|
如果潛在供應量增加,政府有可能出招
湯文亮博士
紀惠集團行政總裁
2018年2月15日
我對今年樓市作出十大預測,其中一項就是政府不會推出辣招,但我會作出些少修改,如果潛在供應量增加,政府有可能出招,一般人認為,地產商唔賣樓,政府供應多多都沒有用,而地產商現在高價賣樓,雖然剩下很多貨尾單位,但早已收夠籌,貨尾單位可以慢慢賣,例如去年大約有16,000個新樓單位入伙,但有5,000個未賣,如果地產商願意賣樓,樓價就不會升得如此犀利,現在累積的新樓貨尾單位只有9,000個,並不算嚴重,但去年就有5,000個,多於過往的總和,老實說,地產商有囤積居奇之嫌,如果情況繼續惡化,政府有可能要出招。
星架坡政府早已對新樓貨尾單位開徵特別印花稅,只要新樓在入伙後一段時間仍然未賣走,政府是會徵收特別印花稅,不過,香港還未到這個地埗,但如果潛在供應量中的新樓貨尾單位不斷增加,政府就要考慮效法星架坡,對那些新樓貨尾單位開徵特別印花稅,這亦是政府的一個殺手鐧,我估計,如果新樓貨尾單位維持在10,000個以下,政府是不會出招,如果超過這個數目,官員們就要認真考慮,不能夠任由貨尾單位增加,否則,為增加供應所做的一切都是白費,更加浪費了為壓抑需求而出的辣招。
|
|
|
|
|
|
|
1. 真真薯片 2018-02-15 12:18:55
|
博士終於認同在下既地霸囤貨論?
不過在下認為正苦開徵貨尾印花稅既可能性係零, 因為正苦仲大幅減免緊地霸貨尾既差響, 呢頭免緊人稅, 果頭又點會另外開徵貨尾新稅? 仲有, 囤貨王榮獲大紫荊勳章, 因為囤貨幫正苦維持高(數字上)供應有功, 頒獎都黎唔切, 仲點會收佢稅? 退一百萬步就算正苦真係想收貨尾新稅, 都唔洗指意過到垃圾會, 黃絲議員會仆出黎話唔合乎法律精神, 藍絲拉隊離場(可能夠鐘参拜發叔), 黃藍一心, 想搞香港地霸?發夢
|
2. 引刀一快 2018-02-15 12:26:20
|
如果真係開征貨尾印花稅,一定要每季甚至每月徵,否則貨尾加價轉嫁返俾賣家啫。
|
3. 黃老闆個仔仔 2018-02-15 13:04:25
|
讚同月月徵收貨尾稅項,不過發展商實用聰明的很很快便會想到破解方法。
發展商賣新樓一批批地賣,每一次加推就會疊加5%樓價,政府應該以5%為下限徵收貨尾稅。
|
4. 黃老闆個仔仔 2018-02-15 13:31:25
|
博士!請不要再燈多一次。
但凡事政府公佈的什麼預計或估計之類的事情全部都計錯,劣跡斑斑。什麼財政預算、大型基建的建築費、車流量、客流量、預算收益…有那一次準?
潛在供應量?只不過是數字遊戲,不要上心。
你是仔仔很敬佩的一位名人,家中有(博士、博士千金、仔仔、仔仔太太)在維園的大合照,亦跟足博士建議用6年時一生三宅,然後從中優化將最差的換走,現在手中有一間屋苑兩房單位和一間屋苑三房單位,現在暫作中場回氣,準備幾年後再買入屋苑單位以完成一生三宅霸業。
|
5. 破解 2018-02-15 15:52:39
|
貨尾印花稅一出,發展商就乾脆拖慢起樓速度或是拖慢補地價,一様可以減少供應。 一切辣招增加的成本最終是買家埋單,只會推高樓價。政府冇符。
|
6. 燈多一次 2018-02-15 19:18:22
|
|
7. 真真薯片 2018-02-15 20:52:55
|
其實地霸既貨尾同貪憎既勾地表係異曲同工, 都係有一堆放左係度唔用既供應(冇人勾既地/地霸囤左既現樓), 然後因為有堆供應長期擺係度, 所以就可以話比人知供應充足, 新地既招標式賣樓同貪憎既勾地表簡直係互相輝映, 只不過大家唔覺
|
|
|
|
|