地產博客 > 文亮語 返回
瀏覽人次:24217    回應:26
文亮語

鷹派其實是話唔到事的人

 

湯文亮博士

紀惠集團行政總裁
2018年5月21日

  昨日我寫了一篇文章關於中美貿易談判,我話中國是贏家,有很多人WhatsApp 問我點解,當中有人睇過時事評論員林和立的文章,認為美國是大贏家,其實,我也是睇過那篇文章才說中國是贏家,現在雙方沒有公布結果,任何一方說自己是贏家都只是阿Q,但阿Q還阿Q,中國人一定會話中國是贏家,美國人當然會話美國是贏家,但中國人話美國是大贏家,我的確有點不明白。

  我話中國是贏家是有根據,特朗普唔知點解派出所謂鷹派參與談判,總統可能不知道,鷹派其實是話唔到事的人,他只不過轉述特朗普的意思,當鷹派人物被換走,無論結果是什麼,在其他人來說,美國已經輸了這場談判。

  我記得多年前我被派去傾一份合約,同事對我提出了警告,與我談判的對手出名硬淨,寸步不讓,我當然多謝他們的好意,其實是他們怕了對手,才給我一個機會,在談判開始的時候,我表示自己是一個相當軟弱的人,只有很少的話事權,不能夠滿足他太多要求,對手聽到之後出現不悅之色,他叫我們公司派一個話得事的人來傾,否則,是沒有結果,我話不必,因為他根本話唔到事,只不過轉述他們公司的意思,而那些事我們早已知道,他硬淨只不過是話唔到事,他更加不悅,我加強壓力話佢減幾多,我加幾多,如果他斗零唔減,我斗零唔加,我知道他早已誇下海口,可以令到我們簽下他們要求的合約,當雙方膠著狀態時,對方撤換談判的人,我加大讓步幅度,合約傾妥,結果是對方稍為有利,如果沒有所謂鷹派,可以說是我們輸了,有了那些所謂鷹派,外界的人來看我們是贏了,很多人在談判的時候害怕對方是鷹派,其實有什麼好驚,鷹派其實是話唔到事的人,他們只不過是傳述員而已。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 錯字 2018-05-21 09:17:08
Admin

一時特朗普一時特郎普;一時轉述一時又轉術。
2. 十一哥 2018-05-21 09:23:23
鷹派即係打手、行就行先、傾計就企埋一邊。

3. Admin 2018-05-21 10:03:59
謝謝1樓指正, 文章已修改。
4. 雙重才是標準 2018-05-21 10:52:10
除非是政治人物或想成為政治人物嘅人物,否則只需是其是非其非,何需某國人便非要認為本國是贏家不可?假如我是日本人,是否就只能認為日本必勝?

不過,有冇人覺得奇怪,點解協議條款俾錢同埋做嘢嗰個全部只係其中一國嘅?係咪有啲割肉賠款feel? 唔怪得官媒一面倒講雙贏(但又一面勁删留言),攪到我不知幾鬼感動呢種仁義之風。

不過公道少少講,雖然萬幾億人仔係要侷俾,但買方若有真正需求,又冇大礙嘅; 另一方面,賣方若沒有足夠存貨,便要入口再轉運,變相只能賺少少轉口費。

之但係,講到開放市場就似乎大大鑊了。若果切實執行就...執行到咩?若果講吓就算,拖得就拖,才乎合track record。不過,我都估得到,你估侵侵知唔知呢啲招數呢?估到嘅話,又會唔會手執更多把柄,以防走數?
5. 向泛民说不 2018-05-21 11:10:08
有中國人話美國是大贏家,那些一般不认自己是中国,其实他们是传说中的西奴,恋殖奴。
6. 浪子心聲 2018-05-21 11:52:27
我點都認為中國在這場所謂貿易戰真係無得輸,能讓特朗普這位狂人繼續做美國總統,再買多啲美國貨都值得,我眼見特朗普所做的大事,無一對美國長遠有利,相對來說就對中國長遠發展就非常有利。

我相信中國還會繼續讓特朗普有光彩地贏得這場所謂貿易戰,朝鮮無核好快就有成果,讓特朗普攞個諾貝爾和平獎,這場戲就更好睇
7. 引刀一快 2018-05-21 18:36:48
的確,鷹派係用嚟大人嘅,換批人嚟傾嘢,不過係俾D心理安慰對方,好D落台,簽都順D咁解啫,呢鋪中國完敗。
8. 向泛民说不 2018-05-21 19:26:02
引刀,你有无病, 中国完败你仲叫香港人去大湾区买楼。真系靠害啊。
90年,你老友日本仔完败就迷失20年,今日楼价只是当时的40%左右。
9. 真真薯片 2018-05-21 19:30:26
刀兄,協議唔公開,難言邊個國家輸贏

非常咁表面睇,成件事係:美國宣佈貿易戰 -> 搞一大場show -> 聯合宣佈中國會加大進口量去減低中美貿易易差,兩國同意唔打貿易戰

又再好簡單咁睇,假如美國從來冇宣佈貿易戰,中國就乜都唔洗做,依家美國搞左一輪,得到中國承諾加大進口量,咁中國得到乜野呢?好似冇乜,所以純粹就呢個單一事件既牌面去睇,中國似係輸多過贏

不過國家之間既博弈從來唔係單一事件,而係所有事件要撈埋黎睇,今次中美其實傾成左個大deal,我地外人無從得知內容,所以亦無法評論,周圍搵理由去話其中一邊贏定輸,真係好阿Q
10. 引刀一快 2018-05-21 20:09:30
真真薯片兄

無需兜咁大個灣,最後都係一句無從得知。
聽劉鶴講嘅賽後報告,就乜都知。
你可以“百度”一下,大陸民間對呢類賽後報告嘅一貫解讀,再睇睇侵侵兩個人嘅合照。

11. 真真薯片 2018-05-21 20:13:47
刀兄,

有趣既係,當中國網民,媒體同官方都強調或者爭抝緊誰勝誰負既時候,美國果邊靜過鬼,我上美國網同報紙專欄都唔見有評論講輸贏

呢個現象代表d乜?你可以話袋左著數就收聲,亦可以話佢輸到趴係度好冇面輸到唔敢出聲,呢樣野唯有留返比大家各自解讀
12. 引刀一快 2018-05-21 20:22:06
真真薯片兄

呢鋪除非中國揸住侵侵同佢個女Ivanka亂倫嘅視頻,否則美國冇得輸。


13. 引刀一快 2018-05-21 20:27:20
點解中國係爭詏,而唔係炫耀?已經講明具體情況喇。

真真兄,得閒遊玩下大灣區,體會一下中華大地嘅文化,會好有裨益。

解讀表我唔敢貼上嚟,怕影響地產網,你自己搜下。
14. 真真薯片 2018-05-21 20:32:06
刀兄,有冇百度關鍵事可以提供,學下野
15. 真真薯片 2018-05-21 20:39:14
嗯,隨便百度一下,睇下內地網民既評論,發現大陸超越香港,係必然既事
16. 十郎 2018-05-21 21:00:33


      呢次貿戰導火線之一 , 係中國架空石油美元所至 , 我又來猜測中國多買什麼美國貨。

      (1)美國農產品係必買項目 , 因為關乎選票問題。

      (2)美國頁岩油同頁岩氣 , 因為銀碼龐大 , 收美金 ,  減貿赤。可以滿足大量購買美國貨條件 , 打開美國大量石油輸出門路 , 又打擊中東及俄羅斯石油工業。




17. 引刀一快 2018-05-21 21:01:16
真真薯片兄

为生在中国,为生在90后,为我每天吃饱喝足,为我还好好的活着。
外交部黑话大全
1、亲切友好的交谈——字面意思;
2、增进了双方的了解——双方分歧很大;
3、交换了意见——会谈各说各的,没有达成协议;
4、充分交换了意见——双方无法达成协议,吵得厉害;
5、坦率交谈——分歧很大,无法沟通;
6、会谈是有益的——双方目标暂时相距甚远,能坐下来谈就很好;
7、我们持保留态度——我们拒绝同意;
8、赞赏——不尽同意;
9、尊重——不完全同意;
10、不愉快——激烈的冲突;
11、遗憾——不满;
12、表示极大的愤慨——现在我拿你没办法;
13、不能置之不理——即将干涉;
14、严重关切——可能要干预;
15、保留做出进一步反应的权利——我们将报复;
16、拭目以待——最后警告;
17、请于*月*日前予以答复——*月*日后我们两国可能处于非和平状态;
18、由此引起的后果将由*负责——可能的话我国将诉诸武力(这也可能是虚张声势的俗语);
19、我们将重新考虑这一问题的立场——我们已经改变了原来的(友好)政策;
20、这是不友好的行动——这是敌视我们的行动;可能引起战争的行动;
21、这是我们万万不能容忍的——战争在即;
22、是可忍孰不可忍——不打算忍了,要动手了。
23、悬崖勒马——想被XX么?
24、勿谓言之不预也——不要说我们没有提前打招呼告诉你,准备棺材吧。
历史上,我国曾两次祭出必杀技 “勿谓言之不预也”,分别是:
1962年9月22日印度对中印边境的侵犯事件《人民日报》社论《是可忍,孰不可忍》
1978年12月25日越南军队对中越边境的侵犯事件,《人民日报》社论《我们的忍耐是有限度的》。
不知道大家平时看新闻有没有注意到过这些词,有时候我就想 中华文化真是博大精深啊~哈哈
不知道论坛有没有学政治的朋友,可以帮忙来给解读一下。
我就是听老师这么提了一下,当时挺有感触。
无论如何,我们都是应该感谢我们的国家和社会的!
18. 引刀一快 2018-05-21 21:02:41
你可以掌握一下裡面嘅概念思路,同手法。
19. 引刀一快 2018-05-21 21:15:27
真真薯片兄

最好係各司其職,唔好邊個超越邊個,香港人保持優勢耐D,其實兩邊都有著數。
20. 十一哥 2018-05-21 23:02:55
最冇料就最扮嘢、思路、論點、分析、在下…一早講咗、嗱咗喳沙就成個磚家咁嘅欵、喺呢度吹水車下大炮…得啖笑啦!

老反…假鬼、目標係策反中國、咁嘅…思路…梗唔會落注、好多而家磚都冇塊、所以嘈得最凄厲就係呢班假鬼嘞。


21. 真真薯片 2018-05-21 23:32:50
刀兄,大陸同胞既中文水平果然遠超香港,在下佩服


22. 引刀一快 2018-05-22 00:48:10
真真薯片兄

你佩服邊個先?老百姓定官方發言人?哈哈哈

語言偽術嘅發源地,上面嘅人中意玩呢D,咁下面嘅“老百姓”當然會讀懂佢。
23. 引刀一快 2018-05-22 00:52:42
真係得意,地產網呢度原來有條維園阿伯,又要鬧人,又怕唔老嚟輸股票,得閒就隔空鳩嗡幾句,心理有問題,哈哈哈哈。
24. 十一哥 2018-05-22 08:04:28
哪 !  塞下D嘢比刀刀開竅嘞、違法達義=違法得意。

外交黑話、語言偽術、係舶來品叫外交詞令、灣水太耐嘞、走唔出灣仔…好耐冇聽到主人D英文哩!


25. 引刀一快 2018-05-22 08:26:39
真係俾人keep住囬鄉證冇得返大陸?

26. 向泛民说不 2018-05-22 11:37:09
引刀对大陆甘负面,但是又日日叫人去大湾区,其实真系唔明白,如果这次贸易战中国输,根据真真美爹的逻辑,肯定支爆。甘投资方向应该是估大陆资产,买美国资产才对。这就是广场协议之后,估日本资产,买美国资产正确的做法。但是引刀却反其道而行,真系唔明。

最近中兴事件之后,我就研究芯片对大陆的影响,在google search到了以下的大陆通信网站。其实在2010年,中国人已经知道中国的芯片非常依赖美国,如果美国不卖,中国也真的什么都做不了。8年过去了,其实中国也没有多少进步。

在这个网站的确可以看到很多网友反中国,不过从他们的逻辑思维其实和真真和外国网站的打手是一样,说明中国还是有言论自由,在网站里,完全可以看到有亲美打手,法轮功打手等等,而且已经网名登记了好几年。

http://www.txrjy.com/forum-46-1.html