地產博客 > 文亮語 返回
瀏覽人次:28209    回應:12
文亮語

都是借人頭惹的禍

 

湯文亮博士

紀惠集團行政總裁
2018年7月13日

  昨晚有記者將一段新聞e了給我,就是有一個老父在2009年買樓,為了得到銀行的按揭批核而用了兩個兒子的名義購入,到今個月初,他的兩個兒子將樓宇賣走,的確賺了不少錢,但父子之情就沒有了,記者問那兩位兒子點解要咁樣做,現在老父入稟法院要求取消交易,取回單位,我不是法官都可以肯定不可能,老父在法律文件上並不是業主,如果為了單一事件作出特別判決,香港的買賣樓宇交易程序就會亂晒大籠,我覺得這是家事,三父子一定要四四六六拆掂佢,不過,這單個案是警剔了香港人,都是借人頭惹的禍。

  現在不少父親買樓,為了避免繳付15%印花稅,都會用兒子的名額購買,那些父親都會被冠以父幹,老實說,他們的年輕兒子有幾多個可以守得住父親買給他們的住宅單位,當使用超支,很容易就會求助財務公司,不需要太久,兒子就要賣樓還債,父親千祈唔好公開這件事,因為他犯了逃稅這個不法行為,所以,做父親的要有心理準備,用了兒子人頭買樓,即是送了層樓給兒子,當早些分身家好了。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 腥港人 2018-07-13 09:21:26
沒有這些父幹,CCL點爆上200呢?
而且父親要求同住嘅仔女交租交伙食,可想而知關係幾咁好啦。只能說早知今日,何必當初呢。老父都係輪番間單人公屋養老或者去大灣區啦。
2. 杯 2018-07-13 10:40:11

【中國銀行原分行行長從美國遣返】

涉嫌貪污挪用銀行4.85億美元的中國銀行廣東開平支行原行長許超凡,在逃到美國17年後被強制遣返回國。許超凡在2001年逃到美國,期後國際刑警發布紅色通緝令,他2003年在美國被捕後於2009年在美國被判處有期徒刑25年。

3. 樓市中哥 2018-07-13 12:54:55
老父其實還有兩層在手
4. 自我陶醉 2018-07-13 16:25:32
為買樓連命都可以唔要,何況區區兩個仔。有能力的話咪生定多啲備用囉! 哈哈哈!
5. 真真薯片 2018-07-13 18:11:30
法律上,假如老父可以證明買入房產既錢全部係由佢出,佢係有得打既,不過呢個case好似唔係囉
7. 馬後車 2018-07-13 19:28:14
依信詫法的 resulting trust, 佢或可拿回一部份以至全部賣樓所得。但依土地法, 佢冇業權, legal title, 不能取消買賣合約。
8. 十一哥 2018-07-13 21:02:22
親生嘅味比哂佢地囉、咁很辛苦、都唔知揾銀~駁長條命為乜、生產者責任制…子女忤逆…父母之過。

9. Bos fan 2018-07-13 23:04:10
捨得個仔個名就唔好諗住攞返啦。
11. Carson 2018-07-14 21:20:25
Constructive trust, resulting trust, 都係法官話事,未必冇可能攞返部分㗎。不過睇佢有咩證據同係咪符合法律要求囉。
所以政府越多違反市場定律嘅辣招,社會就會出現更多不合理嘅現象。故事中嘅老爸,點解個老婆死後唔留俾佢要俾兩個仔?佢問下自己啦。之後走去告兩個仔又喺傳媒唱衰佢哋仲想攬住一齊坐監,誰是誰非,聰明人不難明白。
12. 引刀一快 2018-07-17 09:18:40
To 1樓

仔女有手有腳,交租交伙食天經地義,我以前打工雞碎咁多,都攞四成出嚟老竇老母女朋友三個分,有收入唔俾兩老,養D咁嘅仔有咩用?
13. 引刀一快 2018-07-17 09:23:20
Carson兄

發生咩事,必須要知道埋佢老婆為人處事至得,有D女人仔女親過老公,有D人自私調教仔女親自己多D,總之一家唔知一家事。
14. 引刀一快 2018-07-17 09:34:32
自我陶醉兄

提到命都唔要,個心離一離,大陸呢個零月不知幾多人輸波跳樓。