地產博客 > 文亮言 返回
瀏覽人次:10790    回應:19
文亮言
特朗普才是真正民主鬥士
 
湯文亮博士
紀惠集團行政總裁
2019年12月2日

  在美國感恩節前夕,特朗普大筆一揮,簽署了「香港民主及人權法案」,中國與香港方面當然是鬼殺咁嘈,耿爽叫大家留意,中國一定有反制措施,我與一般人的想法不同,我肅然起敬,認為特朗普才是真正的民主鬥士,以前所有美國總統所講的民主都是口惠而實不至,在特朗普之前的美國總統,在競選時一定會話,如果做到美國總統,一定會怎麼怎樣制裁中國,但當選之後,見到中國以廉價勞力替美國生產,這還不算,那些產品又可以大量以高價賣俾中國人,這樣的合作夥伴到那裏找,競選時的承諾,冇一個美國總統記得,只有特朗普才夠膽發起中美貿易戰,以及為了香港人得到民主而推出民主法案,雖然有多少不合邏輯,講民主,香港排名世界第3,美國第17。

  特朗普知道,如果推出這條民主法案,中美貿易協議第一階段有可能胎死腹中,就算可以達成協議,美國都要大幅讓步,特朗普當然知道,如果中美貿易沒有達成任何協議,他有機會不能連任,彭博亦知道,所以他亦匆匆宣布競選下一屆美國總統,彭博先生是何許人也,福布斯世界排名第9,今次特朗普遇到對手,但是他仍然放棄美國與個人利益而簽署民主法案,怎可能不是真正的民主鬥士。

  大家可能不明白民主法案可以隨時沒收香港人資產,怎會令美國受損,其實很簡單,在法案變成法律之後,美國可以單方面凍結香港政府官員在美國資產,老實說,單是香港的就非常小事,但其他國家的權貴睇在眼裡,不但不敢在美國買資產,更加不敢買美國基金,不敢存錢在美國銀行,甚至不會在美國保險公司買保險,因為唔知道美國幾時會對他們的國家推行民主法案,所以,為了安全計,避開美國是最佳辦法。

  特朗普的如意算盤就是即使執行民主法案,都要相當長時間,因為法案在一年後才由美國國務卿審批,對不符合法案的地方,才要求香港政府改善,如果香港政府唔做,美國才會制裁某些官員,搞得幾搞,已經是幾年後的事,再下一屆美國總統可能將法案擱置,不過,樹欲靜而鋒不息,香港的年青社運人士已經替美國起草制裁名單,今次特朗普有排頭痕。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 生意人 2019-12-02 10:24:10
我公司將會取消所有花旗銀行的貿易融資信貸了。
2. Will Hunting 2019-12-02 10:49:36

Hi Admin, please note: 

樹欲靜而風不止 

明.高明《汲古閣本琵琶記.第三七齣》


3. Hi Will, please note: 2019-12-02 11:04:20
博宜講緊王絲鋒呀
4. 鳥5 2019-12-02 11:30:40
啲樓想唔死都唔得啦...I... 收租好似美債 咁嘅回報... 風險無限 套現 能力差 點玩呀
5. 鳥5 2019-12-02 11:36:36
流動人口又咁慢 外來大學生少之又少... 啲租有點貴呀.... 真係共 求? 放長雙眼睇下... 抵押品啲唔夾囉? 睇下出嚟銀行call窿囉? 宇宙實力平衡
6. 鳥5 2019-12-02 11:40:09
銀主盤有可以 頂 幾耐?... 越頂越多 咁話你係佢頂唔頂呢? 歷史咪又係咁樣重演.... 時間同主題唔同啫. 係咪?
7. 鳥5 2019-12-02 11:41:33
到達美國 08年業主 一句 we are different... 主題唔同結局一樣
9. 鳥5 2019-12-02 11:44:00
而家樓市升 得返一個 因素 只升不跌只係一個(信仰)...
10. 鳥5 2019-12-02 11:47:24
睇走勢政府收地 遠比預期快... 非常合作
12. 如果他們現在不進場買房,可能會錯過購買機會 2019-12-02 12:10:00
澳大利亞11月房價出現了16年來最快的漲勢,該國大型城市繁榮時期的情況重現。 CoreLogic Inc.週一發布的數據顯示,上個月全國房地產價格上漲了1.7%,是2003年以來的最大漲幅。除了在紀錄低點的利率以及更寬鬆的貸款限制外,由於市場上的房地產短缺,也帶動價格上漲。買家因此再次擔心,如果他們現在不進場買房,可能會錯過購買機會。
13. 非常合作 2019-12-02 12:17:44
一手都賣唔晒, 何其脆弱
14. 1.7% 是2003年以來的最大漲幅 2019-12-02 12:19:13
買家因此再次擔心,如果他們現在不進場買房,可能會錯過購買機會。
15. 主題唔同結局一樣 2019-12-02 12:37:33
鳥哥, 接連有珠寶被劫
歐州果間冇左十億
本土連續兩天有珠寶店被搶劫
上週好似有一單大額啲

16. 攬炒效應 2019-12-02 12:44:01
好多老闆都撲水出糧,今年雙量諗都唔好諗,如果你有份投反對派票,又或者冇投票的,係咪時候要反省?
17. 十一哥 2019-12-02 12:47:10
如果外來學生豪客真係走咗…貴租細樓實屙呵 !  觸媒化學效應…滴量足夠引發升跌。

18. 十一哥 2019-12-02 12:56:19
5-6球買3幾百呎樓收租嘅最震鷄、扣清皮費兩厘左右…

19. 鳥5 2019-12-02 14:55:53
澳洲加拿大 係屬於資源 國家, 商品貨幣... 同gdp 唔係靠內需內部消費
20. 鳥5 2019-12-02 16:23:10
擔心買唔到平嘢???... 不如驚下買錯嘢好過啦
21. 路過 2019-12-02 19:07:48
現在人在北京,剛好小弟唔見左証件,唯有去辦臨證,電話錄音裏面已經係講話唔批去香港既簽證了,睇黎中美一齊制裁香港,我所講既五鬼拍門會出現了,未買樓既真係唔好買住,出年炒人應該好勁