地產博客 > 文亮語 返回
瀏覽人次:29367    回應:18
文亮語

股市升的確會扯高樓價

 

湯文亮博士

紀惠集團行政總裁
2018年1月23日

  有老友在兩個月前睇啱一個物業,當時他說太貴,一定唔會買,但在上星期股樓創新高後,老友竟然買樓,有很多朋友不明白,點解當時話貴,現在反而買樓,老友並没有向他們解釋,我相信是因爲老友將打算買樓的錢買了股票,現在股價升了兩成,變相他是以折讓買樓,所以兩個月前唔買現在買,這亦可以解釋點解股市升,樓價亦會升。

  老友話我估得沒有錯,但在兩個月前,他的確不捨得買,於是他搏一鋪,將買樓的本錢押在一隻股票,如果股票升,業主又不反價,他便可以買到心儀的物業,最主要的是他可以搵到一隻可以隨時賣走的股票,由老友這件事來看,樓價即使超出負擔能力,仍然還可以在股市帶動之下上升,倘若樓價下跌,我相信老友不會買他心儀的物業,這點與物業代理的說法不同,因為物業代理會說,股市下跌,市民不敢買股票,將所有資金買樓,所以,樓價會繼續上升,或者他們說得對,但可能我資質差,不是太明白。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 井 2018-01-23 10:50:43
香港经济真相:空心泡沫,一个毫无希望和未来的城市

http://cj.sina.com.cn/article/detail/1010236564/571733?cre=tianyi&mod=pcpager_fin&loc=7&r=9&doct=0&rfunc=20&tj=none&tr=9
2. 都係 2018-01-23 11:08:35
講得啱,尢其最後兩句
3. 十一哥 2018-01-23 12:12:31
手揸磚頭、升到如夢…又真 ! 要鎖定利潤…高D未必有市…平D又不捨、賣咗又唔知轉邊瓣 ? 股票就撇脫好多、有價就有市、策略…磚頭儲嚟責倉…收息求穩定、股票…玩刺激娛樂…搏孖寶。


4. 十一哥 2018-01-23 15:46:31
狗井…蠢人去到邊都係冇希望㗎啦 !

想香港沉倫…除非班漢奸得逞啦!到時阿爺唔錫、最慘你契媽又莫奶、不過都係發夢啦!縱到班炮灰瘋狂…再逐隻捉嚟過堂、悲劇人生…後悔太遲、怪自己蠢…恨推你地落火坑…班鍚身國師啦!


6. 井 2018-01-23 16:38:12

香港第8年獲評最難負擔 家庭平均零支出19.4年才買得

8. 引刀一快 2018-01-23 17:28:11
井兄

一於考慮大灣區喇,有間大屋之後,再等香港樓市跌,然後反攻香港,將會係一個最舒服嘅策略。
9. 港股撐港樓 2018-01-24 00:01:33
港股破頂,A股有排未返家鄉。深圳上海取替香港已經成為國際笑話。港股有排升,香港樓價有好大上升空間。在股市賺到錢的,又豈止博士朋友一個。

小米選擇香港上市是明智的。上交所同深交所廢到冇朋友。
10. 金融中心 2018-01-24 00:05:46
香港貴為全球金融中心,樓價想平眞是好難。紐約樓價就比美國其他地区貴好多。
11. Show Quali 2018-01-24 02:43:03
阿爺寧可阿里騰訊小米京東在港上市,也不情願這些巨無霸在美國上市。上海深圳唔爭氣,中國好彩有港交所。

香港地位不可動搖,所以連馬化騰都移民來到香港做咗永久居民。其實馬化騰才是香港首富。
12. 自我陶醉 2018-01-24 07:48:59
9樓 

我覺得你個笑話仲好笑喇,升得快就代表叻? 哈哈哈!

大陸有工業,有商業,有高新科技,有創意產業,香港有什麼? 除了炒,還有炒、炒、炒、炒.......燶, 咁就玩完。仲識啲咩?....呀! 諗到,係自我膨脹。樓價和租金已經扼殺大部份企業生存空間,到底係港樓定港瘤?

小學有冇聽過龜兔賽跑嘅故事? 贏,發夢冇咁早啦。
13. 自我陶醉太天真 2018-01-24 08:28:43
香港作為一個提供高增值服務的金融中心,無須備有所有功能,只須做好金融中心的本份已足夠。美國的所有創新科技也不見得全部集中在紐約。深圳咁本事,咁點解深圳最大的科技龍頭騰訊要咁屈就在香港上市益港交所???

期待紐約樓價低於美國其他城市?咪玩啦!
14. 自我陶醉 2018-01-24 09:43:58
13樓 

你咪玩啦! 好多大企業都想回歸A股,只係個市太少機構投資者,證監唔想全部人只買哂幾隻大股俾人渾水摸魚,先停止審批上市申請。現在港股升咁急,都係因為啲錢入唔到A股,到年中A股入摩,港股都要行埋一邊,等你仲以為港股好醒。 人哋退而求其次先㨂你咋! 哈哈哈!

15. 自我陶醉自我安慰 2018-01-24 12:22:14
搞笑!A股熊绝全球,馬雲馬化騰太清楚。要佢地回歸A股?你真當佢地白痴。

A股不是入摩,而是入了魔!你系咪成手A股蟹貨呢!陰公,斯人獨憔悴!😂😂😂
16. 自我陶醉 2018-01-24 16:41:20
15樓 

係㗎! 我最鐘意熊絕全球先買,到貴絕全球就沽。 唔通學你咁去買啲貴絕全球嘅港瘤咩傻仔?到底你識投資唔識㗎? 哈哈哈!
17. 自我陶醉窮得有道理 2018-01-24 18:39:05
終於明白你點解一把年紀在香港都要做租租。A股平可以更加平。有港股唔買去買A股,唔窮就有鬼。

今個月交咗租未呀!😀
18. 自我陶醉 2018-01-24 21:47:02
17樓

本來都唔想篤爆你,唔識你就咪死充喇! 淨係睇住個指數就以為自己係A股專家! 唔識就俾你嚇死,識就俾你笑死! 

“A股平可以更加平。有港股唔買去買A股...”

不如你自己睇下今日啲收市價邊個貴先再繼續扮專家喇:

建設銀行 A股 9.67人民幣。
建設銀行 港股 只係港幣8.73。
華能國電 A股 6.35人民幣。
華能國電 港股 只係港幣5.13。
江西銅 A股 19.09人民幣。
江西銅 港股 只係港幣12.9。
中車 A股 12.47人民幣。
中車 港股 只係港幣8.32。
中人壽 A股 30.93人民幣。
中人壽 港股 只係港幣26.95。

邊個平邊個貴睇到未? 依家知自己說話幾無知未?話時話,你今年開咗單未? 哈哈哈! 
19. 自我陶醉自曝其短 2018-01-25 04:05:51
個別股票不值一提。股市是講整體指數。要講個股一隻騰訊已可以收你聲。陰公,上證指數今天才只有可憐的3千5百點,只有2007年10月的6千1百點的57%。真是熊絶全球股市,廢到笑死人。而氣勢如虹的恆指今天3萬3千點,已經破了2007年10月31958的歴史高位。

你對股市一冇認識,不要誤導。A股冇料到人盡皆知,騰訊只有在香港才會有今天的風光日子。

虛心地學習下,有助你改善生活,不用過每月怕業主摧租的悲慘生活!😀😀😀😀😀😀





20. 自我陶醉 2018-01-25 08:54:31
股市是講整體指數?

咁股神都唔洗識分析,反而要跟你這位“高人”學炒指數啊!哈哈哈!