地產博客 > 文亮言 返回
瀏覽人次:28504    回應:17
文亮言

慎防財仔金主追數令樓市爆煲

 

湯文亮博士

紀惠集團行政總裁
2018年8月16日

  有兩個開財務公司朋友無事不登,專程到公司搵我,原來是問我借錢,大家可能有點奇怪,財務公司只有借錢俾人,點會問人借錢,其實,如果沒有其他人借錢俾財務公司,以香港財務公司的實力,又點會有那麼多錢可以借俾人買樓,而事實上當外國資金進入香港之後,大多數會借給香港財務公司,很少做其他生意或者投資,或者可以叫那些外資是財務公司的金主,現在中美貿易開戰,特朗普威迫利誘希望各地美資回朝,存放在香港的也不例外,昨日港元又接觸到弱方保證,金管局要接20多億港元,這證明外資正在離開,便要向財務公司追數,影響所及,財務公司的資金便有壓力,他們除了少做生意之外,更加會向客戶追數,這亦是最近有投資者哂冷式出貨的原因。

  財務公司除了少做生意之外,更會尋求香港財團支持,代替即將離去的外資金主,老實說,我相信是比較困難,中美貿易陰霾不定,利息又正在上升,即將進入現金為王的時代,稍後甚至會物賤鬥人窮,將會有很多優質樓盤可以慢慢揀,又怎會有人願意做財仔的新金主,開財務公司的朋友問我借錢,我只能話力有不逮,他們亦沒有辦法勉強,但我在直覺上認為,今次財仔幕後金主追數,最終會令到樓市爆煲,我並不是危言聳聽,因為這幾年買樓的業主很多都是問財務公司借錢上會,直接令到銀行的生意不足,不能夠將利息上調,甚至不能跟隨美國加息,隨著財仔幕後金主離開,資金收緊,樓市即將有壓力,長升之勢即將落幕,爆煲或者是誇大的說法,但個人理財,在預見將會風高浪急之下,穩陣一些總比較好。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 巴 2018-08-16 09:44:32
爆煲係好事

咁離地既樓價,早爆好過遲爆

升得越高,傷得越深
2. 引刀一快 2018-08-16 09:44:52
君子不立危墻之下,咁嘅環境當然唔值得孤注一擲。

中美貿易戰,其實中國完全有最後勝利嘅條件,就怕冇必死決心。
因為兩敗俱傷之後,中國人點都捱得過鬼佬。
3. 鳥5 2018-08-16 10:17:31
博士所言甚是
4. 鳥5 2018-08-16 10:20:08
美國1O月開始收債提速,由每月400億娈5OO億。。。
5. 真真薯片 2018-08-16 10:29:33
財仔既生意模式,係伙拍早買樓業主打劫冇買樓但有中高收入既用家,正苦同地霸就幫手收緊供應配合,令高收入用家冇得揀只能高追幫財仔埋單

早買樓業主多數只係好彩,早年因為有實質需要,2-300萬買入自住樓,依家升到700,自覺係富翁,但收入普通,於是打個電話,唔洗露面,即刻過數幾十至過百萬,過返幾年富翁翻活,到最後,財仔幫業主高價放貨比高收入用家,結論係,高收入冇樓用家幫早買樓業主埋單,財仔從中分享到樓價升幅,所以樓價升幅就係財仔既收入來源,無論咩情況財仔都要保住樓價升,樓價一跌,成個生意模式就玩完,另一個依附樓價升而生存既行業係按揭中介,規模同樣巨大,一樣係樓價一跌就冇得做,所以呢度好多人都按受唔到樓價跌既言論
6. 十一哥 2018-08-16 11:43:40
真真係比真真吹到忍唔住…出………聲、早買萬歲…有銀無罪、呷醋都唔好話人早買係夾埋打劫、真真遲買…以在上專業及負責任嘅論點…結論確定真真係關乎智力問題、唔關好唔好彩。

7. 自我陶醉 2018-08-16 12:30:15
十一哥

咁你即係兜個圈話高價入市嘅人弱智啫! 說話要小心啊! 哈哈哈!
8. 真真薯片 2018-08-16 12:51:22
自醉兄,佢想人身攻擊我者,我只係個網名,冇乜所謂,我既論述是否中肯,大家睇完就算
9. 大淡亮 2018-08-16 13:34:19
正確
10. 自我陶醉 2018-08-16 14:12:24
薯片兄

中肯啲講,如果買來是自用,時機有時真係同運氣有關,剛結婚、生仔而買樓,又碰上樓市低潮,那就是好運,唔洗懶叻。相反,結婚時剛遇上大牛市未段,那就有點運滯了。 就好似啲人去英國留學一樣,英鎊15.8去,同10蚊先去,費用就差得遠了。若然是投資而非自用的話,出入市位的確係判斷力的考驗,當然也會有運氣成份。

11. 真真薯片 2018-08-16 14:31:28
自醉兄,其實運氣與否唔係重點,我既論述重點係財仔通過借錢衹手上有賺價樓宇既業主,賺走樓價升幅,最後由用家埋單

唔知點解有d人一睇到運氣就集中針對呢樣呢講,我只可以話某d人思想狹隘
12. 十一哥 2018-08-16 14:46:20
醉哥      智力…可高可低、可強可弱、弱唔一定蠢…強亦未必精、timing一切都係timing、弱智所以有銀衹敢買磚頭、鈍鈍地自知大隻蛤乸捉唔到、精人嘅論述…唔同層次冇有識、講投資當聽故事…戥人高興真係幾開心、弱智就冇得心動…超人識飛天…學就解脫飛升。

13. 十郎 2018-08-16 23:15:18


      炒孖展既遭遇都係咁架啦。

      琴日隔鄰果個比人挾淡倉挾到傻左既大叔 , 又再唱祝壽歌。

      恭祝你樓價與天齊 ,
      祝賀你今年快落 , 
      年年都有心實 , 
      歲歲都有心焦 , 
      供死你呀 , 供死你 !

14. 想多了 2018-08-17 00:43:28
香港過去十年的樓市大升浪始於2008的金融海嘯。今次的危機如果真的大鑊,阿爺絕對不會讓中港樓價大跌,滿足侵侵的欲望。

曰夜朌望樓價大跌7成的人,恐怕又會大失所望。
15. 人仔 2018-08-17 00:56:22
人仔明年有機會跌到10算,變成同港元一對一。從8算跌到10算,去年買了港樓的同胞賺滙水都賺25%。

投資港樓,一賺滙水,二賺樓價升幅,三賺咗資金泊了在香港。醒目!

林鄭看來要考慮加BSD了。唉!
16. 十郎 2018-08-17 07:57:25


      有型的手不敵無型的手, 是經濟市場的常識吧 。如果習大大能夠指揮一切 , 連經濟 ; 樓價 ; 物價 ; 債務 ; 股市等都可以隨心所慾 , 這樣中國人仲擔心d乜野 ? 一於大飲大食大洗就可以了 ! 美國人炒爆了 " 次按 " , 印下銀紙 ; 攪下低息就安然過關 ? 這樣的話 , 世界那裡還有危險 ? 傻仔才信世上有 " 伊甸園 " !


17. 腥港人 2018-08-17 09:58:13
如果有朝一日國家隊入市救股樓,就真係樓價仆直之時。以國人嘅愛國心,絕對會踩多兩腳。