地產博客 > 文亮言 返回
瀏覽人次:23038    回應:16
文亮言

港鐵做假反證高薪不能養廉

 

湯文亮博士

紀惠集團行政總裁
2018年8月13日

  有老友見我終日無所事事,不但寫評論地產文章,而且連評論足球都撈埋,究竟我這個管理幾百億資產的CEO怎樣做,收兩三千萬年薪是否有愧於心,不過,高薪亦有高薪的好處,我恐怕掉了份工,所以什麼事都要揸正嚟做,此所謂高薪養廉。

  老友不明白CEO工作,做CEO千祈唔好太忙,因為CEO的工作並不是做嘢,而是處理,當其他同事有困難的時候幫他們處理,如果連CEO也處理不到,應立刻上報董事局,所以,CEO太忙反而不是好事,代表他要處理的事情太多,由此推算,我這個懶到無倫的CEO反而是一個稱職的CEO,老友話俾我吹脹。

  其實,CEO亦要分進攻性以及防守性,做進攻性CEO雖然不至於六親不認,但也不應該太有人情味,港鐵現在處於全攻型時期,一定要搵一個全攻型而又樣衰的做CEO,任何地方發現問題除必須立刻處理之外,亦要有人問責,在全攻的時候搵一個好人做CEO,萬事也以和為貴,就算出錯,都唔好要同事問責,事關那些同事都是家庭收入支柱,掉了工作,那些人的家庭財政就會出現問題,久而久之,問題就會多到解決不了,今次港鐵事件,出事的地點接二連三出現,這就是一個好人做CEO的最佳例子,其實,做CEO亦要明白,對人仁慈就是對自己殘忍,這是做一個合格的進攻性CEO首要條件,至於做一個防守性CEO,表面上是遊手好閒,但實際上要關注到每一件事,令公司可以順利運作。

  今次港鐵做假,沒有證據顯示任何貪污情況,但反證高薪並不一定能夠養廉,港鐵CEO年薪1,500萬,比金管局總裁還要多幾百萬,由此推算,陳總的人工應該低於水平,不過,陳總經常被人話人工太高,現在來看,港鐵CEO的人工實在太高,除了CEO之外,港鐵工程總監亦有800萬年薪,照理應該是高薪養廉,但由於太高薪,當他們發現問題出現,反而不敢上報董事局甚至向社會公開,得過且過便算數,他們擔心一旦公開之後,有機會失了一份高收入工作,即使知道有失誤,都會任由情況繼續壞下去,直至失控,不得不公開為止,今次事件,政府應考慮如何管理公私營機構的運作,高薪並不一定能夠養廉。

 
 
我要回應
我的稱呼
回應 / 意見
驗証文字
 
回應 / 留言規則
  1. 禁止撰寫粗言穢語、誹謗、渲染色情暴力或人身攻擊的言論;
  2. 禁止以名稱/暱稱/綽號/同音字等批評或映射任何人士、機構、公司;
  3. 禁止發佈有關招聘、推銷、廣告等內容;
  4. 禁止公開任何個人資料(如電話號碼、電郵地址、即時通訊帳號等)。

敬請留言者自律。本網站保留刪除/堵截任何留言的權利。

會員登入
登入ID 或 網名
密碼
1. 十一哥 2018-08-13 09:28:55
皇帝點解要做寡人?對個人家庭關心?而有損社會、正係腐敗嘅根源、婦人之仁……留喺屋企!


2. 真真薯片 2018-08-13 09:29:22
點會冇貪污,冇動機既話使乜做假?唔貪錢唔通貪你靚仔?大不了係延後輸送利益或者係第二度科水,一定要報icac翻轉晒d戶口黎查,查完之後無論有冇事,以後就冇人敢貪污啦, 國家主席話明,打貪唔可以手軟,林鄭聽到未?
3. 雙重才是標準 2018-08-13 10:08:11
管理層主動上報問題都要驚豉椒炒魷,咁個board都茶瓜送飯。

今次港鐵事件,唔似單純發現問題不上報咁被動咁簡單,否則層層管理都發現唔到?早至地基工程階段嘅問題要到工程尾段才爆鑊?而且已知涉及車站達沙中綫四成車站咁廣泛?

掉番轉就差唔多,即問題由下揭露,不斷被制止,而且命令係主動由最上層落命令。
4. 向泛民说不 2018-08-13 11:09:42
真真真系法官。
5. 向泛民说不 2018-08-13 11:50:08
3楼,你想多啦,如果是上层隐瞒,爆料者一早爆出来。

搞工程的一直都有执生文化啦,吾系边有效率。大部分执生又点会上报啊。

这些都是香港人的传统,也是香港成功的原因。不要咩都赖回归。

以后的工作procedure,肯定是更加官僚啦,换一支光管,都要几个人签名。好像欧美那样,以后所有工程都会系天价。不过不保证质量。

6. 真真薯片 2018-08-13 13:45:27
香港工程價錢早就貴過晒歐美日
7. 向泛民说不 2018-08-13 14:32:10
真真,请拿出证据来。不要当自己是专业人士。

记住是apple to apple比较哦。不要将地下和地上比较,饭民狗最喜欢出这招。

欧美建筑肯定超过香港很多啦,傻仔,因为他们工会非常强大。天气太热吾做,太冻也吾做,加上耐吾耐又要罢工。不可能比香港平。
8. 十一哥 2018-08-13 14:55:19
老飯      香港成功…全因本質係…地方細…賭場大…抽水錢好easy、成班圍標大賊嚟…佢地荷包就成功、唔關藍色定黃色…係賊一定要捉、話之披咗七色彩虹都要落鑊。

9. 真真薯片 2018-08-13 15:18:15
香港建築成本續貴絕亞洲 促數碼方式解決

http://www2.hkej.com/instantnewsMob/hongkong/article/1849332
10. 真真薯片 2018-08-13 15:24:25
http://www2.hkej.com/instantnewsMob/hongkong/article/1849332
11. 事後孔明 2018-08-13 16:50:46
放心啦。高鐡帆哥大勝, 比條沙中泛民玩吓。高䥞開通, 馬爺再三quit and accepted. 帆哥問責。戲就完。
12. 向泛民说不 2018-08-13 17:08:20
薯片,都叫你Apple to Apple,东南亚人工平,点比啊。
13. 真真薯片 2018-08-13 18:31:08
向飯,你識唔識字嫁?份報告講全世界主要城市,第一二名紐約三藩市,第三香港,定係你細個冇讀地理以為紐約三藩市係東南亞?

即係話香港貴過全歐洲,澳洲,日本啊,仲死撐,成手都係沙啦
14. 香港土著 2018-08-13 19:02:56
香港起鐵路貴絕全球,應該點樣解析呢?可能係全世界人都比美國佬洗腦... 真係要聽下向飯高見。
15. 真真薯片 2018-08-13 21:37:43
土著兄,我仲等緊向飯出黎搶返最後果句嫁,你唔好咁快篤爆人啦
16. 十一哥 2018-08-14 00:01:34
再重伸之前論點、公務工程由設計標書已經開始操控、簡單就寫到複雜、明可以一腳中籠…就要求左穿右插、自己友中標…走棧執生空間自然海濶天空、outsider中標…就要執正做足…冇得…執生走棧…收貨就點做都錯…玩到生不如死、成個團伙…以專業人仕排陣、有AP劃押…正苦就當mission accomplished、當下公務工程單單天價、起條行人天橋都步步萬金、相對所謂高薪…19條牛一條毛啦!
反派就盲毛外行…反到離題…淨識講色彩、比人覺得好似…阻住地球轉、建制就安插咗好多業內利益人仕、以專業嚟打單擋、11哥~以專業又負責任咁講…香港公務工程係全世界最很貴嘅 !