地產博客 > 文亮言 返回
瀏覽人次:20601    回應:13
文亮言

二手樓空置稅不利地產商

 

湯文亮博士

紀惠集團行政總裁
2019年4月10日

  有地產公司中級職員對我說,新樓空置稅不會獲得立法會通過,因為有不少立法會議員會替地產商把關,如果不成功,就會成仁,不是殺身成仁,而是一視同仁的意思,立法會議員會要求政府一、二手樓空置稅一同實施,大家都知道二手樓空置稅是很難執行,結果,就算過得一讀,都唔會過到二、三讀,所以,地產商絕對不擔心新樓空置稅,反而擔心政府要地產商公開招標的內裡乾坤,現在就算未正式公開,已經有不少人發現同一個單位樓下貴過樓上100萬,超過樓價20%,新樓空置稅,知易行難的事而已。

  近日二手樓空置量急升,就算地產商唔要求,政府亦打算推出二手樓空置稅,而空置稅刑事法就是為二手樓空置稅做準備,各位業主如果唔想誤入法網,就請聘請會計師代為申報物業是否要繳付二手樓空置稅,會計師將會多了不少生意。

  我唔講大家亦應該明白,二手樓空置急升是因為新樓入伙,不少現在租樓的人利用地產商提供的高成數按揭做了業主,而令到原有租用單位空置,但這是原因之一,另一個原因就是有不少人利用人頭買了新樓,但是他們的目的不是自住,而是用作收租,根據過往經驗,大多數新樓盤入伙後,一定會有大量單位出租,租金會被拖低就不在話下,而且一定會有大量空置,這個情況最少持續一至兩年,如果買新樓的人知道租唔出要俾二手樓空置稅,買樓的意慾就會降低,買樓的人數就會大幅下降,這直接影響地產商收益,他們是知道的,所以並沒有極力反對,間唔中講兩句嚇下政府就會有。

  中級職員即是中級職員,地產商知道如果可以用二手樓空置稅來要脅政府不推出新樓空置稅就一定會做,而事實上地產商亦有提起過,不過,就立即收口,因為他們知道,二手樓空置稅是不利新樓銷情,中級職員聽到口定目呆,面部表情就半信半疑,老實說,我雖然是亂說亂話,但似非而是。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 腥港人 2019-04-10 11:22:53
你買左新樓,但當渡假屋,得閑先去住,誰又管得了?

根本大錢袋最緊要散貨,你買左返去做乜其實一啲都唔重要。
2. 香港人 2019-04-10 11:34:24
新樓或二手樓的空置稅是不實行的,這只政府在做戲給市民看,如真要實行為何不像以前先實行後立法?這明顯是政府對樓市已經沒辦法或是不敢與地霸對著幹,做做戲給市民看。
3. 自我陶醉 2019-04-10 11:51:42
博士果然講到似曾曾,真嘅一樣,連非自住要收足差餉都無能為力,期望這個廢政府可以推出二手空置稅,完全係不切實際的想法。
4. Peter Peter 2019-04-10 14:01:58
二手樓空置稅?若果成真,根本就是擾民政策。請問我住兩個單位有乜問題?
5. 鳥5 2019-04-10 14:39:54
早幾日,法庭 判咗 新界原居民 套丁 丁權 傳統法律原則, 呢單嘢 再下 都認同 對以後香港 土地 供應 會有一個重大變化 大家以為係嘅嘢 事實唔係咁囉。。。
6. 鳥5 2019-04-10 14:41:39
香港人 畀地霸,教育咗好多年喇 係時候要瞓醒。。。。
7. 鳥5 2019-04-10 14:45:06
8. 十一哥 2019-04-10 14:51:08
空置稅、係唔想或唔可以改變現況下…提出嚟消磨時間渡日晨…冇可能實施嘅假議題 !

9. 真真薯片 2019-04-10 15:20:43
自醉兄講得冇錯,琴日輪師兄話正苦連自己d公屋有冇空置都管唔惦,要管私樓係咪空置真係笑死人

另外,博士話新樓會有大量空置,請博士去將軍澳南觀察下d新樓,除左最近三個入伙不足半年既盤,其他入伙約一年既盤從外面睇都睇得出已經住到滿晒,新樓空置率高係6,7年前既事啦
10. 腥港人 2019-04-10 15:50:24
將南梗係好租,地鐵沿線,附近有配套。你睇下洪水橋、元朗南呢啲山旯旮區有無咁滿?
11. 信則有 2019-04-10 16:06:55
二手空置定義有好多方法. 例如新加坡睇水表
12. 真真薯片 2019-04-10 16:07:38
洪水橋、元朗南我就唔會買啦
13. 利好樓市 2019-04-10 21:23:18
出到二手空置稅,證明政府已經技窮,大家只會更加絕望,更加快入市決定。