地產博客 > 敢說亮話 返回
瀏覽人次:22053    回應:6
敢說亮話

茶餐廳亂話(180)做好防守才可以放膽進攻

 

湯文亮博士

紀惠集團行政總裁
2017年9月19日

  今早跑完步去到茶餐廳,老闆話long time no see,再問點解唔將文章放上Facebook,我話入到國內,就要遵守國內法律,十九大即將召開,國家在網絡上比較嚴謹亦是可以理解,不過,仍然可以上property.hk 已經是唔錯,老闆話我錯過了幾場好波,不過,他有多少不明白,去年曼聯就算贏波都只不過是僅勝,今年則經常大數對手,其實這是一般名教練做法,當他們接手教一隊波的時候,首先就要減低失球數字,如果減少失球,就即是增加得分機會,曼聯雖然在5場波攻入15球,但這不是最重要數字,這5場波只失了2球,這才是關鍵所在,防守做得好,前鋒就可以放膽進攻,不過,亦有人話進攻是最佳防守,說話亦沒有錯,當做好防守,前鋒便可以放膽進攻,反而可以減少後防壓力,變成進攻是最佳防守。

  老闆話開茶餐廳也是一樣,是做好基本的咖啡奶茶,煎蛋多士,有了基本客戶,才可以拓展新品種,千祈唔好睇少煎蛋,很多人到茶餐廳都是為了吃煎雙蛋,唔知點解,在家裡做唔好,其實煎蛋是有多少秘訣,就是不能夠太心急,我通常會用一隻小型鐵鑄鑊,小火慢煎,只煎一面,一定會煎得好,老闆話我將這個秘密講出來,茶餐廳生意少了就唯我是問。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2017-09-19 10:41:25
猛火多油…爆到脆邊先至正…


2. 真真薯片 2017-09-19 12:19:30
一般茶餐廳煎蛋水準唔會差太遠, 屋企難整係因為冇個隻大煎鑊

但係唔同茶餐廳既多士就可以差非常遠, 多士唔難整, 但係要時間同埋即整先好食, 好多茶記整定一大堆焙得果少少又冧啤啤既所謂多士, 主要係貪快慳時間, 結果又鞋又un, 難食到嘔
3. 十一哥 2017-09-19 12:45:37
往時…大牌檔茶記…炭爐烤厚多士…厚玻璃杯奶茶/㗎啡、用大陸黃桃占…嘅油占多…


4. 十郎 2017-09-19 12:52:04


       煎蛋同炒蛋需要好多油 , 係煎蛋嘅特性 , 如果跟時髦少食油而落少咗 , 一定做得唔好。

5. 十郎 2017-09-19 12:55:09


      3樓-------以前有餐廳用蒸籠 , 蒸熱d杯同淡奶 , 等d杯唔會吸咗奶茶的熱力。

6. 引刀一快 2017-09-19 13:27:25
睇嚟同李嘉誠嘅營商理念一樣,都係有一件可靠嘅硬嘢,可以支持開銷,再發展新嘢。

茶餐廳D煎蛋可以攤得咁大咁薄,除鑊外,用蛋用油都應該有考究,如果係靚嘅土雞蛋,幾乎用手指可以攞得起,落鑊到熟都係一坨,攤唔開。