地產博客 > 文亮言 返回
瀏覽人次:24832    回應:41
文亮言

財仔與他們的原產地

 

湯文亮博士

紀惠集團行政總裁
2018年11月15日

  有老友話見到我撰文指出現在財務公司的數目大增,在2015年的時候有900間,而活躍的大約有600間,現在有2,100間,活躍的有1,800間,增幅可算是驚人,不過,老友不大相信,他認為即使市場上有足夠生意,但亦沒有可能有咁多人識得做財仔,老實說,財仔雖然不需要具備專業資格,但經營的困難程度,比需要專業資格的行業高出很多,所以,我一定是老作,老友說得沒有錯,我的確是老作,不過是有根有據的老作。

  老友如果了解財仔與他們的原產地,就知道我作得有道理,現在財仔的揸fit人,以往大多數是在銀行工作,當他們50多歲,接近退休年齡,就會為日後的出路打算,他們手上或多或少都有一些在某個行業成功的實業家,他們的二代以及手上的資金要搵出路,與此同時,由於金管局的逆週期措施,不少打算買樓的人很難向銀行借錢,於是退而求其次,他們會找財仔幫手,即將退休銀行家手上有客,實業家有錢,兩者一拍即合做財仔,名義上財仔的揸fit人是實業家的二代,實際是退休的銀行家,由於樓價不斷上升,令到所有參與者包括實業家一二代,退休銀行家,借錢買樓的人都是贏家,不過,花無百日紅,樓市總會有下跌的一日,而財仔生意又易放難收,當放出去的債不能全數收回,結果是怎樣,大家亦可想而知,不過,大家又不用為退休銀行家擔心,他們已經攞了幾年薪水花紅,收入比在銀行工作的時候還要多得多

  有人質疑,那些財仔大多數是做按揭貸款,有物業擔保,有什麼依郁,債仔不依期供款,便會沒收他們所按的物業,變成銀主盤再公開出售,根本是沒有風險,有什麼好擔心,他們說得對,當樓市上升時,那些銀主盤是很容易出售,當樓市轉勢,就算劈價都無人要,太過進取的財仔一定會有損失,其實,那些財仔忽略了一件事,就是如何將所按物業變成銀主盤,過程是相當慘烈,財仔原產地銀行是有專人負責,那些財仔是不會知道箇中慘況,不過他們不會擔心,大不了再次退休,爛攤子由實業家去執手尾。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 原產地 2018-11-15 08:21:30
英國人賣嘅野又有手尾跟?
2. 腥港人 2018-11-15 08:57:10
正正經經做果啲,收樓都還算易,如果連契都無喺手嘅二三四按財主,即使打完官司收到樓,都未必齊契,到時就真係無人吼,尤其跌市時期
3. 望東樓 2018-11-15 09:33:58
唔齊契應該連係銀行一按都做唔到?
4. 十一哥 2018-11-15 10:11:01
睇下上市財仔年報、升緊點會有銀主盤、借新平舊、唔使專業技巧。

有逆週期buffer咗風險、銀號估價唔洗跟市價、如果估價貼市…即係倒自己米、跌到4成就風聲鶴唳…3成係平衡點、不過冇洗擔心、阿爺力大冇窮…更係唔輸得。

正府專注玩大戰略規劃、任內一定唔見成果…未結果就冇對錯、第日衰咗就係下家攪喎咗、得咗…就歸功前人種樹大功勞、短期戰術性供應就柔柔Q、濕濕下…吊住盬水…更顯得現任夙夜匪懈…工作艱辛、都係果句~保住磚頭值錢…仕途就冇驚冇險、香港真係唔好睇淡。


5. To 4 2018-11-15 10:27:47
墳哥, 如果林鄭有 101 歲, 咁啲功德就唔同睇法呢。
6. 香港土著 2018-11-15 10:29:31
阿爺個內房債地方債屎臭薰天,自顧都開始吃力,同時亦冇誘因死托香港樓價,慢縮係目標。

香港正在風乾,本身跟大圍慢縮,正路係長跌,急插必需震撼場面。

講大戰略,蕩平本土地霸就係重點之一,搞大嶼就可以用遠期供應拉低中環及棕地價值,猶如慢速閹割。
7. 香港土著 2018-11-15 10:34:33
閹下閹下,雙春變單春,到廢二三四代就單春變冇卵。偉大祖國什麼都可以包容,財閥惡過"主"就萬萬不能。
8. 真真薯片 2018-11-15 10:35:15
財仔有錢到可以搵大台拍半個鐘廣告節目,個財仔負責人話全港財仔加埋借左萬幾億出街

當佢一萬億,又當佢一個單位500萬,咁就有20萬個單位抵押左比財仔,因為未必全部借貸都係樓按所以打個7折,14萬,如果有5%壞賬率,就有7000個銀主盤,財仔越賬率有冇5%?呢個問題留返比大家自己諗
9. 腥港人 2018-11-15 11:03:14
樓按就有契,私人貸款就無,所以借私貸比人收樓,都有機會唔齊料。至於買家批唔批到按揭就睇銀行果期有無水去玩
10. 十一哥 2018-11-15 11:08:37
陀地   正苦中人…心中點會有咁多仇恨不平、打份工啫。

閹咗大錢袋…皇家工就冇咁輕鬆、身在公門好修行…今日服待大錢袋…明天一定會更好、日日落區聽民間疾苦…聽咗梗要開支票、支票又要雨露均沾、找數就好大挑戰…草根拖馬追數好難服待㗎 ! 打得皇家工點會唔識走位。

11. 香港土著 2018-11-15 11:18:39
薯片兄,

你已經接近畫出港版次按全豹喇。大家都思考下,反正風乾時間長,有利用腦投資者部署。

按:小土著所見,頗多新進財仔係半路出家廢二代,基本上都係紙底褲游水。
12. 李彧學文 2018-11-15 11:21:24
太陽黑子政治經濟理論》                                                            李彧浩文 撰 (第5稿 12/11/2018)

                                                                                                                                         (初稿 2/7/2018)

 

理論基礎

宇宙星體的活動是有週期性的,所以地球以約30日為一月,約365.25日為一年,週而復始。太陽黑子(也稱為日斑)的數目也是有週期性的,太陽黑子最多時稱為太陽極大期,最少時稱為太陽極小期。根據天文學家的觀察和計算,太陽黑子數目約以11年為一週期。

早在1870年代,英國經濟學家傑文茲(W.S. Jevons)已經以太陽黑子週期探討商業危機的週期。近人鄧特二世(Harry S. Dent, Jr)在《經濟大懸崖》一書的其中一個章節也提到太陽黑子週期與經濟的關係。然而,這些研究很容易出現錯誤的預測,一般的預測錯誤是經濟大蕭條來臨的日期。筆者認為這些錯誤預測的主要原因是:

1.      太陽黑子數目雖以約11年為一個週期,但前後的波動可以超過一年,有時下一週期可以在

      12年後才出現,也可以提早一年,在10年後出現。

2.      太陽黑子數目的減少雖然會對人類的經濟帶來影響,但同時會因為人類的活動(包括科技

      和文化教育等活動)而有不同程度的影響。所以在太陽極小期,經濟雖然傾向於不景氣,

      但不一定出現經濟大蕭條。

3.      其實太陽黑子不僅對人類經濟帶來影響,還會對人類的思維帶來影響,因此,與經濟息

      息相關的政治也會受到影響。經濟下行的週期也會因為政治因素而推遲或提早發生。

太陽黑子對人類有影響與中國陰陽家的天人合一或天人感應理論相似。政治和經濟是人的活動,而人類無可避免受到星體(特別是太陽)活動的影響,所以太陽黑子理論可以預測世界政治和經濟的發展趨勢

應用於香港樓市

1997-1998年太陽處於極小期,香港於1998年樓市爆破;

2008-2009年太陽處於極小期,香港於2008年樓市由高位下跌約兩成半;

2018-2019年太陽處於極小期,估計香港樓市將於2019爆破(比最高位下跌超過三成)。

按照約11年的週期,第24太陽黑子週期估計於2018年底結束,2019年至2020年太陽處於極小期。然而,在2018年初開始,太陽黑子減少的速度比預期快。在2018年頭六個月,有超過一半的日子太陽黑子數目為零。因此,這一太陽極小期提早一年出現(2018),估計會提早一年結束(2019)。估計香港樓市會於2018年底開始下調,到2019年正式爆破(比最高位下跌超過三成)。

在樓市爆破前一年內,通常有股災甚至金融危機的出現。例如1997年亞洲金融風暴就發生在香港樓市爆破前。然而,股災或金融危機有時可以因為人類的活動(包括政府的政策措施或參與活動者的行為)而延遲出現。特別是金融危機,它可以在樓市爆破後才出現,從而令至股市遲過樓市跌到最低位。

 

運用《太陽黑子政治經濟理論》預測經濟走勢,必須評估人類的行為對經濟的影響,所以不能單純看太陽黑子的多寡。但太陽黑子的多寡仍屬主導地位,人類的活動只能夠推遲、加快或減低經濟下行的趨勢,不能改變這一物極必反的週期性現像。例如,香港樓價在2008年本應爆破(比最高位下跌超過三成),但因為在上一太陽黑子週期(第23太陽黑子週期)期間,香港樓市出現長達5年的熊市(1998-2003年),以致樓市只上升了3年便面對太陽極小期。基於2008年香港樓價處於約11年週期的低位,再加上人類活動的影響,所以只下跌約兩成半,未達爆破的程度。

 

2018年香港樓價處於約11年週期的高位,若由最高位下瀉,將超過三成,出現樓市爆破局面。所以,2019年香港樓市將會爆破,下瀉的程度將會非常嚴重。雖然香港人和香港政府吸收了過往樓市爆破的經驗,做了不少防禦措施(人類的活動),但這些防禦措施似乎不足(例如限制樓宇按揭借貸不能超過七成,未能正式落實),令到香港樓價處於週期的高位,因此,該些防禦措施應該不能抵禦這週一期的衝擊。加上2018年前半年超過一半的日子太陽黑子數目為零,相信2019年太陽黑子的數目也會較少。因此,這一週期香港樓價下跌的程度應該十分大,很大機會下跌超過五成。除非太陽黑子在這段期間大量增多,但這一機會甚微。

對政治的影響

太陽黑子開始大量減少,就已經對人類產生影響,從對世界政治和經濟造成負面的影響。太陽黑子大量減少(甚至減少到沒有太陽黑子),會令地球的人類出現陽亢。權力慾較大、志向較高、思想極端的人較易成為領袖。無論透過民主選舉或世襲繼承,這類人都較容易掌權。其實透過民主選舉更容易選出這類人為領袖,因為選民也會因為太陽黑子減少的影響而出現陽亢。他們傾向於選出一位激進的領袖多於選出一位溫和的領袖。因此,當太陽黑子減少,地球較易出現狂人領袖。在狂人領袖當權之時,較易出現經濟危機甚至戰亂。政治影響經濟,而政治是由人去主理的,人受到天體(在此專指太陽黑子)的影響,出現極端的領袖。極端的領袖(特別是大國的極端領袖),會對該國甚至世界的經濟帶來長期的影響,即使太陽黑子已經增加,該國經濟仍會受到負面的影響。所以有些地區或經濟體會出現長期經濟衰退,經濟衰退時間可以超越11年的太陽黑子週期。這就是人禍,現時的經濟學較忽視人禍,所以經濟上行和下行的預測經常出錯。在政治上,以往口出狂言及言而無據的人會被人唾棄,但在太陽極小期,這些人會得到一批支持者。在互聯網發達的今天,他們可以透過互聯網發佈歪理和集結一群思想激進的支持者。

實例一:希特拉是在1934年8月成為德國元首的,當年正處於太陽極小期。

實例二:特朗普是在2017年1月成為美國總統的。2014年初正是太陽極大期的頂峰,2017年初

               太陽黑子的數目已經由高位下跌了三年,但仍未達到極小期,理論上特朗普應該尚

               未獲得過半數陽亢選民的支持登上總統之位。但因為美國特殊的選舉人票度,使

               他險勝登上寶座。基於太陽黑子要到2020年才開始增加,所以在他的任之內,

               他仍然可以得到大量陽亢的美國選民支持。

 

對人類健康的影響

在某一領域稱霸的人物一般都會在太陽極小期去世。因為太陽極小期令人類的身體傾向於陽亢,患心臟病、癌症等病的人較易病發。在某一領域稱霸的人物氣場較強,即使體質屬涼底的人因其成就而氣場增加(因為氣有助陽氣的提升)。在太陽極小期因陽亢而容易病發身亡。根據中醫理論,溫煦陽氣較寒涼陰氣更能令人延續生命,但若果某人身體機能已衰,根本無法接受過度陽亢之氣(虛不受補),所以較易病亡。尤期在太陽黑子數目為零的日子,身體虛弱並且在某一領域稱霸的人處於高危。在某一領域稱霸而又年老體弱的人能否避免於太陽黑子數目為零的日子逝世呢?答案是可以的。上文已指出人類的活動可以減少或改變太陽極小期的影響力(例如香港2008年樓市下跌較少,未達爆破的程度)。在太陽極小期,在某一領域稱霸的人只要減少性溫的食物,減少被陽光暴曬,少動多靜,情緒上需以寧謐為主等等。則有機會在太陽極小期避過一劫。

問與答

:不是說年老體弱的人較易在冬天逝世的嗎,為何人們傾向陽亢反而較易病逝?

 

答:在太陽極小期(一般維期兩年),因為人類在這段期間較為陽亢,所以年老體弱的人在冬天也不易病死。他們反而在天氣較溫暖的日子(夏秋期間)病死或病發。因為全球暖化或其他原因,有時到了農曆十月天氣仍然和暖,年老體弱的人仍未渡過難關。相反,在太陽極小期以外的日子,因為人類的身體沒有受太陽黑子數目較少的影響而出現陽亢,所以體質偏寒的長者在冬天會較易病逝。

 

:為何太陽極小期會令人類陽亢?

太陽黑子是太陽光球上的臨時現象。它們是由高密度的磁性活動抑制了對流的激烈活動造成的,在表面形成溫度降低的區域。雖然它們的溫度仍然大約有3000-4500K,但與周圍5780K的物質對比,它們就顯得暗淡,外觀為黑點。激烈的磁場活動顯示,太陽黑子會導致次一級的活動,例如冕圈再聯結事件。大多數的閃焰日冕物質拋射都起源於可見到黑子群存在的磁場活動。太陽黑子活躍時會對地球磁場產生影響,主要是使地球南北極和赤道的大氣環流作經向流動,從而造成惡劣天氣(例如颱風),使氣候轉冷。相反,在太陽極小期地球的氣溫會比太陽極大期溫暖,人類的身體也會變得陽亢。但陽亢的程度會因人因地而異。在北半球,生於北方的人(或祖先來自嚴寒地區的人)通常傾向於陽亢(俗稱熱底),陽亢最甚者面部通紅,人也較勇武和不怕死。在太陽極小期之時,這些本來就比較陽亢的人會顯得更為陽亢,會傾向於以武力服人和具侵略性。在中國歷史上,隋朝時北方政權的領導人比南方政權的領導人勇武,結果一統天下。唐朝李氏也是北方人,同樣以勇武見稱。

 

:近一百年全球變暖,人類會否更為陽亢?

:會!近一百年人類確實比較陽亢。全球變暖令到太陽極小期對人類的影響增加,人類比上一世紀更為陽亢,勇武和具侵略性的人較易掌權。因此,在二十世紀(1900-2000)人類死於戰爭和各種人禍特別多(遠比上一世紀多)。近數十年環保人士推動減排,是值得支持的,因為全球氣溫下降,有助減小人類陽亢的程度。

問:除香港樓市之外,太陽極小期對其他地區(特別是中國大陸)是否有同樣的影響?

待答......

13. 香港土著 2018-11-15 11:23:28
香港市政府唔敢同地霸結怨,哩點絕對認同。但阿爺閹地霸,哩個決心唔可以睇小。作為新界土著,感受比較深...
14. 皇家工就冇咁輕鬆 2018-11-15 11:24:52
2047 前後是硬融合, 業績期已經開始左, 到時你處冥已經報到, 維持港人原有生活方式不是三十年前功德而是三十年後罪名, 今日之卒仔到時是大官, 仲諗住去服侍大錢袋?
15. 半路出家 2018-11-15 11:33:43
退休大賓唔係包埋乸高衫袖淋紅油嘅咩?
16. 鳥5 2018-11-15 11:51:23
條數冇咁快round, 個九個都話自己啲客靚... 頂    道出事 起碼兩個回合, 出年年尾 約12個月後。。。 先有嘢睇,
17. 鳥5 2018-11-15 11:56:55
美國06樓價見頂 07尾先見 爆大鑊
18. 鳥5 2018-11-15 12:00:01
最後一個銅錢 ,根本係..... 流
19. 十郎 2018-11-15 12:02:09


      我想講下 , 老千 , 老千 , 老千 , 老千。

      我地心中好憎老千 , 佢地正乞兒 , 冇飯食 , 衣衫襤褸 , 係唔係 ? 錯了 ! 老千個個都身光頸靚 , 最少都有隻勞 , 一身名牌碼頭 , 邊個敢話佢老千 ? 老千都有分大細 , 細個d通街跑 , 大老千就大班房坐定定 , 我可以講銀行裏面都有呢種野。

      舉個例 , 幾個月前的279 , 一日內由2元跌到兩毛 , 再跌到現在4仙 , 幾年前旗號係由分別是一個姓廖及一個姓鄭的富三代持旗。我點解知道 ? 因為我走得快。

      亞爺點樣對大春代 ? 我想用韓國對三星作借鏡。我唔信大代做到鐵桶一樣。

20. 個九個都話自己啲客靚 2018-11-15 12:04:51
客係你帶黎嘅, 貓尾梗係你繼續扯。
21. 自信 2018-11-15 12:05:28
地霸呢10年真係汪洋大盜,唔好以為可以全身而退,亞爺發火,非同小可。
22. 亞爺點樣對大春代 ? 2018-11-15 12:17:49
逆遞解出境? (ie 遞解入境)
23. 鳥5 2018-11-15 13:17:04
十 哥哥 ,我好明白你心中怒火, 老千同受害人 ,係一種互動關係。。。 你可以話 老千嫌太多 。。但亦可以講傻仔週街係老千唔夠貨。。。 習生所講嘅 打鐵還需自身硬。。。
24. 鳥5 2018-11-15 13:25:41
(老闆,我 連累 你high咗嘢)。。。 以上對白我從未聽過有個夥記可以同老闆咁講。。。why? 呢個係智慧題,唔係iq題,唔係數學題...
25. 引刀一快 2018-11-15 13:44:27
呢D“實業家”,大陸等住死一大片,十個廣西天坑都埋唔嗮。
26. 鳥5 2018-11-15 15:10:49
嗰啲議員先至係問題。。。。 十個為民 請 命, 九個靠害。。。
27. 呢個係智慧題 2018-11-15 15:27:04
老闆, 你帶領我地 high 左野?
28. 十郎 2018-11-15 18:31:01


      23樓鳥兄 ------ 我自比諸葛亮 , 唔係足智多謀 , 係一生謹慎。我又路不拾遺 , 理應好難有老千埋身。但1990年 , 我唔聽厚黑學李宗吾教訓 , 給人千左十萬蚊。

      話說80年代 , 我有炒外匯加倫敦金(呢d真正係買空賣空 , 賭白頭片) , 有一次端午節前一日 , 我沽空三張日元 , 到端午節假期已經輸8萬元 , 但是假期冇得平倉(好似現在d樓一樣) , 唯有焗坐。第二朝復市 , 嘩 ! 輸兩萬咋 , 即刻平倉投降。我靜下來想想 , 認定呢d賭法 , 長久必輸 , 就結束戶口 , 洗手不幹。

      過了兩年 , 有舊書友搵我 , 佢話有老細叫佢主持一間新開的炒匯公司 , 老細係般屋銀號太子。我心諗你講乜9都冇用 , 我唔會落阱 , 唯獨想幫同學以壯行色 , 開個最低十萬戶口 , 最多唔做買賣就是了 , 誰知不出半月, 間野摺埋。損失十萬元 , 那時買一間300多呎新翠花園都係50萬。呢d就係用好猛後台來千你既動作。

      我真係後悔冇聽厚黑學李宗吾老師話 : 與人方便 , 即係與自己不便。



29. 鳥5 2018-11-15 19:41:44
林鄭條數就好似計啱 ,綠置居六千二蚊呎石屎價含五成五, 買咗都夠錢生仔, 政府都仲有四成 錢執
30. 鳥5 2018-11-15 19:43:57
已而家五六百萬兩房, 畀最首期上車 40歲先夠。 生得濟呢50。。。 咁試問三十年後邊度搵到傻瓜接貨呢 ?都冇仔生...
31. 鳥5 2018-11-15 19:46:07
個個諗住我100萬入 七百萬 買畀你個仔退休 你個仔又七百萬接諗住4900萬俾你個孫 但係最後三個家族得一個孫 咁你話啲樓又值幾多錢呢?? 今日日本 30年後嘅香港
32. 鳥5 2018-11-15 19:48:19
唔好諗住三十年後有個大陸傻瓜接你放 大陸而家都玩到成身係
33. 鳥5 2018-11-15 19:50:05
係時候瞓醒啦香港人
34. 鳥5 2018-11-15 21:14:39
十個唔好咁介懷琴日發生嗰啲嘢影響到今日嘅理自決定... 不過在下都可以講件事畀你聽睇下你睇唔睇到一啲嘢..... 搏擊同武術分別之處. 一個係你打低人... 一個係協助對手打低佢自己... 你嘅對手比你更加了解你... 對嗎
35. 鳥5 2018-11-15 21:16:36
了解自己方為王道... Holding power 一詞
36. 望東樓 2018-11-16 00:13:10
老鳥,31號貼完全係我嘅心聲。我presume你係講緊inflation adjusted嘅回報。

我查實無興趣考慮樓市聽日或者下個月又或者出年升定跌,只係問自己呢度入市有幾多up side又有幾大down side。好似嚟到普通人一個月收入只係夠購買壹、兩尺,如果唔係就係靠上一代嘅水位試問up side又有幾大呢?
37. 鳥5 2018-11-16 01:57:53
36/F, 爆咗煲 ... 八成人贏錢 兩成人輸錢 嗰兩成人而家行到 啱啱開始... 政府目標 供款家濟能力, 五成目標 四成救市 ... 計數大約樓價 反08至09年 咁講會唔會好白... 而家講緊係人類最大嘅資產泡沫
38. 反08至09年 2018-11-16 09:22:08
鳥哥,好似一直都有人話只要 keep 住供款便不會 call loan,所以冇有怕,啫係跌到零都唔怕。
39. 亞Q 2018-11-16 13:28:18
係金管局對銀行的訓示 ! 樓貸客 keep 住供款便不應 call loan。
40. 金管局對銀行的訓示 2018-11-16 15:19:36
冇錢還幾耐先 call 同收樓?
41. 冇錢還幾耐先 call 同收樓? 2018-11-16 17:11:24
中原估價指數跌穿10點 紀錄第二次 上一次撞正人幣貶股市冧

錢莊是否放數, 視乎貨幣增長速度預期, 大家唔俾生意對方做, 創利的空間已經沒有了, 連帶增量的源由也沒有了。
賣身有 first legal charge, 但卡數同十按財仔數一樣, 借款人要更頻密 update 入息了。
錢莊驚起上黎, 估唔足放唔足, 即是信唔過借款人個膽, 直接影響價錢。
通常啲人冇錢還會碌卡填, 頂頂卡碌人情卡, 之後是無卡。
冇錢還卡數可唔可以觸發 call loan 呢?