地產博客 > 敢說亮話 返回
瀏覽人次:30597    回應:9
敢說亮話

茶餐廳亂話(28)樓評

 

湯文亮博士

紀惠集團行政總裁
2016年12月7日

  昨日去到茶餐廳,伙計立刻話有人撩交打,我話我雖然大隻,但唔識功夫,打交當然唔會,就算撩我都唔會打,伙計話,撩交打的意思不是打交,是挑釁,我話冇可能,我又沒有得罪人,又沒有盛名所累,點解會有人挑釁,伙計攞了一份蘋果日報俾我睇,原來在我的專欄隔離,另外一位用筆名的專欄作家叫人唔好睇樓評,佢話寫樓評的炒家學術水平不高,只不過在適逢其會之下買了幾個物業,而物業又長升不跌,做成富貴迫人,搵到錢之後就也文也武,甚至成為樓評家,唔似得那些股票評論員,絕大部分都有真才實學,咁樣寫,唔怪之得伙計話有人撩交打。

  我同伙計講,其實我非常開心,有人鬧總好過冇人睇,不過,樓評又真的是信唔過,如果由地產商的要員寫,樓價幾時都有上升空間,如果由物業代理寫,冰河時期代表成交量少,並非樓價低迷,如果由經濟學家寫,樓市的前景永遠都是暗淡,不過,在他們買樓之後,前景就變得光明,否則,他們就不會身體力行去買樓,身體力行就是最好的評論,至於其他寫樓市評論的人則愈寫愈驚,因為他們愈寫愈了解樓市,更加唔敢買樓,到最後,只得那些不知天高地厚,學識不高的投資者夠膽去買樓,如果他們當中有人去寫樓評,唔俾人笑到面黃才怪,好彩我面皮厚過恐龍皮,笑我都唔怕。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. LYC 2016-12-07 10:12:19
根本唔需要睇樓評,敢買就成了富人,幫人供樓就係窮人,一字咁淺,由於辣椒不斷企圖壓抑需求,事實係無可能的,因為人點都要居住,
所以樓價已經長期受壓而處於極度偏低水平,因此香港樓價現在才剛起步爆上,CCL號火箭都只是剛起飛. 所以,大家只要坐定定,我們加入億萬富豪榜係指日可待的事.
現在吹話發展郊野公園,其實都係得啖笑,可能到我們的孫買晒香港啲樓都未還在吹緊!
2. 路人XX 2016-12-07 10:16:29
😨 LYC 兄又轉軚? 好亂呀!究竟應唔應該買呀?!
3. LYC 2016-12-07 10:47:24
4. 好 2016-12-07 11:25:30
贊成LYC,唔同時間當然有唔同做法。
5. 引刀一快 2016-12-07 11:55:17
人人話LYC兄係AA,我唔信,我肯定佢係賣鮑魚。
6. LYC 2016-12-07 14:31:42
刀兄,你收檔吧啦,信你個啲傻人(當然包括刀兄)已經做緊窮鬼.他們陸續搬進劏房,有些還開始露宿街頭,情況實在令人慨嘆憐憫,不勝唏噓.
其實他們只不過做了一個正常人都會做的穫利回吐的動作,
估唔到足以影響一生,導致一世人都居無定所,真係慘!刀兄何必要咁累人呢,損人不利己啊!
7. 引刀一快 2016-12-07 15:28:54
係呀,真架,香港咁多人露宿街頭。

但係我又唔收檔喎,收咗檔又點招呼你呢?
9. 小說話 2016-12-07 16:54:06
害人利人也是一線之差
10. Tony lam 2016-12-07 23:36:25
儍刀     你自己鐘意賣海鮮啫、但唔好估人係賣鮑魚先得㗎。

早排隊得你應D、見你即時由早到晚通宵唔瞓咁還拖、怕你頂唔順激到癲咗、先唔隊你住、點知你天生海鮮敏感、痕得滯喜歡被隊。