地產博客 > 文亮言 返回
瀏覽人次:9549    回應:32
文亮言
千祈唔好以為中美貿易戰完結
 
湯文亮博士
紀惠集團行政總裁
2018年12月5日

  有負責傾租約的同事話與某外資客戶傾談並不順利,最後,客戶要求續約三個月,以便他們的職員可以趁聖誕新年假期回國,問我有什麼條件,我話絕對不會予人不方便,因為予人方便即是自己方便,而我的條件很簡單,就是這三個月租金比市值的多10%,而且要一次繳付,對方收到訊息後立刻回答是沒有問題,支票隨即送上,後來我收到消息,對方的職員話租約已經傾妥,仲準備在聖誕節期間將公司裝修,其實,客戶的職員可能不
明白,我們現在還未傾妥,只不過是延期三個月,是戰場上的快樂聖誕。

  習特會之後,雙方宣布中美貿易戰延期三個月,立刻有評論員話中美貿易戰已經完結,香港樓市將會回復正常,很快就會止跌回升,唔買樓就會終身後悔,我相信那位評論員誤會了,現在只不過是延期三個月,是貿易戰場上的快樂新年,並不是完結,大家千祈誤會,今次特朗普的策略,與一般業主續短約時相同,在這段期間,中國要向美國購買大量農產品,雖然在這方面中國亦樂意做,但是由特朗普要求,好似被美國牽著鼻子走,亦向外界表示,今次中美貿易戰,美國仍然是掌握主動權,不過,情況亦不是太壞,試問全世界其他國家地區與美國談判,誰可以贏得一招半式,全部都被打倒全無還手之力,今次中國不算得是慘勝,但可以說是沒有勝利戰果的勝利,不過,仍然是暫時性的。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 貴公子 2018-12-05 08:43:05
怎麼是沒有勝利戰果的勝利?
不是只有贏,和,輸!
2. MT 2018-12-05 09:00:26
喜歡看博士的文章,因為博士總能從商人角度分析問題,對我等打工仔很有用
3. 明報 2018-12-05 09:03:44
長實趙國雄:明年樓價最多跌三成,二按樓納米樓「高危」,跟其他發展商唱反調。
4. 十一哥 2018-12-05 09:43:55
跟唔倒步韻就looking、當賭小鋪…唔好恨。



5. 十郎 2018-12-05 09:49:25


      中國從來冇話唔買美國農產品 , 問題是係收10%關稅 , 如果傾得掂 , 一人出一半都有機會的。



6. 如果傾得掂 2018-12-05 10:13:03
就算傾唔掂, 擺得既美帝可以賣俾阿根廷再賣俾阿爺, 超市都有阿根廷的生果, 但唔擺得嘅就冇運行矣。
7. 十郎 2018-12-05 10:49:25


      唔知閣下幾多歲 , 如果經歷過80年代 , 你會知道美國要香港出口商出示產地來源證(因為對大陸禁運)。亞爺都識得要阿根廷出口商取產地來源證既。


8. To 7 2018-12-05 10:52:00
十哥, 哩個默契, 持續左幾個月啦

中國買阿根廷大豆 阿根廷買美國大豆
阿根廷正在為國內市場購買美國大豆,並將自己的大豆出口到中國
阿根廷大豆產量每年有800萬至900萬噸的出口餘地

NABSA資料顯示,Rosco Banyan、Sunshine Bliss和Seacon 9等三艘貨輪將於9月23日至10月1日期間裝載總計167740噸阿根廷大豆。本月早些時候,已有一艘貨輪運載36119噸阿根廷大豆和部分烏拉圭大豆離港。

阿根廷大豆產量通常超過國內消費量,每年有800萬至900萬噸的出口餘地。但今年的乾旱使產量減少了31%,迫使該國大豆壓榨企業進口大豆。根據美國農業部的資料,截至9月13日當週,美國貿易商向阿根廷出售了84萬噸大豆,而去年同期則為零。

Ammermann表示,阿根廷進口美國大豆“有錢賺”。
9. 自我陶醉 2018-12-05 11:14:49
對着傻侵呢啲得寸進尺嘅賤人,其實眼前只有兩條路:
1. 投降:換取兩三年安穩日子,然後步日本後塵
2. 攬炒:捱一段苦日子,睇下邊個冧先

若然你係領導人的話,你又會點㨂?

10. 十郎 2018-12-05 11:19:16


      70年代 , 有一個罐頭商人接到一萬罐馬蹄定單 , 香港就派人(官)調查馬蹄來源 , 老闆話新界種既 , 官員話你帶我去睇下 , 老闆就帶官員到新界 , 指著一塊泥小田說 , 就係呢道種既。官員一睇 , 呢塊田出產d馬蹄 , 不足做一千罐。不過冇所謂 , 講得出就有證據 , 一樣照批。識得變通幾重要。


11. 向泛民说不 2018-12-05 11:28:20
自醉,中国人会选择2. 没有任何一个中国人会做李鸿章了。

昨天美国金融市场已经反映了美国的经济已经是强弩之末。今年美国股票市场的升势是因为特朗普上一年的减税政策,但是也走到了尽头。目前中国市场已经跌到了接近底部,而美国市场还是在高位。真的打下去,就看谁跌的疼。

本人越来越相信,最终美国要妥协。
12. 十郎 2018-12-05 11:34:28


      8樓 ----- 我專重閣下的資料 , 我在這方面沒有得到報道 , 唔敢拗。多謝 !


13. 自我陶醉 2018-12-05 11:39:45
向飯,

今次我完全同意,對住啲言而無信嘅騙子,你就算揀1, 日子都未必好過,佢唔夠錢洗,又會再問你攞。最理想嘅scenario係,傻侵無法連任,換過個正常人先再傾。

14. 引刀一快 2018-12-05 12:10:57
自我陶醉兄

呢次我就唔同意你講法,依傢大陸萬衆歡騰,等緊買平車,你咪掃佢地興喇。

侵侵係反覆無常,不過正好打亂中國走回頭路嘅步伐,死,唔敢講落去。
15. 自我陶醉 2018-12-05 12:35:26
引刀兄,

大陸對農產品、科技項目有大量需求,承諾大手買只係做個順水人情,這點我可以理解,但關於減汽車稅,千祈唔好開心太早,應該唔會減好多,我估阿爺只係緩兵之計。 以習大大嘅智慧,唔會做蝕本生意,等個大咀巴繼續吹,到遲幾個月減佢5-10%, 甚至傾唔掂同佢反枱,等佢失信於國民,跟住下屆執包袱都未定。
16. 引刀一快 2018-12-05 12:38:38
其實侵侵呢D人,根本唔會有傾妥唔傾妥可言,反過嚟講,中國亦唔見得會循規蹈矩,就算冇貿易戰,都會有大大小小嘅爭詏衝突,貿易戰不過係將往後要發生嘅事具體化,顧名思義,貿易戰就係各種事情聚焦喺錢度,等大家放心,錢搞掂。

17. 引刀一快 2018-12-05 12:53:57
自我陶醉兄

我覺得過去幾次交鋒,我地呢邊都係低估咗侵侵,我怕往後唔係縮就係發矛。汽車减稅唔一定係壞事,一方面刺激國內車厰提升競爭力,另一方面,應該會加速新能源車開發。
18. 自我陶醉 2018-12-05 13:33:30
引刀兄

放就易,收就難,汽車工業係大陸經濟命脈,應該唔會亂嚟。我估呢兩日,阿爺可能會有啲較大嘅提振消息,只要上證星期五推得上2700樓上收,投資氣氛自然會有改善,以現時A股估值吸引度,其實我唔會太悲觀。

19. 真真薯片 2018-12-05 13:58:55
貿易戰只有到其中一方倒下先會完結

假如倒下既係美國,美國就要將世界霸權讓一半比中國

假如倒下既係中國,過去20年大賺外匯既經濟模式就會完結
20. To 12 2018-12-05 14:17:14
十哥,哩啲網上揾返嚟嘅嘢,信不得真,不過即使伊朗被禁運咗 N 年,原油咪又係一船一船運出去,美帝銀行同打手咪一樣幫伊朗做交易,間中罰一下,咁啫係當老襯整個黑市價出嚟,總之平過官價便是。
21. 我地呢邊都係低估咗侵侵 2018-12-05 14:47:33
你指阿爺? 定香港市民, 特別是哩幾個月榮升業主嘅人? 其實又冇乜低唔低估, 啫係細路仔不停問點解, 問得五六次總會問到你答唔出架喎, 中興初頭要十億, 俾你囉, 有乜所謂呢? 任金剛話錢係愛黎使嘅, 阿爺話明與世無爭吖嘛。就算果時阿爺話唔俾, 打官司, 肥平咁, 又如何? 今日明日嘅事唔會發生咩? 但如果三五七年之後讓路嘅係美帝, 咁就到佢買解放軍軍票嘞。 
22. 十郎 2018-12-05 15:17:30


      20樓 ------ 閣下所言什是 , 網路上的資訊 , 我都會過濾下 , 所以話 " 唔敢拗 "。

      講開伊朗石油 , 因為中國希望人民幣取替美元石油 , 當中參與國是俄羅斯 , 伊朗 , 委內瑞拉等。所以受到制裁 , 伊朗更被撕毀核協議。處境最壞係委內瑞拉。美國現在是最大石油出口國 , 美國撕毀伊朗核協議 , 制裁禁買伊朗油 , 美國就佔多些市埸份額同逼高油價。油價近期反而跌價 , 剛好沙地殺記者給美國捉到痛腳 , 逼佢減產推番高油價 , 是否如願要睇埋俄佬跟唔跟。可惜的是 , 中國由10月起已經唔買美國頁岩油同頁岩氣。


23. 真真薯片 2018-12-05 15:51:51
不過隨住貿易戰拖一拖,股市回穩,樓市第一個跌浪應該結束,甚至可能有少少反彈

觀塘大盤推,只要有千零個盲丙合埋簽名,足以炒起個市

到明年侵侵再出招,股市又跌幾千,先見真章
24. 現實 2018-12-05 16:11:46
做慣大佬,贏硬會同對手埋枱傾?唔趕盡殺絕?要傾即是贏唔到啦。
25. 只要有千零個盲丙合埋簽名 2018-12-05 16:44:54
哩千零個盲炳有冇能力夫披? 如果冇, 只係「認捐」而已。
26. 球迷 2018-12-05 18:05:19
有錢買到觀塘大盤
只係你當佢盲炳
東九AA手上已夠換樓客
兩三房去貨不成問題
27. Bos fan 2018-12-05 18:05:49
呢似博士作風喎,我就話貿易戰一早已經完咗,你唔知咩。第11個人吖嘛
28. 真真薯片 2018-12-05 20:32:21
阻人開單,會比人燒春袋!

You disturb me transact, your spring pocket will be barbecued!
29. spring pocket will be barbecued 2018-12-05 21:50:14
How many spring pockets will be barbecued this season?
30. HCF 2018-12-06 02:18:06
衷心向湯先生致敬,喺呢個老千當道、充斥謬論的世界中,湯先生仍能夠力排眾議,講一點良知說話,不啻一泓清泉。錢係賺唔晒,但良心只有一個,老千們面對湯先生能不羞愧哉?
31. To 22 2018-12-06 08:24:06
十哥, 嗱, 話咁快就拉左孟晚舟嘞, 雲雲退任果陣隔離有人話關阿爺事, 寶寶有冇賣野去伊朗吖?
32. 引刀一快 2018-12-06 15:39:19
To 21樓

指阿爺同半數香港人。