地產博客 > 文亮語 返回
瀏覽人次:17431    回應:2
文亮語
需求太大反而會令供應減少
 
湯文亮博士
紀惠集團行政總裁
2017年7月17日

  供應與需求的關係是非常曖昧,原則上是有需求自然就會有供應,例如香港人喜歡食日本魚生,而且又俾得起錢,供應商自然會向日本各地搜羅,所以,我們在香港反而可以享用到日本各地新鮮魚生以及其他海產,連日本人都妒忌,但如果我話需求太大會令供應減少,大家可能唔會相信,老實說,我自己都唔相信,不過事實勝於雄辯。

  本來香港人對房屋需求已經是非常殷切,現在再加上國內人,令到香港樓市長時間出現供不應求,政府出招壓需求已經八年,現在還未有撤招打算,不少人不明白既然政府與及地產商都知道有龐大需求量,點解唔加速興建樓宇滿足市場需求,政府求地難就無話可說,地產商尤其是擁有土地的地產商點解唔加速補地價程序,務求以最快速度開拓土地以致建房,不但可以滿足市場需求,又可以得到龐大利潤,何樂而不為,唔通地產商同錢作對?

  地產商當然唔會同錢作對,反而會因應時勢儘量搵錢,如果知道需求正常,供應量就會正常,但如果知道需求量龐大,地產商就未必會相對地增加供應,甚至會減少供應,在供應不足情況下,樓價必然飆升,他們才可以獲得最大利潤,政府要拆解這個困局,除了要加大土地供應量之外,更加要引入更多地產商,而非向用家埋手,限制需求其實是間接幫助控制樓宇供應的地產商,其實,CY已經做對了,不過,時間並不足夠來確認他的成果,林太上任後首先多謝CY在開拓土地的努力,而她的任務就是要地產商增加樓宇供應量,地產商亦知道政府決心,所以近期絕不手軟推出新樓盤,甚至提供政府不敢用的高成數按揭,我估計很快就會出現供應長時間大於需求,樓價就算不向下調整,至少都會保持平穩,政府應該在適當時候取消調控樓市辣招,樓市就有望回歸正常,但願如此。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2017-07-17 09:42:14
政府要拆解這個困局,除了要加大土地供應量之外,更加要引入更多地產商,而非向用家埋手



正苦要做既, 係增加賣樓既競爭性, 依家一手樓供應幾乎被壟斷, 冇人同地霸競爭, 罷賣冇難度, 如果正苦一年賣一萬個居屋, 盡吸購買力, 你估地霸仲有冇得咁淡定?
2. 十一哥 2017-07-17 14:23:09
政府放鬆補地價、補到夠數又可以揸番高、你唔補大把人補、蘇州過後…又有排等、大孖沙之可以成為大孖沙、智商一定比我地劑吹嘅高、點會執輸、你補我又補…潜在供應條數就好好睇、至於擺幾多上櫃檯…生意人在行過我地。