地產博客 > 敢說亮話 返回
瀏覽人次:34667    回應:16
敢說亮話

港交所杯

 

湯文亮博士

紀惠集團行政總裁
2016年1月2日

  我去了馬來西亞同李宗偉打羽毛球,灣仔體育總會同事來電,問我有沒有興趣搞一個港交所杯,我話冇問題,不過,一定要李小加落場踢,體總同事話,港交所早已回覆,李小加一定要落場,他們並已請得多名昔日名將,組成南華,愉園,精工,以及港交所,四隊打淘汰賽,賽後晚飯,我問幾時,佢哋話在1月3日,下午2時開始,灣仔修頓球場,我話要準備精美禮品送給到來參觀的人,代表我們小小心意,禮品要有灣仔體育總會及港交所的名字,灣體同事話冇問題。

  如果有睇我在網站的文章就知道,我在去年賣匯豐,買港交所被壹週刊放在封面,並冠以股神稱號,港交所同事亦知道,所以,今次可以快速搞港交所杯,但最難得是李小加肯落場,如果大家到來參觀,一定會生色不少,祈待各位蒞臨,新年進步。


 

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 新抱仔 2016-01-02 10:39:10
博士踢波😂😂😂👍點解可以什麼也識架?哈

我看看工作完後是否趕得切來,博士h加油👍
2. Small Potato 2016-01-02 11:23:56
感激博士每日都寫咁多吾同層面嘅事物比大家知,咁快又一年,祝福大家新年快樂:)
3. 魚蛋仔 2016-01-02 11:36:11

博士真係利害!咩都識,還要精!勁!明天我都去捧場,為博士打氣!

4. 真真薯片 2016-01-02 11:50:37
踢波, 游水, 羽毛球都識????
5. 打工仔 Andy 2016-01-02 11:52:22
博士好波!
6. Joe 2016-01-02 13:17:59

如有机會同博士落場踢, 絶對是一樂也。。。

7. 無奈 2016-01-02 13:58:20
明天要送機,如果可以,必定趕來。
8. 多嘴街 2016-01-02 15:20:58

灣仔是我''地頭'' ,一定要去!

9. 珍惜香港 2016-01-02 23:12:41
珍惜香港

一個月前,李小加寸爆 A 股市場,當時我 諗過以此為題,寫篇回應,不過我呢份人,又懶惰,又唔喺成日有 MOOD,到有果陣呢,可能又寫咗第樣嘢喎,結果都喺冇寫。

李指 A 股或為「最危險」市場


其實,李小加唔算寸啦,只喺賣花讚花香啫!身為港交所行政總裁,梗喺要寸下人地,SELL 下自己啦!

任志剛財爺曾李小加,都喺我非常欣賞嘅財金領導者。今時今日,香港嘅體質,相比其他 GDP 增長,同樣得番兩三巴仙嘅各成熟經濟體,已經好 GOOD。政府冇欠巨債,仲有盈餘;銀行體系,又非常強健。而香港作為萬水匯聚之地,都唔使好似美國咁,要實施乜嘢停市機制

好多人,擔心人民幣國際化,會影響香港國際金融中心嘅地位。其實,橫觀世界各地,香港有好多優越之處,只不過佢地忘記咗,香港,只喺中國嘅一個城市,唔喺一個國家。所以,我地唔使乜都話要做,但一定要認清自己嘅長處同優勢,再針對性咁去發展,同發掘新嘅機遇,就可以鞏固自己嘅地位。

香港要持續發展,就要定好自己,响國家之下,要爭取嘅長遠角色

正如,李小加話,橋,唔怕多,最緊要喺,聚响呢度嘛!
10. 引刀一快 2016-01-03 03:23:20
唔知會唔會有個神秘外援出場呢?
11. 無奈 2016-01-03 13:26:40
刀兄,你好想落場?
12. 無奈 2016-01-03 13:33:45
珍兄:同感,可惜如這3位名人仍在位已經不多了。
13. 引刀一快 2016-01-03 14:20:33
無奈兄

夠鐘開場,勞煩無奈兄代我嗌兩句加油,或者“湯先生Smash,全修頓Crash”。
14. 珍惜香港 2016-01-03 21:11:16
珍惜香港TO:12/F 無奈

我差唔多下午四時至到達,見到湯博士,可惜見唔到佢落場,又見唔到大家,或者我太遲到啦!不過,我都有睇一陣波先至離開嘅。

李小加都有落場踢波,亦好認真落力,佢俾我嘅感覺喺,如日方中!

香港,都喺一樣,如日方中!
15. 無奈 2016-01-03 22:29:47
珍兄,我在場大概約1小時,李小加都在忙於Social。

幾年前小弟曾在本網留言,李小加是一個人物,夠決斷,領袖也。

近日匆匆大陸行2次,還是覺得香港繁榮,共祝香港如日中天。
16. 無奈 2016-01-03 22:31:22
刀兄,信不信由你,我在機場快線回程已經在心里喊啦,哈哈。