地產博客 > 文亮語 返回
瀏覽人次:12338    回應:17
文亮語
打擊甩名買樓屬旁門左道
 
湯文亮博士
紀惠集團行政總裁
2019年6月10日

  特首林鄭月娥在上任時,坊間有不少人打賭政府很快便會出招打壓樓市,他們的意思是壓抑需求,新樓空置稅是迫地產商賣樓,是增加供應,所以 ,並不算是出招壓樓市,樓市在地產商大量推盤,而銷售量亦創新高之下,但仍然壓不住升勢,連升16星期,在上星期五破頂,即使創新高,但睇好樓市的人並不十分雀躍,因為成交量突然大幅減少,大家都知道樓市在上升時成交量急跌,就是下跌先兆,而樓市創新高,亦撳正政府死穴,坊間估計政府短期內有機會出招壓抑需求。

  今次真的好嘅唔靈醜嘅靈,在中原指數破頂不足一個星期,政府已經吹風出招壓需求,今次有些少奇怪,就是出招打擊甩名的首置買家,在五年內買樓要付15%印花稅,我覺得政府今次冇事搵事做,在一對夫婦結婚前後首次買樓,大多數是會以聯名形式,俗稱長命契的方法,當他們有積蓄之後,就會多買一層收租,這亦是儲蓄的一種方法,令到退休時有所保障,但聯名買樓即是浪費了一個丁權,兩夫婦甩名買樓亦是正常,政府是冇理由打擊擁有丁權的人,雖然政府出招的次數是沒有限制,但出招打擊甩名買樓人士仍然屬於浪費,因為甩名買樓的人不多,對壓抑樓市升勢起不到有效作用,反而會被人說政府再一次出招都唔能夠壓低樓市,令到市民擔心樓價會繼續上升而瘋狂入市。

  政府在現階段不應該出招,中原指數連升16個星期之後,已經是強弩之末,連老C都話樓市破頂後就會下跌,如果政府出招打擊甩名買樓而樓價又剛好下跌,就會被剛買了樓的人埋怨,如果唔跌,更加會被人話出招都冇用,既然結果是不利於政府,倒不如靜觀其變。樓市在中美貿易戰陰影下,一定會有顯著跌幅,政府應該趁這段時間增加土地供應,最直接辦法就是強迫性向地產商攞地,不過就會受社會所不容,退而求其次是應該趁樓市下跌時與地產商洽商補地價,如果在這方面做得好,土地供應充足,配合新樓空置稅令到地產商不能囤積居奇,這才是解決房屋問題的正確方法,打擊甩名買樓只不過旁門左道,而且收效不大。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 乜春 2019-06-10 08:56:06
多此一舉
2. 真真薯片 2019-06-10 09:10:23
甩名都唔比,正苦打擊甩名,其實係話比人知佢已經冇招出
3. 引刀一快 2019-06-10 09:59:24
呢招其實係用嚟降低離婚率,新婚買樓寫一個人名,未買第二間之前,另一半老蟹都唔肯離婚喇。甩咗名之後,要5年先至准買樓,甩名果個呢5年又係老蟹都唔離婚。
4. 123 2019-06-10 10:01:57
火上加油, 應該會有好多人甩名, 加快入市
5. 已經冇招出 2019-06-10 10:12:24
多過一間冇得免差,仲要加差,等等
6. 真真薯片 2019-06-10 10:35:46
刀兄,女人帶住個仔同你離婚,接近sure win, 你同佢住同一層樓夠幾年,就算層樓只有你名,甚至只有你老豆名,女人一樣可以用“婚姻居所”名義黎搶你層樓,千其咪試啊
7. 十一哥 2019-06-10 10:38:29
刀刀  你就好啦!香港乜招都唔關你事…幾自在呀!政府度出糧就收港紙…拎返大灣就換解放軍…着數哂啦!
8. 真真薯片 2019-06-10 10:40:53
男人/男家有樓結婚,要將層樓放租,再用租金收入租另一層樓同老婆住,咁女人離婚就搶唔到你層樓啦
9. 引刀一快 2019-06-10 10:56:09
真真薯片兄

如果兩公婆出得呢d毒招,就算損手爛腳都要離喇,你所講嘅係決定離婚後嘅情況,而我,係想對比大陸離婚攞名額啫。

不過兄台今日科普咗香港無數單身漢。

10. 引刀一快 2019-06-10 10:57:41
琳琳,寫激D,唔到肺。
11. 引刀二快 2019-06-10 11:03:55
刀刀,甩名入市不會因為要離婚,離婚也不會因為甩名買樓要加稅而不離
12. 十一哥 2019-06-10 11:07:58
刀刀  咁大容量…要頂到上心口…
13. 引刀一快 2019-06-10 11:10:30
得咁多?

14. 多此一舉 2019-06-10 13:07:15
根本完全就是捉蟲入屎忽,好做不做,以為好L醒,請問夫婦甩名再買樓有乜L問題?
15. 十一哥 2019-06-10 13:39:11
唔夠喉 ? 揾你嘅老相好…毛子啦。
17. 引刀一快 2019-06-10 14:51:26
乜琳琳咁早收工呀。
18. 引刀一快 2019-06-10 14:55:43
To 11樓

我本來嘅意思,只係話兩公婆一人一間,一個買咗,第二個未買唔忿氣唔捨得離婚咁解啫,係講笑。

大陸要增加名額就要利用離婚。