地產博客 > 文亮言 返回
瀏覽人次:27108    回應:51
文亮言

遲到好過唔到的施政報告

 

湯文亮博士

紀惠集團行政總裁
2019年10月17日

  林鄭幾經艱苦,但仍然唔能夠在立法會宣讀施政報告,誰是誰非大家都無謂爭拗,不如講番份施政報告。有人話睇到份施政報告立刻火滾,這是一份推初次置業者落火坑的施政報告。現在樓價仍然處於高位,政府竟然將按保的金額提高,九成的由400萬去到800萬,八成的更加去到1,000萬,絕對是替地產商托市。我的睇法與他們不同,我認為政府是聽從民意,所以才大膽提高按保金額。在過去十年,我們不時聽到有人話買唔到樓,錯失了樓價上升良機。他們並不是供不起,而是唔夠首期,唯有買那些一個人都唔夠住的納米樓。今次特首大膽提高按保,不但可以幫助那些有心上車的人,同時啓動換樓鏈,並且給予正在下跌樓市一點承托力。至於是否要用九成按保買樓,就要視乎各人能力,與放寬按保的影響不大。

  政府打算以兩折出售租者有其屋餘下4萬2千個單位,我相信全部會由租戶承接,不會有大問題,但政府以後都唔好將公屋出售,否則就會好心做壞事。我了解到有不少公屋租戶以低價買入了自住公屋單位之後,抵不住誘惑將自己擁有的公屋單位賣走,最後要露宿街頭,但政府現在唔賣又唔得。否則在一個屋村內有政府單位,又有私人單位,在維修,管理上是很麻煩。而事實上出售公屋是一個最劣的房屋政策,希望政府以後唔會再犯錯。

  林鄭在上任之後,搞了一個土地供應專責小組,但始終解決唔到土地供應不足問題。小組提出了18個方案,但並沒有提及要用土地收回條例,向地產商徵收土地。林鄭在施政報告內提及未來五年,要向地產商收回450公頃土地,足夠起30萬個500呎單位,再加上政府現在的土地儲備,地產商補地價得到的土地,土地共享計劃以及由工廈改用途所得的土地。如果可以落實,土地供應根本不是問題,上述這些都是中期供應,還有各項填海計劃,供應充足,樓市應該在未來一段長時間會平穩發展。

  今次施政報告令地產商最擔心的地方就是限購令,好彩林鄭連提都冇提,只是提供1,000個港人港置單位應酬大家,地產商應該鬆一口氣。有不少人問我林鄭這份施政報告值幾多分,如果是去年的話,我會俾80分,今年我扣10分,只值70分,原因是遲了一年。不過,遲到好過唔到。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2019-10-17 10:36:34
同一層樓,同一個成交價,借八成去買同借五成去買,防守力天差地別

減首期成數係好,但係一成首期買800萬樓真係太癲,一個月就足夠變負資產,500萬以下一成,800以下兩成,1000以下三成會正常少少

我好難想像沙田第一城350呎眼鏡房有一日會賣800萬,但係新政策下,唔係冇可能,然後經濟郁少少變左負資產,ssd 3年又未過既話,點搞?
2. 引刀一快 2019-10-17 10:43:59
投降。

不過我唔會買港樓。

留返俾對香港充滿憧憬嘅新鮮人。
3. 十一哥 2019-10-17 10:46:41
按保會唔會爆煲 ?  邊個跟尾睇數 ? 比唔起首期…但供得起嘅…係建基於佢目前收入…仲以後都長揾長有、目前香港環境…除咗正苦鐵飯碗…都冇邊行咁有信心啩 !

4. 十郎 2019-10-17 11:18:15


      記唔記得次按風暴 ? 記唔記得 “ 房利美 ” 同 “ 房貸美 ” ?

      香港 , 你都有今日 !

5. 都有今日 ! 2019-10-17 11:48:13
十哥, 壓測唔放鬆有冇幫助呢? 禾覺得可以話有可以話冇, 有好過冇, 但壓測千測萬測, 都測唔到(大規模)冇糧出果日點算, 反過來說, 能批出的可能不是太多, 但未簽約又不能預批, 啫係等買家局撻?
同埋按保的價值, 其實都建基於樓價不停上升, 否則保費都好甘, 真係好甘。
6. 引刀一快 2019-10-17 11:50:27
咁香港肯定唔會。

死都係死一批等買樓等到迷失理智嘅本地人啫。
7. 真真薯片 2019-10-17 11:54:21
假如有一日人人上晒車,沙田第一城眼鏡房炒左上去800萬,之後出現大規模爆煲,到時就係全香港人下跪求祖國放水救命既時候,然後國家隊作為白武士黎低價接貨,港人跪住講多謝,之後香港地產業權正式回歸,得地產得天下,香港穩了
8. 鳥5 2019-10-17 12:31:06
今年樓市股巿,最後星光燦爛... 完成最後反彈階段
9. 鳥5 2019-10-17 12:45:27
LeeD位玩3O年十倍槓桿?
10. Fisherman 2019-10-17 13:00:31
香港嘅核心問題係高地價政策,唔係話放棄,改變少少都唔得掂!錢從何來,掹大眼,公務員出糧,醫管局(醫生,護士)要錢,免費教育(老師)要水,福利(社工)要派,老弱(2蚊雞,長津)要照顧,返工(搭車有津貼)要人幫。高地價政策尤如食丸仔,愈食愈High.
11. 不正不負 2019-10-17 13:03:24
買樓一筆錢全付,不怕風吹雨打。
12. 十郎 2019-10-17 13:04:24


      5樓 , 我其實一直冇講 , 點解千方百計要推人上車 ? 呢 d 係面子同心理問題 , 我覺得冇樓一樣可以生活 , 網友話現在有冇人瞓街 ?租樓住 , 要搬唔係好麻煩 ,5千蚊搬運費加佣金 , 業主搵新客 , 都要時間、佣金、裝修同好客。各有各盤算。


13. 鳥5 2019-10-17 13:06:54
十一哥, 公務員 高身嗰班 基本上55歲 就係上限。。 55歲冇得撈,得份長俸。。 香港人工高新嗰班。 其實呢啲工作崗位55歲後。 係越嚟越少嘅三角形。 中低薪嘅職位 就長壽啲。 日本一樣...
14. 鳥5 2019-10-17 13:08:35
CdS 系統計錯數, 唔係新鮮事
15. 鳥5 2019-10-17 13:10:35
5F,所以你諗既野冇錯。 壞帳 數據係滯後( 因為呢個人性)
16. 鳥5 2019-10-17 13:13:46
樓市勁爆嗰時.. 係冇諗過 有著褲畀冇著褲累。。。社會入面每個單元收入係千 絲萬縷。。 電腦系統都計唔掂
17. 引刀一快 2019-10-17 13:15:42
真係有事,咪放BSD囉,一放,又升。

所以,淡友投降。


18. 鳥5 2019-10-17 13:19:33
十一哥,今日入3愧刀片, 熊仔打靶價28800
19. 鳥5 2019-10-17 13:27:02
刀兄,鬼佬都玩5掂呀!實死呀。家債7成時侯仲 放工乾。。国内5成多D。但GDP 衰極有六個percent以上... 香港而家喺空轉塘水滾塘 ,家債去成七成放工乾。。 同去死冇分別。。
20. 十郎 2019-10-17 14:51:08


      5樓&15樓 , 唔止槓桿咁簡單 , 管理費$5/呎 , 仲未計加價。


21. 仲未計加價 2019-10-17 17:11:51
十哥, 管理費貴, 雖然唔知管理左乜野, 不過響正苦角度, 會叫做保就業喎, 你唔見回歸後擴張得最緊要嘅職業係看更?
22. 儒來 2019-10-17 18:20:24
引刀兄,

自住一定冇問題,計好數便可以。林太呢個報告對渴望擁自住單位而希望少首期自已又高收入之家庭來說實在是好政政。
23. 儒來 2019-10-17 18:22:56
一般來說,隨住工资上漲,业主每二至三年提早清还部分本金之後,实質供款年期会由30年大幅減至12年左右便供滿。
人生目標便更容易達到!
24. 黑衣人 2019-10-17 19:05:34
修例風波好似慢慢收斂,香港人又再關心樓市的方向了🤭
25. 引刀一快 2019-10-17 20:18:01
鳥5兄

如果將國內GDP有6 percent增長,當係真嘅嚟考慮中國經濟,比零首期賣樓仲危險。
不過,好在有大灣區,呢個緩衝好有效,阿爺會全力托住港樓樓價,然後?新買家就以“自住”兩個字蒙住對眼,一路喺天台嘅欄河上面行,有可能真係乜事都冇,過多廿年,若果冇事,咪冇事囉。

26. 鳥5 2019-10-17 20:35:45
23/F...哈哈哈哈。。
27. 引刀一快 2019-10-17 20:40:08
儒來兄

自住有冇問題,基本上繫於收入能否一直維持壓測水平。
至於未來工資上漲,我就覺得唔好咁大安主意。
今時今日,香港樓嘅價同值,好應該重新估量,我會將佢同十分一價錢嘅大灣區做比對。
28. 鳥5 2019-10-17 20:40:10
5係托5托,係點還?地霸都會托。係家債7成,再 放工乾。 上邊係收緊公幹。。。 香港係借個窿呀(死因)。。
29. 鳥5 2019-10-17 20:48:45
刀兄,昨日講果個低調的。 畀啲貼士呀諗咗成晚? 疑犯 實在太多
30. 真真薯片 2019-10-17 20:53:13
新政策既另一個重點係,過去兩年大部份用地產商高成數按揭買樓既業主,將會全部鬆綁。。。
31. 引刀一快 2019-10-17 21:03:44
真真薯片兄

成個大灣區都俾佢保住咗喇。

呢個世界,禍福相連。
32. 真真薯片 2019-10-17 22:17:49
刀兄,我擔心最後變真。攬炒

D人話林鄭係攬炒之母,佢真係當之無愧
33. 業主 2019-10-17 23:09:18
何解會攬炒呢?
34. 真真薯片 2019-10-17 23:37:56
上帝要你滅亡,必先XXXX
35. 鳥5 2019-10-17 23:44:41
好好享受, 煙花最後燦爛... 小弟都未見過 , 實體經濟全殲。。 最後購買力都揸乾埋
36. 鳥5 2019-10-17 23:50:47
你去諗下幾十 一百萬嘅金主 ...最後一批..都變成幾百萬債仔錢從何來呢?
37. LC1 2019-10-18 00:37:10
重記得老解演練係講E 句,大陸唔派老解出黎,林鄭自己出招,九成按貸,後果自負,後果自負! 

     香港九成日供斷樓,好難可以攬炒,林鄭出E 招,以高價引供斷樓既人賣左層樓,當可以轉既貨都轉晒係弱者手上,股市成日睇到既夾倉行動先會出現。
38. 引刀一快 2019-10-18 01:29:15
鳥5兄

我呢鋪真係驚冇命,講得太明好危險,我身材差,俾人剝光豬擲落海,會影響市容喎。

如果講可疑,不如講最唔可疑又最多人誤解果個。
最唔想香港死嘅,係匙煎片,唔好誤會佢。
咁你睇睇佢對家囉,唔係講侵侵呀。
39. 上車客 2019-10-18 09:23:44

13/F 鳥哥,舊制公務員很多到60先退休。新制公務員沒有長俸的,可以做到65.


身邊的後生(30歲)同事們月入56萬, 以往只差首期,吳怕供不起。現行政策下, 個個都驚樓價被推高, 想儘快入市。



40. 鳥6 2019-10-18 10:26:00
你去諗下幾十 一百萬嘅金主 ...最後一批..都變成幾百萬債仔錢從何來呢?

啲錢咪從鳥5的銀行存款拎泥用囉。
41. ~~ 2019-10-18 10:47:50
對付亂局最好的方法是買升個樓市,反向操作。
42. 吳怕供不起 2019-10-18 10:49:10
係真唔係呀?
43. 十一哥 2019-10-18 11:14:18
典型事丹利、開大檔…溫馨提示小賭怡情、9官好心地…盡職、盡責、盡心、…歌純…小心…地滑。

成個香港除咗公務員…都係供冇完…亂咗好難分。
44. 亂咗好難分 2019-10-18 11:27:19
唔難分, 上錯車的幫佢落車, 未上車的彊太公釣魚。
45. 黑衣人 2019-10-18 11:51:50
政府能放寬按揭成數,梗喺同發展商吹過,我放寬,你畀返D農地出嚟,大家有好日子過。
46. 100fun 2019-10-18 12:02:14
樓價咁貴點買吖 

47. 十一哥 2019-10-18 12:21:08
9官的疑惑、由出校門…就食皇家飯、執笠、失葉、冇人工加、拖糧、冇糧出、qouta葉漬、揾工、超 ! 全部刁民幻覺大話西遊……想呃正苦攞着數。

48. 誰可估計 2019-10-19 12:02:51
任誰在街頭抗爭,又或者只在地產網哈哈哈,有樓嘅就係有樓,冇樓依然冇樓。
49. 引刀一快 2019-10-20 15:47:06
唔使驚唔使驚,一撤BSD,即刻大把人接貨,估計隨時有兩三萬被bsd阻住嘅准買家。
50. 引刀一快 2019-10-20 15:47:48
唔使驚唔使驚,一撤BSD,即刻大把人接貨,估計隨時有兩三萬被bsd阻住嘅准買家。
51. 一撤BSD 2019-10-20 16:12:24
基本上已經切左一蕉,或者可以講立左一條負辣椒。