1. 真真薯片 2017-06-25 12:19:15
|
香港既車位式單位同曼谷有個分別, 就係供樓佔收購入百分比
香港既車位式單位閒閒地兩萬蚊呎, 總價380萬+, 已經食盡購買力, 再係咁2加一加息, 根本冇錢剩, 仲點出街食飯? 計我話即食面同麥皮既銷售量會上升就真, 杯面都是太貴
曼谷既劏房單位係比其他城市黎打工既人住, 租金佔收入比例相對低, 而且出街食野平, 人地咪可以日日出街食飯囉
|
2. 自我陶醉 2017-06-25 12:37:25
|
泰國係貧富懸殊非常嚴重的國家,窮人雖然很多,但有錢人亦唔少,很多中產家裡都有幾部車,幾個工人,間屋大到無論,個個星期打幾場golf, 年年出國去幾次旅行,而低下階層,有些窮得每日只夠錢食一餐,好在舖租唔算貴,仲可選擇踎街邊食,幾窮都仲有餐飯食。香港得咩?
至於香港,又會否朝著這方向走? 發展商要賺到盡,第日新盤可考慮學番以前廉租屋,每層都有共用浴室廁所,間“屋”幾十呎就夠,仲可考慮麵包餐送餐服務,舖租都慳番。哈哈哈!
|
3. 真真薯片 2017-06-25 13:36:43
|
好似法例要求每個“單位”一定要有個厠所同洗手盤, 否則發展商一早搞左共用厠所既盤
|
4. 引刀一快 2017-06-25 16:44:01
|
呢類劏房屋亦造就咗洗衣鋪,莫講晾衫,洗衣機都阻碇。
|
5. 十郎 2017-06-25 17:34:41
|
|
6. 十郎 2017-06-25 17:50:32
|
刀刀-----------不用大呼小叫,當年東京總地價,可以買起全個美國,棺材房早就在東京出現,之後爆煲。
日本同香港似唔似孖生兄弟?我沒有講比你知咩?
|
7. 提醒 2017-06-25 19:24:10
|
地產商又要多謝博士了,日後又可再生產一批沒有廚房的單位,加埋正苦的高超辣招,單位又可以再細多些少,多謝博士!
|
8. 小小資訊 2017-06-25 20:20:55
|
曼谷的 Apartment沒有廚房的基本原因是不在家中明火煮食,是防火原因。 不用想太多!
|
9. 真真薯片 2017-06-25 20:34:08
|
如果法例規定每個單位一定要有厠所, 所以單位呎數不能突破極限
其實發展商可以搞“超長租期宿舍”, 每間房80呎, 得個細sink盤來去水, 有個大窗/露台, 跟住每層有公厠, 入面有10格厠格, 2樓有洗衣房, 拍八達通比錢洗衫
由於“物業”一定要有厠所, 唔賣得, 所以改成超長租約, 租約期同地契相同, 而且可以分租/轉租, 咁使用上同樓冇分別, 問題係樓按, 發展高可以成立私人樓按公司, 攞個放債人牌照就借出按揭比客
如是者一個單位100呎, 賣(租)300萬, 應該可以幫到唔少人
|
10. 泰仔 2017-06-25 22:08:44
|
還有一少少資訊,,就是曼谷人普遍認為自來水不能喝,, 如細心一點會發覺當地人出外用膳都會先點樽裝水喝,,
|
11. 潔癖怪 2017-06-25 22:17:40
|
細都可以無奈接受,共用廁所,唔好掛,好唔衛生呀!又下下要出自己單位先得,半夜點好?
|
12. 路人xx 2017-06-25 22:57:19
|
地產網留言千篇一律睇淡,好友走得的走,唔走都唔再留言。淨低一班淡友日日無病伸吟⋯ 什麼跌三成,什麼唔見棺材唔流眼淚⋯⋯
事實係,好友多年來真係估中,好多年前,好友已經講出原因。原因係長期供應不足,人口增加,長期低息⋯⋯多年來,這些因素一直無太大改變,多年來一直適用,不用轉軚,馬後砲睇番,全中⋯⋯CCL 指數大幅高於118
淡友方面,失勢不饒人,年年估錯年年睇淡,當中更以引刀團隊為甚,好多時有一半以上的留言皆來自引刀團隊。可惜理據薄弱,前後矛盾,完全經不起時間考驗⋯
想像一下,andylau.com 的留言日日鬧劉德華,劉德華的粉絲仲會唔會去睇?有咩人會日日去睇?
|
14. 引刀一快 2017-06-26 03:07:46
|
路人xx
我知道好多好友去咗大灣區睇樓,即係我上年就話會同香港融合果幾個市呀,佢地冇預埋你咩?得返你一個係度呀?
|
15. 引刀一快 2017-06-26 07:37:39
|
路人xx
你話我前後矛盾,你要舉例啵,得把口亂嗡。
你一時一個名,何來前後?哈哈哈
搞個化名出嚟誹謗人,你都算低格。
|
16. 路人xx 2017-06-26 08:18:22
|
引刀矛盾之多數之不盡
舉一例子 日日話大陸有經濟浪,令港樓爆煲,所以唔好買港樓。 然後又日日叫人返大陸買樓,又話自己買左好多大陸樓⋯⋯🤦♂️這是什麼邏輯⋯⋯咁仲唔夠矛盾?
🐸
|
17. 引刀一快 2017-06-26 09:23:22
|
路人xx
我解過好多次,甚至我連大陸樓都唔係睇好,但係已經要買的話,大灣區性價比完勝香港劏樓納米樓,就係咁簡單。
唓,你冇留意我發言咩?你都唔係fans,哈哈哈哈
|
18. 向飯民說不 2017-06-26 09:36:19
|
大陆吾爆,香港点爆,仲有,你说的大陆楼价平,但是无出租价值,香港楼回报最低都2.5%, 比大陆任何一个地方高。
|
19. 引刀一快 2017-06-26 10:22:49
|
|
20. Carson 2017-06-26 10:52:34
|
看到一些人以單位有「開放式廚房」為自豪,甚至將原本有廚房的牆拆掉變為開放式廚房,其實開放式就是沒有廚房,租出去俾人由自可,自住就麻煩。巧婦難為無米炊,住落咗耐咗冇廚房都幾大鑊。
|
21. 自我陶醉 2017-06-26 11:05:25
|
向飯,
如果只係睇息率就可以做投資決定,咁點解個個都搶住買騰訊而唔買匯豐? 一個0.2厘息,一個5、6厘息啊!你會點揀? 點解有人會買厘幾回報嘅舖,而唔買樓收租?
如果諗得通,你就唔洗一世做盲好了。呵呵!
|
22. 真真薯片 2017-06-26 11:17:25
|
在下都同意大陸一線城市樓市唔爆, 香港冇得爆
但係大陸一線城市爆唔爆, 就真係好難講, 要睇領導人一念之差, 冇得估, 不過如果大陸樓市大爆煲, 將會係陷家產, 買乜都分別不大, 除非賣晒所有野full cash移民………所以大陸有錢人同做官既好多都移民就係咁解
|
23. 引刀一快 2017-06-26 11:39:21
|
真真薯片兄
呢樣就真係有待討論嘞,我就話大陸有浪啫,乜好友直接話大陸爆炸呀?
只要大陸唔係爆炸,基建會一路繼續,大灣區會同香港市民越來越息息相關,冇得走。
|
24. 向飯民說不 2017-06-26 15:15:17
|
21樓,買匯豐,本人正做緊。其實系人都知道大陸吾爆,香港樓市是吾會爆。
董伯伯講得好,大陸好,香港好。
其實引刀你大陸賺大錢,又何必踩過界呢?93年記得惠州有樓盤廣告,好過做皇帝。引刀現在應該好過做皇帝啦。做人就吾好甘無良,日日忘人poor guy。如果你投資得宜,系大陸已經系億萬富豪,香港那些樓的價格,對你來說濕濕碎啦
|
25. 向飯民說不 2017-06-26 15:15:33
|
根據引刀的觀念,香港也是屬於大灣區的,由於樓價沒有其他地方升得多,所以現在應該是屬於追落後。
其實相對深圳和澳門,香港真系追落後。
|
26. 引刀一快 2017-06-26 18:19:25
|
向飯,人家支持大陸,你搵唔到嘢鬧人呀?
哈哈哈哈哈哈哈哈哈哈哈哈哈哈哈哈哈哈哈哈
|
27. 十郎 2017-06-26 18:35:52
|
是否追落後,要睇個基數至得,如果2萬蚊呎,升50%係3萬蚊呎。2千蚊呎,升一半係3千蚊呎。貨櫃車起步都慢少少,衝到齊頭就快過你。
|
28. 自我陶醉 2017-06-27 11:39:36
|
咪傻喇向飯,隻嫩牛升爆係追落後,現在又到隻行都行唔郁嘅老牛去追隻嫩牛? 咁追法追到幾時先完? 哈哈哈!
美國爆,香港爆唔爆?
|
29. 引刀一快 2017-06-27 11:52:28
|
自我陶醉兄
呢種兩牛賽跑嘅講法真係過癮,佢又唔諗吓放牛童一路落後追唔上。
|
30. 十郎 2017-06-27 12:39:51
|
澳門GDP高過香港,澳門人均收入高過香港,過你頭係理所當然。香港現在追落後?叫d耳猿拗少一陣先喇。
|
31. 自我陶醉 2017-06-27 12:40:44
|
引刀兄,
呢道啲放牛童,幾年前已經改咗用把口放牛,點會唔落後啫! 哈哈哈!
|
32. 引刀一快 2017-06-27 15:22:57
|
|
|