?就係俾D市場氣氛感染咗之嘛。
剛剛喺朋友度聽到一單月入不足兩萬嘅上車個案,總結就係麻木加恐懼。
20. 十一哥 2018-05-21 18:45:20
真真咁有建設性就一早成手磚頭啦、半價賣又唔制、又望人地跳樓比你執死鷄、成個磚頭專家咁欵…唔知真真嚇一跳。

21. 真真薯片 2018-05-21 19:01:06
完全無論點既回應,淨係識用d助語詞人身攻擊,邊個講野有point,我留返比讀者自己諗
22. 真真薯片 2018-05-21 19:05:32
向飯,一地兩檢拖左5,6年?

你識唔識用google?
23. 錢幣的另一面 2018-05-21 20:01:58
多年來一意孤行睇淡樓市,一早應該上車而不上車的,又何嘗不是徒手潛水之輩?
25. 上海勝 2018-05-21 22:11:02
同意18楼刀兄,24小时大湾通,再加9月高铁通,大湾,高铁沿线地覇和粤港正苦可考虑给没有物业香港人置业,享受特价搭乘高铁或大湾往返交通,又唔怕得罪香港地霸,又可缓解香港住房问题!
26. Admin 2 2018-05-21 23:01:34
謝刀兄, 已更正