地產博客 > 敢說亮話 返回
瀏覽人次:20030    回應:9
敢說亮話
茶餐廳亂話(123)怎樣煮彈牙意大利麵
 
湯文亮博士
紀惠集團行政總裁
2017年6月18日

  今早在六點幾時候,我見到天氣很適宜跑步,於是立刻去跑幾個圏,知道很快就會下雨,跑完步去到茶餐廳,老闆話昨晚去附近食意大利麵,好貴,二百幾元才得一小碟,鬼佬話新鮮做,彈牙的,所以要咁貴,我叫老闆千祈唔好信,新鮮意大利麵很難煮到彈牙,而三種新鮮麵,雲吞麵,三四十元一碗,日本拉麵,九十至百三,意大利麵二百幾,我覺得三種麵最好食雲吞麵,尤其是離開香港一段時間,落機就立刻去食,現在日本拉麵店,香港好似多過日本,而且,什麼地方拉麵都可以食到,連日本人都話,去香港就可以食到唔同地區拉麵。

  新鮮意大利麵是很難煮到彈牙,我並不是說一定不可以,或者有一些大師可以做到,所以,食新鮮意大利麵是最不懂得消費,要煮新鮮意大利麵,一定要要用乾貨,按照包裝上說明煮的時間減70秒,立刻倒在已經煮好的醬汁,有九成機會是彈牙,老闆話有機會試做,水吧話唔使有機會,他已經做緊,幾分鐘之後,老闆試食後話,果然是彈牙,水吧煮了很多,又的確煮得唔錯,我話大件事,早上食意大利粉,食完唔使番瞓,準備返屋企,咦,又落雨。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 無奈 2017-06-18 10:36:14
博士勵害,上至國家大事,下至平常生活小節,都可以說一番,且頭頭是道。👍
2. 無奈 2017-06-18 10:38:22
點解早上食意大利麵就不能再睡?
3. 靜 2017-06-18 11:04:34
想試就食到,幸福。
水吧伙計醒目,餐廳老闆有此員工,可賀。
4. 引刀一快 2017-06-18 11:27:26
70秒都算得出,恐怕真係食神。

唔知點解,可能我由細cheap到大,始終係中意食茶餐廳用茄汁炒嘅意粉。
5. 向引刀‧土著‧自醉‧浪子‧阿井 說不 2017-06-18 11:41:50
傻燦 Cheap精系人都知咖啦…
6. 真真薯片 2017-06-18 13:12:46
博士精通物業投資, 中國歷史, 賭場同煮野食

到底係如何做到?
7. 十一哥 2017-06-20 15:56:23
鮮做意粉、任你點壓…就算用埋竹升、咬落都係得…實al dente、唔同爽+彈、㗎仔意粉強項、茶餐廳意粉一早烚定、中式風味、乾炒牛意還可、茄汁就充滿地捫風味、肚餓就梗食得下啦!


8. 十郎 2017-06-20 16:58:11


      上幾日食大9鑊肉醬意粉,唔駛咬,食到想嘔,我平時唔嘥野都放棄。

9. 引刀一快 2017-06-20 17:00:11
就係鍾意呢D cheap做法,唔係話唔鍾意靚嘢,而係食過高檔次手藝之後,再食茶餐廳嘢依然美味開胃。