地產博客 > 文亮語 返回
瀏覽人次:21751    回應:11
文亮語
樓市下半年的現象
 
湯文亮博士
紀惠集團行政總裁
2017年6月19日

  在六月中,有物業代理行開記者招待會,表示預測準確,樓市在上半年上升13%,下半年升勢雖然放緩,但仍然預測有5%升幅,有記者問我點解會預測不準確,我話不是,我預測今年樓價是先升後跌,上半年上升超過13%,雖然比我的預測高出很多,但不能夠話我不準確,至於下半年樓市,我仍然是睇淡,不過,全年仍然會有升幅,現在一般人仍然認為樓市形勢大好,我認為有隱憂,記者唔等我講完就立刻話是不是利息上升,供應增加,我話那些是明憂不是隱憂,樓市在下半年一個很奇怪的現象,有可能做成樓價下跌原因。

  如果以樓價升跌來預測樓市,我是沒有絕對把握,但我認為樓市有一些現象一定會在下半年出現,而那些現象是否會影響樓價下跌,就見仁見智。

  首先是二手樓成交量將會大幅減少,物業代理在記者會中亦表示,從上半年二萬宗降至一萬二千宗,成交量減少是否會令樓價下跌,睇好樓市的人會話業主惜售,所以成交量偏低,但樓價仍然會上升,唔睇好的人會話,買家俾唔起業主要的要價,業主如果要賣樓一定要減價,這個論點有勝有負,很難以此論點認定樓價升跌,不過,成交量減少的確是事實。

  銀主盤增加,這是可以預見的事實,千祈唔好講給我聽,銀主盤增加有利樓價上升。八成半按揭已經不能夠滿足新樓盤的買家,他們會要求九成,甚至十足按揭,實力雄厚的地產商有能力滿足買家要求,況且現在已經提供八成半按揭,但對於那些實力稍遜的地產商,如果不能夠提供高成數按揭,要去貨的話,減價就免不了。

  銀行有一個外號,叫好天遮,在樓市暢旺,他們的估價往往高於成交價,當銀行見到形勢逆轉,估價就會低於市價,雖然指數公司話銀行估價與市場背道而馳,但銀行一於唔理,做生意的人,點會做一些自己承擔風險,別人賺錢的事,樓市下半年走勢,請大家自己分析。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
2. 引刀一快 2017-06-19 11:16:49
唔係博樓價升嘅人,又點會去得咁盡吖。
3. Ben 仔 2017-06-19 11:53:17
我希望林鄭特首真的有辦法。
新加坡人在住房比香港人幸。
4. 樓蟹 2017-06-19 12:29:01
八成半按揭是莊家必勝的玩法, 一手樓mark up咗兩成, 再借八成半比散戶, 甘即係話做莊嘅分分鐘講緊要個價跌三成半, 重要個經濟崩圍, 而個散戶連首期個成半都係同財務借, 兼無還款能力先至會比人一舖清袋。 所以, 幾時都係莊家贏晒。
5. 樓蟹 2017-06-19 12:30:54
如果mark up三四成, 借夠十成比散戶都無有怕。
6. 真真薯片 2017-06-19 12:34:20
其實正苦想做係有辦法壓到樓市, 不過唔敢做而已, 初代突手係因為樓價跌而腳痛, 呢個教訓太深, 之後冇突手敢直接壓樓市, 正苦其實最想樓市自己跌, 出一大堆招同增加供應係為樓市自己跌提供條件, 但係正苦唔可以主動推冧樓市, 腳痛太可怕, 所以只可以不斷提供東風, 但係就唔敢點火
7. 十郎 2017-06-19 13:27:59


      伯伯並非因為單純樓價下跌而腳痛嘅!

      當年胡總當面訓斥伯伯“查找不足“。我知道呢鑊“金“喇。伯伯一出世已經是世子身份,公司領導人,未曾做過伙記,豈能吃這口污氣。冇幾耐就腳痛!

8. 股市影响力 2017-06-19 16:41:11
下半年港股升上2萬8千點機會好高,將帶動樓價上升。股市升,樓價冇可能跌。
9. 水漲船高 2017-06-19 16:45:19
深圳南山同福田本來五年樓價將會是新界的一倍,十年後是新界的三倍以上。香港樓價冇得跌。
10. 靜 2017-06-19 22:08:00
樓市升咗咁耐 可能需要多d時間解讀、接受樓價下跌嘅事實 7月到9月會變得好少成交 或待10月 跌幅才現
11. 引刀一快 2017-06-20 03:58:13
同意十郎兄說法,當年腳痛係綜合原因,絕非單純樓價跌,大陸都樓價跌喇,又唔見江仔同古月腳痛。大陸唔會因為香港樓價跌呢種咁資本主義嘅原因放董董退休嘅。
12. 十郎 2017-06-20 09:24:02


     網友都講過,伯伯吞咗呢隻死貓,大家有記憶都知道1997年伯伯上任,講下要建85000,都未曾動過工旭過手,就跌到爬街。CY做到身水身汗,又話96000,掉頭升爆棚,點解呀?因為伯伯食正亞洲金融風暴,香港並不最慘,風眼的泰國,四小龍的韓國,幾幾幾乎翻咗艇。這裏好多當年都是細朋友,印象冇咁深。

      跛咗隻腳都做得特首喇,又唔駛做咕哩,腳痛都係辭職特首嘅理由?伯伯是個有承擔的人,用得呢個理由辭職,幾咁Funny。