地產博客 > 文亮語 返回
瀏覽人次:2868    回應:7
文亮語
習主席與特朗普的談判戰略
 
湯文亮博士
紀惠集團行政總裁
2019年6月20日

  有老友話我的題目不對,應該是策略而不是戰略,老友不明白,打唔打貿易戰是策略,打貿易戰就要用戰略,究竟習主席與特朗普現在用緊什麼戰略,中美雙方會不會達成協議,據我用生意人的角度推算,雙方達成協議的機會很大,主要原因是雙方都希望達成協議。

  我記得很久以前,有老友出售一個物業,價錢已經談得差不多,但買家猶豫不決,老友問我如何可以促成這單交易,他願意降價5-10%,我話千祈唔好減價,因為減價會令買家更加猶豫,等待亦不是一個好辦法,加價反而可以刺激買家追價,不過又唔好加得太多,否則買家就會掉頭走人,每次加2至3%就差不多,第一次未必會成功,加第二次買家就會有多少後悔點解唔在業主加價前達成協議,加到第三次買家就會要求將樓價維持在業主未加價的水平,甚至他可以加少少,結果,我老友如願以償,很輕易將物業賣走。

  隔了一段時間,老友打算買入一個物業,同樣地與業主呈膠著將狀態,老友於是採用以前的方法,不過就逆向而行,每次減少少價,誰不知大鑊,業主騷都唔騷佢,於是又問道於盲。我話不能以一本通書睇到老,買家不能夠採取減價策略,最好辦法就是唔騷業主,就算業主加價都唔好理,不過就要業主知道他是有誠意,如果業主有心賣樓,自然會降價,如果唔想賣就冇得好講。

  今次中美貿易戰,習主席與特朗普真的是高手過招,據我估計,美國代表不斷將叫價提高,特朗普亦不避嫌話要一個對美國「好」的協議,老實說,對美國「好」即是將中國唔好,即使是一個公平交易,中國人都會感覺到被屈,習主席與談判隊伍就會變成罪人,在這個情況下,最佳辦法就是不談,直到特朗普修改他的用詞,在這段時間,即使特朗普又恐又嚇,又話要將最後3千多億貨物開徵25%關稅,習主席都沒有表示,特朗普雖然好似業主一樣,有絕對主動權,但對手若不表態,他就會失去了重心,就算加徵關稅亦不能令習主席回到談判桌上,到最後唯有修改他的用詞,由對美國一個「好」的協議改為一個公平協議,老實說,他們談什麼我們並不知道,或者雙方協議沒有變動過,但特朗普修飾用詞之後,習主席立刻有積極回應,雙方同意月底在G20高峰會見面,雖然結局還未知道,但雙方願意見面已經是好消息,代表中美貿易戰露出曙光。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 高手過招 2019-06-20 11:20:01
如果是一買一賣的一次性交易, 可以如此博奕. 但中美你中有我, 係一個持續性交易, 如果老襯淨係要習帝叫佢一聲哥, 這有甚麼所謂? 早幾年中美仲稱兄道弟, 最近已經降格為朋友。美帝唔單止唔出口高科技俾習帝, 仲先姦中興後佔華為, 在高科技方面的談判肯定是要阿爺寛衣解帶拱手相讓, 只是有幾難睇而已, 因為美帝都做唔到出黎. 時間站在阿爺一方, 人仔可以穿到一個傷害美帝財政利益的地步, 人仔貶可以支援出口, 進口呢? 反正都冇野進口咯。
2. 十一哥 2019-06-20 11:24:16
阿爺拖得又忍得…美帝唔dum得自然心急到一味噏、呢點係關鍵。
哪…再唔啋就知味道…咁小學鷄、似足少年時十一哥嘅女朋友。

3. 無奈 2019-06-20 11:25:50
談判雖有反覆,成事機會還是大的。

如果市場上有件東西獨家發售,而買家只有一個(中國目前尚無可替代),所談的是差價就存在成交機會。

美國已經出現貿戰所帶來的痛,又逢選戰開鑼,大家都有讓步壓力。
4. 湯瑪斯 2019-06-20 12:05:34
博士從正常人的角度去客觀分析(客觀分析係中、美兩國都因為貿易戰而內外交困,只係表面口硬而已),兩國理應達成協議,起碼也不應繼續互加關稅和制裁對方。但不要忘記特朗普係癲嘅,我就話達成協議機會甚微,除非特朗普特然好翻,唔再癲。
除了特朗普之外,肥仔金也是癲的!談判失敗的話就拉相關官員去槍決。有人話肥仔金癲過特朗普。我話不相伯仲!如果特朗普係北韓話事人,一樣會槍決下屬!習大大是三人中最正常嘅,正因為正常,冇理由會接受特朗普嘅條件!
5. 黃河絕戀 2019-06-20 13:25:53
(不願打,不怕打,必要時不得不打)原意就是說打電話,大家都會錯意。

電話通了,播《黃河絕戀》,上海電影製片廠出品的戰爭愛情影片。故事大意講述了八路軍女戰士安潔與美國飛行員歐文之間,可歌可泣的愛情故事。
昨晚中央六臺今日10:21播出。

如果日本見面沒結果,繼續播《上甘嶺》
6. 十郎 2019-06-20 14:36:55


      1樓 , 如果目的但求食得飽穿得暖 , 和平停戰不失為良策 , 現在是一哥之爭, 要一戰定江山 , 方為上策。

      中國處下風 , 其實詐死 。   冇實力就好似麵包國立即求饒  , 日本式跪低 , 現在沉默是金才最難對付。

      美國掌握中國高科技的晶片 , 中國掌握製造晶片的原料 “ 稀土”。稀土是晶片、飛機、導彈等的必須原料 , 世界就係咁公平。稀土剩係中國有咩 ? 答案全世界都有 , 因為太過污染環境 , 除中國外大家唔做。現在只有中國有工廠、設施、工人、技術來生產 , 美國開採出來的稀土都要運中國加工。美國現在急追 , 5年啦 , 5年後中國晶片又有得輝。誰能夠掌握絕對制勝權 ?口


7. 真真薯片 2019-06-20 17:48:03
一星期前都冇人估到阿爺會急剎車唔修例

月底傾成點,真係冇人知