地產博客 > 文亮言 返回
瀏覽人次:16512    回應:38
文亮言
百威是撤回抑或是壽終正寢
 
湯文亮博士
紀惠集團行政總裁
2019年7月16日

  公司有一幢酒店在月底截標,反應亦唔錯,估計可以接近公司目標價出售,但有同事認為近日市場受連串大型示威活動影響,氣氛不大好,招標這件事不如壽終正寢,我覺得同事用詞很奇怪,雖然市場的確存在很多不明朗因素,但點解要壽終正寢,最多是撤回,待氣氛好轉才再招標,老實說,如果我們現在繼續招標,反而會令其他投資者認為我們財務狀況不佳,撤回是一個好提議,但絕對不是壽終正寢,同事有微言,佢話示威人士不接受林鄭話逃犯條例已經壽終正寢,堅持用撤回,估計理由是死左可以番生,撤回就不會回頭。

  我對於示威人士不肯接受壽終正寢,堅持要用撤回亦有多少奇怪,但有律師話壽終正寢可以隨時復活,林鄭如果見到局勢稍為平靜,立刻指示立法會恢復二讀三讀,只需一日就可以通過,如果林鄭真的是這樣做的話,肯定誠信盡失,屆時,我陪埋大家一齊上街,如果用撤回,就算法例要重推,都要從首讀開始,我唔知道律師的說話是不是真的,或者他恰我不懂得法律,但無論如何,我始終認為「壽終正寢」比「撤回」更有確定性,除非林鄭食言。

  今個星期,我相信最閉翳的人應該是港交所李小加,百威臨上市撻Q,綠色通道又被封閉,每日港股成交金額不足600億,本來百威上市,可以替港股打一支強心針,但百威撻Q,李小加相當頭痛,我認為李小加又毋須介懷,今次百威只是撤回,隨時可以再上市,如果用壽終正寢就大鑊了,表示百威以後不會在香港上市,我唔知道律師對這方面有何解釋,但壽終正寢始終比撤回強得多,亦有人話,點解林鄭不順應民意,簡單用撤回便可以冷卻這幾日的示威,我都唔知怎樣解釋,如果用撤回之後,香港政府稍後重啓,唔通又要示威,不過,有醫生同我講,「逃犯條例」根本未出世,又怎可以用壽終正寢,所以,用撤回是合情合理,咁簡單的事,點解我諗唔到。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 真真薯片 2019-07-16 12:34:58
博士今日既文章呼應在下之前既回覆,而博士亦講出左重點,就係林鄭會否食言,而關於林鄭會否食言呢個問題,大家睇睇佢既往積同過去個幾月佢既行事作風,大家可以做個人判斷

無可否認既係,林鄭真係好打得,絕對非一般打得,佢今日又放風話要宵禁,我唔係好明,阿爺唔係指示要降溫盡快回復繁榮穩定嗎?點解仲要故意指揮警察去衝擊示威者打大交將件事升級?升級左就再用更勁手段宵禁回應?跟住又想示威者點回應?打死人?真暴動?周街掟汽油彈,警察實彈清場,死幾百人,林鄭覺得咁樣都算係贏?莫非佢認為大亂後先有大治?

點都好,林鄭擺明已經選擇左要硬碰,未來香港既不確定性非常大,大家唔好參與任何活動,扣好安全帶,希望香港過得到呢關,我估應該過到既
2. 回1樓 2019-07-16 12:38:02
你近排顯得興奮異常,大概唯恐天下不亂吧!
3. 我估應該過到既 2019-07-16 12:39:45
我同你都冇本事做暴徒, 又唔係在場之打手號的鬼佬, 如果今次風暴之後改變社會制度, 咁佢真係能人所不能。
4. 真真薯片 2019-07-16 12:52:49
我點興奮都唔及某幾位成日想老解出場既人兄
5. 某幾位成日想老解出場既人兄 2019-07-16 13:02:09
老解一定唔會出現
暴徒一定會極盡污衊之能事, 盡全力逼老解出手, 此為佢地之詭計
搞出人命傷亡再掃平貨
所謂之戒嚴會將軍事用地附近完全封鎖
避免不遇快事件發生
但如果不能避免, 那就發生吧
同三十年前一樣, 鄧李楊要講嘅已經講完, 嗌你返屋企你唔返, 那就 sorry 了, 不要怨人就好了
6. 心水 2019-07-16 13:03:55
2樓心水清。
7. 劉伶醉語 2019-07-16 13:13:46
字眼嘅野,D悚屍又會打左雞血咁生呦死呦。法治咁高尚,打開本法律書就可以判喇,使鬼打官司,左觀點右解釋咩。
8. 左觀點右解釋咩 2019-07-16 14:16:58
首先響街搵班盲毛做培嬸, 跟住將法律老泥丸越搓越大, 搓到迷失, 跟住就話如果十八樓培嬸唔 sure 佢有罪就要話佢無罪, 如果判左有罪, 就話法官印度培嬸錯誤, 在此偏袒罪犯的制度下, 千萬不要成為受害人。
9. 向泛民说不 2019-07-16 15:04:24
1楼,你地暴徒好像是要逼政府出紧急状态。根据这几日的发展,林郑已经重新站起来了,贴在你们暴徒头上的暴徒标签已经撕不下来了。立法会一事,沙田一事,好在有TVB公正的电视台,让我们清清楚楚的看到暴徒的真面目,颠倒是非,指鹿为马的本领。

收手啦,暴徒。民意已经改变。不要以为游行还有几万,就以为支持者很多。但是那些就铁粉。中间派的眼睛是雪亮的。不要再错下去。
10. 李澤西 2019-07-16 15:05:02
想逼大陸出解放軍係台灣民進黨。今次衝入立法會係由台灣方面策劃,手法同當年民進黨組織青年暴徒佔領台灣立法院如出一轍。當時國民黨在立法院佔大多數席位,佢地癱瘓咗立法院,馬政府從此一蹶不振。

其實港獨的背後是台獨。最不想一國兩制成功的是台獨黨。台獨最想你一國一制,港獨班儍仔就以爲人多就得,所以拼命控制傳媒同學校,幫年青人洗腦。
11. 向泛民说不 2019-07-16 15:07:45
无论撤回或者是壽終正寢,极端组织都不会收货。以现在的发展,要极端组织收货,唯一就是政府无条件投降。

5楼,当年64一样啦,学生其实要中共无条件投降。
12. 向引刀‧土著‧自醉‧浪子說不 2019-07-16 15:29:09

聽聞林鄭早已經提出請辭,但是結果是:
1、中央唔批。
2、中央亦清楚知道,刻下沒有人願意接手這個燙手山芋。

因此,社會此時越是動亂,衝突越是升級,林鄭座得更穩陣。

社會現在需要回復和平理性,想嫁得個女出去,首先都要沖嗰靚涼,化嗰靚妝,搽靚嗰粉樣,才可以出閣,找到另一個得體的好人家接手。

換句話說,只要衝突平息,特首才有機會換人,否則只有繼續困獸鬥。


13. 林鄭早已經提出請辭 2019-07-16 15:53:58
林鄭都冇出過黎選, 何來請辭? 不過俊華做又啃唔落, 先捱義氣。
14. 路過 2019-07-16 16:00:25
需然依個係地產網咁講好似唔係幾好,但香港政府一日唔解決房屋問題,依個社會都唔會安寧,全面支持參考新加坡做法,公私營市場分開,有心上游既人會買私樓,想平穩既公民亦有安心之所,因此本人絕度支持填海造地
15. 自我陶醉 2019-07-16 16:13:23
如果宵禁可以俾雙方冷靜一下,想想有咩和解方案,未嘗唔係好事。
16. 乜春 2019-07-16 16:14:02
有人話:“政治事件,政治解决”。㸃解决呀?政治解决即係和平解决呀?班暴徒肯和平咩?肯和平解决就唔會用暴力啦!廢話!
17. 真真薯片 2019-07-16 16:21:42
我之前講過,公屋令居民無法分享資產升值,係社會怨氣既根源之一

其實正苦可以出一超級辣招,將所有公屋送晒比住戶,但係調轉頭所有住戶要交返差響管理費,咁就人人都係業主,做左業主,d人就唔會反了,除非有人同錢作對
18. 顏色筆 2019-07-16 16:26:51

政府無論如何做,犯民也不會停止破壞,相信林特首也不想再連任,現只要推出重拳手法才可平息亂象,受權警方可先拘捕3個月再決定是否提告,先將帶頭的人拘捕,虫沒頭便做不出甚麼樣子。另利誘年青人不要犯罪,推出年滿18歲港人(雙非除外)(沒物業的)沒有犯罪記錄便可用20-30%的金額購買居屋,居屋成本如不計地價其實是低的,對政府的財政應該沒問題的。
19. 將所有公屋送晒比住戶 2019-07-16 16:27:49
富戶租番出去, 繼續踐踏未上公屋的人?
20. 向泛民说不 2019-07-16 16:31:14

【沙田遊行】新城市混戰逃難爸爸fb報平安:感謝警方和記者幫助



毒果点样颠倒是非。
21. 路過 2019-07-16 16:31:55
若果參考新加坡做法,公私營市場係完全分開,公屋只能原價賣番俾政府
22. 向泛民说不 2019-07-16 16:33:43
19楼,真真吾L记得饭民拉董伯伯下台,当年董伯伯就是要人人有自己楼,所以开始将公屋友情价卖比公屋户。后来贪曾上台,改变了董伯伯的政策。

真真,问你下地饭民狗啦。做人要学识检讨。你们班暴徒玩大左。民意已经反转啦。
23. 超級辣招 2019-07-16 16:34:20
其實綠置居某程度上係哩樣, 正苦一次收你幾十年租, 唔 q 理幾多人住響度做乜野, 反正遷出遷入是浪費時間, 人生總有起跌, 跌就入黎起就叫人搬走咯喎? 所以最快靚正嘅方法, 是填平啟德河至觀塘, 再將土瓜灣剷平一換一。
24. 自我陶醉 2019-07-16 16:37:41
17樓 薯片兄

政府嘅角色係要幫助有需要嘅人有屋住,唔係要保證你發達,住公屋嘅人已經比劏房戶幸福,而且有能力的話,隨時可以用公屋換居屋,呢個世界唔會有免費午餐。

25. 公屋友情价 2019-07-16 16:48:54
其實以公屋居民負擔能力(扮死狗唔計), 當年都唔係好友情價, 而且當年的屋村如果想買而家仲可以買。
如果當年全港屋村賣散晒, 以港人自私自利嘅德性, 你哩世都唔駛旨意重建。
26. 向泛民说不 2019-07-16 17:01:32
23楼,问过暴徒党饭民未啊。我都觉得应该填平啟德河至觀塘,不过之前因为暴徒党饭民反对,所以政府话吾会在维多利亚港填海啦。
27. 真真薯片 2019-07-16 17:55:31
仲賴犯民?林鄭DQ完改埋議事規則,有成年幾佢夠晒票想做咩都得,結果佢做左d乜野出黎?提高老人綜援金年齡?
28. 暴徒党饭民未 2019-07-16 17:59:26
葡萄糖講多無謂, 講乜都係反, 掃佢落坑渠, 然後房署響淘寶開個檔, 現時業主直達造樓廠, 埋黎睇埋黎揀, 費事嘥時間諮詢。土瓜灣只係內地樓盤一個小區大小, 買一間屋全爆同住住黎裝修後者慢廿年, 由內房起兩三年搞掂。
29. 結果佢做左d乜野出黎? 2019-07-16 18:04:46
明益大愚跟正手續唔係又要諮詢又要故問又要盛咩? 哩啲係香港核突價值嘛, 如果可以隻手遮天個人主義哩度又話唔得咯, 而家好啦, 合約制公務員教師社工遲加人工, 一齊夾錢維修垃圾會嘞。明益大愚當初禾提過啱價可以用來換 letter b, 即時上馬。
30. 真真薯片 2019-07-16 19:51:49
佢唔搞呢隻鑊出黎,明日大愚既研究撥款已經批左啦, 自己搞喎左都有得賴
31. 已經批左啦 2019-07-16 22:18:36
逃犯條例之於財閥,等於明益大愚之於地霸,是會遭遇到其打手特別是環保 L 無情的打擊和無禮的拖延,你唔見果兩隻豬 H 同痰 H 早兩日先再講正苦應該去收棕地,如果照原定發展,法案委員會都係過唔到。
32. 真真薯片 2019-07-16 22:42:11
可能林鄭為左唔推空置稅,所以先放空城計炸左成個垃圾會,為左唔推空置稅,可以去到幾盡
33. 唔推空置稅 2019-07-16 23:00:42
如果推左,地霸的逃生門已經關左,而家下半年要老實盡清,清唔到,其實遲啲凶至都唔關空置稅事。
34. 香港人 2019-07-17 00:14:44
政府不能太軟弱,現在好像病毒擴散,主要是破壞者完全沒事,傻人有樣學樣,政府要重手打擊,打到班暴徒怕才會收手,好像對付惡狗,你要惡過它,它才會怕你。
35. 引刀一快 2019-07-17 07:01:30
正寢同撤回,冇分別。

人之上,仲有人,人浮於事。
36. 自我陶醉 2019-07-17 09:44:57
引刀兄

你有所不知,法律上嘅用詞係有清晰明確定義,目的係避免造成不必要誤會和無謂爭拗,所以每條法例一開始就先定義所有會用嘅詞彙。
對一般市民無分別,唔代表法律上無分別。最少唔洗大家各自演繹,去猜測咩係壽終正寢,幾時係英年早逝,定係叫夭折比較貼切啲? 咁同撤回到底有咩唔同? 

其實要繼續玩文字遊戲,不妨考慮話條例已經“永不超生”。 咁仲一勞永逸喎!  哈哈哈!

37. 70腦袋 2019-07-17 09:47:17
38. 睡魔 2019-07-17 10:33:44
心照啦!班人名義反送中,實際反中