地產博客 > 敢說亮話 返回
瀏覽人次:5246    回應:4
敢說亮話
茶餐廳亂話(112)摩連奴果然有料到
 
湯文亮博士
紀惠集團行政總裁
2017年5月25日

  今早跑完步去到茶餐廳,老闆問我有冇睇歐霸盃決賽,我話本來唔想睇,因為昨晚飲了很多酒,但約了幾個老友,想唔睇都唔得,歐霸盃本來是一個小盃,獎金又不多,各大球會都不重視,但今屆歐霸盃得主,可以直入歐聯分組賽,吸引力大增,所以,曼聯摩連奴在最後幾場英超聯賽表示放棄,專心打好決賽,在缺少伊巴謙莫域之下,仍然可以奪標,有了歐聯入場券,伊巴就有很大機會繼續留在曼聯。

  摩連奴昨晚所採取戰術,就是可以讓阿積士射門,但唔可以射中龍門,即是封了對手的射門角度,這是防守戰術中最高的學問,結果的確是阿積士射門次數雖然多,但中框的只有兩三次,不過,以人腳以言,曼聯的確比阿積士高一皮,奪標不是冷門,摩連奴第二套戰術就是唔能夠俾朗尼出場,但又要俾佢威,於是在領先2:0之後,在最後5分鐘讓朗尼出場,華倫西亞立刻將隊長臂章替朗尼帶上,讓他能夠以隊長身分帶領球隊奪標,在曼聯奪標之後,阿仙奴雲加就斯人獨憔悴。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2017-05-25 12:21:49
咩時候朗尼變咗黃忠?

兜友仔17歲初試啼聲還歷歷在目。

我仲諗住摩蓮奴咁牛屎會坐唔穩,唔知傑斯有冇睇呢?
2. 無奈 2017-05-25 14:00:57
摩佬生死之戰?不!挽回面子之戰。

能否打破總是“效力球會不過3年的魔咒”,還看明年戰績。

目前看,費格逊後他算最靠譜了。
3. CD ROM 2017-05-25 23:34:43
最精彩係突然興起玩人盯人,對手真係企左係度。。。

忽然飘起赤井止也同利雲既情節,haha, 有無人知我講既乜?
4. 引刀一快 2017-05-26 00:12:38
search一下就知道喇,呢套卡通我冇乜點睇,果個年代,我睇哥布拉。