地產博客 > 文亮言 返回
瀏覽人次:26423    回應:20
文亮言

確認樓市下跌才不能放寬逆週期措施

 

湯文亮博士

紀惠集團行政總裁
2018年12月14日

  有不少人話香港政府信唔過,不少高官曾經講過,當確認樓市下跌,便會放寬逆週期措施,現在不少人,包括老C樓神等已經確認樓市下跌,更加有地產商坐言起行劈價促銷,這還不是確認樓市下跌,其實,現在真的是未能確認樓市下跌,有人話現在是假跌,亦有人話樓市已經過了谷底,甚至明年會有10%升幅,既然市場上有不同睇法,又如何確認樓市下跌。

  有老友叫我撰文提醒政府遵守承諾,當確認樓市下跌就要放寬逆週期措施,我話沒有這個能耐,高官們是不會睇我的文章,不過,就算我寫,我反而會提醒政府,當確認樓市下跌就千祈唔好放寬逆週期措施,否則,有人因放寬逆週期措施而入市,而樓價又繼續下跌的話,他們就會怪罪政府,現在官員們反而可以話為了保障市民資產,確認樓市下跌而不放寬逆週期措施是不想市民做了大鱷點心。

  現在是什麼人叫政府放寬逆週期措施,原來大多數是物業代理,他們話如果政府唔放寛,物業代理的收入會減少,這是為了他們的收入而叫政府放寬逆週期措施,基本上與確認樓市是否下跌沒有關係,另外亦有地產商叫政府放寬逆週期措施,否則的話,他們就不能以高價賣走新建樓宇,隨時有機會被迫繳交新樓空置稅,所以,他們要求政府放寬逆週期措施,不過不是因為確認樓市下跌,而是與他們的收入有關。

  我認為當樓市下跌了一個相當大的幅度,令到有不少人可以負擔得起,而且他們亦蠢蠢欲動,甚至希望政府可以放寬逆週期措施,令到他們可以上車,政府到那時候才認真考慮,或者以急人之所需姿態來放寬逆週期措施,就會得到最佳效果,即使樓價繼續下跌,亦無人可以怪罪政府,所以,現在叫政府放寬逆週期措施不如慳番啖氣。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2018-12-14 11:02:48
啱買咗樓兩三年嘅最想冇逆週期、趁仲有水位釋放多D新兵接班、鎖定利潤甩身、對比之前高燒、萬七呎衹不過係敷冰袋降溫、內熱未除、10球樓下兩房好多人比得起、但入息中位嘅…買嚟住就好貴、不過再冰水就好易肺炎、正苦勤力做好本份…公營房屋啦!私樓夠力者買之…係養起正苦/津貼公營嘅水源嚟㗎…冧多咗…香港就冇運行。

2. 十郎 2018-12-14 12:48:01


      跌左咁耐 , 睇怕CCL今日應該會升番喇掛 ? !!! 👍👍👍

3. To 2 2018-12-14 13:02:11
升26個月,才跌十週喎
4. 十郎 2018-12-14 14:15:21


      企鵝同獅子都識得反彈 , Lucy 冇理由直踩冇迫力。

5. To 4 2018-12-14 14:40:38
Lucy 去左同大媽區指數剪綵,一早掉低句跌三年,冇眼睇哩邊,而家有冇迫力要去問跌哥先知。
6. 大勢 2018-12-14 15:01:48
800萬一房,是泡沫始終會爆
7. 800萬一房 2018-12-14 15:51:36
咁龍床會點?
8. 十郎 2018-12-14 16:13:57


      不得不佩服 Lucy .

9. 不得不佩服 Lucy 2018-12-14 16:21:11
Lucy 表示, 大媽區為中原中國的重要根據地,佔業績三分一,亦是大部分利潤來源

香港區居然要蝕, 真是冇訂企
10. To 2 2018-12-14 16:31:01
響跌哥獨守空圍下, 本周 跌左 0.69 咁多, 充滿粗口意味。
11. 難以確認 2018-12-14 18:09:04
我係林鄭都唔敢切辣椒,萬一一撤完就大升市,點孭呢個鑊。
12. LC1 2018-12-15 01:25:20
今日CEPA 又有新野加入,其實香港之所以有今時今日,都係因為做大陸既窗口,而家窗口打開就只有香港玩晒,我諗香港水浸既情況係好難有乜轉變,今次樓市跌,只係信心既問題,而唔係實際經濟有咩轉變,邊一個預計任何野都未必有必然性,因為世界不停在變,中國好快就會向美國跪低,美國係會不停屈中國,但係如果美國唔死,香港應該都唔會死. 因為香港人錢太多。
13. 鳥5 2018-12-15 14:39:51
LC1。。????中國要靠香港,对外貿易???以前就係。。而家,俄羅诗,中東,非洲D十年 大咁多,又 幾何 向尖沙咀 見過呢啲人 呢? 唔好一廂情願
14. 鳥5 2018-12-15 14:42:18
如果 made in Hong Kong 個嘜頭 就可以代替貿易戰 件事咁簡單????
15. 鳥5 2018-12-15 14:45:17
以我嘅理解香港 香港監察秩序 應該係邊招樓價去到邊個位 就響嗰個位減... 點樣想就點樣加 點樣落就點樣減類似嘅大方向.. 不過隻錶係跟內部政府稅務局條數
16. 望東樓 2018-12-15 15:07:57
六樓,你好似冇與時並進喎,應該係話無緊貼香港樓市步伐至啱。凱滙高層一房跳樓價九球,啱啱經過灣仔囍帖街,一房叫價一千二百五十萬求售。
17. 鳥5 2018-12-15 20:43:04
坐下覺得長實下一個大盤會係一個前佔性。。。。。
18. 鳥5 2018-12-15 20:45:21
佢係绝对,只要佢有需要,係59理其他行冢感受。。。
19. 鳥5 2018-12-15 20:49:25
李超派貨。時機行先。。自身實力為次,價格為後,行家更談5上 感情。。。
20. 鳥5 2018-12-15 20:50:48
在下色目以待。。。 維持原判 出年第二季 困鬥