地產博客 > 文亮言 返回
瀏覽人次:9565    回應:33
文亮言
一篇被滅聲的文章
 
湯文亮博士
紀惠集團行政總裁
2019年8月14日

  在7月28日,傳聞話有國泰機師參加上環暴力示威而被捕,我立刻出了一篇文章,叫國泰停飛那位機師,文章在Facebook 出街之後,我受到幾萬個網絡欺凌,有人引述身為機師的立法會議員話,這是未審先判,我頂唔住,最終刪了那篇文章,大家亦睇唔到國泰有任何行動,原來國泰早已未審先判,將那位機師停飛,唔知道那位立法會議員有什麼嘢可以講。

  國泰沒有表示,國家航空局終於出手,要求國泰交出飛抵或者飛越中國領空的機組人員名單,雖然國泰CEO立刻補鑊,將那位機師停工以及解僱兩個曾經洩漏警察足球隊的航班的地勤人員,但一切為時已晚,昨日有美國紐約回港的航班未能提供機組人員名單,要轉飛日本,同時要將昨日下午離港的航機全部取消,這代表國泰管理層警覺性不足,國泰CEO今日與國家航空局副局長見面,如果處理不好,國泰有危機,以下是我當日被滅聲的文章。

國泰應立刻停飛曾參與暴力示威的機師

  首先聲音,這篇文章與政治無關,我是以安全性考慮,網上流傳有國泰機師及空姐曾參與星期日在上環示威活動,並且襲擊警察,亦有機師被捕,老實說,現在的網上消息真假難分,我相信不會是真的,因為機師是一個崇高行業,是既得利益者,但亦不容忽視,萬一真的是有機師為了要求政府回應市民五大訴求,而做出一次類似911的事件, 咁就大件事,不但重創國泰,而且會令香港重傷,唯今之計就是在未有任何不幸事件之前,國泰應徹查所有機師及空姐是否有參與暴力示威,如果曾被警方拘捕就不用考慮,立刻不准他們揸飛機,就算沒有被拘捕,就算他們曾經參與暴力示威,國泰亦應該立刻停飛那些機師,因為他們現在情緒是相當不穩定,將幾百條人命交給他們是相當不智,如果那些是謠言就一天光哂,當我發噏風,不過,國泰亦要發一紙聲明,免大家憂慮。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. Stephen Wong 2019-08-14 10:38:52
香港還有希望.
2. Support 2019-08-14 11:06:11
博士好嘢,有guts

但我哋好多留言,被滅聲了

是什麼原因?

是怕紅衛兵?自我審查?定是這裡是黄營啊?

我猜是第三種😅😅😅
3. 十一哥 2019-08-14 11:15:37
好彩被冚旗熄鼓、雀仔…片得深…食得甘。

6. 阿豬 2019-08-14 11:46:14
💪🏿
7. 浪子心聲 2019-08-14 11:57:48
近日「地產資訊網」都有滅聲現象,都幾多留言被消失,希望Admin能改善一下。
8. 鳥5 2019-08-14 13:23:49
十一哥, 而家呢轉有機會輸曬 ,危險期未過 。。嘔返一半 利潤 出嚟 。。有機會。
9. 鳥5 2019-08-14 13:25:44
而家香港,唉!不言,大家明。。等。。冇 其他辦法
10. 鳥5 2019-08-14 13:35:44
坐下從基本面都指向一個方向。。。 攬炒..... 至死而後生... 我睇到而家香港, 不論貧富懸殊, 不論後生是否董事... 我睇唔到錢 可以幫香港解決問題.... 直睇唔到單憑教訓, 可以幫到後生。。。 香港唔係要錢 又唔係要教誨 好殘忍啲講 。。。係要。。。捱 。人捱下就知世界。。 知世界 ,原來要捱 先懂得用 知識。 先懂得處世。 香港呢個局 ,至死而後生局。 不欲多言
12. 十郎 2019-08-14 13:47:11


      2樓-------👍👍👍

      一早懷疑 , 不過唔想嘥心機時間。

13. 鳥5 2019-08-14 13:52:34
響呢度, 一個好基本嘅概念 ,在下認為呢兩個概念,本來其實係矛盾。。。自由同平等。
14. 鳥5 2019-08-14 13:55:25
人人都自由,強者必選弱者打。结果由何來平等。。以上 只係一個比喻 不針對任何政治 宗教 種族 只係從科學去係一個社會...
15. 鳥5 2019-08-14 13:57:51
極度不公平之後..  攪抄亦係必然嘅狀態。。 不論以何種主題 何種格式...
18. 鳥5 2019-08-14 15:17:07
十一哥,3塊刀片,瓜左
19. 家丁 2019-08-14 15:22:32
Agree to floor 2
20. 3塊刀片,瓜左 2019-08-14 15:38:42
鳥哥, 唔係 252 咩, 點樣瓜?
21. 死而後生局 2019-08-14 16:06:37
鳥哥, 唔係咁悲呀? 禾傾向同意你所講的一部份, 因為回歸後阿董破除舊思想舊制約 (教育, 司法, 對錯, 是非, 邏輯, 義理, 承擔, 社會風氣, 人生意義, 價值觀) 的同時沒有用其他野來填補那些空白 (連唯一可用的懲罰都自己廢掉了), 所以今日的事情二十年前已經有端倪。但你話今日啲後生係咪完全好廢, 禾又覺得唔係, 至少今年揀返黎幾個 fresh grad 都有文有路。禾不能不同意的是, 個個都濫情爭住做「老好人」(啫係阿董嘅翻版), 以致是與非根本分唔到: 阿爸阿媽唔教, 學校唔教, 留返俾社會教, 有啲野禾都冇心機教亦教唔到咁多, 或者果啲人要去到人生不能犯錯嘅階段先黎犯錯, 可能好似你咁講, 禾地先做一做底特律, 然後再諗可以點算。  
23. 鳥5 2019-08-14 19:28:43
今日跌穿個25200就已經打咗吧 以後再升已經唔關我事㗎喇 三塊刀片死咗.... 我買得就好抵薄.嘅因為我係淡友... 港股同美股正常爭2000點以上而家係港股落後 美股 城600點... 連埋上升一樣香港係超落後。。。
24. 鳥5 2019-08-14 19:34:14
21F... 我只係從科學 理性觀點 再用發生嘅事情去判斷。。。如果呢個世界 你用錯同對 去理解。。 其實係容易。。 如果如果用因果去睇件事。 經常預測估中 就會比較容易。。 成因無變 結局唔係a,呢個人就係b呢個人。。。 真心話, 硬著陸 都係著陸
26. 鳥5 2019-08-14 19:43:48
明唔明咩叫price in?
28. 鳥5 2019-08-14 19:48:12
真心講 我希望我係多疑
29. 鳥5 2019-08-14 19:49:55
我希望我係輸咗會 撒賴 嘅賭仔。。 件事就咁完
31. 龍虎豹 2019-08-14 22:18:01
解顧兩個曾經洩漏警察足球隊的航班的地勤人員…

解(僱)
32. 路過 2019-08-14 23:54:30
其實全世界營運既野都有立場架啦,唔通自由到我自己開個網站俾你日日鬧我老豆老母咩
33. 鳥5 2019-08-15 01:09:11
21F。我係有果谂,香港係要有災難之後。人先 會明事理。。 本人有既定嘅政治立場 但以最大努力 以平常心去講以下呢段。。
 幾差嘅祖先 都係 祖先
幾差嘅下一代 都係下一代
幾好嘅祖先 都只係你嘅祖先 
幾好嘅下一代 都只係你嘅下一代
。。。 呢個係事實( 不可逆轉嘅事實)...Right?
34. 鳥5 2019-08-15 01:30:55
who's price in & out...5一定係鬼佬。。 咁講就白啦。。十一哥 通曬水畫公仔畫出腸啦
35. 鳥5 2019-08-15 01:33:58
手影係碼大,夠膽色,低調。。十一哥,我講到好白。。
36. 鳥5 2019-08-15 01:35:33
Timming 大约係一星期内既事。。。
37. 硬著陸 都係著陸 2019-08-15 02:01:49
衛斯理有本叫廢墟,總之人去樓空就係廢墟。當經濟起飛嘅時候起都起唔切,到起好冇人嚟就荒廢。果個乜田購物區正正演繹左其實購買力非常薄弱,遠啲都唔去,大量自由人只係旺幾條街。
38. 十一哥 2019-08-15 08:40:36
雀仔  片得越深…食得越甘、失之磚頭…收之股市、儍侵講~偈語~阿爺會~人道~對待嘅…各自想像啦!

39. Admin 2019-08-15 09:22:49
31樓謝謝指正, 文章已修改
40. 十一哥 2019-08-15 09:49:57
食咗先…looking…
42. xx 2019-08-15 11:04:59

為什麼ADMIN要不停删除我的留言?如果你還有良心,請不要幫黃絲帶滅反對黃絲音!!!!!!!!

43. 呢個係事實( 不可逆轉嘅事實) 2019-08-15 11:08:26
冇人要做先人, 人身安全唔會有問題的, 除非, 除非...啦