地產博客 > 文亮言 返回
瀏覽人次:17994    回應:23
文亮言
講座之後
 
湯文亮博士
紀惠集團行政總裁
2019年3月10日

  昨日一口氣做了兩場講座,兩場都爆棚,各有接近一千人參與,第一場由明報主辦,第二場由南洋商業銀行邀請,南商有十多位高層專程從廣州深圳到來,不得不施以渾身解數,否則就很失禮。

  我唔講大家或者唔會知道,當爆場的時候,除了演講的人會特別興奮之外,工作人員也特別有幹勁,其實,在時間許可的話,我亦喜歡演講,因為可以在從中學到不少新知識。

  昨日第一場在我講之前的講者,是教大家在國內投資車位,大家可能不知道,在投資車位方面,我是有多少心得,我問了大家一個問題,在香港買車位應該是買左手邊抑或是右手邊,在國內又如何。

  第二場我講大灣區,我想起來都覺得好笑,並不是我講得好笑,而是早兩日,我們的尊貴政協議員在北京開會時接受訪問,講到大灣區政策,全部都照稿讀,什麼不要辜負國家一番心意,什麼中央政府送了一隻梅花鹿給香港,香港人要識得脫角。其實,一般人都不了解大灣區,我較早前寫了一篇「大灣區政策落實,香港想窮都難」的文章,如果他們有留意,起碼都可以呃得下人。

  做完講座,游了半小時水,冲一個熱水涼,食完晚飯睇張家朗打全英羽毛球錦標賽,什麼也不想,因為很攰。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 引刀一快 2019-03-10 13:29:18
深圳樓價又升緊,因為有人放風話升直轄市。
大灣區隻鹿,就係飛地,唔想俾深圳剋死,一定要居安思危。
2. 引刀一快 2019-03-10 13:34:00
依家喺大陸買車位,已經好貴,越秀嘅車位七八十萬,仲要係年期唔長,有D四十有D五十,扣返過咗嘅年份分分鐘得廿年唔到,如果博士有炒大陸車位嘅心得,不如喺論壇分享一下,益吓D冇與會嘅網友喇。
3. 飛完地就飛人 2019-03-10 14:11:48
飛地的目的是把香港生產人低的低端人口搬到大灣區,咁香港先有空間吸收多些高端人口及人材,咁才可以不斷推升香港樓市。

可謂用心良苦!
4. 飛完地就飛人 2019-03-10 14:17:56
飛地區可採取橫琴模式,飛地區實施香港法律,屬於香港特區管轄範圍,咁就有利吸引投資。

可以預見,實施香港法律的飛地區的樓價有好大上升空間。大家要醒目啦。
5. 引刀一快 2019-03-10 15:53:36
原來去飛地投資果D都叫做低端人口,哈哈哈哈
6. 引刀一快 2019-03-10 15:55:06
咁邏輯思維水平低嘅,係咪低端人口?哈哈
7. 回樓上 2019-03-10 22:58:54
飛地唔通是為了把香港南區上等人搬到大灣區。醒瞓未?

在廣州番禺中山等飛地區建成的平價老人院及平價廉租屋,當然是為香港低端人口而設。利用飛地區的平價資源,應對低端人口問題,合符國情。北京最近也大力整頓及飛走低端人口。

飛地是解決低端人口的最佳方法。撐!👌
8. 低端人口 2019-03-10 23:23:17
低端人口出自大陸官方,泛指低收入,低技低能人士。引刀兄唔中得晒,不必太过对号入座。0k🤗
9. 引刀一快 2019-03-11 00:22:46
如果飛地祗適合低端人口的話,咁請問適唔適合你?
10. 引刀一快 2019-03-11 10:04:59
我講你呀,你有冇資格去大灣區呀?唔使遮遮掩掩喎,大方D回答喇。
11. 湯瑪斯 2019-03-11 12:28:39

我有投資香港車位既經驗呀!我1990初以6萬元買大埔區某屋苑車位,6年後以30萬元賣出,賺五倍+幾年的租金。其後於1998年至2000年先後買入三個大埔區另一屋苑既車位(兩個有蓋,一個冇蓋)。十幾年冇乜大升跌,不過長期有人承租,維修費近乎$0,又唔驚有租霸。最近幾年車位大升值,現時我那兩個有蓋車位市值一百多萬元一個,升值三倍!

我的經驗係唔好買冇蓋既車位。我那個冇蓋車位有時會有高空擲圾垃,又試過有人洗澡時灑水落黎。管業處又做唔倒野,影響租值。最後升小小我就賣左呢個車位。另外買屋苑車位要注意大契是否許可租售予非住客。我買的屋苑車位是中小型屋苑車位,交通方便兼租售限制較少。長期都有人承租(包括住附近的人),近年也不時有人問價。不過既然有租金收入,我覺得沒有必要賣出有蓋車位,除非有一日我等錢使。

12. CD ROM 2019-03-11 16:33:07
大陸車位真係無認真睇過, 只係聽過人講好多地方都賣得唔平兼熱賣, 但係明明只係三幾百租...........

講乜都假, 租金先係最能體現市況既tools, 容易租出, 租到價, 先係最fundamental 既價值............
13. CD ROM 2019-03-11 16:36:09
回應博士個問題, 係價錢相同既情況下, 我會避免買司機位開門是靠牆既車位.
14. 湯博士問題:在香港買車位應該是買左手邊抑或是右手邊,在國內又如何 ? 2019-03-11 17:07:46
我覺得:香港買車位應該買右手邊。在國內應該是買左手邊。博士答案喺 ???
15. 低端人口 2019-03-11 19:27:49
回引刀,我冇興趣搬去大灣區同你爭資源,我也不是目標人羣。你倒是有自知之明,在大灣區退休合符你的身份及身家。

講真,香港你真系住唔起。錯沽香港樓搬到大陸住的淡淡,通常都返唔到轉頭。唉!
16. 低端人口 2019-03-11 19:46:48
引刀,don’t read me wrong. 我十分支持你的飛地提議。唔飛地,香港如何可以飛人?要先飛地,咁香港先可以把低增值的低端人士」飛」去大灣, 咁身為龍頭的香港才有空間去發展,咁香港樓價才可以更上一層樓。

所以話飛地乃解決大灣區資源錯配問題的很好建議。俾個Like你。👍
17. 引刀一快 2019-03-12 03:08:33
低端人口兄

我返咗廣州廿幾年喇,有邊樣會低得過你吖,大陸香港兩邊都有得享受,自問生活寫意過大部分同等收入嘅而不投資大陸嘅人。
用下腦喇,一旦飛地,第一時間進駐嘅一定係有錢買鋪嘅有錢人,然後就係有錢開廠開安老院嘅老細,唔通領展都低端咩,閣下呢位低端人口兄台,我唔知你有冇錢,不過腦袋就一定低端,人如其名,咁腦實,俾個like你👍!
18. 低端人口 2019-03-12 07:29:16
一旦飛地,第一時間香港就可以把垃圾飛去大灣,香港堆田區已經迫到爆,大灣區是安置香港啲垃圾同班垃圾的最佳地點。
19. 引刀一快 2019-03-12 10:45:17
低端人口兄

乜原來你都知道香港好多垃圾人?你喎?
20. 引刀一快 2019-03-12 10:47:35
俾人笑緊係低端人口,都仲繼續用低端人口做筆名,驚住笑人唔死咩,哈哈哈哈哈哈哈哈哈[哈哈哈],點擊[ http://pinyin.cn/e221818 ]查看表情
21. 低端人口 2019-03-12 14:16:26
有大灣龍頭唔住要住在龍尾,不是低端,是低B。🤗

飛地的確可清除香港垃圾的好主意。先飛地,之後自然就可以飛走廢物。
22. 史路比 2019-03-12 15:20:20
我中意買司機位是牆身的,泊車容易就位啲
23. 引刀一快 2019-03-12 15:37:21
低端人口

你唔使葡萄喎,依家先至上去買屋係就係遲D,唔代表你就冇嗮機會嘅,再唔係你就等飛地囉,哦,唔記得話你知,依家中旅換新車,一排5個位㗎。