地產博客 > 敢說亮話 返回
瀏覽人次:21863    回應:5
敢說亮話
茶餐廳亂話(93)買樓一定要買新樓
 
湯文亮博士
紀惠集團行政總裁
2017年4月20日

  今日去到茶餐廳,老闆同太子仔雙雙送上水煮麥皮、多士,咖啡之後,便坐下來,唔使問一定有事問我,老闆話太子仔想買樓,當然是買同區,太子仔想買新樓,老闆話新樓呎數不足,建議他買二手樓,我話,現在無論新舊樓,計算方法都是一樣,新樓沒有存在呎數不同問題,但從其他角度去考慮,一定要買新樓,老闆話我替地產商講好說話,我話唔係,以事論事而已。

  首先,地產商明碼實價,唔會反價,俾到價錢就一定會賣,私人二手樓業主很多都沒有打算賣樓,俾到價又會反價,反價再反價,最後都唔賣,不但令到買家浪費時間,甚至失去機會,就算買到都唔開心,而且,有一些業主在賣樓時加上一個溢價,理由是以後他們如果再買樓,就要俾15%印花稅,如果有人願意買,又會出現一個創新高價,地產商又唔同,他們買地或者收舊樓建新樓,毋須付那些什麼什麼特別印花稅,令致新樓開價有機會比二手樓克己,不過,地產商賣樓亦是講時勢,現在當然唔會平賣俾你,不過,在15%印花稅未撤銷前,買新樓似乎比較化算,我睇表情,太子仔明白,老闆並不明白,老闆不明白有什麼出奇,政府也不明白,這就是近日樓價屢創新高的主要原因。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 路過的人 2017-04-20 09:34:42
買新樓是要抽籤的,你喜歡的不一定(很多時候都)買不到。

看緣分吧!現在是業主的天下。
2. 真真薯片 2017-04-20 10:05:12
發展商唔會反價, 但係會擠牙膏, 令到果一刻推出既單位必定少過想買既人, 令到買家要互相競爭(方法係鬥大手或抽籤)先買到, 所以結果一樣係想買都未必買到
3. Tony lam 2017-04-20 10:49:22
現市況 : 買樓即係賭樓、買得起住得起…借都唔洗比貴利…跌就最多係浪住揼…唱下…無所謂…、落part都勉強…監硬上車驚執輸嘅…多多少少都要比貴息…跌就喊住唱歌…一無所有…再回頭很難…
4. 引刀一快 2017-04-20 14:55:43
呢排廣州D二手業主都係咁嘅心態。
5. 路過的人 2017-04-23 22:20:37
新樓還是普遍貴同區2 成以上,而且很多都是新區,附近設施不足。新樓唯一好處是首期低就做到業主,但也是將來破產的'復'線。