地產博客 > 文亮言 返回
瀏覽人次:24862    回應:5
文亮言

我的吉隆坡收樓之旅

 

湯文亮博士

紀惠集團行政總裁
2019年3月21日

  2015年底,我約了李宗偉打羽毛球,順便睇下馬來西亞的物業,又順便在市中心最靚大廈買了幾個單位,樓價早已付清,我本來已經唔記得,但最近地產商通知我要收樓,並且話樓價已經升了三成,匯水又升了一成,本來應該要賣走,不過地產商話唔好,咁靚單位可遇不可求,如果現在賣的話,要交很重稅,況且他們有五年6%保證回報,如果放在市場,一定可以租得更高,收五年租之後再打算,我從善如流,更何況有陳德豪的團隊打點一切,於是展開一次亂飲亂食,吉隆坡收樓之旅。

在出發前一晚

  本來這晚我是用來寫稿,因為今日要交明報,iMoney ,馬會的稿,但有老友在海洋公園萬豪酒店請食飯,我又從善如流,寫稿的事,食完先諗。

在出發前五小時

  我突然扎醒,睇到是午夜三點半,離開航機起飛時間還有五小時,於是一口氣寫了三篇文章,近日我寫作提速了很多,因為我結合跑步,寫作,投資的理念,就是要有一個很穩健基礎,跑步需要只少兩年才可以建立,寫作無五年不能,投資最少要十年,所以,大家經常在投資者見到一些少年英雄,但來得快,消失得更快。

在航機上

  國泰今年冇輸燃油對冲,所以轉虧為盈,所有工作人員都有2,000元花紅,服務好似好了很多,我今早有些少疏忽,忘記要坐飛機,竟然在寫作時飲了很多水,平常返工就沒有問題,但在航機內就比較尷尬,既然瞓唔著,不如寫今次吉隆坡之旅,網主一定會第一時間上載,因為佢老婆同我老婆孖公仔同我一起去收樓,同行還有陳德豪夫婦,今次真的是亂飲亂食,所以我甚至沒有在飛機內食早餐,吉隆坡,哈哈,我來了。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2019-03-21 13:06:31
記得幾年前就係睇到忘不了同巴丁所以成為呢個網站嘅常客,唔知今次博士又有咩獵奇美食介紹呢?
2. 占士 2019-03-21 13:56:27
4. AU 2019-03-21 14:12:28

又幾時會同林丹砌過呢?

5. 新抱仔 2019-03-21 15:20:16
正!最喜歡看遊記😆👍🏻👍🏻
6. 引刀一快 2019-03-23 02:35:06
To 4樓 AU

係李宗偉吧?